بقلمي : مريم الـثامر
#خصلة_شعر
قرائة ممتعة 🖤🔥
__________________________
-روسلين : ها ماما وينهم بيا غرفة
-نرجس : يمة الحمدلله طلعوا من العملية بس رايحة اجيب الدوى الدكتور طلبة
-صميم : جيبي خالة اني اجيبهم
-روسلين : امشي ماما احنه نروحلهم ليمة يجيب الدوى
-نرجس : امشي يمة
رحنا وشفت خواتي گاعدات والهدوء يخوف وجانت الحجية هناك والولد امير بعد موجود اجا صميم وجاب الدوى وسلمة للدكتور
-صميم : روسلين منو هذولا
-روسلين : هاي الحجية وهذا ابن جيرنا
-صميم : شديسوي هنا
-روسلين : چا شمدريني صميم لاتكثر اسئلة فدوة گلبي صاير نار
-صميم : هسة مابقى شي ويطلعون من العملية
-روسلين : اكلج يمة يوووم مو دحاجيج
-نرجس : ها ها شكو
-روسلين : صارلهم شگد بالعملية
-نرجس : ساعتين وخمس دقائق
-روسلين : اخ الله گلبي
رحت وگفت قريب من الشباك ومببين شي وصرت احجي بصوت يرجف بابا حبيبي اني اكبر بناتك وانت تگلي ياضي عيوني وانت النور لـعيوني اعمى بدونك بابا انت حبيبي واني حبيبتك فدوة لگلبك اتعافى احبك اني والدموع بعيوني وشفايفي ترجف سندي محتاجة احضنك وينهي الف شوگ وشعور وخوف اروحلك فدوة حبيبي سندي اني احبك
-سيلين : شبيج روسلين
-روسلين : مابيا حبيبي
-سارلين : روسلين بطني دتوجعني
-روسلين : حبيبي جوعانات انتن مماكلات شي باعن هسة بدون عناد اشترن اكل سفري ورجعن للبيت هياته صميم يوصلجن حبابات واخذن نيڤين وياجن
-سارلين : بس شووووون شووووون نروح وگلوبنه هنا
-روسلين : روحن للبيت اكلن واتضون واسجدو عالسجادة واتوسلن برب العالمين وادعولة يطيب ابونا واخونا مو احسن من الوگفة بالمستشفى والله لو اني مو علمود ماما جان رحت بس مگدر اعوفها
-سيلين : كلام روسلين صحيح سارلين خلنروح هسة اگلة لـصميم يوصلنة
-صميم : شكو عيني محتاجات شي
-سيلين : اي صميم أخذنا للبيت
-صميم : من عيوني يلا امشن
-روسلين : صميم
-صميم : هاعيني
-روسلين : البنات جوعانات خطية
-صميم : عوفيهن عليا هسة بعد ساعة ارجع اجي هنا
-روسلين : تمام
-صميم اقترب مني وهمس : ديري بالج تتقربين من هذا وأشر على امير بعيونه
-روسلين : اي يامشاء الله اني راح اروح اگعد بحضنة
خزرني وراح بعدين رجع عالسريع وگلي بالج على نفسج زين ولاتطلعين خليج لازكة هنا وروحي اوگفي يم امج الزگي بيها صيري صمغ ياباني يلا گدامي ركض
-روسلين : اي اي شخبصتها رايحة
رحت ووگفت يم ماما وهو راح
بعد نص ساعة طلع الدكتور من العملية ركضت عندو دكتور بشر
-الدكتور : الحمدلله الحمدلله العملية نجحت وبعد ساعة يگعدون من البنج بس الخياط يوجعهم لازم يبقون تحت المراقبة لمدة ٥ ايام
بزور جان يحجي وخلص حجي وراح
-روسلين : ماما ماما نجحت عمليتهم نجحت
-نرجس : اخخخخ يمةةةةة گلبييي على وليدي
وصارت تبجي حضنتها وصرت ابجي وياها وبعدين اجت الحجية وسكتتنا وفرحنه كلش بس بقت رجفة گلبي واجا صميم
-روسلين : صميم صميمممممم
-صميم : ها ولج شكووووووو
-روسلين : نجحت العملية نجحت
-صميم : الف الحمد لله والشكر خابري خواتج وبشريهن
-روسلين : صار
دگيت على سارلين
-سارلين : الوو
-روسلين : ولج نجحت
-سارلين : منو ؟
-روسلين : ولج العملية نجحت مالة بابا
-سارلين : وسند
-روسلين : مالة سند بعد نجحت
وصارت تهوس وتصيح سيلين ونيڤين وتبشرهم واني سديت الخط ورحت باوعتلهم من الجامة حالتهم حالة من كثر ماتوجعت من شفتهم هيج مگدر اكتب عن الوجع الي حسيته خليت ايدي على حلگي وصرت ابجي مدري هيا دموع الفرح لو دموع الحزن بس الي اعرفة دموع توجعلي گلبي كلش وحلفت بعد ماروح للمتحف
سمعت صوت صميم يدندن عيون الناس تحسد كل حبيبن يردون ابتعد عنك واعوفك التفت وباوعتلة وتنغني بعد
-صميم : فرحان بنجاح العملية
-روسلين : واني بعد فرحانه بنجاح العملية وبيك
-صميم : بيا آنا ؟
-روسلين : وگفاتك هاي ماانساها ابد
-صميم : قابل شمسوي ياروحي هذا واجبي وبعدين تعاي اكلج بعد ٥ ايام راح نبقى هنا لازم يبقون ثنين مناوبة تعاي نقنع امج وارجعها للبيت واخته نبقى خطية باوعليها شون متأذية وتعبانه
-روسلين : دروح انت أقنعها هيا تحبك
-صميم : تمام
خالة نرجس البنات خطية بوحدهن بالبيت وصارت الدنيا ليل تعاي اوصلج عدهن
-نرجس : وروسلين
-صميم : اوصلج وارجع يم روسلين قابل اخليها وحدها
-امير : اني اوصلها
-صميم : وبصفتك منو
-امير : افا عليك اني جيرانهم حايط طبگ حايط
-صميم : ميخالف بس اني اوصلها
-امير : اوصل الحجية بعد
-صميم : انت وصل حجيتكم واني اوصل خالتي
-امير : مو البنيه تبقى وحدها انت بمثابة اخوها لازم تبقى وياها
-صميم : ها خالة نرجس شتگولين
-نرجس : خليني هسة من يگعدون واحاجيهم بعدين خلي امير يوصلني انت ابقى يم روسلين
-صميم : على راحتج
-روسلين : ماما حبيبتي بعد ساعة حتى يگعدون انتي روحي هسة لاالدنيا تظلم والبنات يخافون
-نرجس : اروح بس بشرط
-روسلين : شنو شرطج
-نرجس : من يگعدون خابريني تمام
-روسلين : اكيد اخابرج وافتح كامرة بعد
-نرجس : تمام راح اروح بس بالج على نفسج وعلى اخوج وابوج روسلين روحي بأمانتج
-روسلين : يايمة لاتوصيني عليهم والله افديهم بروحي
-نرجس : صميم ماوصيك
-صميم : لاتخافين ولايظل بالج
-نرجس : امير روح جيب الحجية ودنروح
باوعت الأمير جان صافن وديباوعلي
-امير : صار هسة اجيبها
جاب الحجية ووصتني وراحو
-صميم : روسلين
-روسلين : خيرر
-صميم : تحبيني ؟
-روسلين : يبووووووو هسة وكتك
-صميم : هههههههه جوعانه
-روسلين : مااشتهي اكل شي
-صميم : هسة اجيب اكل وتاكلين خوش
-روسلين : مادري
-صميم : شلون متدرين هسة مااطول
-روسلين : تمام
راح صميم واني صرت اباوع من الجامة وسمعت صوت عياط وبجي ركضت دشوف شكو جانو ٥ بنات يلطمون على امهم ويگولون لاتعوفينة يمةةة فدوة لگلبج لاتموتين والسستر تباوعلهم وعيونها مدمعة واني رحت اهدي بيهم معا السستر واخذو امهم وهما ديبجون ويلطمون بجيت وياهم وصرت ادعي الله يحفظ امي ومايصيبها أذى
-صميم : روسلين امشي هي انتي هالله هالله لاتزوديها على نفسج امشي وياي
رحنه لـمكان هادئ ومسحت دموعي وصميم انطاني ماي
-صميم : شربي روسلين حتى تنفتح شهيتج
-روسلين : ماريد فدوة لاتجبرني
-صميم : فتحي حلگج
-روسلين : ماريد
-صميم : لاتجبريني اتصرف وياج غير تصرف
درت وجهي
واجا لزمني من حنچي وگلي ياروح صميم شربي لـخاطري اذا متريدين تزوديها عليا عفية حبابة
-روسلين : تمام شربت مي واكلت
-صميم : اروح فدوة ونذر لـهلحلگ
-روسلين : انجب صميم
السستر اجت تركض گالت بحروف مبعثرة اخ اخ اخوج وابوج
-روسلين : شكوو ولج احجي شبييييهممم
جانت تتنفس بقوة دفعتها وركضتلهم فتحت الباب مجانو بالغرفة سئلت السستر جانت بالغرفة وينهممم
گالت نقلوهم لـغرفة الإستراحة ركضت لـلغرفة وفتحت الباب وشفتهم مفتحين عيونهم ويباوعولي صرت ابجي واشهك وركضت حضنت بابا ورحت حضنت سندي اجا صميم وهو يتنفس بقوة
-صميم : ولج ولج ولج ويننن رحتييي مثل المسودن ادور عليج
-عمر بصوت يرجف : اجت عدنا قابل هجت
-صميم : الحمدلله عالسلامتك عمي
وباس راس بابا
الحمدلله عالسلامتك سنود
وباس راسة
-روسلين : بابا اسفة
-عمر : على شنو تعتذرين
-روسلين : بسببي صار الحادث
-عمر : انتي شعليج بالحادث هو صار انتي شكو
-روسلين : لا بابا اني طلبت نروح عالمتحف
-عمر : بس احنه من رحنه لـلسوك صار الحادث المتحف شعليه
-روسلين : والله توبه توبه بعد ابد ماروح للمتحف
-عمر : بس نطيب اخذكم على گلي شيرانا
-سند : ههههه ياحبيبي ياروسلين
-روسلين : اروحلكم فدوة ونذر
-سند : ياحبيبتي جوعان
-صميم : هسة اسئل الدكتور اذا عادي تاكلون اجيبلكم اكل ونتعشى سوى
-سند : اي والله بس استعجل
-عمر : روسلين شخبار امج وخواتج
-روسلين : هسة اتصل عليهم
-نرجس : الو ها روسلين
-روسلين : درت الكامرة على بابا مفاجأةةةةةة
-نرجس : اخخخ ياگلبي هستوني حسيت ردتلي روحي
-عمر : شوفيني البنات نرجس گلبي طگ عليهن
-نرجس : يابناااااات ابوجن يريد يحاجين
-سيلين : شنوووو بابااااا حبيبييييييي ولج سارلين نيڤين تعالللنننن
وصارو يبجون وشوفتهم سند وصارو يحجون ويضحكون ويبجون بنفس الوقت اجا صميم
-صميم : يلا سنود خلنتعشى گعدو وثبت المخدة ورى ضهرو وراح لـبابا وثبت المخدة وگعدت اوكل سند بأيدي والعب وياه وصميم يوكل بابا
-عمر : ابني قابل ايديا مكسورات اگدر اكل
-صميم : ميخالف عمي انت تعبان وبزور تحرك ايدك
-روسلين : بابا كلام صميم صحيح خليوكلك
-سند : هستوني صرت بخير جنت ميت جوع
-روسلين : الف عافية حبيبي بعد اجيبلك شي
-سند : لاحبيبي بس نعسان اريد انام
-صميم : ولك هستوك مصارلك ساعتين من گاعد
-سند : الساعة شگد ؟
-صميم : ٨ ونص
-سند : ديلا خلنام عفية الي يطلع صوت افلشة
-صميم : اتحداك
-روسلين : لا عيني اخويا قوي رغم ماهو تعبان بس يگدر يفلشك هههههههه
-عمر : اني هم راح انام
-روسلين : اذا ثنينكم تنامون صميم انت بعد نام تعبت كلش اليوم
-صميم : لاانتي نامي ومن تگعدين انام اني
-روسلين : بعد وكت اني ما نعسانه
-صميم : واني بعد مانعسان
-سند : اشش لاتحجون
-روسلين : بابا انتو نامو اني راح اطلع شوي احس روحي مخنوگة بالمستشفى
-صميم : اني اجي وياج
-عمر : بس موتطولون
-صميم : صار عمي
طلعنه وصرنا نتمشى
-صميم : روسلين تحبيني
-روسلين : لا ايع
-صميم : لامدشاقة
-روسلين : اي احبك
-صميم : شون تحبيني
-روسلين وكفت ولزمت ايدة وگتلة بصوت همس احبك
-صميم : مو هسة يبين
-روسلين : ايمتى يبين
-صميم : الحب يبدي من ينتهي الحماس يعني شعور البداية تجاه شخص وطريقة كلامه وتصرفاته يخلي شغفج اتجاه هذا كله اعجاب بس الحب الحقيقي يبين مع الايام بعد المشاكل والمصاعب الي تصير بينا وتصير بين كل حبيبن وبوكتها يبين تحبيني لو معجبه بيا
-روسلين : صميم اني احبك ومستحيل انسى كل الوكفات والايام الصعبه الي مرينا بيها بس سؤال انت من ايمتى تحبني
-صميم : اول ماشفتج انعجبت بيج بس مو رحتي بعيد عني بقيتي بگلبي وكل مااشوف بنيه احسبها اختي وصورتج تجي بعيني وانتضرت تكبرين حتى اعترفلج
-روسلين : وانت بعد جنت صغير
-صميم : من انعجبت بيج جنت مراهق
-روسلين : اذا غبت عنك نهائي بعد ابد متشوفني
-صميم : الإمام علي بن ابي طالب عليه السلام گال للسيدة فاطمة عليها السلام ﴿ان غبتي عن قلبي فيا ضيعتي من اين للصدر بقلب بديل ﴾
_____________________________________
لـلحكاية بقية 🖤🔥
لاتنسون التصويت ★ + إضافة للحساب
أنت تقرأ
خصلة شعر ﴿الأصلية﴾
Misteri / Thrillerقصة بنت بعدها بداية عمرها تكبر ١٠٠ سنة وينهد حيلها وهيا بعدها بعمر صغير وبسبب خصلة شعر تتغير حياتها وتخسر هواي عزاز وتفقد الأمل بالحياة وتنكسر "خيبة أمل وخيبة روح" وبيوم من الأيام دخل لحياتها وازهر كل شي من دخل عالمها وكل شوارع روحي المعتمة وجهك ص...
