خصلة شعر ﴿الأصلية﴾

﴾part1~ البارت ١﴿

#خصلة_شعر
المؤلفة: مريم الـثامر
للتواصل : Instagram {maryam_th0}
قرائة ممتعة 🤍
_________________________________________
الموصل عام ٢٠١٠
صباح الخير ماما
صباح النور والسرور تعاي اتريگي
وين بابا
طلع للشغل
اعرفكم بنفسي اني روسلين اكبر خواتي ومعندي اخوان بدئت القصة من كان عمري 4 سنين ...
روسلين : ماما يلا جوعانة
روحي صيحي خواتج وتعالو اتريگو
روسلين : يلا اگعدووو سارلين اگعدي سيلين اگعدي ماما اجيب نيڤين من المهد لو اخليها نايمة
خليها نايمة من تگعد اسويلها حليب
گعدوا خواتي واتريگنا وطلعنة نلعب برة البيت اني وخواتي بعد نص ساعة مليت ورجعت للبيت رحت وشفت الباب مسدود دگيتة محد ماكو أصيح مامااااا دگيت الباب هواي اسمع صوت اختي نيڤين الي عمرها سنة تبجي من كثر البچي صوتها يون بأذني دگيت الباب بحجارة رفعت نفسي دشوف شكو ليش متفتح امي لمحت شخص من الخوف دگيت الباب بكل ما الله منطيني قوة فتحت امي الباب وخزرتي شكو شتردين خيررررر؟؟ ماما ليش ماتفتحين الباب صارلي ساعة ادگ بي جنت مشغولة بشغل البيت هسة فضيني شتريدين ليش عايفة خواتج وجايا للبيت وبعد وكت روحي لعبي خفت وگلتلها اريد اروح للحمام گالت امشي اني اخذج من طلعت من الحمام ردت اروح للغرفة امي ها وين وين اروح للغرفة ليش هيجي ماكو يلا طلعي برى طلعت واستغربت من تصرفات امي وياي سئلتها قبل مااطبگ الباب ليش نيڤين تبچي ؟ جاوبتني ها لا مابيها شي بس جوعانة سويتلها حليب سكتت طبگت الباب وگلبي مامطمن شعور غريب وريحة محلوة تطلع من امي حاولت اتجاهل الموضوع بس مگدرت بقيت افكر بالموضوع وخاصة بصريخ اختي نيڤين هيا متبچي الا من... وطخت عندي الا من تشوف جعفر زين معقولة هو الي لمحتة تناسيت الموضوع والي صار وبچي نيڤين وبقينا نلعب اني وسارلين وسيلين لحد ماصاحتنا امي  واول مادخلت للبيت حسيت شي مثل الجبل وگف على گلبي اتغدينا وسئلت ماما ايمتى يرجع بابا ردت مادري يمكن بعد اسبوع مر اليوم واني كطفلة نسيت الموضوع ولا ذكرتة صارلو 3 ايام العصر أجا ضيف بغياب ابوي منو ؟؟ جعفر !!! من شفتة تذكرت كلشي صار بهذاك اليوم ومن شافتة اختي نيڤين صارت تصرخ وتبچي وامي تسكت بيها وماسكتت ليمة هو راح اجا ابوي من الشغل بنفس اليوم بليل ردت احجيلة الي ديصير وياي بس خفت لا امي تضربني عبن هيا دائماً توصيني مانحجي اي شي يصير بالبيت لأي شخص حتى لو چان ابونا سكتت ونمت وبعد ماراح ابوي مرة ثانية للشغل امي تغيرت معاملته ويانا اني وخواتي تتعصب علينا لأسباب تافهة وتوصل وياها حتى تتطردنا من البيت مرة طردتنا وفكرت اخذ خواتي وأروح لـمكان بعيد بس خواتي من الخوف نسوا أحذيتهم انهزموا حافيين من البيت جنت انهار وابچي اتحملت فوگ طاقتي عيوني جنت احط ايدي عليهن احس يطلع منهن ولم نار نمت بيومها وفتحت عيوني الصبح على صوت ابوي يلا اگعدوا شكد تنمبل گعدت هههههههه لا بعدها الصبح مصايرة الضهر ديلا گعدي لسانج طولان انتي هاا هههههههه صار وكت الغدة روحي ساعدي امج رحت لأمي روسلين انتي جيبي المقبلات وخليهم عالسفرة تمام ماما هسة اجيبهم حضرنا السفرة والتمينا اني واخواتي وامي وابوي اندگ الباب طلع بابا فتح الباب واستقبل جعفر
روسلين بهمس يبوو هذا هم أجا
سارلين عوذة لزگة
روسلين لازملنة شي خطة ونطردة بس ماريد أحد يعرف
سارلين تمام بس لازم خطة مضبوطة
روسلين باعي هسة اني اگول وييي ماكو كرسي فارغ وين راح تگعد وانتي گولي ارجع على بيتكم معدنا كراسي زايد
وج لا شهل خطة تريدين ننجلد سمعيني
هسة اني اروح يمة علساس انطي شي يتزقنبو واطشو على ملابسو الحقير هههههه
ديلا والله خوش روحي الله ومحمد وعلي وياج خية
راحت بهدوء ونفذت الخطة بس الحقير ماولة
تعاي خية تعاي هذا صمغ ياباني يضل لازگ لزگ عوذة
خلصنة ورحنا للغرفة نلعب فجئة صوت بابا وينچننن وين الصوندة جيبوليها ههسسسسة ماطلعنة من الخوف والرجفة اباوع على خواتي وجوهم مصفرة من الخوف اسئلهم مسوين شي لا والله ممسوين شي واني تذكرت من طشينا مرگ على جعفر همست وج سارلين بس لا فتن علينا روسلين سكتي راح اموت من الخوف ابوي دخل للغرفة وضربنا هذاك الضرب الي بحياتي ماانساه والسبب مجهول منعرفة فرفحت روحي من الوجع وبعدها طلع وراح للشغل وكل عادة يتأخر اسبوع صار الليل والكل نامت بس اكو وحدة مگدرت تنام وهيا "سارلين"
سارلين : جنت متضايقة كلش ومانعست ابد جنت ممثلة علساس نايمة حتى لـتسوفني امي اني گاعدة وتجبرني انام متغطية وافكر بشغلات حلوة ومرات افكار سلبية سمعت حس خفت صرت اطك طك عظامي من الخوف صوت الباب ينفتح وينسد وطلعت تك عين من البطانية والا اشوفلكم خيال طب متت من الخوف صرت اگرص روسلين بس متگعد نايمة بسابع نومة دفنت راسي بالمخدة ومدري شون غفيت والصبح گعدت ومباشرًة رحت لـ روسلين
سارلين : روسلين بليل مگدرت انام واجا صوت الباب وخيال ليش ماگعدتي ضليت اكرص بيج وماكعدتي
روسلين: شنو دتحجين يمكن جنتي تتخيلين من النعاس
سارلين : لا لا اني متأكدة
روسلين : يلا يمعودة لـتفكرين بالموضوع من بابا يجي راح نروح للمراجيح
سارلين : صدوووووك
روسلين : اي ماما گالت يلا امشي نروح نمشط شعرنا وها لـتنسين باجر
باجر شنو
وج عيد ميلادي
اهاااا اايييي شگد يصير عمرج
يصير ٥ يعني كل اصباع الايد الوحدة
الله ايمتى اني هم يصير عمري بگد اصابع الايد الوحدة
خليت سارلين تنسى انها شافت خيال وسمعت صوت وحذرتها لاتحجي لأحد بس اكو شي لازم اعرفة اشياء غريبة عجيبة دتصير ببيتنا ماما وبابا مو نفسهم الي اعرفهم ...
_________________________________________لـلـحكاية بقية
المؤلفة : مريم الـثامر
🖤🦅.