خصلة شعر ﴿الأصلية﴾

﴾part38"٣٨﴿

بقلمي : مريم الـثامر
خصلة شعر
قراءه ممتعه
_________________
من تڪعد بصفي طفل
ويم البشر لبوة
ومن تلعب و وجوه المطر
الله شڪد حلوة..
لوبچت صالحها الگمر
وڪذلتها أحلىٰ من الشجر
الله شڪد تسوه..
موفدوة رحت لڪذلتچ
50الف فدوة
نتعارك ونزعل
لچن من نلتقي تشمني
حبوني صح ناس شڪثر
بس هي تفهمني
ومرات آحبها من الطرف
بس هي لا من اللب
ومن أختفي تخلي عذر
طبع البنية من تحب
مثلچ ولا الڪه بعد
والله آني بيچ مچلب
يفلانة بيچ مچلب...
ذوالفقار : روسلين وينج
-روسلين : هذا ذوالفقار واكيد اكو شي خطير عبن كل مايصيحني بأسمي يعني اكو شي سترك ياربي هياتني شكو
-ذوالفقار : لزمتها من ايدها وطلعتها للحوش
-روسلين : شكو شبيك شفت واحد صغير وهذا منو
-ذوالفقار : اندار
-سند : اختي روسلين
-روسلين : شفته وبعد معرفت شسوي گعدت بالگاع وصفنت گدامي وتذكرت يوم الراح بيها ومن حضني آخر حضن ومن حجة وياي آخر حجاية
-ذوالفقار : روس بابا لاتنصدمين گومي هياته اخوج رجع لعندج گومي
-سند : ركضت عدها وحضنتها روسلين احجيلي وين بابا وين ماما وينهم البنات صميم وين وليش انتي هنا
-روسلين : باوعتلة وصرت اتلمس بوجهة مثل وحدة عميانه ورجعلها بصرها وصرت اردد راحو سندي راحو مبقى احد سندي ليش كلكم عفتوني ليش
-سند : انتي بس اهدي هسة احجيلج كلشي
-ذوالفقار : انطيني ايدج گومي خل نطب جوى
طبينا وگعدنا بالاستقبال
-سند : راح احجيلج كلشي بالتفاصيل
-روسلين : اسمعك
-سند : من يوم الي ماما ضربتج بنص الليل وصوت بجيج و الخلافات بالعائلة نفسيتي تعبت وجنت اشكي لـصديقي الي تعرفت عليه من النت وهو اقنعني حتى اروحله واني سويتها بيوم جنتو كلكم مشغولين طلعتله على شارع الفلاني ورحت وياه واخذني لـمحافظة ...... وبعد كم يوم اخذني لـبيت قديم وبي ويلاد وبنات بعمري وصار يعاملني بقسوة وجبرني اگف بالتقاطع اجدي
-روسلين : تجدي هاا ليش مرجعت ليييش
-سند : معرفت شون ارجع وحاولت مرتين وشوفي شسوى بيا
طلع رجلة محروگة وايده محروگة
-روسلين : سودة عليا ولك تعال لحضني خاف هذا حلم
-ذوالفقار : لا مو حلم
-سند : احجيلي انتي شصار
-روسلين : اوووف اوووف يا سندي اووف اسمعك خلحجيلك بابا بصوت يرجف گتلة بعد مارحت بابا اناطك عمرة
-سند : شنووو كله بسببي بابا مات
-روسلين : لا تحجي هيج واسمع خل اكمل اني صارت وياي شغلة مو زينه وماما والبنات تبرن مني و صميم اتزوج واستقر وراح يصير اب واني محد ماوگف وياي بس هذا واشرت على ذوالفقار
-سند : روسلين اريد اروح عند بابا
-روسلين : ذوالفقار عادي تاخذنه على گبرة
-ذوالفقار : گومو هسة اخذكم
-سند : متذكرة الصبح واستكانه الچاي
-روسلين : حسبالي ناسي
-سند : شنسى احط راسي اريد اغفى والف شغلة تجي براسي اظل اتلمس بگلبي واتذكركم واظل احسب عدد جروحي كلشي اتذكر اني مانسيت بس روحي مشتاگالهن كلش روسلين
-روسلين : عوفهن هنا عمن من دونك هسة سولفلي اعلة لون عيونك  بعده يخجل من يمر بيهن ربيع بعده اليباوع على عيونك يضيع
-ذوالفقار : متروحن على ابوكم
-سند : امبلي يلا اختي
-روسلين : يامحلاها كلمة اختي من تطلع منك
-ذوالفقار : روسلين گومي بدلي يلا منتضريج بالسيارة
-روسلين : ثواني واجيكم
رحت لـغرفتي وبدلت عالسريع ورحتلهم وطلعنه وطول الطريق اباوعلة ومبتسمة وومصدگة رجعلنه وصلنا ولزمت ايدة وأخذته وياي يم الگبر ودموعي نزلت على خدودي وگعدت أحاجي
يابة رجع سند شوفه رجع يابة احنه فاگدينك من غبت ماگمنه نلتم واعتزلنه الگعدة ذيج ومرة اذكر بيك نحچي  ومن وصلنا لـحرف اسمك هب حنينك انت وينك  لا قريب ونعتنيلك ولا تجي ونلمحها عينك فاگدينك 
ارتلنه قرآن وگعدنا شويا
-سند : اريد اشوف بيتنا حتى لو بس من برى
-روسلين : صار ادلل حبيبي هسة نروح
-ذوالفقار : اخذك وين متريد سنود البطل
-روسلين : تراه گد حجايته هسة لو تگله اخذني للمريخ ياخذك
-سند : ذوالفقار لو ما انت جان مشفت اختي ومتت واني اجدي
-روسلين : حبيبي لا تحجي هيج انت هسة ويانه وطير بشر ميگدر يلمس شعرة من عندك حتى لو بالغلط
وصلنه للمنطقة وشفنا البيت و جريت نفس متروسة حسرات
اقسى انواع الحزن من تمر على بيتكم القديم الي عشت بي احلى ايام وتشوف بشر جديدة يطبون ويطلعون منه
-ذوالفقار : بهمس روس ترة نفسيته تعبانه
-روسلين : خليها عليا انت بس اريدك معايا حتى نگضي هالاسبوع كله نغير من نفسيته اني اخطط وننفذ سوى
-ذوالفقار : صار سيدي انت بس أمرني
-روسلين : اروحلك فدوة اني لو ماعيب جان بستك
-ذوالفقار : عادي بوسيني شحدة اليعيب
-روسلين : خليها على بعدين هسة خليني افكر بالخطوة الاولى
-ذوالفقار : فكري على راحتج واني راح اخذة ونروح نجيب شي نشربه من هذا المرطبات
-روسلين : اريد كوكتيل
-ذوالفقار : تدللين هسة اجيبلج
سنود البطل تعال وياي نشتري شي نشربه ونرجع أختك عطشانة
-روسلين : اي حبيبي سندي روح وياه وجيبلي كوكتيل مثل الي احبه انت تعرفه صح
-سند : اي اعرفه
-روسلين : اروح فدوة اني للماينساني
راحو وصرت افكر واكتب خطط اغير بيها نفسية سند ويرجع طبيعي كتبت كلشي لمدة ٧ ايام
رجعنه للبيت ونومته يمي وذوالفقار جان عندة مناوبه ومجان يرجع عالبيت وخالة سحر واسراء حجيتلهم السالفة وساعدوني كلش بتغيير نفسيتة كل من يرجع ذوالفقار نطلع
اليوم الأول رحنا اشترينه قرآن ووزعنه عالمساجد وخليت سند هو بأيدة يصفطهم وصيت ذوالفقار هو عليه عبن اني مادخلت جوى
اليوم الثاني اشترينه كراسي متحركة واتبرعنه بيها للمستشفيات وخاصة الأطفال المعوقين سند صار يشيلهم ويخليهم عالكرسي ويلعبهم وهو جان يتونس
اليوم الثالث جانو بمنطقة الـ.... جانو يأثثون الجامع وذوالفقار اخذة وياه وراحو يساعدوهم
اليوم الرابع اشترينه براد ماي وخلينه بشارع حتى اليجي عطشان من منطقتنا يشرب منه ولعبنه مع جهال المنطقة
اليوم الخامس زرعنه ورود بالحديقة وگعدنا شربنه چاي العصرونية وسوالف ضحك ونكت
-ذوالفقار : اكو مرة چاي شاف شكر ديمشي بالشارع گالتله شلونك ياحلو ردت بخير يالمذوبني
-إسراء : اكو مرة استاذ سئل طلابة گللهم ليش الگمر يطلع كل راس شهر جاوبة واحد وگله استاذ عبن يستلم الراتب
-كلنا ههههههههههههه
-سند : سوالفكم متنمل
-ذوالفقار : والله الگعدة وياك متنمل
-روسلين : اي طبعاً عيني چا غير اخويا
-إسراء : دولي ولي سند اخويا اني انتي صرتي قديمة
-روسلين : سندي صدگ الدتحجي اسراء
-سند : ثنينجن خواتي ماكو فرق
-روسلين : بس تحبني اني أكثر
-إسراء : هسة البضاعة القديمة متنحب مثل الجديدة
-سند : لا وين قديمة ههههه احبچن ثنينچن
-سحر : متحب لا هاي ولا هاي تحبني اني وبس
-سند : بيبي سحر وبس والباقي كلكم خس
-الكل هههههههههههه
اليوم السادس طلعنه للمول واشترينا هواي شغلات واتونسنه بالعاب وشغلنه اغنية بسيارة وصرنا نغني وياها ونضحك
اليوم السابع
-ذوالفقار : اليوم شنو خطتج
-روسلين : لازم ناخذة عند امه
-ذوالفقار : مو خوش فكرة بس مجبورين
-روسلين : مثل مگلت مجبورين
-ذوالفقار : نروح احنه الثلاثة ونرجع احنه الثلاثة منخلي يبات عدهم لا يحشون براسة ويخلوه يكرهج وانتي تحبينه
-روسلين : يعني انت تجي ويانه
-ذوالفقار : چا شلون قابل اخليج تروحين على هذني الماعرف شگول عنهم وحدج مع اخوج الصغير
-روسلين : يعني تخاف عليا
-ذوالفقار :اخاف عليج من كلشي اخاف عليج من الگاع اذا تمشين اخاف عليج من كل صوت يزعجها اذا نمتي واقرا عليج الف قرأن مو أيه اذا كمتي واخاف عليج من زعلي أذا طول واروح ابعيد
واخاف بدونج شما وكتي احس يزيد
-روسلين : يبعد روحي احبك
-سند : روسلين اختي انتي بالغرفة
-روسلين : اي حبيبي تعال
-سند : شكاعدة تسوين
-روسلين : مداسوي شي بس اريد احاجيك بموضوع
-ذوالفقار : لا اول شي اني احجي
-روسلين : اتفضل احجي نسمعك
-ذوالفقار : باجر عازم بيت صديقي مصطفى وهو يريد يشوف سند
-سند : و ليش يريد يشوفني
-ذوالفقار : عبن اني هواي احجيله عنك وامدح بيك انت بطل وهو من فضولة يريد يشوفك
-روسلين : ياهلا بي بأي وكت يجي
-ذوالفقار : يجيب وياه مرته حتى تتعرف عليج
-روسلين : اي عادي ياهلا بيهم
-سند : شنو الموضوع الي ردتي تحاجيني بي
-روسلين : شوف حبيبي بعد شويا راح نروح اني وانت وذوالفقار لـبيت امك شوفهم وسلم عليهم واگعدلك ساعة ساعتين مو مشكلة ونرجع المهم بس تتشاوفون
-سند : صدك
-روسلين : اي حبيبي انت جاهز مستعد
-سند : اي مستعد
-ذوالفقار : يلا امشو ميحتاج السيارة هياته بيتهم
-روسلين : اي يمعود عليش السيارة
مشينه ورحنالهم وصلنه ودگيت الباب طلعت نرجس
-نرجس : خير شتردين
-روسلين : جايبتلج ضيف شويا ونروح
-نرجس : مامرحب لا بيج ولا بضيفج
-سند : واذا اكون اني الضيف
شافته وجمدت بمكانها ووجهة نخطف لونه وعيونها دمعت صارت تصيح تعالن اخوجن رجع سند رجع اجن سارلين و سيلين ونيڤين صارو يتحاضونون ويبجون وطبينه جوة گعدت بالزاوية وذوالفقار بالحوش گعد وما طب جوى وشفته يورث جگارة وصافن يفكر عفته براحته وبعد ساعة ودقيقتن من كلامهم سكتو وسند أشرلي حتى نروح وگمت لزمته من ايدة حتى نروح
-نرجس : وين وين تاخذين ابني
-روسلين : وخري من گدامي مالي خلگج
-نرجس : مااسمحلج تاخذين ابني
-روسلين : لو يهمج ابنج جان سئلتي عنه صارلة أكثر من أسبوع يمي وحجتيلة كلشي وكله بسببج هج الولد من البيت وهيج صارت بحالته وفوگاها تبذبين اللوم عليا صدگ ماتستحين شو وخري من گدامي وثاني مرة مااسمحلج هيج توگفين بطريقي خوش
عفتها وطلعنه وهيا تگول ياحيف السنين الربيتج وكبرتج بيها وهيج تجازيني يامن تعب ويامن شگة ويامن عالحاضر لگه طلعت وبعد مسمعت صوتها
تبارينة الذمم والحب طوينا
وشمرنة الذكريات حجارة بالبير
مادام النهر ضيك عبرنا وكملن خلي يذكر صاحبة بخير
صدك عدنة هدف بس ماوصنا
مشي الحفاي نمشي على المسامير
ولوكلشي يضيع النة منلكا
خشب ويصير بحلوك المناشير
شلك بنسان مثل الدهر جلاب
احسن مااطيح وبيه تحير
لويدري البشر رحيم ويا
ربك مايسوي جناح للطير
جاحته السمج بالكاع خلى
لكن كلنة نعرف هاية متصير
بشرنة اليوم منو يعيش ويا
والي بي يامن ركبة اطير
________________
لـلحكاية بقية
لاتنسون التصويت + متابعة للحساب