خصلة شعر ﴿الأصلية﴾

﴾part25"بارت٢٥﴿

بقلمي : مريم الـثامر
خصلة شعر
قراءه ممتعه
_____________________
- وبڪيتُ في غيابك ڪما لم أفعل من قبل
بڪيتُ من ڪل الحواس بڪيتُ ڪأني لا أبڪي
بل أذوب دفعةً واحدة وأمطر

_ محمود درويش.
__________________
-روسلين : واني گاعدة وصافنه وأتذكر ضحكته واحنه سوى بابا وسند معقولة مر اليوم السابع بدون ماشوفهم وفجئة
-سيلين : روسلين امير وعمامة جايين وگاعدين هسة بالأستقبال مع صميم
-سارلين : اذا هجمو عليه يكتلونه يموتونه
-روسلين : عوذة فال الله ولافالج قابل جهال حتى يضربونة
-نيڤين : احسن شي نروح نتسمع عليهم ونحاول نفهم الموضوع
-روسلين : خوش فكرة امشن
رحنا ودنتسمع عليهم
-امير : اني خطبتها من ابوها المرحوم انت منو حتى مترضى نكمل طريقنه ونتزوج
-صميم : اني ابن عمها وعاقد عليها
-امير : شون عاقد عليها وأبوها انطاني ياها
-صميم : البارحة عقدت عليها وجنت حاسب حسابك
-امير : والفلوس الصرفتهن والمهر
-صميم : فلوسك ترجعلك ومهرك حاظر نرجعة
-امير : اني ماريدهن اريد خطيبتي
-عم امير : اميررر عاقد عليها شتريد بعد خل ناخذ فلوسنه ونروح بكرامتنه
-صميم : على راسي عمي انتو معززين مكرمين
واجا صميم
ولجن شدتسون هنا اذا احد شافجن
-سيلين : نتسمع
-صميم : انتن منو يگدرلجن
روسلين امشي جيبي فلوسة حتى نفض السالفة
-روسلين : اي استاذ صميم ومنو گلك اني ماريد امير
-صميم : صك سنونه وخزرني رويسسسللين جيبي الفلوس وانجبي ولج عرمة
-روسلين : اي اي هسة اجيبهم
رحت وجبت الفلوس وانطيته ياه ورجعت اتسمع
-صميم : عدهن فلس فلس اذا ربع ناقص حتى انطيك
-عم امير : لاعمي ميحتاج تعدهن واحنه نسترخص
-صميم : الله وياكم
راحو
-صميم : روسلين امج وين
-روسلين : گاعدة بالحديقة ليش
-صميم : تعالن دنسولف بموضوع
-سارلين : تحمست انطيني العناوين
-سيلين : دمشي قابل راح نروح على طريبيل
رحنه وگعدنه يم ماما
-صميم : خالة نرجس عادي افتح وياج موضوع
-نرجس : تفصل ابني احجي اسمعك
-صميم : بعد عمي عمر الله يرحمه وسند بعد ماكو رجال ببيتكم يحيمجن من كلام الناس والمجتمع واني اريد اتزوج روسلين واسكن هنا لو اشتري بيت ونسكن كلنا بي
-نرجس : لا عليش تشتري بيت وبيتنا موجود
-صميم : شنو رائيج توافقين اصير نسيبكم
-نرجس : انت مو بس نسيبنا انت ابني واكيد موافقة وين نلگه واحد مثلك
-روسلين : واني ماتاخذ رائيي لو شنو
-صميم : انتي موافقة لو لا
-روسلين : مموافقة
-صميم : طبج طوب توافقين لو لا
-روسلين : لا والله
-صميم : اي والله وغمزلي
-نرجس : وايمتى تعقد
-صميم : خليها بعد أربعين المرحوم
-نرجس : الله كريم وعالخير والف مبروك
-سيلين : الف مبروك حبايبي
-سارلين : مبروووك يعمري انتو
-نيڤين : الله عود جيبو بيبي حلو نلتهي وياه
-صميم : ولايهمج نجيب ١٥ بنيه و١١ ولد
-روسلين : مو بطن زحليگه هههههههه
الكل هههههههههههه
-نرجس : امداج وامدة سوالفج البربوگية يولي
-روسلين : صافنه بصميم وبالحب عيوني مشغولة
شون ديحجي ويسولف وعيونه تلمع وكلامة اليذوب گلبي ﴿تأمريني أمر تدللين صار ﴾ يفرح گلبي بكلامة
معقولة اكو وحدة غيري تحبه وعاشگته مثلي مااعتقد احبه واهواه وافدي بروحي وأحبه أكثر من أمه وأبوه
-نرجس : والله گلبي راح يطگ
-سارلين : ماما خلنطلع مكان
-سيلين : اي ماما حبابة
-نيڤين : عفية عفية ماماتي
-نرجس : تمام نروح للمول
-صميم : اني اوصلجن
-نرجس : روسلين شو محجيتي تجين لا
-روسلين : لا ماما انزعج اطلع من البيت وايدي مجروحة عود من اطيب نطلع مرة ثانية
-نرجس : تمام گومن حضرن نفسج بسرعة
راحو خواتي ولبسن
وطلعو من البيت بقيت وحدي گاعدة بالحديقة شغلت اغنية شمسين وگعدت اغني وياها ووصيت صميم يكبرلي صورة سند حتى اخليها بغرفتي
وبقيت اعيد الأغنية لحد ماسمعت صوت صميم يصيحني
دخلت للبيت وگتله ها خير شجابك
-صميم : روسلين تدرين شگد احبج
-روسلين : شگد
-صميم : بگد حبي للعراق وعرواق العراق بين عروقي وعروقي بين عروق العراق
قرب عليا واختلطت انفاسنه وغمضت عيوني
-صميم : ليش غمضتي عيونج
-روسلين : من اكون وياك اغمض عيوني عبن انت اجمل شي بالحياة ماريد اشوفة بعيوني حتى يدگ بنص گلبي وگلبي يشوفه
-صميم : بهمس
احبج
اعشق
اموت عليج
ياروحي انتي وعمري وحبيبتي
ماكو كلمة توصف حبي الج
ولج احبج
وشبكني قوي لحضنه
خدودي جمدت واحس الدم وصل لـراسي من الخجل معرفت شحجي شگول ردت اگله وخر خلة ايدة على حلگي
اششش ولاحرف
وصار يتلمس بشفايفي ويبوسني من راسي ورگبتي وشفتي وايدي حتى من خشمي باسه
گعد وگعدني بحضنه شغل فلم كوميدي وصرنا نباوع ونضحك وهو يباوعلي بحب وينتبه على ضحكتي اخخ روسلينوو شكثر احبج اروح فدوة ونذر لـهلضحكه الحلوة خربيومج شون تحرگيني حرگ بجمالج
وبعد ساعتين اتصلت ماما حتى يروح يرجعهم
باوعلي واني بحضنه سويت نفسي نايمة
باسني وشالني اخذني على غرفتي ونزل راح للمطبخ شرب مي وبعدين راح للحمام غسل وجهة ورجع اجا لغرفتي
-صميم : حبيبي الحلو اگعد
-روسلين : شتريد
-صميم : ماريد اخليج وحدج نايمة گومي تعاي وياي
-روسلين : تمام ثواني أبدل
-صميم : اذا مابيج حيل اني ابدل ملابسج عادي خادمج اني
-روسلين : هههههه لا شكراً
-صميم : لا والله اني ابدلج ياهم
-روسلين : ولك اطلع من غرفتي دبدل
-صميم : ركع على رجليه وباس ايدي ووگف على حيلة وحضني وهمس ولج احبج يبعد روحي
وطلع من الغرفة بدلت وطلعت
صميم شغل السيارة ورحت گعدت ورى باوعلي
-صميم : ولج تعاي گعدي هنا يمي
-روسلين : ما
-صميم : يعني شافتيني صلاة على محمد مبيا شي گلتي خل ارفع ضغطة
-روسلين : گتلك مااجي اگعد يمك
-صميم : واني مااتحرك اذا ماجيتي
-روسلين : اهوووو انت شگد عنيد
-صميم : بس مو مثلج بالعناد
رحت وگعدت يمه بالصدر
-صميم : هسة تمام وشغل اغنية شمسين وگلي ادري بيج تحبيها باوعتله وابتسمت
-سيلين : هذا ليش طول
-سارلين : احسن حتى نبقى هنا منرجع للبيت ماحب البيت
-نرجس : هسة يجي
-نيڤين : سارلين انتي ابقي هنا باتي هنا لاترجعين
-روسلين : المشكلة ماكو مكان النومة هنا للأسف
-سيلين : ولجن خاف روسلين بيها شي هيج طول
-سارلين : عوذة دباع شتحجي الله لا يجعل
-نرجس : هايته وصل
-سارلين : روسلين هم وياه
-نيڤين : وگاعدة بالصدر
-سيلين : هاي من هسة استحلت
-نرجس : اي حتى يبقالنه مكان نگعد
صعدو السيارة
-صميم : الله بالخير
-نرجس : الله بالنور ابني
-روسلين : شون جانت الطلعة
-سيلين : راحت عليج
-سارلين : لاجذب جذب هاي الكوبرا دتجذب
-نيڤين : الطلعة مجانت حلوة عبن انتي مجنتي ويانه
-روسلين : يعمري انتو
-سيلين : حبيبتي انتي والله جانت حلوة الطلعة
-روسلين : هسة دكافي چلبتو
-نيڤين : بربج روسلين شنو العشا بطني يملخني من الجوع
-روسلين : يااااا وربي ممسويا شي
-صميم : مو مشكلة هسة ناخذ ويانه
-روسلين : خوش اني اريد لحم بعجين
-نرجس : هاي هيا الكل ناكل لحم بعجين ميحتاج ننوع
-سيلين : انتي اتفق وياجن
-روسلين : صميم انت شتطلب
-صميم : باوعلي وگال اطلبج
وجهي صار احمررررررر
بعدين گال اقصد اطلب نفس طلبج
-سارلين : رگعتها بس الشگة جانت اكبر من الوصلة
-صميم : هههههههههههههه
-روسلين : اممم ميضحك
-سيلين : اويي خجلت ههههه
-نيڤين : كافي تخجولها ترة هسة تذب روحها من السيارة هههههههه
-صميم : والله صدگتي
نزل صميم وجاب الأكل ورجعنه للبيت اكلنا وسويت شامية وگعدنا كلنا نباوع لفلم ونضحك
باوعت لـماما غالبها النعاس ونايمة اخذتها لغرفتها وخلص الفلم وگعدنا نسولف اني وخواتي وصميم مثل الاطرش بالزفة
-سيلين : ولج هاي الشسمها
-سارلين : هاي الماتتسمه
-روسلين : مسمومة هاي
-نيڤين : عمة العمها
-روسلين : ولجن اكو واحد مشى مشى لگه مشمشة
-الكل : هههههههههههه
-سارلين : اگللجن باجر لازم نرجع للمدرسة
-سيلين : اهووووو اقهريني بعد اقهريني
-نيڤين : ياعينيييييي ايمتى يجي باجر
-روسلين : عود بالجن على نفسجن ها ماوصيجن
-صميم : هوب هوب هوب انتن سوالفجن
٥٠٪كلام تافه
٤٠٪نميمة وغيبة وحش عالعالم
٩٪مواضيع دراسية
١٪كلام مهم وجدي
-روسلين : اذا مو عاجبك لاتگعد يمنه
-سيلين : منو لازمك وجابرك تگعد يمنه
-سارلين : اي زا انت الگاعد هنا
-نيڤين : سولف انت خلنسمعك
-صميم : هههههههه والله من لا جارة منع تجوال والنت ضعيف والفلم خلص شسوي متگولولي
-روسلين : خل انصحكم نصيحة عالماشي
ديرو بالكم تتعجبون وتنبهرون بواحد يمدح نفسة
فرعون گال اني ربكم الأعلى
وطلع العار سبح ميعرف يسبح
وتالي مات غرگان
تهي بهي مو لو مومو
-صميم : خوش نصيحة
-سيلين : صح لسانج اووختييي
-نيڤين : ابد ماانسها بس مو النصيحة الـتهي بهي هههههههه
-سارلين : لا والله جديات حبيت نصيحتج معندج نصيحة غيرها
-روسلين : امبلي نصيحة المايعرف راسة من رجليه
للتاريخ
كليوباترا ملكة وتزوجت اخوها وكتلت اختها وتزوجت العدو بعد ماسرحته بالگنافذ وقتلت اخوها وحكمت مصر حكم صارم
-صميم : ويجيك الفاهي ابن الفاهي من يروح للقارورة يگول افهمج من عيونج 
-سيلين :  روسلين خااااااايبة دگومي مانااااا انتي ونصايحج اروح انام احسنلي
-روسلين : روحي انطمري عساما نومة اهل الكهف بعد متگعدين
-سيلين : قبل لاانام فكرولي شون اغش
-سارلين : سوي براشيم
-سيلين : ابرشم واكتب جرايد ولاكلمه تفيدني
-روسلين : خوب اقري ليش تغشين
-سيلين : ميفيدني الحجي وياجن دروح
-روسلين : ليش تحبوني
-نيڤين : يااختي انتي محبوبة محبوبة نحبج مو بيدنه انتي أكثر وحدة بالكون گلبها طيب وتنصحين وتهتمين وكلشي كلشي الله يديمج النه
-روسلين : كلامج كلش حلو
-نيڤين : كلشي حلوة يلوگلج
نعست ورحت لغرفتي تمدتت ودنام
معقولة هذا اليوم الحلو راح يطلع من خشمي وكلشي يصير محلو واتعذب وانقهر
الأروح التي اعتادت القلق
تظن أن الطأمنينه فخ
__________________
لـلحكاية بقية
لاتنسون التصويت+متابعة للحساب
ايمتى تريدون البارت الـ٢٦ ؟