خصلة شعر ﴿الأصلية﴾

﴾part14"بارت١٤﴿

بقلمي : مريم الـثامر
للتواصل: Instagram {maryam_th0}
قرائة ممتعة 🤍🕊️
________________________
-روسلين : گعدت من النوم ونزلت جوى اتريگ واني ارگص وانزل على كيفي من الدرج بايابايا
-نرجس : صباح الخير
-روسلين:صباح النور والسرور عمري
-نرجس : شگد فرحانه كله علمود راح تروحين للمتحف
-روسلين : اي چا شلون
وبگلبي اگول اخ ياماما لوتدرين ليش فرحانه
گعدنا عالسفرة بابا باوعلنه وأخذته صفنه
-سيلين : بابا بيك شي ؟
-عمر : لا بس يابابا اريد اسئلجن فد سؤال
-روسلين : اي بابا اسئل
-عمر : يابناتي انتن فخورات بدينجن
-روسلين : بابا شنو هذا السؤال اي طبعاً
-عمر : زين گولولي دين الإسلام بشنو رحمجن
-روسلين : الإسلام رحم البنت وشال عنها النفقة عبن مومجبورة تصرف على أحد حتى مامكلفة تصرف على نفسها ابوها اخوها زوجها هم الي يصرفون عليها
-سارلين : والإسلام يابابا رحم البنت وسوالها مهر كامل يدفعة الزوج بمجرد أن تكمل نص دينه
-سيلين : والإسلام رحم البنت من الحج بدون مايكون معاها محرم يحرسها ويخدمها
-نيڤين : الإسلام رحم البنت وخلالها ورث من زوجها واخوانها واولادها وأبوها وامها بالرغم هيا ماتتحمل مسؤولية الشغل والفلوس
-روسلين : والإسلام رحم البنت وحرم عليها الزواج بلا ولي أمر أو شهود حتى لاتتهم بعرضها ونسب اولادها
-سارلين : الإسلام أوجب على من قذفها بعرضها يجلد ثمانين جلدة ويشتهر بالمجتمع ومحد مايتقبلة
-سيلين : الإسلام رحم البنت بحيث الي يقتل بسبيلها حتى يحافظ عليها وعلى عرضة ويدافعلها يروح شهيد
-نيڤين : الإسلام رحم البنت بكفن أكثر من كفن الولد تتكفن بخمس أثواب حفاظاً على حرمتها
-عمر وهو يباوعلهم ومنصدم : عفية عليجن بابا انتن رفعة راسي حتى إذا متت اني مطمن عليجن وخليني اني بعد اذكرلجن نقطة الي يحبس بنته بالبيت ويمنعها من الاختلاط والسفر ويمنعها من دراستها ويمنعها من كلشي ويددها ويضربها فراح تكون بنيه سهلة كلش لدرجة تنغرم بأول ولد تشوفة وعبالك سوبرمان مو ولد واهم شي انتن تعرفن شنو معنى الحرية اريدجن قويات مو ضعيفات وبليدات واني معلمجن الاستقلال الاقتصادي حتى تختارن رفيق حياتكم مو واحد اثول ومطفي ومتخلف
بسنه راسة وگال روحو بدلو ليمة نروح اني وسند نجيب جم شغلة من السوگ وها بس تسمعن صوت السيارة اريدجن تنزعن گدام الباب حتى نلحگ نروح خوش
تمام بابا انتو روحو هسة نبدل احنه
-نرجس : يولن منين تعلمتن كل هذا
-روسلين : من درس الأسلامية ههههههههه
-نرجس : لو الإسلامية تعلم كل هذا جان العراق كلها متدينين هههههههه
-سيلين : كافي يلا هسة اذا رجعو بابا وسند ومامبدلين تتكنسل الروحه يلا بسرعة
-روسلين : اي اي اني هسة دقيقتين وجاهزة
رحت الـغرفتي واتصلت على صميم
-صميم : صباح العسل ياعسل
-روسلين : هلا خويا صباح النور
-صميم : خويا بعينج ولج
-روسلين : هههههه ليش ولك
-صميم : اني مو اخوج بس اخ خواتج
-روسلين : لعد انت شتصيرلي متبري مني لو شلون
-صميم : لا انتي الروح والرية انتي النفس انتي دگة گلبي انتي روحي احبج يبعد صميم وهله
-روسلين : صميم اختك جاي تدك خليها ارد عليها تمام ومن ارجع للبيت اتصل عليك
-صميم : تمام روحي ياروحي
سديت الخط ورديت على فاطمة
-فاطمة : الوو هلا روسلين شونج
-روسلين : هلا وغلا فطومة شونج
-فاطمة : كلش بخير الحمدلله اكلج
-روسلين : گولي
-فاطمة : بعد شهر خطوبتي اني وعيوش
-روسلين : ها الف مبروك حبيباتي شايفين الف خير
-فاطمة : الخير يصيبج ومع الأسف معدهم اخ ثالث جان اخذانج انتي بعد
-روسلين : هههههههههههه وبگلبي گلت حتى اشتغلجن خدامة
-فاطمة : باعي روسلين اني مااخلي يلبسني الخاتم اذا ماتكونون متواجدين
-روسلين : ولو اكيد اجي اذا اني اول وحدة ماخابرتيني وبعد شهر فرحت كلش
-فاطمة : ديلا اني دروح هسة عود تعالن
-روسلين : تمام إن شاء الله
-فاطمة : باي
-روسلين : بيباي
سديت الخط وبدلت وكشخت واتعطرت وسمعت صوت الباب يندك قوي
-نرجس : ياستار ياربي مني خلصت خلتفتح الباب ابوجن مبين عليه مستعجل
-روسلين : هياتني اني دفتحه
فتحت الباب وشفت بنية صغيرة
ها حبيبي
هذا بيت ابو سند ؟
اي حبيبتي ليش
-ابو سند وسند سوو حادث قوي بالسوك واسعفوهم على مستفشى الـ***
من الصدمة معرفت شسوي والبنية تهز بيا وتعيط بوجهي حتى اصحصح گعدت وصرت الطم واعيط يمةةة لحگي يمةةةةة سودة بوجهي اجن امي وخواتي يتراكضن شكو شكو احجي شكووووووو
البنية گالتهم عن الحادث صارن يعيطن
اجا امير وصار يسئل شكو البنية حجتلة وراح جاب السيارة ورحنه للمستشفى رحت للمستشفى واني لاحاطة حجاب على راسي ولا لابسة هذا برجلي وابجي واركض بالمستشفى مثل المسودنه والعالم كلها تباوعلي شفت دكتور لزمته وسئلته سند عمر وينننننن وينهممممممم گلي بغرفة العمليات من سمعت غرفة العمليات گلبي احسة وگف وبعد ميدگ واتسودت الدنيا بعيوني وشفايفي بردت وتخدرت وبعد ماحسيت بشي بس بألم الوگعة من وگعت بالگاع
فتحت عيوني واول سؤال سئلته وينه سندي وينه ابوي وينهم فريت راسي وماكو أحد بالغرفة صرت اتسأل هل معقولة اني متت واني هسة ميته محد ماكو وياي گمت بزور وصرت امشي هيدي هيدي وطلعت برى الغرفة شفت الحجية الي نصحتني وحجتلي عن المراهقة گاعدة گدام الباب ثولتها وردت اروح ادور على واحد من اهلي صاحتني روسلين روسلين اوگفي تعاي رحت عدها ومحجيت ولاحرف
-الحجية : رحتي تدورين على غرفة اخوج وابوج
-روسلين حجيت ولساني ثگييل بزور احجي : اي خالة متعرفين وينهم
-الحجية : اي اعرف وينهم
-روسلين : خالة الله يخليج الله يخفظلج عزازج بس اريد اشوفهم
-الحجية : امشي يمة امشي
مشينا خطوتين أجا ولد ماباوعتلة
-امير : ها حجية وين
-الحجية : والله ياوليدي روسلين تريد تشوف أهلها
-امير : گعدي هنا حجية انتي متگدرين تمشين هسة اوصلها واجيبلج كرسي واخذج
-الحجية : دير بالك عليها لاتوگع
باوعت للحجية وعيوني غوشت من الدموع رحت لـغرفة وشفت امي وخواتي عيونهم مورمة من البجي حسيت سجينة دچت بگلبي بجيت وركضت عدهن وشفت بابا وسند من الجامة صدرهم كله حاطين بي صوندات ونبضات گلبهم مو طبيعية ومرات سند ميگدر بعد يتنفس يرتفع صدرو ويرجع والدكاترة يركضون عندو بجيت واحس دموعي تحرگ خدي اتذكرت كلام سند من سئل عن الموت مگدرت اتحمل طلعت وصرت اركض اريد بس اطلع برى المستشفى طلعت وجانت دتمطر بقيت بالمطر ابجي واشهك تمنيت الموت بوكتها حسيت راح افقدهم أفقد سندي وافقد ابوي الي خاطر بحياتة حتى بس يعيشني حياة حلوة وتالي ماتالي بعد ماجنا فرحانين سوو حادث وهذا حالم وگعدت بالگاع والگاع كله منگع معرفت شسوي صرت اركض ومرات الطم هدئت واستغفرت وگلت هذا اختبار من رب العالمين رحت الاستعلامات وطلبت تلفون واتصلت على صميم وگتلة تعال للمستشفى الفلاني محجة شي بس سد الخط رجعت التلفون ورجعت رحت برى وبگلبي وجع مو طبيعي المطر صار اقوى واني ولاطبيت للمستشفى والرعيد جان صوته قوي بس ردت شي يريح گلبي ماكو ضليت شي أكثر من نص ساعة واجا صميم ركض عندي وباوعلي
-صميم : شبيج ولج احجي شبيج شكووو
-روسلين : بحروف مبعثرة بابا وسندي ومگدرت اكمل وگعت بالگاع
-صميم : گومي ياروحي شصاير بالحالج اخذني لـلسيارة وگعدني وگلي خلي املج برب العالمين وادعيلهم وابقي بالسيارة هسة اروح اشوفهم واجي نروح تبدلين ونرجع نجي هنا
بقيت ساكته وصافنه ومااباوعله ومسح وجهي بكلينس ونزل من السيارة
-سيلين : صميم
-صميم : وينهم بأي غرفة
-سيلين : هذيج والكل هناك بس متعرف وين روسلين
-صميم : روسلين بأمان لاتخافين امشي دليني عدهم
-سيلين : بس اريد اگللها بابا وسند راح يطبون للعملية الأخيرة
-صميم : هيا بالسيارة
-سيلين : تمام انت روح عاليمين ثالث غرفة
رحت عدهم والكل عيونها مورمة وشفت سند وعمي عمر حالتهم حالة
-روسلين اول مشفت سيلين نزلت من السيارة وشافتني
-سيلين : ولج هاي شبيج جنتي مخطوفة لو شنو
-روسلين باوعتلها بكل برود معرف شجاوبها
-سيلين : باعي هسة راح يدخلون للعملية وهاي آخر عملية كل الي بيدنا نسوي هو الدعاء مبيدنا غير شي ولازم تروحين تجيبين فلوس من البيت عبن كلنا مجايبين وبدلي ملابسج ولمي شعرج ماما لـتشوفج هيج هيا الي بيها مكفيها
-روسلين صوتي بزور يطلع ولساني ثگييل : صار هسة بس خلي يجي صميم
-سيلين : هسة اروح اني بالج على نفسج روسلين اذا انتي هيج احنه شلون منو النه روسلين محتاجيج تساندينا
-روسلين : راح اساندكم واني بلا سند
-سيلين : عفية لـتحجين هيج سند بخير بس ادعيلة
-روسلين : باوعتلها ومردت اخليها تضعف وگلتلها خوش لعد هياته اجة صميم راح نروح اجيب فلوس وابدل يلا ركض على ماما وگوليلها روسلين بخير ومبيها شي تمام يلا حبيبي
راحت سيلين واجا صميم
-صميم : ها يروح الروح شونج هسة
-روسلين : مدري صميم اخذني عالبيت هسة حتى نلحگ ندفع تكاليف العملية الفلوس كلها بالبيت
-صميم : تمام
رحنه للبيت ورحت لـغرفتي وطلعتلي ملابس حاولت انزع ملابسي مگدرت من البرودة حسيت نفسي قطعة ثلج نزعت القميص وحسيت راسي نمل وبعد مكدر اوگف جفوني نملت واتغوشت عيوني ووگعت ومن وگعت طلعت صوت
-صميم : سمعت صوت وخفت عليها ركضت وفتحت باب غرفتها شفتها جسمها ووجهها كله صاير ازرك من البرد شغلت التدفئة وبدلت ملابسها ولفيتها بلحاف وحضنتها ليمة گعدت
-روسلين : فتحت عيوني وحسيت بدفو باوعت لـصميم حاضني ودافن راسو برگبتي وانفاسة على رگبتي حارة وحجيت بحروف مبعثرة العملية
-صميم :  حطيت ايدي على حلگها اشش لاتحجين العملية اني دفعت تكاليفها قبل منجي للبيت
-روسلين : خلنروح للمستشفى
-صميم : خلي يدگ المنبه
-روسلين : يامنبه
-صميم : معليج صمي لحلگج صمي هسة بعد شويا نروح
-روسلين : زين صميم
-صميم : اشش
سكتت وهو بقى دافن راسة ويتنفس بقوة وبعد دقيقتين دگ المنبه رفع راسه وباوعلي وعيونه تحسسني بالراحة
-صميم : هياتة المنبه دگ يلا حبيبي گومي نروح
-روسلين : تمام خلگوم أبدل
-صميم : بدلت هدومج
-روسلين : شنووووو منو سمحلك انت منو حتى تبدل ملابسي واني صرت احجي باسني من شفتي قوي وعافها وهمس لاتخافين مسويتلج شي من الخجل معرفت شسوي دفعته قوي وركضت نزلت جوى وأخذت فلوس وطلعت گعدت بالسيارة وهو قفل الباب واجا من صعد السيارة باوعتله غمزلي
-روسلين : اهوووو انت منين تجيب هاي السوالف التعبانه
-صميم : مو بيدي
-روسلين : اني بيا حال وانت بيا حال اووف ياربي
-صميم : اروح فدوة للـ اوف
-روسلين : اوووويييي شگد مكروه
-صميم : ولج اخ گلبي ليش تجبريني هسة اوگف السيارة وانزل اختصبج
-روسلين : هاي العايزة
-صميم : ايجوز أسويها
-روسلين : صميم اطبگ اريد انزل
-صميم : وين
-روسلين : بكلامك هذا دتخوفني انزل اروح وحدي
-صميم : طبگت ولزمت ايدها گلي تتذكرين الوعد
-روسلين : ياهو بيهم
-صميم : من ابوج طلع للشغل
-روسلين : اي گتلي راح اكون وياج حتى بالظلام والزم ايدج من تحتاجيني وراح اسمع كل كلامج واغانيج دائماً
-صميم : صح بس اني ماكملت كلامي وگلت ليمة يجي الوقت المناسب
-روسلين : وهسة وكتك ابويا واخويا بالمستشفى
-صميم : اي صمي حلگج خلحجي
سكتت وباوعلة
-صميم : احبج بكل صباح ومساء وراح اكون وياج بكل ليلة اوعدج يابعد گلبي غيرج فلا تكون حلالي محرم عليا كل بنات حوى الا انتي الي رايدها تكون مرتي من بعدج ولااحب ومن گبلج ولا حبيت انتي حبيبتي الأولى والأخيرة ومن بعدج صميم ماعنده مرة على ذمته
-روسلين : دمعت عيوني واني اباوعلة وگتلة انزل
نزل من السيارة ونزلت ركضت لـحضنه وحضني بكل حنيه گلي وعلى اخوج وابوج اني اخوج وابوج وصديقج وحبيبج خوش وإن شاء الله يطلعون بخير وسلامة وهسة خبنروحلهم باسني من راسي وطلعنا للمستشفى
__________________
لـلحكاية بقية 🤍🕊️.
لاتنسون التصويت + متابعة للحساب