خصلة شعر ﴿الأصلية﴾

﴾part13"بارت١٣﴿

بقلمي:مريم الـثامر
#خصلة_شعر
قرائة ممتعة 💝✨
_________________________
صباح يوم جميل
گاعدين نتريگ ونتضحك والكلام كله حب وغزل
-سند : اسئلكم فد سؤال
-نرجس : اسئل سؤالك ولو ادري سؤال تافه
-روسلين : هههههههه هسة خليسئل وبعدين احكمي
-عمر : اسئل وليدي
-سند : لابطلت شون استلمتوني حاصل فاصل
-سيلين : هسة دكل خرى ترة اجفص ببطنك
-سند : يلا راح اسئل بس عبن لحيتو
-سارلين : دحجي مو راح تطك مرارتي
-سند : شنو يعني الموت ؟
الكل صفن بوجهة هذا شيسئل
-عمر : جاوبتو بأستغراب الموت يعني بعد ماتاكل ولاتشوف ولاتسمع
قاطع كلامة
-سند : حلمت بواحد يگلي راح تموت
-روسلين : لك شگاعد تحجي اتفل على چتفك
-نرجس : ابني ليش هيج دتحجي وتوجع گلوبنه عليك
-سيلين : والله ياماما صدگتي من گلتي سؤال تافه
-سارلين : عابتلك على هاي الأسئلة
-نيڤين : ديلا عاد من حقه يسئل عن شي ميعرفة
-روسلين : اقطعوا الكلام اريد احجي عن شغلة مهما
-نرجس : خير إن شاء الله احجي
-روسلين : ماما بابا عدنا سفرة مدرسية نروح للمتحف عادي اروح اني هم وياهم
-عمر : مختلط لو بس بنات
-روسلين : مختلط
اول ماگلت مختلط باوعت لـ ماما وخزرتي
-عمر : لا متروحين
-روسلين : بابا عفية حباب خلي اروح
-نرجس : ولج ياماما ميصير محلوة تطلعين مع ولد
-روسلين : بس ماما اكو بنات بعد
-عمر : يكفي اسكتوا
-روسلين : بابا انت ماتثق بيا ؟
-عمر : امبلي اثق بيج بس مااعرف الي راح تطلعين وياهم وكلام الناس يوجع وينزل راسنه بتراب
-روسلين : بكلامكم هذا گلبي نقسم نصين
-نرجس : يكفي ولج سكتي
-روسلين : مااسكت اريد اروح
-عمر : طالع لسانج ودتحجين زايد
-روسلين : لا اني دحجي الحق وهذا حقي وشبيها اذا طلعت معاهم
وبعد نقاش طويل اني واهلي مااعرف شون اقنعهم ولايعرفون يقنعوني وأخيراً
اكتشفوا اني صوتي عالي وماعندي لاتربية واخلاق
گعدت شوي مع اهلي وبعدين اخذت موبايلي ورحت لـغرفتي اتصلت على صميم
-صميم : هلا روسلين شلونج
-روسلين : مو بخير
-صميم : شبيج احجي
وحجيتلو كل السالفة
-صميم : ترة اهلج حقهم يخافون عليج لاتاخذين على خاطرج ولاتزعلين
-روسلين : اني خابرتك حتى تكحلها بس انت عميتها ويلا ولي مو سوجك سوج الي يتصل يفضفض عندك وسديت الخط بوجهو
خليت راسي عالمخدة حسيت جسمي كله يوجعني ونفسيتي تعبانه صفنت وصرت أحاجي روحي ليش نهزمت من الكل وانعزلت وحدي ؟ مااگدر اضحك وين روحي المرحه وين شخصيتي التافهة ؟ معقولة هاي اني زعلت واتحسست من كلام الكل وحابسة الدموع بعيني ارتاحيت شوي ورجعت گعدت مع اهلي بعد مابذلت مجهود جبير حتى ابين اني بخير بالرغم اني مو بخير بس عندي احساس ان الخالق مخبيلي شي حلو عسى وگلت بگلبي عسى أن يأتيني مااريده بشكلٍ يليق بصبري
-عمر : روسلين بابا اگدر اكلج شي اذا ماكو زحمه
-روسلين : ههه شهل رسميات
-عمر : المهم باجر راح نطلع
-روسلين : وين ؟
-عمر : للمتحف
-روسلين : شنووو صدگ ؟
-عمر : إن شاء الله بس لخاطرج ها تعرفيني ماحب المتحف
-روسلين : اويلي يابة شكثر احبك
-عمر : تعاي
ركضت وحضنتو وبستة من راسة وگلبي جان طاير فرح وصرت اگول يل تغارون موتو موتو طگو من القهر ههههه
-نرجس : انتي ابد ماتكبرين تبقين على سوالفج
-عمر : خليها تدلل روسلينوو حبيبة بابا
-روسلين : الله عليك بابا اني من ابجي شكلي مايكسر الخاطر
-عمر : تكسرين الگلب الف وصلة
-سارلين : يمة يمة يمة يمة لو تنطيني ربع مكرج
-سيلين : اي ست روسلينو انتي اول وحدة حقج عيني حقج
-نيڤين : الصراحة روسلين تستاهل خوش بنية
-سند : طبعاً نيڤين جاي تتلوگلج حتى تاخذيها وياج
-روسلين : لا كلنا نروح ميحتاج تفعلون لواگه
-نيڤين : لا والله دحجي الصراحة مجاي اتلوگ
-روسلين : فدوة لگلبج حبيبي
-عمر : سند امشي نروح نفول بانزين
-سند : جايك ياب
راحو واحنه مثل كل يوم شغل البيت والدرس ماكو أزيد منه رحت لـغرفتي لزمت موبايل ٢١ مكالمة فائتة من صميم اتصلت
-صميم : لج وينج متردين
-روسلين : اهدئ شبيك
-صميم : بعد خمس دقائق نزلي
-روسلين : والله ماانزل اذا ماهدئت
-صميم : تتوقعين مني أذيج ؟
-روسلين : لا بس
-صميم : ماريد اسمع منج ولاحرف يلا راح اوصل دبريلج حجة ونزلي
-روسلين : تمام
وسد الخط ونزلت اني
ماما صديقتي گدام الباب عيب دروحلها
-نرجس : وليش ماتطب جوى صديقتج
-روسلين : مو ماما هاي ابد ماجايتنا هاي المسؤولة مالة الشسمة السفرة
-نرجس : ها دنزلي گوليلها اروح مع اهلي
نزلت وماكو صميم گعدت يم الباب وشوي ووصل صميم رحت وصعدت السيارة وباوعتلو عيونو تطك نار
-روسلين : صميم خلفهمك
-صميم بكل هدوء وديباوعلي چنا وحش يريد يفترس فريستة: اسمعج
-روسلين : من سديت الخط نزلت وگعدت يم اهلي وبابا فاجئني وگلي باجر راح نروح للمتحف
-صميم وبعده هادئة وعيونه حمر : ها
-روسلين : اي والله بيش تريدني احلفلك
-صميم : جيبي ايدج
-روسلين : عليش
-صميم : اذا عاندتي وربي هسة انزلج وادعمج
-روسلين : عادي يلا نازلة اني عود ادعمني
طلعت ايدي من جيبي دفتح الباب لزمها قوي
-روسلين : اخ صميم ايدي تكسرت
-صميم : متنكسر لـتخافين
باوعتلة وعيوني متروسة دموع
-صميم : بويةةةة كله ولا هاي النضرة
-روسلين : صميم عوف ايدي حباب
هد ايدي وخلى ايدة على خدي وبكل حنيه گلي تنكسر ايدي لو انمدت عليج وضربتج بس عصرت ايدج حتى تتوبين ومتخليني اخاف عليج
-روسلين : وليش تخاف عليا
-صميم : ادري بيج مسودنه
-روسلين : اني هسة دروح لا ماما تطلع وتشوفنه غير تندفنه احنه الاثنين بگاعنه
-صميم : لايمكن تزوجنه
-روسلين : هييي اني بعدني صغيرة
-صميم : ١٥ مو كافي كبرتي
-روسلين : لا وثاني شي شنو تريدون تخلصون مني
باوعلي وعيونه على شفتي شون دحجي منتبه حرف بحرف من كلامي
-صميم : لايمكن اخلصهم منج
-روسلين : هههههههه يلا اني دروح بيباي ونزلت من السيارة
-صميم : روسلين اوگفي بمكانج
-روسلين : شنو تريد تدعمني هههههههه
-صميم : اوگفي شوي
ونزل من السيارة واجا يمي وشبكني قوي بحيث حسيت عظمي طخت عظامو احلى احساس ممكن احسه بحياتي احساس حلو كلش آمان وحب وهمس بأذني احبج وجهي صار احمر من الخجل بس حسيت گلبي تطمن وارتاحيت گتلو انت أصلاً عيب عليك لإنك دخلت گلبي بدون ماتستأذن باوعلي وابتسم وحضني وباسني من راسي ووجهي صار احمر ضحك وكال صرتي طماطة دفعتو وركضت عالبيت وگلبي يدگ باللحظة الف دگة من الخجل صرت اسمع دگات گلبي بأذني احس الدم وصل لـراسي
-نرجس : يمة شبيج
-روسلين : لاماما الجو بارد كلش
واني مجنت احس ببردوة الجو جنت احس نار يطلع من جسمي
-نرجس : ركضي لـغرفتج واتغطي زين وشغلي التدفئة هسة اسويلج جاي
-روسلين : تمام ماما
ركضت الغرفتي وحضنت المخدة وگعدت اراجع كلشي صار بيناتنه سحرني وگلبي صار بين ايديه نسيت كلشي وهو صار كل تفكيري وكل دگة بگلبي تصيح بأسمة صرت اتخيلة بكل مكان وردت اتصل عليه بس استحيت ورى شويا هو اتصل مرديت
وسمعت صوت بابا وسند نزلت جوى
-نرجس : ها يمة شون صرتي
-عمر : ليش شبيها روسلين
-نرجس : صديقتها اجت وطلعت برى وبردت
-روسلين : لامابيا شي صرت زينة الحمدلله
-سند : اتفضل صميم قابل انت غريب
-صميم : يهل البيت شونكم
طب لـلستقبال وصارت عيني بعينه وجنت گاعدة يم ماما گرصتني يعني گومي اطلعي برى عفتهم وطلعت ورحت الغرفتي حسيت غرفتي ماتوسعني من الفرح
صميم بقى عدنا لي العصر عود راح وباوعتلو من الشباك من راح وهو من صعد للسيارة صار يباوعلي ويباوع لـبابا وسند احتار يباوع الـمنو هههههههه
وبقيت بغرفتي لي الليل مطلعت وكل مااحد يصيحني اگول عندي امتحان وگاعدة ادرس وصار وكت العشا انفتحت شهيتي ونزلت اكلت وشبعت بطني وضلينه سهرانين لـساعة ٢ ونص الصبح وبعدها الكل راحو ينامون اني طار النوم مو عيوني ونزلت انضف المطبخ وارگص وطلعت اذب الزل گدام الباب گلت لـنفسي ليش مااطلع واذبها بالحاوية اني ماجبانه هسة اطلع لي الحاوية واذبها وارجع للبيت ركضت وذبيتها رجعت دفعت الباب جان مسدود من الخوف عظامي صارت تطكطك خوف وبرد بنفس الوكت والشارع مابي ولا بني آدم  گعدت بالشارع ولابسة بجامة البيت وصرت افكر اذا دگيت الباب أو الجرس خاف بابا يزعل عليا من يشوفني هيج بالشارع وبنص الليل سمعت اكو صوت ديتقرب مني انرعبت  والدموع تجمعت بعيوني وصرت ادعي بگلبي مااحس الا بأيد انحطت على چتفي رفعت راسي وباوعتلة جان نفس الولد الي تفشلت منه اول ماسكنه هنا اعرفة ومانسيته عبن هو جيراننا وكاليوم اشوفه
-امير : منو انتي وشگاعدة تسوين هنا
-روسلين : اني طلعت اذب الزل وانسد الباب
-امير : گومي اني ارفعج وگلبي من فوگ الباب
-روسلين : تمام
شبك ايديه وخليت رجلي بأيده وگلبت للحوش رحت اتوضيت وصليت وشكرت ربي ودعيت للولد الساعدني ورحت خليت راسي عالمخدة وفتحت الموبايل شفت رسالة من صميم مكتوب بيها نايمة؟
ابتسمت وكتبت لا وانت ؟
-صميم : بعد وكت
-روسلين : اسفة جنت انضف المطبخ
-صميم : باجر مو عندج دوام
-روسلين : اي والله عندي بس اخذ اجازة علمود نطلع للمتحف
-صميم : شو مسولفتي مگلتي راح تروحين
-روسلين : امبلي گتلك
-صميم : هاي ايمتى
-روسلين : من جنا بالسيارة
-صميم : اخ گلبي
-روسلين : شبيك
-صميم : كل مااتذكر اليوم يفز گلبي
-روسلين : امم
-صميم : روسلين
-روسلين : ها
-صميم : احبج
-روسلين : تصبح على خير اني دنام
-صميم : نوم الهنة حبيبة گلبي
نمت وگلبي طاير
-امير : هاي شگد حلوة رغم الظلام وعيونها المتروسة دموع
احتلت گلبي مثل احتلال صدام للكويت بيوم وليلة
_______________________
لـلحكاية بقية 💝✨
بقلمي : مريم الـثامر
لاتنسون التصويت ★