بقلمي : مريم الـثامر
خصلة شعر
قراءه ممتعه
____________________
قد هُزمنا من الاصدقاء ومن الاحبه والأقرب إلى قلوبنا ومِن من كنا نظن بيهم خيرًا لم تأتي هزائمنا من الأعداء أبداً ...
-ذوالفقار : يولي بنتي تعاي نلعب تحدي
-روسلين : ادري بي يعرف بيا ضايجة ويريد يونسني
وگتلة تمام خلنلعب
-ذوالفقار : اول شي دورج
-روسلين : خووووششششش اجاك الموت ياتارك الصلاة هههههههه
-ذوالفقار : ياستار ياربي
-روسلين : راسل اعز صديق عندك وگلة انت صدگ هيج تسوي بيا وحط علامة استفهام واقفل الموبايل
-ذوالفقار : سهلة هاي دشو انتي هاج الفون وطلعي اسم مصطفى واكتبيلة
-روسلين : تمام طلعت اسم مصطفى وكتبتله وقفلت الفون
-ذوالفقار : دوري بس بما انو انتي بديتي بالسهل راح ابدي وياج سهل
-روسلين : ديلا
-ذوالفقار : شايفة هاي السيارة الي يمنه
-روسلين : اي شبيها
-ذوالفقار : بيها نسوان ارفعي ايدي واشريلهم بيباي
-روسلين : تمام سهلة صفرت وسويتلهم بيباي وباوعتله ها خلصت فضت راحت
-ذوالفقار : معرفتج سباعية والله دورج
-روسلين : خوش انزل من السيارة ورح لهذاك الرجال وگلة الحمدلله شفتك مرة ثانية وارجع للسيارة ونشرد منا
-ذوالفقار : هسة الرجال راح يشك بنفسة
-روسلين : معليا والله عود اني گتلك
-ذوالفقار : يالله ربي يستر
نزل من السيارة وراحلة وگله ورجع عالسريع والرجال بقة صافن متت ضحك عليه
-ذوالفقار : تضحكين عليا مو اني الج شو نزلي من السيارة وروحي بنص هذني البنات واصفني بالسما باستغراب وافتحي عيونج على وسعهم
-روسلين : اهوووو معليا
-ذوالفقار : اشم ريحه خسارة
-روسلين : لاه لاه هسة انزل راقبني
-ذوالفقار : خل نشوفج
نزلت ورحت سويت مثل ماكلي وكلمن انتبهى عليا صار يباوع للسما ويباوعلي شويا ورجعت للسيارة وذوالفقار يضحك
-روسلين : عابت الحلگ
-ذوالفقار : عبالهم مسودنه هههههههه
-روسلين : كافي بعد منلعب
-ذوالفقار : سكت وتبدلت ملامح وجهه وصفن بيا وگلي بنيتي
-روسلين : مممم
-ذوالفقار : تجين
-روسلين : وين
-ذوالفقار : تعالي نگعد سوى بعيد عن الهوسة والناس
بعيد عن الدنيا وضيمها اخلي سماعة بأذنج وسماعة بأذني ونسمع اغنية شمسين ولمن يگول من احضنك احضن الدنيا بأيدية اصفني بعيوني وگليلي وغالية عيونك عليا نسهر سوى ليمة تشرق الشمس ولاتسولفين انتي خلي عينج بعيني وعينج هيا التسولف ولمن نروح اكلج بسرعة صاير الوكت يخلص وياج
-روسلين : ذوالفقار انت الشخص الوحيد الي داريت گلبي وفهمتني وعندك وعي أن الدنيا مليانه ظروف تخليني بمزاج سيء وانعزل عنك ومن اجيك اشوفك بنفسية وصدرك مرحبين بيا
-ذوالفقار : هذا واجبي المطلوب مني اظل لطيف معاج عبن انتي عندج أو جان عندج ضغوطات واني حياتي كنافة بالقشطة
-روسلين : اسئلك سؤال ولو هو مو من حقي
-ذوالفقار : كلشي من حقج واسئلي التردي
-روسلين : عندك رسالة مطعجة من منو هاي الرسالة
-ذوالفقار : اني ماحب اخبي شي كلشي احبه يكون عالمكشوف باعي اني جنت احب بنت خالتي وخاطبها گبل وجنت احبها أكثر من روحي ومن صار حرب داعش والتحقت اني هيا تزوجت ومصبرت عليا واني عفتها على راحتها بعد ماخلصت الحرب هيا صارت وياها مشاكل ويا رجلها وتطلگت وصارت تتوسل وتبجي عندي نرجع مثل گبل بس اني من اطلع شخص من گلبي بعد مستحيل ارجعة لـحياتي لو يكلف عمري كله مستحيل ارجعها
-روسلين : شفتها بيوم الحنه جانت تگول اني اولة اصير جنتكم
-ذوالفقار : معلينه والرسالة جنت ناسيها من نرجع للبيت طلعيها احرگيها شو تذبيها بتواليت معليا اني
-روسلين : ابتسمت وگتلة تمام
-ذوالفقار : شعور حلو من تكتفي بشخص واحد لدرجة ان تفقد رغبتك بكلشي حولك بس علمود هو معاك
-روسلين : وانت مكتفي بـمنو
-ذوالفقار : اكيد مكتفي بيج روس بنتي وحدها لاشريك له
-روسلين : اوعدك راح ابقى حبيبتك وبنتك واختك وصديقتك وروحك وقلبك واحتويك واحضنك ونعيش الايام سوى بحزنها قبل فرحها واكون لك ومعاك بالسراء والضراء يانبض قلبي وابويا وزوجي ومعلمي وكلشي حلو بحياتي
-ذوالفقار : بما انج سئلتيني خلسئلج
-روسلين : اسئل
-ذوالفقار : شنو سر اغنية شمسين هيج تحبيها
-روسلين : سند جان يحبها كلش وگلي شگد ماتشتاقلي غنيها
-ذوالفقار : شنو قصته اخوج
-روسلين : تصدگ اذا گتلك مدري بس راح احجيلك الي اعرفة سند من عرف بسالفة نرجس وعرف اني مو اخته طلع من البيت بعد مالگيناله اثر
-ذوالفقار : اجيبه لو جان من جوى الگاع
-روسلين : صدگ دتحجيييي
-ذوالفقار : اي والله بس صبري عليا شويا
-روسلين : فرحتني كلش
-ذوالفقار : هسة عوفي كلشي على صفحة وامشي ويايه
-روسلين : تمام
نزلنه من السيارة وردنا نعبر الشارع وسيارة رادت تدوس عليا
-ذوالفقار : اشبيك عمي هو اني شعندي غيرها
-العم : اعتذر ابني
-روسلين : باوعتله وعيوني تلمع وحسيت بشعور غريب
رحنه لـمكان كلش حلو وهادئ وگعدنا والجو هدوء
شعور حلو من تشوف شخص نفس جوك ونفس تفاهتك ويفهم عليك بدون متحجي وتشرحله شبيك و٢٤ ساعة يسولف معاك لو ماعنده سالفة يخترع سالفة ومايمل من كلامك ولو نعسان ماينام علمودك وينسيك شي اسمو ضوجة وتحس انك ملكت شي غالي وثمين وماتگدر تفرط بي وتعوفة ويعوفك الشخص الي عوضك عن كل الاشخاص الي خذلوك مدلي ايدة ومديتله گلبي غصباً ماعليا
-ذوالفقار : ها بابا مرتاحة
-روسلين : اي
-ذوالفقار : ممحتاجة شي اجيبلج
-روسلين : لا
-ذوالفقار : مارايدة شي راسج ميوجعج مجوعانه
-روسلين : باوعتله وگتله گلبي ما رايد غَريب يريد گلبك
گلبي تَعبان ويحبك
-ذوالفقار : باوعتلها واريد بگلبي اضمها اترك هوى الدنيا وهيا اتنفسها ملامحها البريئة الطفولية خلتني اعشگها وكل ماتغيب عن عيني اتلهف لـشوفتها گلتلها يابنت گلبي احبج انه من اگول احبج يعني مو بس اني احبج عيني تحب شوفتج وگلبي ينبض بأسمج وبروحي ضامج ياروحي وعمري ومن اگلج ياعمري مو معناه كل عمري انه عمري بدء من شفتج لگيت بيج الضاع من عمري وضعت بيج
-روسلين : بس اني مرات يصير عندي اسلوب استفزازي يخليك تكرهني
-ذوالفقار : وعندج حنية و طيبة العالم كلها
-روسلين : وعندي تجاهل يخليك تشك بوجودك عندي
-ذوالفقار : وعندج حب ما تلكاه يم احد غيرج اخذ الي اريده بين قوسين بأسلوبي
-روسلين : بضبط
-ذوالفقار : مانعستي
-روسلين : بلي والله
-ذوالفقار : خلي راسج على گلبي ونامي
-روسلين : منروح عالبيت
-ذوالفقار : لا نبات هنا احسن
-روسلين : تمام لعد خل نام
-ذوالفقار : تمددت وحضنتها وانفاسها على صدري
-روسلين : بابا
-ذوالفقار : عيونه
-روسلين : الاحضان كُلها خوف الا حضنك كُل آمان الدنيا بي
-ذوالفقار : شحجي هسة كل الكلام قليل بحقج ميجيب نص حبج بگلبي يا بَنفسج روحيّ
يا بنتي الأحبها احبج يل حبج يكبر بكلبي بكل ثانيه
-روسلين : هل من المعقول اكو احد يحبني أكثر منك
-ذوالفقار : محد حبج بگدي لتقنعيني ولا تگليلي
-روسلين : كُلش يهمني من احس رُوحي اهمك
و حيل اتشجع انه بخوفك عَليه
نظرة عيونك آمان يحيط بيّه
-ذوالفقار : روس
-روسلين : اممم
-ذوالفقار : عندي واهـس بيـج حتى رمـوشج احسبهن
-روسلين : يَ بعد رمُوش عِيني وجفَني والعين
-ذوالفقار : شرد اكلج
اني روحي بلايج روحگ لا نفس يصعد ولا گلبي يدگ
-روسلين : ايدي اخليها اعله شفتك
وانهي كل سوالفك
وابدي اگلك يا حَبيبي
بوسني بكل كل حيل ماي شفايفك
-ذوالفقار : روس اريد شغلة
-روسلين : عيوني لو تريدهن انيطك
-ذوالفقار : ما أريد هواي أطلب بس أشمج
-روسلين : گلـش هيـچ
-ذوالفقار : مو شامهَ چَنهآ ألَليل بِچِتفج
رگبتها عرگت منها والهيل انخلق
هم راح تعوفيني
-روسلين : انت روحـي وياهو اليگدر يعوف روحة
-ذوالفقار : أشمج شمة المهضُوم روحة عالمكتول
-روسلين : شمني على كيفك شمـة النعناع
وضمني على صدرك ما احب الگاع
- ذوالفقار : ع صدرچ أعيشن ليلة المعراج
-روسلين : ضلعي
-ذوالفقار : روحه
-روسلين : خليك ضامني ع صدرك حـيل الــناس اذتني
-ذوالفقار : اتمنى لو يگف الزمن ونبقى هيج ومنتحرك ابد
احلى نومة نمتها واني بحضنك غفيت واني صوت گلبك يدگ بأذني
حبيبي عند الحب وصديقي عند المزاح ونجمي عند العتمه وحيد قلبي وكل البشر في وحدتي هو حب عمري وسبب ابتسامتي
_______________
لـلحكاية بقية
لاتنسون التصويت+متابعة للحساب
أنت تقرأ
خصلة شعر ﴿الأصلية﴾
Misterio / Suspensoقصة بنت بعدها بداية عمرها تكبر ١٠٠ سنة وينهد حيلها وهيا بعدها بعمر صغير وبسبب خصلة شعر تتغير حياتها وتخسر هواي عزاز وتفقد الأمل بالحياة وتنكسر "خيبة أمل وخيبة روح" وبيوم من الأيام دخل لحياتها وازهر كل شي من دخل عالمها وكل شوارع روحي المعتمة وجهك ص...
