بقلمي : مريم الـثامر
خصلة شعرش
قراءه ممتعه 🖤
___________________________
اليوم الأسود {١٩ مارس}
أنا أذكـر ذلـك الـيـوم الأسـود الـذي تـحـول فيـه كـل شـيء الـى مـحـرقـة لـعـيـنـيـه
روسلين
وانـا اكـتـب فـي كـل مـرة أقـول هـذه رسـالتي الأخـيـرة لـك لأنـك لـم تـعـد شـيـاءً مـهـماً فـي حـياتـي وبـعـد عـدة ايـام أقـوم بـكـتابه رسـالـة اخـرى مـضـمـونـهـا إنـنـي أحـتـضر شـوقـاً إلـيـك رغـم إنـنـي أعـلـم بـأنـك لا تـسـتـحق كـل هـذا ولـطـالمـة أحـزنـتـنـي كـثـيـرًا ولـكـن مـن الـصـعب أن يـكـره الـمـرء شـخـصـاً قـد تـرك كـل هـذا الأثـر بـه ...
گعدت الصبح وگلبي مو يمي
حضرت الريوگ
كفكفت البيت
صبغت اضافر خواتي
-سارلين : هسة دورج روحي حضري نفسج
-سيلين : روسلين ليش ماحجزتي صالون
-روسلين : ميحتاج هسة ماما تحفلي واني اتمكيج والبس فستان بسيط
-سارلين : وانتي شكو البنيه حرة تريد تحجز لو لا
-سيلين : اگللجن بنات شو ياهو الزمها عدها موهبة حتى ام الصالون عدها موهبة المكياج وكلشي يخص البنات
-روسلين : وانتي بعد اكتشفي موهبتج بس مو شرط مثل ام الصالون ايجوز عندج غير موهبة
-سارلين : شو بله غني
-سيلين : بعدين من تخلص الخطوبة عود نگعد نستكشف مواهبنه
-روسلين : خوش فكرة
-نرجس : يلا روسلين تعاي احفلج
-روسلين : اجيت ماما
حفيت ومن خلصت ركضت دشوف شكلي الجديد بالمرايا
حقاً هاي اني
لا هاي اني موو
الله صرت حلوة
وبگلبي گلت
وينك صميم تشوفني بهيج جمال
-سيلين : الله طلعتي حلوة
-سارلين : تف تف تف تف عيوووون الحسوووود بيها عوووود
-روسلين : مو لـهدرجة هههههههه
-نرجس : عوفيهن وطبي لـغرفتج حضري نفسج
-روسلين : تمام
أنـا الـفـتاة التي تضحك طوال اليوم مع الجميع من حولها وتبتسم وحينما تكون وحدها تتذكر جميع ما حدث لها وتبكي بشدة
لبست الفستان وجنت مثل جثة وديكفنوها
حتى اوگف دموعي خليت كحل العرب بيهن
وحتى اواسي نفسي صرت أحاجي روحي
مدريت شحجي شگول صرت امدح بأسمي
روسلين
الراء بأسمي تبين رقتي وروعتي
بقيت أحاجي روحي بس ماكو فايدة
غرقت بهمومي واحزاني وماكو ايد لتنجيني
باوعت لنفسي بالمرايا وضحكت
اوعد نفسي من اليوم ورايح مااحتاج أحد حتى اليمدلي ايده اگله خلها بجيبك اني مااحتاجها
واذا شفت صميم اگلة
المدمن ينكر إدمانه
والمجنون ينفي جنونه
واني مااحبك
هو جان الوحيد الوياي بفرحي وحزني وضيقي
هو الجان ينسيني ويطيب جروحي
هو الشخص الوحيد المستحيل أنساه
بس بعد ايش
بعد ماقررت ابدي بداية جديدة ابديها مع شخص جديد
صح مااگدر اتقبلة كـ حبيب
ومگدر اتقبلة كـ صديق
بس اتمنى يبعدني عن الكل
وگلبي عايش بقصة مختلفة
مو گلبي الرايد بس عقلي جابرني
جنت دائماً حريصة على نفسي حتى محد يتقرب مني
المرة الوحيد الي سمحت لشخص يتقرب مني هسة گاعدة اجرع وجع غلطتي
فزيت من صوت دگة الباب
-روسلين : تفضل
-سند : روسلين حبيبتي اني راح اطلع مع صحباني بس هاي الورقة اقريها من تخلص الحفلة
-روسلين : باوعتله وردت اگلة لاتروح بس مگدرت
الدموع تجمعت بعيوني وحضنته كل قوتي
-سند : ديري بالج على نفسج زين واني واثق بيج ومتأكد انتي اقوى بنية عرفتها بحياتي
-روسلين : باوعتله بأستغراب وگتله طبعاً اذا انت سندي
-سند : وياي وبلاي اوعديني ماتضعفين
-روسلين : مگدر بلايك
-سند : باسني براسي وطلع
-روسلين : باوعت للورقة بس مافتحتها عبن هو وصاني ورى ماتخلص الحفلة
-نرجس : صلوات صلوات
-البنات : اللهم صلي على محمد وال محمد
-نرجس : ولج شنو هالجمال شنو هالنزاكة
-روسلين : عيونج الحلوة حبيبتي
-سارلين : مشاء الله اختي تجنن
-سيلين : تبارك الرحمن تخبلييين
-نيڤين : رشو عليها ملح لا تنحسد
-روسلين : جمالي گام يزيد ربي يستر خاف راح انگلب گمر
-نرجس : مو مال عيني واغاتي انتي
-روسلين : هههههههه
-نرجس : يلا امشي اگعدي عالكرسي
رحت للمطبخ وشربت گلاص مي وبعدين رحت لميت الغرفة ومن بعدها يلا رحت گعدت
بعد دقيقتين
سمعت صوت الهلال والاغاني
حسيت روحي دتطلع الدموع اتجمعت بعيوني
حسيت بثگل على گلبي
حسيت روحي بالمكان الغلط
دخلن النسوان وصارن يهلهلن ويتمرگصن
رغم الرگص والهلاهل والاغاني والردح
جنت حاسة روحي بفاتحة مو بخطوبتي
دخل امير وصارن يصلون عالنبي
حتى ماباوعتلة
گعد يمي
-امير : مو كلش حلوة
-روسلين : مادرت بال لكلامة وسويت روحي مسمعته
-امير : جنت متوقع تطلعين احلى
-روسلين : همات سويت نفسي ماسمعت ولاباوعتلة ولاانطيته وجهة
من لبسني الحلقة حسيت نار ودخلها بگلبي
ولبسته الحلقة بدون مااباوع لوجهة
ومااكلت كيك من ايدة ولا خليته يشربني شربت
صارو يطگولنه صور
-نيڤين : روسلين وين موبايلج حتى اصوركم
-روسلين : بغرفتي عفته
راحت وجابته وصار تطك طك صور
خلصت الحفلة والكل راح لبيته
رحت نزعت الفستان ومسحت المكياج
لميت البيت و غسلته ومسحت الاغراض وعزلت المطبخ وطلعت لغرفتي اخذتلي ملابس ورحت سبحت
كملت ونزلت للمطبخ داطبخ للعشا صحت على سند حتى اليوم اطبخ على ذوقة
-نرجس : سودة عليا طلع وبعد مارجع هسة ابوج ديتصل عليا حتى يرجع
تذكرت الورقة الحطها بغرفتي
ركضت وسمعت صوت الموبايل
موبايل سند هنا
بابا يتصل عفته وفتحت الورقة مكتوب بيها
تلفوني انتي اخذي بس انتي التستحقين
سويلي صورة جبيرة وحطيها بغرفتج حتى اكون دوم وياج
ماريد وحدة بيجن تبجي عليا اني احبجن اميراتي
انتي الوحيدة الي لاحظت عليا تعبان بس محجيتلج البيه
كل ماتريدين تتذكريني غني الأغنية الجنت احبها شمسين لـمحمد عبد الجبار
كل يوم أول ماتگعدين من النوم ادعيلي
وبكل تاريخ ميلادي شغلي شمعة وغني اغنية عيد الميلاد
وبطلي تبجين بآخر الليل ونينج يگطع گلبي
ليش خبيتو عليا
خبيتو عليا اني مو ابن بابا ولاانتي بنت ماما
احنه صح مو خوة بس انتي مو بس اختي
انتي اختي واخوي وصاحبتي وحبيبتع وامي وابوي ومعلمتي وطبيبتي واني گاعد اكتب هسة وصوتج بجيبج مسموع بأذني اني بعد مااتحمل اشوف وجهة امي الخاينة ولااكدر اشوف وجهة بابا الخاين ثنينهم خانو بعض
لاتنسين شكثر احبج
وذكري الكل وگولي سند يگول احبجن اميراتي
بعد ماقريت الورقة
انهد حيلي وبعد مگدرت اتحمل
احس انشلت رجليا وبعد متشيلني
راسي نمل عيوني غوشت
بزور وبدون وعي صرت اعيط
سنندددددد وين رحت سندددددددد
سندي حبيبي وين رحت ويييييييييييين
وصرت الطم على وجهي وطلعت من الغرفة واعيط
سند وين رحت وعفتني ويين
لزمني بابا
-ولج وينه اخوووج وينه شبيج هيج دتحجيين
-لاتخابرة ياب لاتخاابرر موبايلة عافة بغرفتي
وابجي واحجي طلع بابا من البيت وصار يدور عليه
وماما دم ماظل بوجهها
باوعتلي ورادت تموتني بس انهد حيلها ومگدرت
خواتي يلطمن ويبجن
رجع بابا
-نرجس : هاا عمر وينه ابني اجا وياك وينه ليش ماطب جوى مو بادرة عليه خليطب
-روسلين : دحجي بابا الله يخليك احجييي مو تمرمر گلبي
-عمر : مـ ماكو وبلغت الشرطة يدورون عليه
امي صارت تلطم وتبجي
واني متحملت بعد جنت راح اموت موبيدي شي
رحت لغرفتي ولزمت موبايلة وصرت افتش بس بس ملگيت شي حتى يدلينه عليه بس الخوفني
وگعت عالگاع وصرت ابجي وراسي جان راح ينفجر
الليل كله محد مانام
وسمعت صوت اشعار من موبايل سند
فتحتة
-صميم : ها خويا شونك
-روسلين : ولك گلبي ديأذيني
-صميم : خير شكو ليش
-روسلين : سند ماكو من الصبح طلع وبعد ماكو وعافلي رسالة بيها توصية
-صميم : سند عفية مالي واهس لمقالبك
دزيتلة بصمة صوت وصوتي يرجف وگتلة
وعيونك صميم مو مقلب
بقى لحظات وماجاوب
-صميم : روسلين وينه سند
-روسلين : لو ادري جان رحتله
-صميم : دورتو عليه
-روسلين : اي بس ماكو النهار
-صميم : اهدئي روسلين هسة جايكم اني
-سديت الفون ولميت رجليا وگعدت ابجي وادعي كون يارب يرجع هسة
صرت اعد من ١ لي ١٠٠
واگول يارب كون مامخلصة عد ويرجع سندي
ومرات اتخربط بالعد وارجع اعد حتى بس التهي
-نيڤين : روسلين امير ديخابر
-روسلين : الو ها امير
-امير : شلونج
-روسلين : مو بخير
-امير : عوذة شگد بومة ليش مو بخير
-روسلين : اخوي ماكو
-امير : دايح غير
-روسلين : امير اذا تزودها عليا لاتخابرني
سديته وانطيني بلوك
وبعد خمس دقايق اندگ الباب
-امير : هاي شنو بأول يوم تحظرني وصار يحجي ويعارك
وطب صميم لزمة من ياخته
-صميم : لك فرخ بصفتك منو طاب لبيت ابن عمي وتحجي ولك فرخخخ
-امير : ا ا ا اسف اسف
بس انت افهمني
اني نسيبهم وخطيبتي حظرتني وجاي اعاتبها
-صميم : باوعلي وعيونه تشعل نار صارو حمررر
وگال لأمير
باع لك بعد عتبه هذا الباب متعبرها خوش
واجا لزم ايدي وطلع الخاتم من اصبعي وذبه بوجهة
يلا ولي منا ماعدنا الك مرى يلا منااااااا لااتورط بيك
راح امير ركض مثل الطفل اليخاف من الوحش
-صميم : ها عمي وينه سند رجع لو بعده
-عمر : والله ياوليدي لو سند رجع مجانت حالتي هالحالة
-صميم : استهدي بالرحمان وگوم وياي ندور عليه بيت بيت منطقة منطقة
-عمر : دورت وملگيت وخليتها بيد رب العالمين
-صميم : بلغت الشرطة
-عمر : اي بلغت
-صميم : زين عمي ميصير هيج گاعدين وسند مختفي
-عمر : بنص الليل هذا وين اعوف البيت والبنات واروح وين متگلي
-صميم : هسة اخابر على ابوي يجيب امي ويباتون هنا واحنه نروح ندور عليه
صميم اتصل على عمو غانم
الو اگلك ياب تعال بسرعة تعال بسرعة وبعدين افهمك وجيب العلوية وسكينه وياك بسرعة هلا
باوعتلة زين منو سكينه سكتت ومحجيت
وصلو ونزلو لبيتنا
-غانم : ها شكو احجو
-صميم : حجالة كلشي والحال والمسئلة هيجي
-غانم : خلي النسوان هنا ماكو عليهم شي واحنه ندورة
-صميم : يلا نتوكل ادعولنه
طلعو وراحو يدورون على سند وگلبي مثل الجمرة يمة
-سكينه : انتي روسلين
-روسلين : رفعت راسي وباوعتلها
والصدمة شيبت راسي
انتي انتي شجابج هنا
-سكينه : خالي خابرنا وگال اجي ويا جدو وبيبي
-روسلين : صميم خالج
-سكينه : اي خالي
-روسلين : سكتت واتذكرت من جان حاضنها ويضحكون سوى طلعت بنت اخته
مـو صـوچ الدرب جان الخلل بيا عفت گلبي ومشيت بشور رجليا
_____________________
لـلحكاية بقية 🖤
بقلمي:مريم الـثامر
اكمل كتابة الرواية لو ابطل لاتغلسون وجاوبوني
لاتنسون الـتـ★ـصويت + متابعة للحساب
أنت تقرأ
خصلة شعر ﴿الأصلية﴾
Mistério / Suspenseقصة بنت بعدها بداية عمرها تكبر ١٠٠ سنة وينهد حيلها وهيا بعدها بعمر صغير وبسبب خصلة شعر تتغير حياتها وتخسر هواي عزاز وتفقد الأمل بالحياة وتنكسر "خيبة أمل وخيبة روح" وبيوم من الأيام دخل لحياتها وازهر كل شي من دخل عالمها وكل شوارع روحي المعتمة وجهك ص...
