خصلة شعر ﴿الأصلية﴾

{Part42:بارت٤٢}

الكاتبة : مريم الـثامر
قراءة ممتعة 🩶
____________________
بعد مارجعت عائلتي مثل ماهيا نحب بعض نهتم ببعض بس باقي قطعة من گلبي جوه التراب
مشتاگه اخلي عيني بعينه واگلك مشتاقتلك بابا حاسة مو هيا اني
الأحب روحي
الأحب اسمي
الأحب لوني
واحب هذا الشرار التارس عيوني
واحب سالفتي وحسرتي شما تفيض بصدري خليها
طلع صدگ اليشتري التفگة ويرواهيها
دسمع صوت بداخلي يگول
اني القوية بعز ضعفي اني النار التحرگ نفسها اني الرماد المتبقي مني اني الحرب البلايا جنود
قاطع تفكيري صوت ذوالفقار
-ذوالفقار : مرتي بشنو دتفكر
-روسلين : منو مرتك عيني
-ذوالفقار : ام الصيدلية
-روسلين : روح من گدام وجهي روحلها خلتفيدك
-ذوالفقار : اي منو مرتي غيرج من طاح حضج
-روسلين : ها بعد حضي طايح من وراك
-ذوالفقار : ياروحي انتي شو انطيني بوسة
باسني على خدي
-ذوالفقار : اووفيششش على هالخد الناعم اموت عليك يحلو
-روسلين : خجلت كلش منه بحيث بعد مگدرت انطق بحرف
-ذوالفقار : روسلين عندي موضوع جدي وياج
-روسلين : جدك منو
-ذوالفقار : لا عفية ترة الموضوع مهم
-روسلين : اسمعك
-ذوالفقار : باعي حبيبي مختصر الكلام انتي لازم ترجعين لدراستج خوش
-روسلين : فرحت من داخلي كلش بس گتله اتعب بالقراية ماريد ارجع
-ذوالفقار : اني اعرف روسلين شاطرة بس حتى ترجع گلتلها وليش تتعبين بالقراية وليش تتعبين عيونج انعل والديهم ذوله الماينجحوج
-روسلين : اي واني الصراحة جنت افكر بالموضوع وعندي حلم بعد
-ذوالفقار : حلمج مايجي بنوم ولا بتفكر ولا تستسلم انتي بيدج ترفين الراية هيا الدراسة فترة وتححقين حلمج بس ها خلي ببالج لازم تصعدين للحلم بايات تراهي مو باية
-روسلين : تمام اني موافقة حرجع
-ذوالفقار : كضي كتبج وطلع كتب من الجرارة ولتعوفين القراية واتعبي واستمري ولتهمج حجاية احد واذا جاسج تعب بس گولي يالله افضل الج
-روسلين : هسة كلشي بصفحة والكتب منين طلعت بصفحة
-ذوالفقار : مو اني جنت متأكد حتقبلين ترجعين
-روسلين : وشون عرفت بالله
-ذوالفقار : لعد مو مرتي هههههههه
قاطع حجينه صوت باب الغرفة
-سحر : روسلين اجونا خطار تعاي اجو نسوان سلمي عليهم
-روسلين : منو جايي بهالوكت يمعودة
-سحر : بيت حبيبة ذوالفقار القديمة
-روسلين : سحروووووووو
-سحر : ههههههههههههههههههه
-ذوالفقار : شني هاي كليوم جايين عدنا غير لزگة
-روسلين : جاية اسلم وأمري لرب العباد
طلعنا وشفت الحية حاطة كيلوين مكياج وحطت عينها بعين زوجي باوعتلها وبراس خشمي سلمت عليها والي صار شي كلش ضايقني وحسيت گلبي ديحترگ مدري غيرة مدري كره مدري حقد بس احس نار وگبت بگلبي ومن القهر نزل عليا الدو*رة الشهرية طبيت جوه وبدلت وتعطرت وطلعت شفتهم ديسولفون بهدوء طگيت قهر بعد متحملت رحت للمطبخ وسديت الباب بكل قوتي الكل انتبه عليا ومن غيرتي دزيتله رسالة نصية وكتبت بيها ذوالفقار اني اريد اروح عد اهلي
رد عليا اثگلي ليمة يروحون كتبتلة شقصدك مثلاً
اني خفيفة مثلها اگعد اتهامس مع رجال متزوج مارد عليا دزيتله شو مترد ها معندك رد مو ديلا تعال اخذني عد اهلي مشتاقتلهم وايجوز مارجع هنا خليها هيا احسن عندك مو وبقيت اكتب واسب واشتم ومايبرد گلبي لحد ماراحو البرابـ*ـبيك
-ذوالفقار : سحر روحي گولي روسلين ذوالفقار رايدج بالغرفة يلا يبعد اخوج
-سحر : صار
روسلين رَجلج يصيحج بغرفتكم
-روسلين : تمام رايحة
بعدين وگفت گلت لـنفسي وين الكرامة شكو رايحتله للغرفة بس يلا خلروح اعاتبه رحتله وقبل ميحجي كلمة گتله حط عينك بعيني وابد لاتحجي اني احجي شناقصني كلشي جان جذبة مو حُبك وكلمة مرتي من جانت علساس تطلع من كل گلبك ذني جذبة صدگت لمن كتلي انتي روحي ورويحتي جان حجيك كله جذبة ذنبي لمن صدگت نيتي جانت حيل بيضة عكس نيتك اللهفة والخوف ورجفتك ونضرة عيونك وصوتك حتى صوتك جان جذبة
-ذوالفقار : حجيتي سبيتي نعلتيني نعل هسة دوري احجي الحية مثل ماانتي تگولين جانت تگول جربت غيرك احب واعشگ تفاصيلة حاولت انعجب بي بس شفته ماله ذنب يحجيلي عن حبه الي واحجيله عن حبي الك
-روسلين : وانت شرديت عليها اكيد گلتلها اخذج الثانية موووو
-ذوالفقار : صبري خلكمل يابنت الحلال گلتلها واني حبيتها لـمرتي ماعوفها ولا اخونها لو على جثتي وهيا گالت شني هيا قابل ملاك گلتلها
مو ملاك بس عدها شعر سرح وحلو وعيونها الساحرتني ولون بشرتها الفاتح وخدودها الناعمة الوردية وصوتها العادي كلش وماتعرف تتنعوص بي ولاتغيره علساس كيوت ووجها بريء وطولها يخبل مو ملاك بس روسلين فراشة گلبي
-روسلين : صدگ عود
-ذوالفقار : اي والله
-روسلين : بدون مجاملة اني حلوة وطولي حلو
-ذوالفقار : لعد هاج سمعي
حلوة ومن جسمها يغار الگصير والطويل اي والله دورت ماخليت كل القبيلة ثاري الجمال يلوگ بس لـ روسلين هم هيبة هم ثگيلة هم حلوة مشكلتي اموت حيل بس عليج
-روسلين : اوييي اموت عليك وعلى كلامك
-ذوالفقار : لاتعيدين هذا الحجي
-روسلين : وشبيها يعني شگلت مثلاً
-ذوالفقار : ماحب تذكرين اسم الموت على نفسج
-روسلين : بالله عليك جوز من عندي مالي خلگ احد
-ذوالفقار : شبيج انتي
-روسلين : اجت العذر الشهري عاد مالي خلگ
-ذوالفقار : عاد لاتبالغين هيا شني
-روسلين : شنو شنو شنو اني مامبالغة بألم الدو*رة الشهرية لـعلمك ألم الدور*ة صنف عالمياً انه يعادل ألم الإصابة بالنوبات القلبية والولادة وحرق انسان حي وكسر عظام بدون تخدير ومية رصاصة
-ذوالفقار : امبدال ما هلگد حجيتي امشي روحي ارتاحي وثاني شي كله بجهة هرموناتج بجهة روحي نامي بابا
-روسلين : ماانام
-ذوالفقار : شو تعاي لحضن بابا يروح البابا انتي وطبعت بوسة على خدها
اخذتها بحضني وضليت أدلك ضهرها وامسح على راسها لحد ماغفت ونتضمت انفاسها
احبها
وادري هيا تدري شگد احبها
يارب منين جت روسلين
صارت روحي بعد ماجنت ميت
جت ودخلت حياتي ونورتها بكل معنى الكلمة
_____________
لـلحكاية بقية 🩶
المؤلفة : مريم الـثامر