خصلة شعر ﴿الأصلية﴾

﴾part29"بارت٢٩﴿

بقلمي : مريم الـثامر
خصلة شعر
قراءه ممتعه
________________________
-روسلين : گعدت الصبح وشفت روحي مددة ونايمة عالگاع وجسمي كله يوجعني وراسي يوجعني وعيوني مغوشة بزور فاتحتهن
طبت نرجس للغرفة
-نرجس : توج گعدتي صار الظهر
-روسلين : الساعة شگد
-نرجس : بعد خمس دقايق تصير ١١
-روسلين : توقيت حلو
-نرجس : انجبي لج گحـ*ـة بلا شرف يلا گومي وراج شغل
-روسلين : تمام
بزور رجليا شايلتني گمت ورحت غسلت وجهي ونضفت البيت وحضرت الغدى وصبيت الأكل واكلو وغسلت المواعين والملابس ورجعتهم لـأماكنهم وغسلت الزولية بعد ماظلي حيل انهديت وگعدت ارتاح فد دقيقتين
-سيلين : ماما تعاي
-سارلين : يمة هاي گاعدة
-نيڤين : گومي لج جايفة
-نرجس : هاي شنو ولج مدتشوفين الطارمة وسخة والبردات گومي غسلي يلا بسرعة
-روسلين باوعتلهم وماجان بيا حيل احجي حجاية وحدة گمت على حيلي ورجليا تتسحسل ورايا وامشي بزور نبضات گلبي ثگيلة ونفسي ضيگ
رحت وكملت شغل البيت كله لي المغرب يلا خلصت ورحت للمطبخ حضرت العشا وصبيتلهم وصبيت بعد صحن وگعدت على صفحة داكل بطني دتوجعني من الجوع
-سيلين : شگد تاكلين عوذة
-سارلين : شگد سمينه چنج شرهان الي بسنافر
-نيڤين : شويا وراح تجين تبلعيني
-نرجس : يلا خلصي عود غسلي المواعين
-روسلين باوعتلهم ومحجيت ولاحرف وانسدت نفسي من الأكل وخليت الصحن وگمت دروح لغرفتي ارتاح شويا واجي اغسل المواعين
-سارلين : هيييي هيييي لاتشردين وتعوفين المواعين
-سيلين : عود هاي علساس مسويا ريجيم
-نيڤين : ريجيم من باب الشرجي
-نرجس : لاتروحين تعاي غسلي المواعين وولي
-سارلين : لو تموتين ماغسلهم اني ايديا تخرب جمالهن
-سيلين : اسم الله على ايدينا قابل مثل ايديها
-نيڤين : مرات اتخربط عبالي جفوف من هلگد ما بشرتها ممشگه
-نرجس : هسة رجلها حتى لو كشفها گحـ*ـة راح يكتلها بسبب ايديها
الكل هههههههههههه
بكلبي گلت جنتن تحلمن تصلن لنص جمالي وهسة دتعيبون على ايديا وكت من جنا ببيت عمو غانم جان ارحم منا هذولا اهلي وخواتي التربينا سوى هيج يسوون لو الغريب جان شسوى اوووف اوووف مقهورة بابا وينك ماما لو انتي عايشة جان اخذتي حقي ومعيشتيني أميرة عندج اخخ صحيح جسمي كلة يوجعني خاصة رجليا بس مو مثل وجع گلبي احسه ينزف وكل حجاية منهن گلبي ينفطر وينزف بعد اكثر تعبت ياربي تعبت بعد شگد اتحمل ابجي واشهك واون واشكي عالسجادة بس مافاد يارب شسوي بعد دموعي خانتني ونزلت ومسحتهن عالسريع
-نرجس : عود بجيتي علمود المواعين
-سيلين : هههههههه هنا مواعين
-سارلين : هسة من رجلج يكتلج شون
-نيڤين : هههههههه ولجن لاتضحكوني العصير طلع من خشمي
-نرجس : يلا يابناتي الحلوات امشن ندز موطة وحبشكلات ونگعد نتعلل شعدنا شغل عمل
-سيلين : صدگتي يمة
راحن وبقيت وحدي بالمطبخ والاستفسارات براسي شنو راح يحجون ويضحكون على يانكته ويباوعون على يافلم اتذكرت من جنا نتعلل وصميم ويانه اوووف صميم وينك حبيبي ويييين كله بسببي ولميت المواعين والدموع بعيوني وغصة بگلبي خلصت المواعين ورحت لغرفتي فتحت الأغراض وخليتهم بالجنط ملابسي منو راح يلبسهم ومكياجي منو راح ياخذهم وعطوراتي وكلشي صح اشتريته الي بس ماعندي امل بكلشي بعد مأيسة
خلصت كلشي وتمددت عالجرباية واحس گلبي صاير برجليا ويدگ كل قوته جنت احس رجليا تريد تشرد وتعوفني بعد مااتحمل احاول انام من وكت حتى اگعد من وكت مشتاگة اطلع الفجر وحدي واشم ريحة هوى الفجر بس مگدر انام ومستحيل اخليها حسرة بگلبي رحت وجبت حبة منوم واخذتة وطلعت الموبايل ووقته عالساعة ٤ الفجر وبعد مدري جم دقيقة نمت وحلمت بكوابيس
گعدت قبل مايدگ المنبه ولبست وطلعت برى واتمشى على كيفي والشمس بعد مطالعة ولازمة الحربة بيدي خاف أحد يتعرضلي ومن بعيد شفته صميمممممم حبيبيييي ركضت عنده
صميم حبيبي مشتاگتلك وحضنتو
-صميم : ياروحي ولج مشتاگلج
-روسلين : مجبورة صميم مجبورة
-صميم : منهو الجبرج بس گوليلي
-روسلين : اني اني الجبرت روحي
-صميم : مو اني الحبج ليش عفتيني
-روسلين : امير اختصبني
-صميم : منو امير
-روسلين : خطيبي السابق
-صميم : وانتي منو
-روسلين : شبيك حبيبي اني روسلين
-صميم : وخري من يمي اني ماعرفج
ودفعني وراح يركض واركض وراه واصيحه ووگعت
فزيت من النوم
استغفر الله هذا كله حلم باوعت للساعة ٣ ونص فتحت الفون أتصفح بي شفت حساب ذوالفقار طبيتله والتعليقات كلها من ضباط ومنزل صور وكت الحرب مع داعش شجان حالهم يگطع گلبي منزل صورة ستوري مع صاحبه وحاط ايده على چتفه
هيا هاي الايد الراح تدزني لعندك بابا وطلعت من حسابه وسويت حساب وهمي دشوف شحال صميم سويته ودخلت لحسابه ممنزل ستوري والبوستات قديمة راسلته مارد هو بالعاده ميرد على أحد ضليت اگلب بالفون لحد ما صارت الساعة ٤ ونص وفتحت الدنيا زين گمت وطلعت وقبل مااطلع گرصت روحي حتى اتأكد هذا مو حلم بقيت تقريباً نص ساعة اتمشى وحسيت بحركة ورايا فتحت الحربة وانداريت
-ذوالفقار : ها يولي شدتسوين طالعة من الفجر
-روسلين : هيج ليش ممنوع لو منع تجوال
-ذوالفقار : جان گلتي حتى اجيبلج حماية
-روسلين : ميحتاج
-ذوالفقار : دباع الفاهية صدگت هسة إذا طلعلج زومبي
-روسلين : اني انسانه ماتخاف يعني لاتحاول تخوفني
-ذوالفقار : مبين ويلا راويني عرض چتافج
-روسلين : اهوووو
-ذوالفقار : شكو تهوهوين جلبة انتي خوما جلبة
-روسلين : شعليك بيا والله يالله الكراوي التعبانه من صباحية الله
-ذوالفقار : طبي جوى روسلين لا هسة اشرب من دمج وماتطلعين الا بأذني
-روسلين : اني ماكو رجال يحكمني
-ذوالفقار : مو هسة راح يعبرون منا جيش كامل
-روسلين : هاا
-ذوالفقار : گبر طمج هو انتي شتعرفين لو مااني اكلج
-روسلين : لك دنچب للللك
-ذوالفقار : روسليييين لاتخلين افقد اعصابي واضربج
-روسلين : والله عرفت مو رجال
-ذوالفقار : استغفر الله العظيم و اتوب اليه
-روسلين : اهوووو هسة انت شجابك خربتلي الواهس ها شتريد مني
-ذوالفقار : لاحظت والله شجابني منا اليوم خرب بگصتج شگد تلحين طبي جوى لااحرگج حرگ
-روسلين : هاي شبيك يمعود هاي شبييييييك
-ذوالفقار : خرب بيومج شنو انتي متگوليلي رحمة للكعبة
-روسلين : هسة اني هنا انت شلك علاقة بعدين
-ذوالفقار : لج طبي جوى بابااااا
-روسلين : مستحيل
-ذوالفقار : جبرتيني
-روسلين : على شنو
شالني
-روسلين : ولك نزلللنييي نزلني نزلني
-ذوالفقار : لو ماخاف على عرضي جان عفتج واگفة مثل البومة هنا بس غيرتي ماتسمحلي
ودفر الباب برجلة ونزلني بالحوش
باعي لج اذا شفتج طالعة بدون اذني اذبحج واشرب من دمج معدنا نسوان يطلعون بدون ميدري بيهم أحد شناوية تشردين
-روسلين : ذكوري سخيف
-ذوالفقار : انجبي لااروايج الذكوري شونه ولج خايف عليج يالزمالة خايف عليج احترگو اهلج على هذا اللسان چا شبيج تخرسين گدام مرت ابوج
-روسلين : شعليك انت ياهو مالتك
-ذوالفقار : والله العظيم لو مامتأخر على دوامي جان علمتج شون تحجين وياي عدل
-روسلين : دروح الله ومحمد وعلي وياك
-ذوالفقار : بس باقي تگولين روحه بلا رده ام راس المدحوس
-روسلين : لا ارجع حتى تذبحني
-ذوالفقار : وعليش اذبحج
-روسلين : هاا لا علمود طولت لساني
-ذوالفقار : خليج ساكته خليج ساكته دشو احسنلج روحي گعدي واستچني احسنلج يلا عود باجر الحنه وبعد باجر اروايج شون تطولين لسانج
-روسلين : دولي ولي وركضت جوى باوعتله بخوف من الشباك جر نفس وورث جگارة وطلع سد الباب
خدرت الچاي وگعدت تريگت وخليتلهم الريوگ ورحت نضفت البيت ولو هو نضيف ومبقيت شغل بس الطبخ والمواعين ورحت لغرفتي نضفتها ومثل كل يوم اسمع كلام يجرحني ويأذيني من نرجس وبناتها والزم روحي بزور
وسمعت نرجس دتحجي بالموبايل
-نرجس : هلا حبيبتي هاجر شونكم
هاا الف مبروك يستاهل والله باركيله نيابة عني وعن بناتي اي والله الحمدلله كلهن بخير يسلمون عليج اي هههههههه حفيدتج سكينه ها الله يسلمها ويعافيها موجودة والله بس عدها شغل اي والله راح تتزوج ههههه اي والله كبرو هيا هيج الحياة تمام سلميلنه الله وياج حبيبة
-سارلين : ها يمة شتگول هاجر
-نرجس : متگول شي
-سيلين : على شنو باركتي
-نرجس : بعدين وغمزتلهم
-نيڤين : يمة دگولي مااگدر اصبر
-روسلين ماهتميت وگلت اكيد هيج دتگول حتى تحرگ گلبي عفتهم ورحت لغرفتي وبعد شوي اجت نيڤين
تعاي اجو بيت خطيبج
رحتلهم
-روسلين : هلا شونكم شونج خالة سحر شونج اسراء
-سحر : ياهلا بجنتي الحلوة
-إسراء : تعاي جنتنه الحلوة گعدي يمي
-سحر : يمة احنه منطول عدنا شغل ولازم نرتب ونعزم العالم جايين ناخذ اغراضج حتى نرتب غرفتج
-روسلين : تمام خالة هسة اجيب الجنط
-إسراء : خليتيهم بالجنط والله انتي سباعية
-سحر : جا شلون غير اعرف اختار خوش بنيه لوليدي
-إسراء : خوش سلفة انتي
-روسلين : ههههه شكراً خجلتوني بكلامكم
-إسراء : هسة مو وكت خجل دمشي جيبي اغراضج
-روسلين : هههههههه تمام
___________________
لـلحكاية بقية
لاتنسون التصويت
ومتابعة للحساب
🤍🕊️