خصلة شعر ﴿الأصلية﴾

﴾part33"بارت٣٣﴿

بقلمي : مريم الـثامر
خصلة شعر
قراءه ممتعه
___________________________
تخيل أنو يرزقك الله بشخص يكون وياك خطوة بخطوة
يعرف شوكت تنام وتكعد شوكت تاكل وتطلع
يحس بيك اذا جنت سعيد حزين مخنوك مرتاح
تحجيله كل اللي بكلبك بكل راحة وحرية بدون ما تتقيد
تحسه دائمًا يمك حتى لو ميجمعكم نفس المكان
يفهمك بدون متحجي ويلتمس لك العذر من تخطأ بشيء ويقدس كل تفاصيلك
يخاف عليك من كلشي وحتى من نفسه
يستسهل كلشي صعب بيك و يتحملك ويصبر عليك يفرح لفرحك و يحزن لحزنك يكون فاهمك وحاس بيك يسندك و يقويك وينصحك من محبته و خوفه عليك باسلوبه وطريقه كلامه كدر يغير نظرتك ويحسنها ويرشدك للطريق الصح لأن مايريدك تتأذه ولا تخسر شي
يهتم بأدق تفاصيلك ويصير كل همه وفكره اشون يخليك سعيد و فرحان و مرتاح هنا انت تحس إنك ملكت الدنياااا
هـذا الشخص وجوده بحياتك تحسها أكبر نعمه وهديه الله انطاها الـك
يصير كل همك شلون تبقى محافظ عليه وما تخسره لو شيصير بيناتكم
بـ٣ شهور بس
علمني هواي شغلات
علمني ٣ لغات
يعاقب اي شخص يحجي حاجية تضوجني
بفضلة صرت العب رياضة واسوي ماسكات واهتم بنفسي
كلشي اريدة يجبلي من حلويات وملابس وكلشي
يساعدني بكلشي بحياتي وينصحني احافظ على صلاتي وقراءة القرآن الكريم 
يصبرني على اهلي ويحفزني ويمنعني من الحزن
وعلمني ادافع عن نفسي
وعلمني ارمي
علمني كل هذا وصار ابويا وصديقي
-ذوالفقار : روس بنتي وينج
-روسلين : هياتني
-ذوالفقار : گعدي خلحجيلج
-روسلين : گعدت يمه وگتله اسمعك
-ذوالفقار : جبت كل المعلومات عن هذاك الفرخ وصاحبه
-روسلين : بصوت يرجف منو
-ذوالفقار : امير
-روسلين : من نطق الأسم حسيت بوجع مدري منين وشلون بس صرت اتألم بكل مكان بجسمي وصرت ارجف
-ذوالفقار : حضنتها يولي شبيج بنتي شبيج لا يالله شصار وياج
شربني مي وهداني وگلي
باجر من الفجر راح تخلصين من هذا الكابوس حضري نفسج باجر حتى تتخلصين من الكابوس
-روسلين : صوتي بزور يطلع ولساني ثگيل تمام اريد انام
-ذوالفقار : تعاي
شالني ومددني عالچرباية وغطاني وصار يمسح براسي ويقرة آيات حسيت براحه ونمت محسيت بشي نهائياً ومشفت ولا كابوس فزيت الصبح على صوت ذوالفقار
يلا روس گعدي
-روسلين : الساعة شگد
-ذوالفقار : سته ونص
-روسلين : مااكعد هسة عفية خليني بعد ساعة
-ذوالفقار : ياروحي مو اليوم عدنا موعد مهم
-روسلين : موعد شنو
-ذوالفقار : شني فقدتي الذاكرة
-روسلين : ها ها تذكرت البارحة بليل حجيتلي
-ذوالفقار : اي عفية يلا گومي حظري نفسج عالسريع وها عندي الج مفاجأة
-روسلين : ويييي تحمست هسة دقايق واكون جاهزة
-ذوالفقار : هههههه يلا منتضرج
-روسلين : گبل لاگوم من فراشي اگلك انت ليش متگلي صباح الخير هاا ليش متگلي متصبح عليا
-ذوالفقار : يابة عليش حتى اكلج صباح الخير وانتي الخير كله
-روسلين : اويييي خجلتني
-ذوالفقار : صبحج الله بالخير بنتي يلا گومي
-روسلين : معرف شون ارد عليك بس يلا دگوم طيبت خاطري هههههههه
-ذوالفقار : منتضرج والله ثم والله اعدلج لي ١٠٠ مجيتي اروح اني وحدي
-روسلين : لاه لاه لاه هسة دقايق والله
گمت عالسريع غسلت وجهي ولبست بنطرون كابوي وقميص قصير وخليت المسدس بالجنطة وهوية العسكرية عندي نسخة من هوية ذوالفقار خليتها مع المسدس ولبست بوت ورحتلة
-ذوالفقار : اليوم راح انمشيها الج بس والله لو تلبسين هيج مرالخ الا اشگه وانتي لابستي
-روسلين : ديلا عاد تأخرنا
صعدت بالسيارة طول الطريق محجة هو بس يفكرة ويفرك براسه ولحيته ويباوعلي وملامحه مدري شونها تخوف وتحزن بنفس الوكت رحنه عالجبال ونزلني يم شجرة
-ذوالفقار : باعي بنتي اوگفي هنا بس نص ساعة واجيج خوش لاتخافين واسحبي قسام خاف لا حيوان يتعرضلج اما عن البشر لاتخافين ميجي احد هنا حتى لانتأخر دروح اني بالج على نفسج
-روسلين : قويت نفسي واني اباوعله وگتله تمام
راح هو وگلبي يدگ باللحظة الف دگه والخوف محتل گلبي وجسمي يرجف صرت اباوع عالجبل والأشجار وتذكرت من اول مرة طلعنه عالجبل اني وصميم وخواتي وعيوني نحبس بيهن الدموع ومشتاگه الأيام الراحت وصميم وخواتي ومابين صفنتي فجأة حسيت بأيد على چتفي گلبي راد يوگف وافتريت وبيدي المسدس
معقولة هذا مو حلم
فدوة گلي ماريد انصدم انت كذبة لا حلم معقولة انت حقيقي گدامي هسة
-صميم : اي هذا اني وعرفت كلشي صار وياج من ذوالفقار لج لييش روسلين ليش ماحجيتيلي ليش ماگلتيلي معقولة خبيتي عني اخخ گلبي شكثر يوجعني روسلين
-روسلين : ركضت وحضنتو وگعدنا بالگاع واني ابجي وهو يشكي
-روسلين : اشتهيت انشاف بعيونك مليت من الوجوه المو مثل لونك اني بيك لو يمك هنا ارتاح ياعافيتي اربعينك مايشبهوهك
-صميم : باعي لأيدي كتبت اسمج وشم بأيدي وَشم بيدي بعدها صورتج بگلبي وعقلي انتي حبيبتي الحلوة الي هيا اصل الجمال والحب والحنان والعطاء ماكو مثلج ومنج بهاي الدنيا ماكو نسخة منج الله خلقج وحدج وخلق بيج كل آيات الجمال وماخلق من بعدج بنيه حلوة مثلج اتمنى ابقى گاعد گابلج ومااتحرك من مكاني واشبع منج ومن عيونج وجمالج وحضنج وادري انتي انسانه مهما كرهتج وحجيت عليج وضايقتج وضوجتج انتي تحاجيني عادي وتشوفيني وتبتسمين بوجهي وتضحكين
-روسلين : سنو قصدك اني منافقة
-صميم : مو قصدي نفاق وغباء بس طهارة قلب اما الانفاق ماتعرفي ومامتربية عليه روسلين اني مو صميم حبيبج اني صح احبج واموت بالگاع التمشين عليها بس للأسف راح اصير اب من غير وحدة اني تزوجت ودزيتلج خبر ومتعجب شون متعرفين
-روسلين : بصوت يرجف تزوجت وانت وعدتني
-صميم : انتضرتج شهر ومرجعتي
-روسلين : نسيت كلامك من گتلي محرم عليا كل بنات حوى
-صميم : بس انجبرت روسلين وبعد كم شهر تجي روسلين الجديدة
-روسلين : شنو قصدك
-صميم : بنتي
-روسلين : انت تدري بيا اخاف من الظلمة هواي شجابني لـگلبك الأسود
-صميم : حرت مابين الم روحي وألم روحي وگلتلها اسف روسلين وهسة لازم اروح
-روسلين : الله وياك
راح صميم واني بقيت واگفة بمكاني اباوعلة وبعد شويا اجا ذوالفقار ووگف سيارتة قريب مني ونزل منها وفتح الجنطة ونزل امير وصاحبه وشايلهم من ملابسهم ووجوهم مزورگة وعيونهم مورمة ذبهم جوى رجلي وهو يتنفس بقوى وگلي شوفي شغلج وياهم وگعد يم السيارة عالگاع ويباوعلي ويتنفس بقوة فتح المي وشرب وغسل وجهة وعاط بيا روسلين اريدج تطلعين قهر كل الايام الي راحت قهر ووجع بسببهم بيهم باوعتلة وحسيت بقوة اجتني ورفعت المسدس ورحت يم امير خليت رجلي على وجهة وضربت طلقة برجلة ووخرت عنه ضربت طلقتين براسة وضربت صاحبه طلقتين بصدرة وطلقة براسة ورحت گعدت يم ذوالفقار وخليت راسي على چتفة واني اباوعلهم اشوف دمهم شون مصبوب عالگاع مثل ماصبو مني دم شرفي عالگاع باوعت لـ ذوالفقار وشفته ديباوعلي وصار وجهي بوجهة
-ذوالفقار : شفتي صميم
-روسلين : اي شفته
-ذوالفقار : ارتاح گلبج بشوفته
-روسلين : الچان لـروحي مَرهم هسة مُروهم
-ذوالفقار : شقررتي من بعد هذا اليوم
-روسلين : انسى كلشي وابدي من الصفر بعد مانتقمت والفضل لـرب العالمين والك
-ذوالفقار : اني مسويت شي ويلا صعدي السيارة دنطلع من المنطقة هاي وهذولا لو يظلون الف سنه محد ماراح يندلهم
__________________________
لـلحكاية بقية
لاتنسون التصويت+متابعة للحساب
واسفة كلش عالتأخير بس جنت مشغولة شويا