خصلة شعر ﴿الأصلية﴾

﴾part19"بارت١٩﴿

خصلة شعر
بقلمي : مريم الـثامر
قراءة ممتعة 🤍🕊️.
____________________________
يـصعب عَليّ أن أقـول مـافي قـلبي ولـکنهُ يؤلـم جـداً
طبيت للبيت مثل الحرامية رحت للحمام وسبحت وركضت لـغرفتي خليت المرهم والأثار صايرة خفيفة مو مثل اول يومين
-سارلين : نگدر ندخل
-روسلين : تعالن
-سارلين : روسلين شكو اليوم كاتبتلي لااني بنت امي ولاصميم ابن ابوي ولاهو اخوي
-روسلين : حجيتلج
-سيلين : زين احجيلنه
-نيڤين : شفتي التحاليل
-روسلين : اي شفتهم سند مو ابن بابا واني مو بنت امكم
-سارلين : هسة سند مو ابن بابا افتهمنا انتي شون مو بنت ماما
-روسلين : مو گتلج بالمحادثة
-سارلين : جنت دشتغل وماركزت زين
-روسلين : امكم گالتلي من اني اجيت للدنيا امي الحقيقة ماتت عالولادة وابوي جان متزوج امي الحقيقة بدون متدري امكم عود من ماتت واني بقيت يتيمة عود بابا جابني لـ امكم وهيا انجبرت تربيني وسجلتي على اسمها عبن امي الحقيقة مجانت متزوجة بابا بالمحكمة بس عقد الشيخ
-سيلين : عود صدگ
-نيڤين : روسلين انتي ها تبقين اختنه الجبيرة مستحيل استغنى عنج
-سارلين : ثواني ماجاي استوعب شون
-روسلين : واني بعد مااستوعبت بس هاي الحقيقة وعرفت شكبر الكره تجاهي بگلب ماما نرجس عبن الإنسان بوكت العصبية يكون صريح
-سيلين : بس ماما تحبج
-روسلين : يبنيات
-هاا
-روسلين : تعالن نلعب
-سارلين : شنلعب
-روسلين : شگله
-سيلين : اللههههه
-نيڤين : هسة اروح اجيب حجارة واجي
-سيلين : ومن نخلص نكسر جامة الجيران بيهن
-روسلين : والله فكرة يالله
لعبنا وتونسنا وخف عليا الحزن وبعد ٥ ايام محبوسة بالغرفة طلعت
-عمر : ولج ياهلا ياهلا صباح الخير ياطير صباح الفل والياسمين صباح الجمال تعاي لحضني باباتي تعاي
-روسلين : ركضت لحضنه وشميت ريحته وصرت اشهگ وابجي بسكوت اون وگتلة بابا اني احبك ومستحيل احب شخص أكثر منك بابا انت شگد تحبني
-عمر : احبج أكثر من الدنيا ومابيها وحجة بأذني واحب اسمج بعد
-روسلين : عود ليش گلت احب اسمج بعد
-عمر : راح تعرفين بس مو هسة يلا تعاي
طلعنا وگعدنا بالحديقة وسند گاعد بزاوية ووجهة مصفر
-روسلين : سندي شبيك
-سند : ها لا لا مابيا شي
-روسلين : اذا اكو شي تعال احجيلي لاتضم على ردت اگول اختك الجبيرة تذكرت هو مو اخوي بس گلتها حبيبي سندي لاتضم على اختك الجبيرة
-سند : انتي اختي الجبيرة
-روسلين : انصدمت وردت اغير الموضوع ماريد افتح الجروح وگتلة لا بنتك الصغيرة وبزور طكيتها ضحكة هههههه
-سند : هههه ضحكة كلش باردة
-روسلين : صرت ادعي بس لااحد سولفلة
رحت على سارلين
ولج سارلين انتي سولفتي لـسند
-سارلين : لا والله ليش شكو
-روسلين : ماكو شي
سيلين انتي سولفتيلة
-سيلين : لا بس ليش شصاير
-روسلين : مصاير
نيڤين انتي بس بقيتي احجي الصراحه سولفتيلة
-نيڤين : لا ولج يادوب ننسى السالفة اني اريد اطمها للسالفة كلها
-روسلين : لعد مو بسبب هاي السالفة
-سارلين : ليش شكو
-روسلين : سند مدري شبي
-سيلين : اني اگول لو تخلوه على راحته احسن
-روسلين : خوش
اخذت تلفوني ورجعت گعدت يم بابا
-عمر : اكلج روسلين
-روسلين : گول بابا
-عمر : تتذكرين بالمستشفى گتلج وين نروح
-روسلين : گلي شيرانا
-عمر : اي شنو رائيج باجر نروح
-روسلين : لا بابا والله مالي واهس خليها لـبعدين وثاني شي بعد اسبوع و٣ ايام معزومين
-عمر : وين
-روسلين : شسمهن فاطمة وعائشة خطوبتهن
-عمر : عالخير
-روسلين : الخير يبصبك يوم الك
-عمر : ها ولج ترديني اتزوج على امج
-روسلين : من حجة هيج حسيت بغصة بگلبي
-عمر : تعاي نرجس بنتج تريد تزوجني
-نرجس : خزرتني وگالتلي شعندج تردين تزوجين رجلي
-روسلين : زلة لسان مو بقصدي
-عمر : باوعت عليها بأسغراب لأول مرة روسلين ماتتشاقة مع امها ولاتجر السالفة شبيها هالبنيه بس لاعرفت نرجس مو امها الوكت ابد مو مناسب
-روسلين : اني استئذن منكم اريد اروح ادرس
-نرجس : روسليييين
-روسلين : نعم
-نرجس : ماكو بعد مدرسة
-روسلين : شگاعدة تحجين
-نرجس : هاي هيا كبرتي وبعد ماتروحين
-روسلين : بابا وباوعتله وعيوني مدمعه
-عمر : بس نرجس
-نرجس : باوعتله واشرت بعيونها
-عمر : نزل راسة وگال روسلين سمعي كلام امج
ركضت ورحت لـغرفتي حسيت نفسي بجحيم خابرت صميم وصرت ابجي وانوح وعيوني فيضان دموع هديت شويا واستسلمت لأمر الواقع وطلعت من الغرفة واني مبتسمة وسويت نفسي عادي اصلا متهمني المدرسة باوعتلي وخزرتني
حب روحك كبل لا تخلص سنينك
حياتنا هيه عبارة عن فترات وتعدي كم شخص دخل حياتك ووعدك انو هيبقة وياك وبعدين راح كم شغله اتعلقت بيها وراحت حته الملابس الي انت كنت تحبها  راح يجي يوم وتبدلها حته روحك حتعوفك بيوم من الايام لتزعل ؏ أيشي راح منك وخسرته وها لتربط سعادتك بشخص او بشغله معينه عيش حياتك صح افهم الحياة صح لان هيه مره تعيشها لان هيه فتره حتروح بالاخير وراح تعدي
عدة اسبوع عن الأحداث هاي
-روسلين : يابنات شعدجن تلبسن لـلخطوبة
-سيلين : عندي فستان ماروني
-سارلين : اني بعد عندي فستان عسلي
-نيڤين : اني معندي فستان
-روسلين : انيهم معندي
-سيلين : والله يراد نطلع للسوگ
-سارلين : اي والله اريد اشتري عدسات
-روسلين : هسة اروح اگله لـبابا ياخذنا
بابا حبيبيييييي
-عمر : استرنا يارب شكو
-روسلين : عود ليش گلت هچي ترة ازعل
-عمر : گولي شتردين
-روسلين : بعد ٣ ايام نروح للخطوبة ومعدنا شي نلبسة عيب شتريد يحجون الناس علينا يگولون بنات عمر معدهم شي مثل العالم يلبسونه ويگولون عنك بخيل ترضاها
-عمر : والله على هذا كلامج قنعتيني ايمتى اخذجن
-روسلين : باجر
-عمر : صار من عيوني
بست راسه ورحت للبنات
ولجن باجر راح نطلع للسوگ بابا گال ميخالف اخذجن
-سارلين : يول عفية هاي تعرف تقنع بابا
-روسلين : يول قابل بابا صعب لا بالعكس كلمتين حلوين وحبيبي بابا يقتنع ويصير مثل المارد
-سيلين : كون هسة اروح واگله على كلامج هذا
-نيڤين : ديلا بله تريد تنعفس الروحة علينا
-سارلين : خبيثة
-سيلين : والله يالله شبيجن گبيتو عليه اكلتوني شربتوني ميصير نتشاقة عيني ميصير
-روسلين : كافي ولجن باعن متشترن شي بي اغراء
-نيڤين : ولايهمج اشتري فستان مستور من فوگ وبي فتحة الرجل
-روسلين : اي من فوگ عباسي ومن جوى كـسـ*ـاسـ*ـي
نيڤين: لا ولج من فوگ هالله هالله ومن جوى يعلم الله هههههههه
-سيلين : واني اشتري عدسات زرگ اسوي اغراء بعيوني
-سارلين : واني اشتري حزام واشدو على خصري بس اشتري حزام ابو الجرس امشي وارگص حتى خصري يخشخش
-روسلين : هاي هيا افضحونا ولجن عيب البسن شي حلو لو جنتن كبار جان گلنا يابة يدورن عريس بس بعدجن صغار مو مال زواج
-سيلين : يبوووو معليا معليا اريد اتزوج
-روسلين : شعدج وتردين تتزوجين لازم اكو عريس
-سيلين : لا للأسف ماكو بس اتزوج حتى اخلص من المدرسة والله هنيالج روسلينو تركتي المدرسة
-سارلين : كافي انجبي شگد حجيتي تعالن گولولي شون نرگص شرقي غربي
-روسلين : اني ارگص شرقي هههههههه
-نيڤين : اي نجرب نرگص شرقي حتى ماما تشگنه
قاطع كلامنا صوت سند
يابنات اجونا خطار حضرو ضيافة
-روسلين : منو اجانا
-سند : الحجية وامير
-روسلين : ياهلا بيهم گومي سارلين حضري ضيافة
-سارلين : مابيا گومي انتي
-روسلين : ولج گومي لااسويج نصين
-سارلين : اوووف اوووف امري لرب العالمين
-روسلين : هههههه تتأمر بعد ست سارلينووو
-سارلين : كون جايين خطابة لـ سيلين حتى يخلصوها من الدراسة
فززنه صوت ماما
-نرجس : جايين خطابة بس مو على سيلين
-روسلين : بهت وجهي والدموع تجمعت بعيوني والكلمة الخفت منها گالتها
-نرجس : يريدون روسلين لـ امير
-روسلين : مستحيل من هسة روحي گوليلهم مموافقة ماريد اتزوج هسة
-نرجس : تتزوجين وغصباً ماعليج
-روسلين : سكتت وبعد ماراحو هجمت على بابا : انت شون تريد تزوجني غصب عني مااتزوج لو شمايصير لو تذبحوني مااتزوج
-عمر : ومنو گلج غصب بنتي گدامج منا لاسبوع فكري اذا وافقتي حتى نسئل عليهم ويسئلون علينا اذا ماوافقتي نثول السالفة ولو ادري بالولد خوش ولد وجيرانا بس الواحد لازم يسئل عن الأصل والفصل
-روسلين : يصير خير
-سند : روسلين تعاي نلعب منزل برنامج جديد
-نرجس : جوز منها راح تتزوج يالعب ياصخام
-سند : لو يصير عدها احفاد اظل العب وياها
-روسلين : امشي حبيبي نلعب
-سند : روحي جيبي البنات هذا البرنامج يموت ورعب
-روسلين : اللههه تحمسست
يولووووووو تعالن ركض
-سيلين : شكو يمعودة هيج دتعيطين
-سند : انجمعتن كلجن
-اي
-سند : باعن هذا البرنامج رادار يكشف وين موجود الطنطل بالبيت
-نيڤين : يمة خفت عفية والله خفت
-سند : من هسة الي يخاف ميلعب
-روسلين : شغل البرنامج
-سند : صار
شغل البرنامج وجانت مبينه لعبه ومو حقيقية
-سند : هياته هياته على يسارج سارلين
-كلنا صرنا نركض الاتجاه الي يگول عليه سند
دوخنه مرة هين ومره هين
-روسلين : كافي احنه اليوم منگدر نلزمة عود باجر نكمل لعبتنه بس كون نلزمة ونشغلة خادم عدنا
-سارلين : هياته وراج
-روسلين : بوووووياااا
-سيلين : عزا بعينج شگد جبانه
-سارلين : اي اليوم انتي راح تبولين بالفراش من خوفج
-سيلين : اكلج روسلين تگدرين تجين تنامين بغرفتي اني ونيڤين
-سارلين : اذا روسلين اجت ونامت بغرفتجن اني هم اجي
-سند : بقت عليا وإذا بس بنات مو اني اخوجن
-روسلين : خوش فكرة اليوم كلنا مننام بغرفنة ننام بالهول نفرش مثل مجنا صغار وننام
-سارلين : احلى فكرة
-سيلين : تحمست حتى انام
-نيڤين : روسلين اني انام بجهتج اليمنى مو
-روسلين : اي
اجا صوت ماما
-نرجس : روسليييين
-روسلين : دسمع صوتها بغرفتي رحتلها : نعم
-نرجس : لزمت ايدي قوي وصارت تحجي وهيا مخنزرة بوجهي : باعي ولج اذا ماوافقتي الا اطيح حضج الا اموتج اكتلج خلاص وافقي لا اسولف للكل انتي مو بنتي
-روسلين بكل برود : يأذيني فراقج واني بأمس الحاجة الج
-نرجس : يافراق إن شاء الله نفترق ولااشوف وجهج النحس بعد
-روسلين : مو گاعدة احاجيج اني دحجي عن فراق امي نرجس الي تحبني ومو بس تعتبرني بنتها تعتبرني بنتها اختها صديقتها بس اعتقد ماتت
-نرجس : هههههههه بتل الكلب شگاعدة تحجين لاتتلوگين حتى لاازوجج تتزوجين يعني تتزوجين واودعج بسبع حجارة حتى بعد لاتردين
-روسلين : مايحتاج للوداع اني ودعتج من گعدتني واني حاطة ايدج بشعري وتنتفين بي
-نرجس : مايهمني
-روسلين : ايجوز مايهمج وتگولين مو شي مهم بالنسبة الج بس هو جان گلبي وكسرتي
-نرجس : انتي وحدة ادبسزز وبلا اخلاق
-روسلين عافتني وراحت
شعوري جان مثل اشگ قميصي حتى اضمد جرحها وتگلي ياعـ*ـارية
- مخذول ڪرسالة قديمة مُزقت قبل أن تُقرأ..
___________________________
-بقلمي : مريم الـثامر
لاتنسون التصـ★ـويت + متابعة للحساب