خصلة شعر ﴿الأصلية﴾

﴾part"35"بارت٣٥﴿

بقلمي : مريم الـثامر
خصلة شعر
قراءه ممتعه
_________________
-ذوالفقار : صباح الخير ياكل ﺣﺣـالي
-روسلين : ‏صباحي أنت وكل صباح معك هو حياة
-ذوالفقار : رمـوشج المفروض كل  صباح تنباس
-روسلين : ‏صباح الخير يا سيّد الملامح ماخذ گلبي
-ذوالفقار : روس صدگيني ماچانت النية حُب بس والله هي مو بكيفي
-روسلين : لعد دللني لحد ميگولون طلع عينها بدلاله
-ذوالفقار : اقترب مني وشبكني بحضنه وگلي والله لـخلي النسوان كلها تغار منج أنا عِمري بگد بوسة شفايفچ ترفة
-روسلين : سؤال
-ذوالفقار : جواب
-روسلين : حابه أصبغ شعري تحبه اشگر لو متحبه
-ذوالفقار : شَعرچ الاسَود مِن يَحل يَسوالة مية شَگرة لاتصبغي
-روسلين : تمام مثل متحب
-ذوالفقار : اني احبج بكل حالاتج حتى شمس الله
اشتهت تغفه عله نهدج
-روسلين : ضميته حيل بحضني وگتله هيچ شي مثلاً
-ذوالفقار : اروح فدوة للبرائة البيج تلمسيني آحن واخدر
اضوگن شفتچ وآسكر
-روسلين : شو حسك صاير شاعر
-ذوالفقار : باوعتلها ومدري شون اوصف جمالها وبصوت خدران عَيُونچ تشبه اغنيَة عِراقيَة
قديمَة وَ بحَةّ جنوَبية أبوس كل رمش بعيونج الحلوات
-روسلين : يا حلآتڪ وأنتَ خدران عَ صــدري
وإنا چفييـہ بكُل مكــان
-ذوالفقار : أنتي يا رب الترافة منين ابوسَج حتى اطفي النار البيه
﴿‏ملامح امرأة ونظرات طفلة، مزيج خطِر﴾
-روسلين : منرجع للبيت
-ذوالفقار : تدرين شمحتاج هسة
-روسلين : شمحتاج
-ذوالفقار : استكان چاي وحضنچ وبعد كلشي ماريد
-روسلين : حضني موجود بس استاكنه الچاي مموجود
-ذوالفقار : هسة اروح اجيب
-روسلين : اريد قهوة
-ذوالفقار : تجين
نترك هذولة اللي يشربون
ڪهوة ويقرون قصص ونشرب چاي
واڪلج شنهي احلىٰ شي
بحياتج وتڪليلي إنتَ
-روسلين : اممم چاي وعيونك مثلاً
-ذوالفقار : اي هو هيج
-روسلين : لو مو اني وياك غير وحدة هم هيج تحاجيها
-ذوالفقار : لو مو انتي جان گلتلها تجين نشرب چاي
وافلش الستكان براسچ
-روسلين : ههههههههههه ترة جوعانه
-ذوالفقار : خليت ايديعلى چتفها وگلتلها
يلا ضلعي امشي نروح نتريگ
صعدنا بالسيارة
-روسلين : باوعتله وهو منتبه بالخط وصافنه اتأملة وادعي بگلبي يارب مااعظمك جمعتني بي بعد سنين من التعب معقولة اني بعلم مو بحلم احس كلشي صار بسرعة احمدك ربي واشكرك ياربي عوظتني بـ ذوالفقار مابيوم تعبني واستفزني استجبت دعوتي وحققت حلمي وتحول من چتالي وصار ابويا وحبيبي وسندي وكلشي جنت محتاجتله اباوعلة واتأمل تفاصيلة مسكت ايده حتى اتأكد هو واقع لو خيال وعيوني تلمع باوعلي ولمعة عيونه عكست بعيوني ونزلت الدمعة الحمدلله صار حبيب قلبي و دوى لـروحي بعد حروب رغم عمري الصغير اتذكرت شريط حياتي معاناتي وبكائي وسجودي وركوعي بتعب وسهري وركضي تحت قطرات المطر ويقيني ويأسي وبأسي مثل ماجنت اتأمل النجوم وحدي هسة اتأمل الگمر الي هو زوجي قاطع تفكيري وصفنتي صوته
-ذوالفقار : يلا حبيبي نزلي نتريگ
نزل هو گبلي واجا فتح الباب ولزم ايدي وباسها ونزلني من السيارة دخلنا وگعدنا بمكان كلش حلو وخاص اكو هواي ناس بس ماشوفهم بس اسمع صوتهم كل طاولة وعدها ستارة وشباك مطل على مكان كلش حلو طلب ذوالفقار الاكل
-ذوالفقار : روس بنيتي اسئلج اسئلة وجاوبيني بدون نسيان خوش
-روسلين : صار
-ذوالفقار : سند يامواليد
-روسلين : ٢٠١٤
-ذوالفقار : يعرف يقرة ويكتب
-روسلين : روسلين اي بالعطلة المدرسية جان بابا الله يرحمه يقدملة دورات ومعاهد حتى يتعلم
-ذوالفقار : عنده مواقع التواصل الاجتماعي
-روسلين : اي عنده
-ذوالفقار : عنده اصدقاء الكترويين
-روسلين : ماعرف
-ذوالفقار : راح فجئة لو زعل وراح
-روسلين : جان بآخر ايام يضل يصفن وضايج وميختلط ويانه وجان بس لازم الموبايل
-ذوالفقار : موبايلة اخذة
-روسلين : لا عافة عندي
-ذوالفقار : خوش من نرجع انطيني ياه
-روسلين : تمام
-ذوالفقار : وصل الأكل شبعي بطنج وخلنروح
-روسلين : تمام وانت بعد اكل
-ذوالفقار : بالعافية يا مصارين گلبي
-روسلين : الله يعافيك ياعافيتي
-ذوالفقار : افتحي حلگج دشو اطعمج بأيدي
-روسلين : لاتعب نفسك اني اكل وحدي
-ذوالفقار : لاتعاندين ام راس اليابس
-روسلين : ههههههه يابة شنو رائيك اجي اگعد بحضنك بعد
-ذوالفقار : تعاي
-روسلين : جنت دشاقة
-ذوالفقار : دكلج تعاي
-روسلين : صار عيني صار
گمت من مكاني ورحت گعدت بحضنه حسيت روحي صدگ طفلة وصار يوكلني وياكل ويضحكني ومن خلصنه اكل طلعنه من المطعم ودنصعد السيارة شو ذوالفقار عاط بواحد لك ترة اجي اخلي عيونك بـطيـ*ك صعدت السيارة وهو بعد
-روسلين : شكو شبيك بابا منو ضوجك
-ذوالفقار : اني من اغار اضوج واتضايق واتعصب واصير اكره كل شي يعني لـدرجة الغيرة توجع گلبي وتحرگة ولاتگولين هاي مبالغة
-روسلين : اباوعلة وهو يحجي ويتنفس بقوة سكت وباوعلي
-ذوالفقار : روس انتي نقطة ضعفي
-روسلين : لك دادة مصيبة تصير نقطة ضعفك انسان
-ذوالفقار : عيونج چنها رواية قديمة وشعُر بغداّدي
-روسلين : يبـ؏ـد رموشـش ؏ـيني
-ذوالفقار : جعل عيونج اللي احبها ما تمرها لحظه حزن
رجعنا للبيت وسلمنه وطبينه للغرفة
-روسلين : دروح اسبح اني
-ذوالفقار : لا اول شي تعاي انطيني موبايل سند عود شتسوين سوي
-روسلين : صار
رحت وطلعت الموبايل وفتحته وانطيته ياه اخذة وملامحه تغيرت صار كلش جدي ويفتش ويدخل ملفات مدري منين طلعها ويكتب انگليزي ويسترجع صور ومحادثات دخت واني اباوعلة عفته براحته ورحت سبحت ولبست ملابس مريحه ورحتلة شفته ديحجي اتصال ويحجي انگليزي وفاتح اللابتوب وملامحه تخوف سد الخط والتهى بالابتوب وشويا وسدة
-ذوالفقار : روس بابا حضريلي ملابس البسها لطريق طويل وحضريلي جنطة بيها قاطين ٣ خوش يلا دروح اسبح اني
-روسلين : بس وين رايح
-ذوالفقار : باعي بابا اني دروح لـمحافظة ***
-روسلين : زين ليش تروح
-ذوالفقار : واجب حبيبي
-روسلين : ايمتى ترجع
-ذوالفقار : حسب حتى اني معرف
-روسلين : اوووف يعني ضروري تروح
-ذوالفقار : كلش ضروري ومن اجي اجيبلج هدية وياية
-روسلين : تروح وترجع بالسلامه ونزلت راسي ورحت احضرلة وهو راح يسبح
حطيتله ملابس مريحه وملابس حلوة وعطره عبن يحب يتعطر وساعتين عبن كل ساعة يلبسها فد يومين ويبدلها ورحت للمطبخ جان اكو كعك خليتله بعلبه وعطرت الجنطة وخليت علبة الكعك بالسيارة وجنطة الملابس بعد وهو كمل رحتله باسني من راسي ووصاني
-باعي روس بابا خاف صار شي ومرجعت لاتنسين حبي نفسج وخليها بمقدمة كل الاشياء فضلي نفسج عالكل وميزيها وحبيها وابتعدي عن كل العلاقات الفاشلة والحب وهالخرط ترة محد يحبج مثل قدسي روحج انتي حواء الكيد والجمال والدلال والدلع كله 
انتي القوة انتي نصف المجتمع انتي الي وصفج الرسول بالقارورة ووصة عليج الاسلام عيشي بواهسج لبوة لاتخلين شي يكسرج واتجاوزي كل شعور مر خليها ببالج انتي قوية يا لبوتي
-روسلين : حضنته بكل قوتي وگتلة احبك
-ذوالفقار : احبج يامصارين گلبي
-روسلين : ماريدك تروح
-ذوالفقار : مجبور حبيبي مجبور
-روسلين : درب السلامة حبيبي
-ذوالفقار : دروح اودع امي واطلع
-روسلين : دير بالك على نفسك زين حبيبي وطمني عنك خليك على تواصل وياية
-ذوالفقار : صار تأمرين أمر انتي يا لبوتي
راح وودع أمه وباسها وطلع احس روحي راحت وياه
احسنت معاشرتي ورعيت مشاعري وجعلتني في بيت قلبك معززة مكرمة فـالحمدلله الذي جعلك من بين صفوة الرجال حبيباً لي ويبقى حبك الذي لا يسقط ولا ينتهي
____________________
لـلحكاية بقية
لاتنسون التصويت + متابعة للحساب