خصلة شعر ﴿الأصلية﴾

﴾part21"بارت٢١﴿

بقلمي : مريم الـثامر
خصلة شعر
قراءه ممتعه
_________________________
انا أمرهُ عَجيبة
كِتاباتيَ بائِسةٍ
وُ وجَهي ضاحِك
بداخِلي حرُب
وَظاهِري سَلأم
انأ أُنثىٰ قوُية
رغم صغر سني
-روسلين : يلا بنات تأخرنا
-سيلين : اني خلصت
-سارلين : يلا ماااااماااااا
-نرجس : اجيت يلا وين نيڤين
-نيڤين : هياتني بابا وسند بسيارة ينتضرونه
-سارلين بهمس : روسلين انتي مستعجلة على حبيب الگلب
-روسلين : شدتخبصين لا مو صحيح
-سارلين : ممممممم مبييييين
-روسلين : دنچبي ويلا امشي گدامي
-سيلين : شبيجن تتبسبسون
-روسلين : دنحجي عليج نگول عنج الحية الكوبرا
-سيلين : عابتلج اي والله چبح
-سند : يولووو وينجننننننن
-سارلين : اجينه يمعود 
واحنه بالسيارة
-نيڤين : بابا حبيبيييييي
-عمر : خير إن شاء الله شكو
-نيڤين : شغللنا اغنية حلوة
-عمر : تمام شنو جوكم حتى اشغل
-سيلين : الله عليك شغل شي حزين
-عمر : شعندج فاتحة لو شنو
-سيلين : لا بابا روسلين وسارلين يگولون عليا الحية الكوبرا
-عمر : خلنرجع عالبيت واني أعلمهم مني الحية الكوبرا
-سارلين : لا بابا جذابة
-روسلين : اي نعم سيلين جذابة
-نيڤين : اني ابصم بالعشرة سيلين الحية الكوبرا
-سيلين : بقت عليج بابا دتسمعهن
-روسلين : لا يمعودة على بختج ترة نتشاقة وعلساس دمنا خفيف وثاني شي انتي تحبين الشقة الثگيل
-سيلين : بس ترة الحية حلوة خاصة هاي المخططة
-الكل ضحك على كلامها
قبل مانصل لـبيت عمو غانم بخمس دقايق وصلتني رسالة من صميم ومكتوب بيها يلا وين صرتي ياعيني
-روسلين : شكو مستعجل
-صميم : اني ضرتج مو صميم هههههههه
-روسلين : استغربت وسديت الفون وگلت بگلبي اني الك هسة جاي تمقلبني
جنت متحمسة كلش وصلنا ونزلنا سلمنه عالكل وطبينا جوى وبدئت الحفلة ورحت دشوف صميم
جان گاعد وحدة ويباوع لجهة اليمين ومبتسم حاولت الفت نضرة بس هو مندمج ومدري منو هذا الي ماخذ عقلة وهيج مندمج بكلامة ودخلت للغرفة بدون مااطلع صوت واتخبيت ورى الباب حتى لحد يشك بيا  وخفت لا يكون واحد يعرفني بالغرفة فجاءه گام على حيلة وحضن بنية مبين عليها عمرها ١٨ سنة فتحت عيوني على وسعها وصرت اباوعلهم وبداخلي الم جبير جنت متوقعة هسة نكون اني وياه وهو حاضني واني صافنة أجا حسن وشافني
-روسلين : هلا حسن شونك
-حسن : هلا روسلين تمام وانتي
-روسلين : تمام اكلك
-حسن : گولي
-روسلين : منو هاي مع صميم
-حسن : ضحك وگال حبيبته
-روسلين : من گال حبيبته حسيت نفسي راح اوگع بالگاع رجليا مگامت تشيلني وعيوني انملت دموع روحي جفت فبعدها تمنيت مسئلت حسن وتمنيت مجنت جاية عالخطوبة تمنيت لو يوگف هذا الشي گدامي وتوخر من حضنه تمنيت لو صميم جان باقي صديقي ومصار حبيبي ماجنت متوقعة الي ديصير گدامي اريد ابين طبيعية گدام حسن مااگدر
قاطع صوتي الداخلي
-حسن : تدرين حتى اني اغار منهم هههههه
-روسلين : تدري شنو
-حسن : شنو
-روسلين : جنت عبالي مقولة عراقية
-حسن : احجيلي ياها
-روسلين : يگوول
جنت اضنك منتظرني اثاريك تفرح حيل من تظرني
-حسن : حلوة حبيتها
-روسلين : كتبتله رسالة
ياريتني مااجيت ولاشفتك تسولف وتضحك وممهتم ولاسئلت عليا شو جيت لو مجيت ولا كأنو اني الي حبيتك وانت حبيبي التحبني واحبك وعلساس الرايدني وبتالي شفت غيري بمكاني مااعرف شون اوصفلك شصار بيا وشون تحملت ولزمت دموعي وحبستها بعيني حسيت روحي دتطلع ودموعي خانتني بعد انسى روسلين المايرديني ماريده راح ابعد روحي عن اذيتك اليوم شفت خيانتك بعيوني وإذا بقيت وياك باجر انت التسميني الخاين اني جنت اغار من غيري يخابرك ويحاجيك وياخذ وكتك أكثر مني او اليگعد وياك ويتأملك ترة اني الي احبك بس ركز شمالك رحت وحضنت غيري شمقصرة وياك شعجب حبي الك ماسون بيك علامة من اول فزتي بالليل واحاجيك ـيـ يالتحطني بتوالي الإهتمامات غيرك يحلم يصادفني بحلم طيف ـيـ العليا شكثر گايل حرامات بس اريد اعرف بشنو قصرت
بعتك ؟
خنتك ؟
جفيت ؟
اشو يمك نسيت الدنيا ومابيها اني لو مااحبك مااهتميت المحبه الصدگ وكت العتب تنقاس
ايجوز افشل بنسيانك بس بعد ماعود
دزيتها وسويتله حظر من كل البرامج ورحت گعدت وحدي بالسيارة ودموعي تحرگ خدي
معقولة مابقالي غير الذكريات
معقولة حتى الي جان ملجئي غدر بيا وحط غيري بمكاني
-عمر : روسلين بابا انتي احسن وحدة اول وحدة صعدتي السيارة
-روسلين : حجيت بحرف مبعثرة و صوت يرجف ليش شكو بعد ماخلصت الحفلة
-عمر : راح يصير منع تجوال وتنسد الطرق بعد ساعة
هزيت راسي وبعد شوي التمو الكل ودترجع عالبيت
-نرجس : روسلين شبيج شو لاشفتج ولا لمحتج بين البنات
-روسلين : ماما حسيت بدوخة وهسة راسي ديوجعني واجيت گعدت بسيارة حتى ارتاح وبشهادة بابا هو شافني من جنت گاعدة بالسيارة حتى لاتشكين
-عمر : روسلين ناخذج للطبيب يچيك عليج شو شبيج 
-نرجس : اي والله اخذها عمر جانت مثل الحصان عين الله عليها
-روسلين : لا ميحتاج هسة بس اروح للبيت اسبح وانام ارتاح
-نرجس : تمام عود اذا ماطبتي ناخذج للطبيب
-هزيت براسي بمعنى تمام ودرت وجهي للجامة
الدموع بعيوني متخليني اشوف واضح كلشي مغوش گدامي گرصتني سارلين
-سارلين : شفتي صميمج ههههه
-روسلين : لا
-سارلين : واني بعد ماشفتو للأسف ههههه
سكتت ورجعت درت وجهي
من وصلنا للبيت نزلت ركض ورحت للحمام فتحت الماي وصرت ابجي ملخت روحي حسيت جسمي وراسي وعيوني منملين سبحت وطلعت لـغرفتي باوعت للمرايا عيوني مورمات وصايرات حمر كلش طاگين دم وجوى عيوني هالات سودة عميقة فتحت الكنتور حتى ابدل ملابسي شفت قمصلته عفتها بمكانها ماحضنتها وشميتها مثل كل مرة افتح بيها الكنتور لبست ملابس مريحه وتعطرت وخليت مرطب لشفايفي وماسك البرتقال لوجهي ورحت للمطبخ شربت عصير واكلت كيك ورحت گعدت يم بابا والكل جانو گاعدين
-اگلك بابا حبيبي
-عمر : گولي بنتي
-روسلين : اذا انت تشوف امير خوش ولد وحباب رائي من رائيك يكون انت توافق اوافق انت متوافق انيهم ما اوافق
-نرجس : عود ليش ميوافق والله كلش خوش ولد
-عمر : اي والله خوش ولد وابن ناس وجيراننا يعني ماتبعدين علينا
-روسلين : لعد هاي هيا
-سارلين : لعد وووو صم
-روسلين : هييي هييي شنو شبيج
سكتتها حتى لاتفضحني بجفصتها
مثل ماگلت رائيي من رائي بابا
باوعت لـسند لازم التلفون وباله مو ويانه
-روسلين : سندي شبيك
-سند : باوعلي وملامحه باهتة لا مابيا شي
حسيت بي شي بس مدري شنهوة
رحت لغرفتي وضليت اتگلب بفراشي بس ماكو فايدة مانعسانه وصميم مديطلع منضرة هو مع البنية من گدام عيني كل مااغمض اشوفهم گدامي گعدت واتذكرت من اجا وجان گاعد هنا واني بحضنه مابقالي غير الذكريات بين هالربع حيطان اختنگت وطلعت من الغرفة
-سارلين : شبيج روسلين
-روسلين : مخنوگة
-سارلين : كل هذا الخشم ومخنوگة
-روسلين : ولي من گدامي ودفعتها
-سارلين : اكلج سيلين
-سيلين : ها
-سارلين : لأول مرة روسلين هيج دتعاملني
-سيلين : تتفيك براسج عبن راح تتزوج
وصارن يضحكن
گلبي انعصر بعد أكثر متحملت وصعدت فوگ السطح
گعدت ورفعت راسي للسما واتأمل الغيوم 
بدون وعي صرت اغني ياشمس ياشموسة ياحلوة ياعروسة اتمنى لبكرة السلام تنور علينا شموسة
-امير : والله وصوتج حلو
-روسلين : چبحك بالشكول وبله شكول شكول 
-امير : علساس انتي تنجرعين شو باعيلي يرادلج تجميل ونفخ شفايف
-روسلين : تذكرت صميم من يتغزل بجمال
وگتلة
لك اكل خرى لا اجي اشگة لحلگك شگتين
-امير : اوي خفت
-روسلين : والله انت مايع أكثر من عندي
-امير : على فكرة امج اتصلت عالحجية حتى نجيكم باجر
-باوعتلة هيج كون هسة اروح اشمرة من الحايط ويصير گلبني زماني وينتقل الى رحمة الله
مگتلة شي ونزلت جوى ورحت لغرفتي وطلعت قمصلة صميم وصرت اضرب بيها واعاتب وابجي واناشغ والطم واضرب روحي بالحايط مادري شون بعد اعاتبه
ويبقى الابتعّاد أفضل
  عِتاب لِكُل من خّاب فيهٌم الظن..
تعبت ورحت لفراشي ونمت
گعدتني امي الصبح
-نرجس : ولج گومي گعدي
-روسلين : اوووووف خلينيييي نايمة
-نرجس : ولج اليوم يخطبوج گعدي روحي سبحي ولبسي ملابس حلوة واتكشخي واكلي شي يحلي حلگج
-روسلين : والله يايمة اليسمعج يگول اليوم عرسها من ولي العهد
-نرجس : هووووووو لو جان عرسج جان مخليتج تنامين
-روسلين : النومة شعليها يايمة
-نرجس : دباع منهي التغشم بروحها
-روسلين : يمة فدوة رحتلج طفي الضوى وسدي البردة وطلعي وسدي الباب نص ساعة بس
-نرجس : ولا دقيقة گعدي يلا
-روسلين : ربي جاي تشوف
-نرجس : ترة الجماعة مستعجلين
-روسلين : شسويلهم واني ياهو مالتي سسواد وجهي بيهم
-نرجس : والله اليسمعج يگول اني العروس مو انتي
-روسلين : يمة ليش مو انتي تتزوجين
-نرجس : اني متزوجة
-روسلين : ميخالف اطلگي واتزوجي يعني مختصر مفيد جددي زوجج شعندج لازگة بأبويا
-نرجس : ولج روحي سبحي لا هسة اهفج براشدي اخليج تنسين اسمج
-روسلين : ماما سؤال
-نرجس : سئلي سؤالج البايخ
-روسلين : شسمي
-نرجس : زربة
-روسلين : الله شهل الأسم عندج ذوق انتي
-نرجس : يعني اني ايمتى اخلص من سوالفج البربوگية يولي
-روسلين : من الله ياخذ أمانته
-نرجس : الله يخليج بس روحي سبحي وبدلي وخلي مكياج خفيف
-روسلين : شو لزگتي گومي سبحي وگومي سبحي شنو شايفتيني مخيسة لو معفنة وطالعة ريحتي ترة المغرب سبحت
-نرجس : نزول عليج اكو انسان عاقل يسبح المغرب
-روسلين : اي اني
-نرجس : اگص ايدي لو انتي انسانه عاقلة
-روسلين : چا شعبالج
-نرجس : نص طگة
-روسلين : ديلا دگوم امري لرب العالمين
طلعت من الغرفة وشفت سيلين
-روسلين : ها يالحية الكوبرا شونج
-سيلين : بخير يالهايشة
-روسلين : الله يامحلاها الهايشة عدها عيون الا تخبل
-سيلين : حتى الحية حلوة عدها خطوط
-روسلين : شو بلا نزعي ملابس حتى اشوف خطوطج
-سيلين : انچببييييي بعد مااتحملج دروح اني
راحت ورحت وراها حتى ازعجها
وعمداً اسوي هيجي بالكل حتى اطلع من حزني وحتى لااشتاگ لـصميم
-سارلين : ول هلاااا شونج
-روسلين : هلا هلا بخير وانتي
-سارلين : تمام شون جانت سفرتج
-روسلين : كلش حلوة تجنن
-سند : ياسفرة هاي
-روسلين : مو انت متدري
-سند : اندري
-روسلين : البارحة رحت نمت وسافرت بأحلامي عود شون احلام كلها كوابيس بكوابيس
-نرجس : ولج انتي بعدج هنا امشي ولي لا اكتلج
-روسلين : تمام ماما تمام بس لاترفعين ضغطج
رحت سبحت ولبست فستان اسود ومخليت شي بوجهي
-نرجس : عزااااااا ولج اسوود
-روسلين : عجبني حلو
-نرجس : والله لو ماجانو گاعدين بالأستقبال جان خليتج هسة تروحين وتبدلين
-روسلين : شنووو گاعدين بالأستقبال
-نرجس : اي
-روسلين : عووع شون ناس بلا ذوق
-نرجس : امشي ولي للمطبخ وحضري العصير وتعاي طبي سلمي وگعدي شوي ومن نقرة الفاتحة عود ضيفيهم العصير
-روسلين : ماما عصير يعني شربت مو
-نرجس : لا يعني بول استغفر الله ولج لاتكفريني
-روسلين
رحت وحضرت العصير واجت ماما اخذتني وگعدت ومن قرينة الفاتحة حسيت گاعد نقراها على روحي مو على زواجي وضيفتهم عصير واني بگلبي اگول سم وزقنبوت باستني الحجية باوعتلها وگلت بگلبي هاي انتي النصحتيني هسة انتي وحفيدج متسببين بحزني ومتدرون واتفقوا على كلشي وعلى يوم الخطوبة
لم تكتمل حياتي ولم تعد لي رغبه في كل شي فقد فارقت نصفي وذهب بعيداً عني ،وكم من الفرح بداخلي ولاكن باهته لاني اريده أنًُ يكون معي وبقربي ،ولاكن ماذا افعل لقد رحل
______________________________
لـلحكاية بقية 💖
لاتنسون التصـ★ـويت + متابعة للحساب
اكتوبلي اسمتر لو أتوقف عن كتابة القصة ؟