خصلة شعر ﴿الأصلية﴾

﴾part10"بارت١٠﴿

بقلمي:مريم الـثامر
#خصلة_شعر
قرائة ممتعة 💛✨
_______________________________
اول صباح واحنه بالمدينة صباح المدينه مختلفة تماماً عن صباح الريف والمدرسة مختلفة وقريبة من بيتنا ونروح مشي محاجة للسيارة
-روسلين : صباح الخير ماما وينهم يلا تأخرنا
-هياتنا يلا امشي
رحنه للمدرسة والطالبات مو مثل طالبات القرية مخفت من شي بس حزنت على ست ابتهال وتنميت اشوفها مرة ثانية دخلت للصف واحجي ويا روحي گعدت عالرحلة وطبت المعلمة للصف
-قيام
-عاش العراق العظيم
-جلوس
-گعدت ورفعت راسي باوعت للمعلمة مصدگت عيوني ست ابتهال !!!
-ابتهال : روسلين شجابج هنا ماتوقعت اشوفج
-روسلين: ست اني مصدومة معقولة هاي انتي
-هههههه حبيبتي گعدي خل نبدي بالدرس
فرحت كلش بشوفه ست ابتهال احبها كلش لطيفة وحتى من تشرح تشرح بهدوء وتفهمنا وترجع تعيد الشرح حتى لو افتهمنا وتگول لازم احلل راتبي
واحنه دنرجع للبيت سارلين شافت فراشة ملونه
-سارلين : باعن اللههه فراشه تجنن
-روسلين : عوفيها بحالها وامشي بدربج
-معليا
وصارت تركض ورة الفراشة ووگعت ووصوتها لم كل العالم وشالوها واخذوها للمستشفى واني رحت وياها ودزيت سيلين ونيڤين ينطون خبر لـماما حتى تلحگنا اجت ماما
-ولجن ها شصار
-روسلين : سئلي سارلينووو
-سارلين : ماما الذنب مو ذنبي ذنب الفراشة
-روسلين : شو انجبي دطلع اني عود ماما جيبي هاي العرجة وياج للبيت
-ماما : شنو عرجة شنو
-روسلين : اي ماما عرجة انكسرت رجلها وهسة اني بيباي
طلعت گوبل عالبيت وجنت كلش ضايجة ماشوف گدامي اصدمت بولد
-اسفة
-شبيج عمية
-مو اعتذرت
-خلص خلص
-عفتو وضل يمشي ورايا التفتت عليه وگتلو شكو خير تلحگني
-ومنو گلج جاي الحگج هذا بيتنا وأشر على البيت الطبگ بيتنا من الفشلة معرفت شحجي عفتو وطبيت للبيت بدلت وشفت موبايل ماما عايفتو بالبيت خابرت صميم
-الوو ها صميم شونك
-الحمد الله بفراگج مو زين
-واني بعد بس ها اكو يوم ونلتقي
-اي إن شاء الله شبي صوتج
-توني راجعه من المستشفى
-ليش خير شصاير بيج شي شكو احجي
-اهدئ يمعود صميم هاي سارلين وگعت وانكسرت رجلها
-سلامات وهسة هيا وين
-بعد شوي يجون للبيت
-عود سلميلي عليها
-تمام يصل خلسولفك شصار وياي
-سولفي
-وحجيتلة عالولد وشون تفشلت
-هههههههههههه جان طبيتي للبيت ومعليج بي بس هم عفية عليج خاف حرامي ويطب لبيتكم هههههههه
-مو صوجك صوجي حجيتلك
-ههههههههه والله خزيتينة
-انجب صميم ويلا باي دروح اتغدى بطني متگطع جوع
-روحي بالج على نفسج وسلمي عالكل
-صار
-بيباي
سديته ورحت دتغدى وصلو امي وسارلين وگعدت يمي وصارت تاكل
-اكلج سارلين
-ها
-شفت بنات بالمستشفى وموتتهم ضحك
-شون بله ضحكيني
-سولفتلهم عنج شون وگعتي هههههههه
-دنجبي زعلت عليج لاتحاجيني يلا ولي
-اكلج آخر كلمة
-اممممم
تتذكرين من جنا صغار والگمر شون جان يمشي ويانه
-اي ؟
-وهسة الگمر
-شبي
-گاعد گبالي ودياكل
-ههههههه عابت تعرفين شون تراضيني اكلج روسلينو
-ها
-اكتشفت شغلة
-وهيا ؟
-احنه من عصر أجدادنا معدنا بخت وهاي مو فترة وتعدي والصراحة اني كارها حياتي ايمتى اموت وارتاح أيست من حياتي بعد ياريتني مثل الممثلات
-هيوووو لاتأيسين وانتي تعرفين الله دوم يخلق نور جديد بعد كل ظلام واني واثقة راح تجيج فرحة يفز گلبج بس صبري ليمة يجي يومها وگولي الله كريم وثاني شي محد عايش حياته سعيد الكل عنده مشاكل نفسية وهموم وأوجاع داخلية وعبن هيج لاتتمنين حياة غيرج وانتي متعرفين شكو بداخلها ايجوز حتى تتمنى الموت وثالث شي كوني قوية لإن الحياة تكتلج قهر اذا بقيتي هيج
-تمام بس عفية حبابة ضايجة كلش ونسيني
-اتحداج تگولين طبر طك طبر طك زيطة ونتحر خمس مرات عالسريع
-هههههه سهلة طبر طك طبر طك طيـ*ة ونتحر
-رويلين:,هههههههههههههههههههه
-سارلين:لا والله شكلي اني الي راح انتحر لو بقيتي گاعدة گبالي هههههه
-سيلين : بونجور مسيو بوسي كات
-سارلين : كملت بعد ماعندي عذر لازم انتحر
-سيلين : انتحري طبج مرض نفر زايد
-روسلين : امداج هههههههه يلا خلي ندرس باجر عندي امتحان رياضيات اوووف شكد اكرهاااااا
رحت وبقيت ادرس رياضيات بس كل عادة مگدر افهم شي اذا مو صميم يشرحلي معرفت شسوي گعدت وصرت ابجي واشهك ومشتاگة لـصميم
-نرجس : بنات تعالن اتعشو
-روسلين : ماما ماجوعانة اطب اسبح وانام 
سبحت ونمت گعدت الصبح راجعت بس مفتهمت شي عالكتاب مثل الاطرش بالزفة ورحت عالمدرسة وعظامي تطك طك من خوف الامتحان ومعدتي موتتني وجع شتريت لفه واكتلها بس ميفيد بقت تجعني من خوف الامتحان طبيت للصف وگوبل امتحان كأنو مفاجأة والشي الحلو استلام النتيجة بعد الامتحان بيوم مدري شخبصت بالورقة أو شكتبت ترست الورقة حلول مدري عنها صح لو خطئ وسلمتها مر اليوم عادي مثل كل يوم ورجعت للبيت انطيت الدروس لـ سارلين عبنها متگدر تداوم ولفيت راسي ونمت گعدت الساعة ٦ ونص المغرب
-اكلج ماما عادي اطلع برى شوي بس اشوف الناس مخنوگة بالبيت
-روحي بس بالج على نفسج
اول مفتحت الباب شفت الولد الي تفشلت وياه هسة شون افتح الباب الگاه ورد يبوووو سويت نفسي مشايفته وجانت بنية وياه ديلعبون تذكرت صميم اختنگت ازيد طبيت للبيت رحت الغرفتي بجيت ملخت روحي بس ردت الخنگة تروح طلعت رحت للحمام غسلت وجهي ورحت تعشيت ودرست ورجعت نمت گعدت وگلبي يدگ بالحظة الف دگه جنت حيل خايفة بسبب النتائج رحت للمدرسة متأخرة وطبيت للصف شفت المعلمة توزع الاوراق گالتلي ليش متأخرة
-اسفة ست بس جنت مريضة شوي
-تمام سلامات طبي للصف
-ست ماطلع اسمي
-شسمج
-روسلين عمر
-امبلي هاج هاي ورقتج راسبة
-اخذت الورقة ورحت گعدت عالرحلة وماحبست دموعي ومسويا روحي عادية وماهامني ولاغزر بيا واني من الداخل اتگطع من الوجع دگ الجرس وطلعت فرصة شافتني ست ابتهال وصاحتني
-ابتهال : شبيج روسلين منو مزعلج
-خليت الورقة بيدها ونزلت دمعتي
-ابتهال : صحيح هسة رسبتي بس مو معناه استلمتي انتي إنسانة ناجحة ادرسي زين وخلي كل وقتج دراسة ولتخلين شي يوگف بطريقج ياأحلى طالبة
-بس ست خبر رسوبي انتشر وهذا اول امتحان الي بالمدرسة هاي
-باعي حبيبتي احنه هسة دنعيش بزمن اذا سمعو خبر زين عنج يخفوه لإنه خير بس اذا سمعو خبر مو زين ينشروه لإنه شر ويصيرون يألفون من نفسهم كلام واني ادري بيج شگد قوية اريد منج شغلة
-تفضلي ست ابتهال
-اكسري خشم كل واحد تشمت بيج
-ههههه صار دللي وباجر تشوفين شون انجح
-عفية هاي روسلين الي اعرفها
-شكراً ست كلامج انطاني طاقة إيجابية
-تدلل طالبتي الحلوة
خلص وكت المدرسة ورجعنا للبيت
-روسلين : اكلج ماما شنو رائيج نطلع للسوگ
-مابيا اطلع للسوگ ممحتاجة شي
-سيلين : ماما اني محتاجة
-نرجس : اذا هيج روحو انتي وياها بس مو تتأخرون
-روسلين : تمام ماما اصلا اريد اطلع حتى اغير من نفسيتي من البيت للمدرسة من المدرسة للبيت يلا امشي سيلين
رحنا للسوگ وغيرت جو والأشياء تجنن
-سيلين : الله روسلين باعي هذا الموبايل شكد حلو
-اي والله بس سعره كلش غالي
-عوفي وامشي نشتري
قررت اجمع فلوسي واشتريلها الموبايل هدية عيد ميلادها ومشتريت شي من السوگ وهيا اشترت كومه شغلات
-سيلين : هاي شبيج ليش متشترين شگد بخيلة عوذة
دشتريلج شي مثل العالم
كسرت گلبي بكلامها بس مهتميت گلت هسة من اشتريلها الموبايل راح تندم على كلامها هذا ودنطلع للبيت شفت مرى جبيرة بالعمر
-روسلين : اكلج سيلين اني هسة اجي بس اساعد هاي المرى خطية واجيج انتي روحي للبيت بس امشي على كيفج حتى الحگج
-خوش روحي لعد بس مو تتأخرين
رحت وأخذت منها الأغراض البيدها
كلامها وشكرها دگ بگلبي كلام الشياب يخليك تتسائل هل هذا الموجود اليوم اسمه حياة حلوة اكو بني آدم ممكن يقلد حبهم احس وكتهم جان عبارة عن حب والواحد يحب من كل گلبه ليش الناس تغيرت
عجبني كلامها وأسرتني طبيعتها وطيبتها كل ماباوعتلي وهيا دتكمل كلامها احب اقترب منها أكثر واتلذذ بحديثها خفيفة الروح حلوة المنطق عذبة الضحكة اعتقد كل من تحاجي ينعجب بيها تخطف القلب شفت بيها جدتي الي نحرمت منها
سئلتني شبيج بنيتي ؟
سولفتلها عن كلشي بدون خوف وعن كلام سيلين بالسوگ
-وهسة شنو احساسج ؟
-خالة اني متعلمة مااتوقع شي حلو من اي شي لا مع الحظ ولامع البشر الكل يخيبون الأمل بالنهاية حتى لو سامحناهم وتغاضينا الثقة والمشاعر مايؤمنون مرتين
______________________________
لـلحكاية بقية 💛✨
بقلمي : مريم الـثامر
للتواصل : Instagram {maryam_th0}
چقو نجمة قلبي ★.