خصلة شعر ﴿الأصلية﴾

﴾part28"بارت٢٨﴿

بقلمي : مريم الـثامر
خصلة شعر
قراءه ممتعه
___________________
تبكي وتبكي والله بجبره يأتي .
-روسلين : يمة گومي بدلي هسة راح يجون هما گالو بالتسعة
-نرجس : اوووف علساس هلگد مهم بس دگوم امري لرب العالمين حتى بس اخلص منج
-سيلين : يوم انتي لاتروحين خلتولي هيا وحدها وياهم
-روسلين : والله خالة سحر ماتقصر وياي
-سارلين : وچمالة طلع عندج لسان وتحجين
-نيڤين : احمدي ربج بعدج گاعدة ويانه
-روسلين : البيت بيت ابويا وعندي بي حق ازيد منكم
-نرجس : هسة بلا لغوة زايده روحي بدلي حتى نولي
-روسلين : تمام عود اذا تجين انتي همات گومي بدلي
-نرجس : لو مااخاف من كلام الناس جان ماجيت
-روسلين : محد جابرج
-نرجس : يرادلج گص لسان
-روسلين باوعتلها وبگلبي گلت اني ميته ميته ليش مااخذ حقي منجن ورحت بدلت ورحت للمطبخ شربت ماي بارد وبعد شويا اجن إسراء وخالة سحر
-إسراء : ها حاضرين
-روسلين : اي
-سحر : وينها امج
-نرجس : اجيت اجيت
-إسراء : روسلين انتي گعدي يمي نسولف بالسيارة
-نرجس : وينه ذوالفقار شو ماهو راح يوصلنا
-سحر : هو بالدوام ميگدر هسة ياخذ إجازة
-إسراء : اي ووصة عالغرفة بعد وگالو الغرفة حاضرة باجر يصل
-سحر : اي چا شلون ابني معدل
-إسراء : هنيالج روسلينو
-نرجس : والله الي ياخذ سارلين هنيالة
-سحر : امدحي بعروستنه سارلين ياهو
-نرجس : عادي يصير تبدلون ههههه
-إسراء : لا منريد روسلين احلى واحسن دباعيلها چنها ملائكة
-روسلين : باوعتلها وابتسمت والله يااسراء كلامج يرد الروح
-إسراء : حبيبي هههههههه
-روسلين : شخبار سمر
-إسراء : البارحة اتصلت عليها وبشرتها وكلش فرحت
-روسلين : ايمتى تجي اريد اشوفها مشتاگتلها
-إسراء : والله هسة متگدر عود تجي بيوم الحنه
-روسلين : عدها جهال
-إسراء : عدها نازك عمرها اسبوعين
-روسلين : من هذا متگدر تجي
-إسراء : اي والله عود لو تشوفين نازك محلوة هههههه
-روسلين : عندج صورتها
-إسراء : اي عندي
-روسلين : شو بله دشوفها
-إسراء : ثواني
طلعت موبايلها وفتحته هاج شوفيها
-روسلين : مشاء الله
-إسراء : محلوة
-روسلين : تكبر تحلى طبعاً هسة چنها فارة تكبر تصير حلوة عود تصير عركة عليها كلمن ويتفدملها
-إسراء : وييييي الله لايقدر تصير چنتي ههههههههههه
-روسلين : هههههههه انطيج بنتي
-إسراء : عود اذا طلعت عليج تطلع حلوة واذا طلعت على ذوالفقار هم تطلع حلوة اخذها وغصباً ماعلى ابني هههههههههههه
-روسلين باوعتلها وبگلبي گلت اني اصلا راح اموت عود شون احبل واجيب ونزلت راسي وصرت اقرة قرآن من گلبي
-سحر : ابني نزلنه هنا
-إسراء : ليش عمه هنا مو كلش حلوة البضاعة
-سحر : عود نباوع ونتمشى على كيفنه منا لي المغرب
-إسراء : تمام خوش فكرة
نزلنا وطبينا لمحل اي شي يسئلوني عنه اگللهم حلو عبن ادري ماراح البس شي منهن راح البس الچفن والگاع تحضني واروح يم بابا
-إسراء : روسلين هذا يطلع عليج يخبل
-روسلين : اي
-سحر : يمة اسراء انتي تعرفين ذوالفقار يعجبه الوان عميقة
-إسراء : قابل نشترليها اسود
-سحر : خلتشتري ملابس النوم اسود وعسكري مثل ميحب ذوالفقار
-إسراء : تمام وملابس البيت خلتشتري ماروني وزيتوني
-سحر : اي وهيا لون بشرتها فاتح تطلع تخبل
-إسراء : اي صحيح تعاي روسلين قيسي هذا
-روسلين : تمام
صرت اقيس والبس ورحنه عالكوزمتك واشترينا مكياجات وعطورات تعبت تكسرت ماظل بيا طاقة
-نرجس : اني دروح لـهذا المحل اشتري للبنات
-إسراء : عمة تعبنا خلنگعد هنا شويا
-سحر : اني ماتعبت
-إسراء : حقج انتي بس گاعدة واني ادفعج
-روسلين : عوفيها اني ادفعها
-إسراء : رحمالله والديج
-روسلين : ووالديج
-سحر : ولج روسلين من هسة لاتنطيها وجهة ترة تاكلج تشربج بلا رحمة هاي
-إسراء : افااا عليج عمة ليش هيج دتحجين شمسويتلج اني
-سحر : والله والنعم منج عاقلة هاي جم سنه احنه سوى ولاحاسبتج مرت ابني انتي بنيتي وصديقتي
-إسراء : عود مو تحبين روسلين أكثر مني ترة انتحر
-سحر : بالجهنم نفر زايد
-إسراء : هسة اكتل روحي ولايهمج
-روسلين : لا يمعودة على بختج ترة الدنيا متسوى ههههههههههههه
-إسراء : وييييي ويييييي
-سحر : هاي شكو شبيج
-إسراء : باعي البزونه والعتوي يتزواجون
-سحر : عزا بعينج ياادبسز هههههههه
-روسلين : ولج حرام لـتباوعين هههههههه
-إسراء : فلم
-روسلين : هههههه ولج اخ بطني وجعتني من الضحك كافي تحجين
-إسراء : فدوة شون دتضحك ههههههههه
-نرجس : اجيت ايمتى نروح عالبيت صار المغرب
-سحر : هسة يجي ذوالفقار ياخذنا
-إسراء : روسلين الله عليج مافرحتي من عرفتي ذوالفقار راح يرجعنه عالبيت
-روسلين : ههه لا عادي
-إسراء : يولي لاتجذبين مبين من عيونج
-روسلين باوعتلها وبگلبي حرگة ومشتاگة لـصميم شگد تمنيت اتسوگ لـعرسنا
-سحر : هايته وصل
-نرجس : همزين حتى نرجع البنات خطية وحدهن بالبيت
-إسراء : روسلين انتي لاتگعدين يمنه روحي صعدي بالصدر
-روسلين : لا خلي خالة سحر تگعد
-سحر : والله يابنيتي اني مااگدر اخاف
-إسراء : اي عدها فوبيا
-روسلين : لعد انتي حبابة
-إسراء : لا يمة لا استحي من ذوالفقار
-روسلين : اگطع ايدي لو تستحين منه
-إسراء : ولج ديلا عاد تأخرنا هسة يتعصب
-روسلين : صار عيني صار
وفتحت الباب وگعدت
-روسلين : سلام عليكم
-ذوالفقار : وعليكم السلام ها يمة فضيتوها
-سحر : اي الحمدلله
-إسراء : شترينا الوان عميقة مثل متحب هههههههههه
-ذوالفقار : إسراء گعدي وستچني لا هسة انزلج هنا
-إسراء : لا على بختك سكتت والله بعد مافك حلگي
-روسلين باوعتلة زلمة مشورب ومعنده لحية هيج ورث جگارة وعيونه حمر طاگين دم ومكحلة والبؤبؤ لونه عميق وعاض شفته والجگارة بحلگة ويسوق بأيد وحدة والثانية مطلعها من الجامة ويباوع للمراية حتى يخلص من الازدحام وبعد بملابس العسكرية ممبدل والمسدس عالدجبول حاطة ومن يحجي صوته خشن خفف السرعة ونزع الجاكيت وشفت عضلاته البارزة إنسان مبين عليه چتالي واشوف الآمان بعيونه وقربه بس بنهاية هو عصبي وماراح يتحمل من يشوفني مو عذراء دمه حار فاير نار وشرار يكتلني بدون ميسمع مني ولا كلمة دفاع وينك بابا تجي لـبنتك الي بقت بين رحمة نرجس وبناتها العوبات الي كتلوني واني عايشة الي حسيت بمرارة بصدري من حجيهن وكلمة شرف صارت عندي فوبيا اووووف اوووف جريت النفس وبيها الف حسرة ووجع وشوگ كل يوم يحجون سوالف سچينه وتدج بگلبي چتالي گاعد يمي واني ماحاسة بخوف ولا خايفة من الموت لو ماعقوبة رب العالمين جان انتحرت معندي اي سبب اعيش علمودة حتى نفسي ضيعتها حتى شكلي تغير حتى شرفي راح اغلى شي لية راح شرفي بقيت بلا شرف هل من المعقول رب العالمين يحاسبني على هذا الشي بس يارب انت الوحيد التعرف الذنب مو ذنبي يارب اني سلمت حالي واحوالي بين ايدك وانت مدبر الأحوال
-ذوالفقار : عادي انزل الجامة الحجية اختنگنت من الجگاير
-نرجس اي عادي
-ذوالفقار : مو وياج
-نرجس : شنو
-ذوالفقار : ماكو شي روسلين دحاجيج عادي انزل الجامة عبن الحجية اختنگت
-روسلين : ها عادي اخويا عادي
-إسراء : ولج اخويا شنو انتي صدك تحجين
-ذوالفقار : إسراء شو هم سمعت صوتج
-روسلين : اسفة بس متعودة على كلمة اخويا
-ذوالفقار  باوعلي وابتسم وعض اصبعة صار يضحك بسكوت وفتح الجامة
-روسلين غمضت عيوني والهوى يضرب بوجهي ورجعت احجي بگلبي چتالي ضحكته حلوة وهيبته تخوف زلم مشوربة بقت عليا تخيلتة لازمني ويخنگني رجفت خوف بس اليقويني هو اعرف مصير الموت والموت حق على كل بني آدم فتحت عيوني من وگفنه عند اشارة المرور ولمحت صميم
صميم معقولة باوعتلة زين مو هو بس بشبهة سبحان الخالق صرت اباوعلة
-ذوالفقار : روسلين
-روسلين : بدون مااباوعلة نعم
-ذوالفقار : ماكو شي
وسد الجامة عالسريع والجام مضلضل باوعتلة ردت اگلة ارجع نزلها من باوعتلة شفته يباوعلي بغضب ومطنگر هيدي نزلت راسي والتفتت
-إسراء : صارت خضرة ذوالفقار صارلك ساعة هسة ترجع تصير حمرة
-ذوالفقار : مجنت منتبه
-إسراء : ديلا هسة تأخرنا
-ذوالفقار : هم رجعتي فكيتي حلگج
-إسراء : مو غير ذكرتك
-ذوالفقار : هاا
-إسراء : ايييي
-ذوالفقار : اي بله ست إسراء ايمتى تعلميني الاحرف
-إسراء : لا لا مقصدي والله توبه بعد ماافك حلگي ها صكمه بكمه عميًا
-ذوالفقار : عفية خوش بنيه انتي
-روسلين اباوعلة بأستغراب اسراء مرت اخو واكبر منه شعجب تخاف منه وچمالة خالة سحر امه تخاف منه هاي هم يرادلها صفنه بس عليش هو اني ميته على ايده ميته شكو اتعلم على اطباعة
-نرجس : الحمد لله وصلنا روسلين اني راح اخذ اغراض خواتج وأطب للبيت انتي بعد جيبي اغراض وتعاي وطبت للبيت
-سحر : يمة اسراء اركضي بيا عالبيت
-إسراء : بخاطرج عروستنه
-روسلين : الله وياجن عيني
-ذوالفقار : روسلين
-روسلين : نعم
-ذوالفقار : شكو شبيج بس صافنه خاف مرت ابوج موكلتج لحم ابو صابر
-روسلين : لا بس هذا طبعي احجي بگلبي واصفن
-ذوالفقار : زين سؤال
-روسلين : بس يلا عالسريع اريد اطب للبيت
-ذوالفقار : تحجين مع منو بگلبج
-روسلين : مع روحي الميته
-ذوالفقار : انتي لغز ومع الأيام احلج
-روسلين : اني رايحة
-ذوالفقار : ممحتاجة شي
-روسلين : سلامتك
-ذوالفقار : يسلمج واي شي تحتاجي اتصلي عليا
-روسلين : تمام
-ذوالفقار : قبل متروحين هاج هاي
وانطاني علاگة كلش حلوة وگلي بخاطرج وراح واني طبيت للبيت وضميت الاغراض وگعدت ارتاحيت وطبيت للمطبخ شربت ماي وطبخت للعشا وصبيت الأكل وگعدت تعشيت عالسريع وعفت السفرة ورحت للغرفة وهنا راحن يتعشن طلعت العلاگة وصفنت بيها شويا وفتحتها جان موبايل ايفون الجديد تخبلت من شفته جان بحلامي اشتريه فتحت وشفت حاط بيها شريحة ومسجل رقمة طلعت شريحتي القديمة وكسرتها وبرامجي حذفتهم وسويت جديد جنت كلش فرحانه بالفون الحلو ودزيتله رسالة شكر وممنون
-سارلين : هذا منينلج
-سيلين : بس لا بگتي
-نيڤين : انتي بحلامج تشترينه اكيد بايگته من محل
-نرجس : ولج احجي منينلج
-روسلين : اول شي اني مو حرامية مثل بعض الناس وثاني شي خطيبي هو الي جابة الي كهدية وهياته الدليل رقمة مسجل وكاتبلي رسالة تجنن
-سيلين : اممم هو بتالي لو يكسرة لو يبيعة عبن انتي متبقيلة هههههههههههه
الكل هههههههههههه
حزنت كلش من كلامها وضجت بس من ناحية كلامها صحيح ومابي اشكال گمت على حيلي وضميت الفون القديم والجديد وگعدت عالگاع ابجي واشهك الشهگات التوجع الگلب بكل معنى الكلمة
ماظلي حيل اتحرك من مكاني بعد
خسرت كلشي بحياتي مبقى أحد
اخويا ابويا
حبيبي
امي وخواتي
بس كل هذا يتعوض
بس شيعوض
الشرف
بعد شيعوض الشرف راح بعد ميرجع
احس بحشرة دتاكل من عقلي وجع مو طبيعي براسي وأصوات اسمعها من بعيد وصوت عياطي من اختصبوني وصوت امير وهو يحجي مع صديقة حربي ومنضري من فتحت عيوني وشفت الدم بكل مكان بعد متحملت جنت داموت بس الله ماياخذلي روحي عزرائيل مايقبض روحي يارب ارحمني كافي اخذ روحي دموت لحظة بلحظة بعد متحمل صرت اشعف بشعري واتمرغل بالگاع ماكو اليوگفني ومعندي طاقة اگف شلت نفسي ورگعتها بالگاع صعدت فوگ الچرباية وذبيت روحي قوي عالگاع ومرة ثانية شلت نفسي ورگعتها بالگاع دخت وبعد محسيت بشي نهائياً وعيوني تغوشت احس كلشي بيا تخدر وبعد ماحس بي
______________________
لـلحكاية بقية
لاتنسون التصويت + متابعة للحساب
بقلمي : مريم الـثامر
شنو شعوركم وانتو تقرون ؟؟؟