خصلة شعر ﴿الأصلية﴾

﴾part18"بارت١٨﴿

بقلمي:مريم الـثامر
خصلة شعر
قراءة ممتعة 💖🌸
________________________________
بمنتصف الليل
تبدأ القصص اكو من
يحاجي الحب والإبتسامة ماتفارق شفايفة
واكو من
تفرفح روحه من الاشتياق لـشخص ابعدته الدنيا
واكو من
ينتضر مكالمة من شخص عذبه ومرمر گلبة بالأهمال
واكو من
يبجي شوقاً لـشخص من المستحيل بعد يرجع
واكو من
يحس بشعور الوحدة
واكو من
حاسس بالخوف وعدم الأمان
واكو من
مايحس بشي غير الخيبة الي ماتفارق روحه
-صميم : يارب حبيبتي رقـيـقـة وكـأنهـا فراشـة لطـيفـه يارب هيا بأمانك
-روسلين : ياريت لو صميم هسة جان هنا كـون ابـقى صـافنه بـوجـه وأتمله وادعـي كـون الله يحـفـظك الي
فزيت من صوت دگة الباب وتوقعتها ماما رحت وفتحت الباب
-سارلين : ولججج هااااي شبييييج
-سيلين : مسويا حادث لو شنو ولج ليش وجهج مشوه
-نيڤين : ولج شبيهن عيونج مورمات
مـادريـت شـکبر الـحـزن البگـلبـي حتى احجيلهن عنه
-روسلين : لا بنات اهدئن يمعودة شبيجن تعالن گعدن حتى احجيلجن
-سيلين : احجي ولج
-روسلين : باعن راح احجيلجن كلشي بالتفصيل اني ماحاجية لأحد الحقيقة بس راح احجيلجن بنات مني بيجن عدها ذكرة من ٢٠١٠
-سيلين : عمري جان سنتين وحدة شون اتذكر
-نيڤين : ياشهر بالتحديد
-سارلين : سبتمبر
-روسلين : اي اي انتي متذكرة مو
-سارلين : اي روسلين تذكرت
وباوعتلي وعيونها انترسن دموع
اي اتذكر حتى بوكتها حجيتلج گلتيلي مجرد تخيلات
-روسلين : لا مجان خيال اني هيج گتلج حتى لاتحجين لأحد وتتستر السالفة
-سيلين : احجن ولجن شكووووو شسالفة
-روسلين : خلي اكمل
باعن هاي الجروح والضربات كلها من ماما
-نيڤين : زين ليش ضربتج ماما بحياتها مااذتنه هيج هاي لأول مرة
-سارلين : سكتن خلتكمل البنيه كملي روسلين
-روسلين : اي عبن اني ساعدت جعفر حتى نعرف سند ابنة لو ابن بابا
-سارلين : جنت متأكدة من الموضوع
-سيلين : شدتحجون انتن تخبلتن لو مصخنات
-سارلين : احجيلهن روسلين عن الماضي
-روسلين : جعفر جان يجي عدنا بغياب البابا ومرات جان يجي بالنهار ومرات بليل بس من جان يجي بالنهار جنا ننطرد احنه الثلاثة من البيت بس نيڤين تبقى وجانت تبجي وتخاف من جعفر وصوتها جان يصل لسموات السبعة
-نيڤين : اني شفت جعفر هذاك اليوم وحسيت بشعور غريب بس محبيت الشعور هذا
-روسلين : على كلاً باجر راح يدزلي النتائج ونشوف
-سيلين : الله كريم بس والله ممصدگة السالفة
-سارلين : حقج لو اني ماجنت شايفة بعيني مجنت اصدگ عبن السالفة ماتتصدگ
قاطع كلامنا صوت من برا الغرفة
-روسلين : بناتتت بس لااحد سمعنا
-سيلين : هسة اني اطلع اتفقد
طلعت سيلين واتفقدت ورجعت گالت ماكو شي لو هوى لو بزونه
-روسلين : اووف الحمدلله هسة يلا بنات على غرفجن
-سارلين : روسلين جوعانه ؟
-روسلين : بطني متگطعة جوع
-سارلين : سيلين ونيڤين على غرفتجن واني دروح للمطبخ اجيب اكل نتعشى اني وروسيلن
-نيڤين : اني هم جوعانة والله
-سيلين : بقت عليا اني هم اتعشى للمرة الثانية
راحت سارلين وجابت اكل وحلويات وگعدنا ناكل ونضحك ومرات نخاف خلصنه وكل وحدة راحت نامت
گعدت الصبح وباوعت للمراية وصايرة شوي احسن طلعت سبحت بدون مايشوفني بابا هو الوحيد الي مشافني بهيج حالة طلعت و مشطت شعري ولبست ملابس مريحه ونضفت الغرفة وگعدت أتصفح بالنت صارت الساعة تسعة وصلني مسج طبيت وشفت صور للتحاليل ومكتوب رسالة طلع ابني حفظت الصورة ورحت ترجمتها بگوگل وقريت وجانت موجبة معرفت شسوي من القهر دفنت راسي بالمخدة وصرت اعيط شلت نفسي ورگعتها بالگاع طفيت الضوى وگعدت بزاوية ولميت رجليا وصرت ابجي واون انفتح الباب ومشفت منو الا ماشالتني من شعري
-نرجس : هسة ارتاحيتي من عرفتي مو ابن ابوج
-روسلين : هديني هديني لا هسة اشمر روحي من الشباك
-نرجس : خلي انطيج معلومة تدرين ايمتى تزوجنه اني وابوج بـ٢٠٠٥ يعني مواليدج وأجاني وشايلج بيدة وگلي هاي بنت ضرتج جابتها وتوفت وسجلج بأسمي وكرهتج وحقدت عليج بنيه معرف منين اجيتي اني مو امج بس ربيتج وحنيت عليج بس انتي طلعتي عدوتي رغم متدرين اني مو امج ولج ياما تعبت عليج وانتي مو بنتي بس تاليتج طلعتي مجرد عدو ولج هسة اگدر اكتلج واخلص منج ولج مو اني مافرقت بينج وبين بناتي ماقصرت وياج بشي هاج هذا الخرى وصخمي بي نفسج حتى تطيبين وتطلعين من غرفتج ابوج خبصني انعل ابوج لابو الخلفج لابو الجابج عليا
ذبت عليا علاگة بيها أدوية ومرهمين وهددتني وگالت لو احد يدري بموضوع سند الا اطردج من بيتي وموضوعج مايهني طز بيج وطلعت من الغرفة
انصدمت من كلامها ووگفت على حيلي بزور گدرت امشي رحت يم الشباك وفتحته والهوى البارد اتلامس وجهي حاولت انسى كلشي بس مگدرت شعوري جان مثل ما حاطة طبخة احبها عالنار واعوفها تحترگ گدام عيني ومااطفي النار منها أو مثلاً انطي قميصي المفضل لـعدوي احس گلبي تعفن حمض من الوجع
لو جان حايط جان هدمتة بس هو صدري الوجع بصدري ومتأكدة لو احد شافني هيجي راح يتوقع اني حبيبي عافني كل همهم الحب وميدرون اكو غير شغلات وسوالف تدمرنا نضرة الناس ضيقة حيل متناسبين ميدرون وجع الگلب سببها فقدان الأحلام والنفس حسيت روحي يتيمة واني حقاً يتيمة مااستوعبت الموضوع  لزمت موبايلي وراسلت سارلين
كتبتلها
سارلين لااني بنت امي ولا سند ابن ابوي ولا هو اخوي ولااني اخته
شافت الرسالة ومردت شويا واجتني رسالة منها
-سارلين : روسلين تسودنتي ؟
-روسلين : نرجس الي هيا ربتني گالتلي هيجي
-سارلين : شون يعني
-روسلين : حجيتلها كلشي بالحرف الواحد
-سارلين : باعي حبيبتي معليج بكلامها وتهديدها هيا خايفة منج عبن لزمتيها من أيدها التوجعها بس لاتنهارين انتي قوية وانتي اختنة الي نحبها بس يجي الليل نجي عندج اني وسيلين ونيڤين خوش
-روسلين : خوش
مسحت وجهي بكلينس ووعدت نفسي راح اتخطى كل هذا وهاي الايام ماتنعاد وخليت المرهم على جسمي ولبست قمصلة صميم وگعدت لزمت الفون راسلت صميم
-روسلين : ضايجة !
-صميم : هسة اخابرج عادي ؟
-روسلين : اي
اتصل وسولفنه شويا
-صميم : فتحي كامرة
-روسلين : ماا
-صميم : روسلين اذا عاندتي تدرين شني نهايتج
-روسلين : تهددني
-صميم : حسبيها مثل متردين
-روسلين : فتحت كامرة وباوعتلة
-صميم : اروح فدوة ونذر لـهلوجه
-روسلين : فداك
-صميم : فداج روحي
-روسلين : مشتاگتلك
-صميم : يروحي انيهم مشتاگلج تردين اجي
-روسلين : لاتجي هسة
-صميم : ايمتى متردين اجي تأمرين أمر حضرتج
-روسلين : حبيبي
-صميم : عيونه
-روسلين : تحبني
-صميم : اموت عليج وشمحلاها الموتة
-روسلين : تدري شنو
-صميم : شنو حبيبي
-روسلين : اتمنى اموت بحضنك
-صميم : اسم الله عليج حبيبي لتحجين هيج
-روسلين : حضنك المكان الوحيد الي احس بي براحة نفسية وانسى همومي وكلشي سلبي حضنك بي إيجابية احبها وريحتك ودگة گلبك تردلي عافيتي
-صميم : تخبل عليج القمصلة
-روسلين : لابستها عبن بيها ريحتك
-صميم : يروح الروح انتي احبج
-روسلين : حبيبي تريگت
-صميم : من زمان وانتي
-روسلين : لا بعدني
-صميم : گومي حبيبي الحلو اتريگي واتاحي
-روسلين : تمام حبيبي بيباي
-صميم : روحي يروحي
سديت الخط وراسلت سارلين
-روسلين : سارلينووو تراني جوعانة
-سارلين : ادري هسة اجيبلج ريوگ
-روسلين : منتضرتج
-صميم : اخخ اريد احضنها واخذ كل ضيق بگلبها واعتذرلها بدال كل شخص أذاها والله ماتستاهل كل هالزعل گلبها انقى واطهر من ان الأوجاع تتراكم عليه
رغم مدتحجي وجعها والمها بس حاس بيها اكو واحد ميحس بروحه
-روسلين كتبت رسالة لـصميم : اقراها أكثر من مرة من اشوفك تحبني ومحتفظ بيا وتخاف تفقدني ومتمسك بيا اني قسماً بالله اغمض عيوني عن كلشي واتذكر كل لحظة بينا حاولت اكثر من مرة انتحر بس اني عايشة علمودك انت وخايفة لااذيك
شاف الرسالة
-صميم : حافظة جدول الضرب
-روسلين : استغربت وگتله اي بس ليش ؟
-صميم : عيوني × عيونج = ؟؟؟
-روسلين : عيونك × عيوني = العالم كله
-صميم : ذكية والله
شفت الرسالة وندگ الباب عفت الموبايل ورحت فتحت الباب جانت سارلين انطتني صينية الريوگ واستكانه الچاي بيها وشافتني بس محجت وراحت گتدت اتريگ وصلتني رسالة من سارلين
-سارلين : ولج قمصلة صميم شتسوي عندج
-روسلين : وانتي شعليج ياهو مالتج
-سارلين : يول عفية گوليلي
-روسلين : احنه مرتبطين !
-سارلين : صدوووووووووووووووووگ؟
-روسلين : اي هههههههه
-سارلين : هيييي يول درگص من الفرح مدري ليش
-روسلين : يلا ولي اني دتريگ
حطيت الموبايل عالشحن ورحت يم الشباك واكلت وشربت الجاي حسيت براحه شويا بس انصابيت بالكآبة عبن محبوسة بالغرفة حسيت روحي مرتكبه جريمة ومحبوسة مؤبد ومااتوقع اطلع من السجن يضيق خلگي واطلع مقاطع من اليوتيوب امل منها والمسلسلات مو جوي والافلام مليت منها كلها نفس القصة مااتغديت ولاتعشيت انسدت نفسي وفجئة خليت ايدي على حلگي ودموعي نزلت لو جنت محبوسة بزنزانة مجنت احس هيجي بس گلت لـنفسي الله معايا اذا الله محافظ عالنملة الي بزور نشوفها وتنزل جوى الگاع ومتخاف ليش عبن عدها امل برب العالمين صرت اگلب بالصور واسترجع الذكريات وشفت صورتي اني وماما گلبي انعصر وجهها جان يريح گلبي بس هسة وجهة توجع گلبي اوووف اوووف اجا الليل ورجعت الخنگة وبنص الليل اتسودنت باوعت للساعة ١١ وربع طلعت من غرفتي والبيت جان هدوء طلعت للحوش مااسمع الا صوت المطر وركضت طلعت برى البيت وهدئت وصرت امشي بالشارع ودموعي متخالطة على وجهي مع قطرات المطر
أَعـشقُ الـسير تـحت الـمطر و لـدي اسـباب کثـيرة يصـعب عليّ أن أكتـبها
_____________________
لـلحكاية بقية 💖
لاتنسون التـصـ★ـويت + متابعة للحساب
احبكم 💖🌸