خصلة شعر ﴿الأصلية﴾

﴾part11"بارت١١﴿

بقلمي:مريم الـثامر
#خصلة_شعر
قرائة ممتعة 💖🌸
__________________________________
الحجية : عادي اسئلج سؤال
-روسلين : تفضلي خالة
-معندج شخص قريب منج ؟
-امبلي خالة عندي صديق رغم قلة سوالفنا والبعد والصعاب الي تجينا بس احنه مستمرين بصداقتنه نسئل على بعض عن أحوالنا وعن كلشي نتشارك كل صغيرة وجبيرة واسلوبه مثل اول يوم تعرفت عليه ولحد اليوم هذا ماتغير عليا
-سؤال ثاني بنيتي
-تفضلي خالة
-شنو الشي الي اصعب من الموت بنسبه الج
-استغربت من سؤالها وجاوبتها الصراحة خالة احس الفراق اصعب من كلشي حتى من الموت
-شسم صديقج ؟
-صميم
-من ايمتى ماشايفتي
-من شهر بس خالة من نلتقي اظل مبتسمة بوجهة وهو بعد كلساع يسئلني مامحتاجة شي حتى مرة گتلة محتاجة حلويات اجه من القرية حتى بس يجيبلي حلويات كتلة انت مسودن اني جنت اشاقيك هههههه ومن يجي عدنا ياخذنا للمطعم ونفتر بالسيارة ويگلي وين تريدين تروحين اخذج لو حتى جان المكان بالمريخ هم اخذج هههههههه
باوعتلي وگالتلي لاتخسري وديري بالج عليه من بين كل الناس يكون اكو شخص صديق واحد يشبه البحر تزوري كل ماحسيتي الناس والدنيا كلها ضدج وبنتي قبل لااطب للبيت اريد اكلج على شغلة
-اي خالة اسمعج
-باعي بنيتي اكو فترة راح تمر عليج تتعبين بيها بدون سبب توصلين لـمرحلة متتحملين الريشة متعرفين شبيج ومتعرفين شرايدة اذا اجاج احد وسئلج شبيج وشرايدة وشنو متعبج تبقين محتارة شنو تگولين لإن انتي أساساً متعرفين نفسج شرايدة وشبيج
-وبعدين خالة
-اسمحيلي اكمل
-تمام خالة كملي
-عود تريدين تقنعين الكل انو انتي فرحانة وضايجة ومتحمسة وفاقدة الشغف ووجعانة ومرتاحه وحزينة واجتماعية وانطوائية ومنفسة وميته ضحك والبرود ماليج وكارها عيشتج وحياتج وعاجبتج ومو عاجبتج كل هاي بوقت واحد يصير وراح تحسين نفسج وحيدة رغم انتي صديقة عظيمة وحبيبة ماتتكرر واخت ماتعوض وبنت مالها مثيل
-شسوي بوكتها خالة خوفتيني كلش خالة
-ههههههه حبيبتي لاتخافين راح تجي هاي المرحلة تسمى المراهقة وتگف على قوتج والمهم اذا جنت عايشة بعد سنه تعاي عندي وفضفضي عندي
-شعجب كلتي سنة
-شگد عمرج ؟
-١٢
-لعد احساسي طلع بمكانه
-الله يطول بعمرج حتى لاابقى وحدي ومحد يفهمني
-لا بنتي اكو
-منو ؟
-الي يحبوج من كل گلبهم
-اها زين خالة آخر سؤال
-تفضلي بنتي
-شكلي يتغير
-اي يتغير
-تمام خالة شكراً على كل كلمه
-حبيبتي اني لازم اتشكرج على مساعدتي
-هذا واجبي خالة مع السلامة اشوفج على خير
-مع السلامة بنتي ديري بالج على نفسج
طلعت ركض للبيت وصلت للبيت سمعت صوت هوسة بالبيت خفت وشفت الباب مفتوح ركض طبيت وصوت مدري ضحك لو بجي أول مطبيت انصدمت معقول الي دشوفة حقيقة ومو حلم عمي !!!
عمي هذا انت مرت عمي وبناتهم اروى مروة
تذكرت كل الذكريات الحلوة بلحظة الأيام الحلوة الي اختفت من حياتنا اجتني غصة مدري اضحك مدري ابجي وجعني گلبي وركضت لـحظن عمي وبجيت بحضنه واعاتبه وين جنتو كل هاي المدة هدئت وسلمت وبوست الكل واخذت بنات عمي ورحت للمطبخ حتى لايحسون نفسهم غربة عنا وحضرنا ضيافة ورحنه گعدنا ودنسولف وطلعو مهاجرين للجنوب وهسة راح يبقون عدنا كم يوم ويرجعون من الفرحة رحت اتصلت على صميم وگتله
-صميم : فرحت والله
-روسلين : قابل هما بيت عمك ههههه
-لا اني فرحان لفرحتج من فدوة اروحلها
-تعال عدنا حتى تكمل فرحتي
-والله اتمنى اجيكم بس مشغول
زعلت كلش بس مابان عليا نزلت ورحنه دنطبخ للعشا اني وبنات عمي وتونسنا ونسة لاصايرة ولاحتصير ونمنا واحنه دنضحك ونحش عالناس هههههههه
گعدنا الصبح ونزلنا جوى ونلم المنام من الگاع واباوع على عمي الي مبتسم ابتسامة حلوة ويحاجي بابا ويأشر علينا
روحي جانت مشتاگة لـهاي الأجواء العائلية اتريگنه وطلعو بابا وعمي وسند راح وياهم واحنه البنات خلصنه شغلنا وگعدنا واخذنا إجازة من المدرسة
-اروى : مروة مروة اگلج وغمزتلها
-مروة : ها تمام هسة
طلعت فوگ وجابت فلاش مكبر صوت وشغلت اغاني وصرنا نرگص على اغنية حبيبي امك متقبل من احاجيك ودنرگص وفجأة کلهن گعدن بس اني بقيت ارگص واغني وانداريت ورايا وأشوف صميم متکئ عالباب ومجتف ايدي وگال كملي بعد روحي المعلگه بيج لـلحظتها حسيت بمغص بمعدتي ورجليا بعد ميشيلوني ومن الخجل ختلت ورى البردة سيلين من الضحك طلع السفن من خشمها
راح صميم وهو يباوعلي ومبتسم اجت عليا مروة
-مروة : اكلج روسلين منو هذا الولد
-روسلين : صديقي وابن ابن عم بابا وابوج
-ولج هذا يحبج وعاشگج مو بعدج صغيرة هو شگد عمره
-ههههههههه لج شدتحجين عيب هالسوالف وهو أكبر مني بـ٣ سنين يعني هم صغير
-لا مو كلش صغير يعني عمرة ١٥ وانتي ١٢ مو
-ولج سكتي شدتحجين عيب هههههههه
-دباعي لوجهج شون ابتسم وورد من شفتي ابتسامتج شگت حلگج
-ههههههههههههه يكفي لاتلزگين بالموضوع
-اروى : اگللجن بنات تعالن نلعب لعبه
-سارلين : يالعبه
-كل وحدة تحجي مخاوفها واحنه ندورلها حل تتخلص منه
-سيلين : والله خوش اني اول وحدة ابدي اني اخاف من الامتحانات اريد حل
-روسلين : هههههههه ادرسي ست الحسن والصون حتى لاتخافين
-اروى : خلص لگت الحل دوري اني اخاف من الرعيد
-سارلين : احسبي وگع شي عالگاع ولاتنطين الموضوع أهمية
-مروة : لگت الحل دوري اني اخاف من البحر
-نيڤين : بسيطة هاي لاتروحين لـلبحر شجابرج ههههه دوري اني اخاف من الغابات والأشجار العالية
-روسلين : احسبي الجنه وبعد متخافين أو احسبي روحج هايشة وتحبين الطبيعة وثاني شي انتي مروة احسبي روحج عگرگة وهاي هيا فضت خلصت راحت
-مروة : اي ست روسلين انتي من شنو تخافين شو ماحجيتي
-روسلين : اني مايخوفني غير الارتباط بواحد تقليدي بحت ذوقة محلو بالملابس وينسى ولادة طفلنة الأول أو ينسى ذكرة زواجنه علمود مبارة فريقة المفضل لايقرة لايكتب ومايلعب رياضة وماعندة شي يسوي وكت فراغة رجال يخجل من انو يصيحني بـ حبيبتي ويستبدلها بكلمات خاوية من المشاعر ومايشوفني أكثر من وحدة بالعالم اطبخلة وأحبه رجال مثل هذا اتمنى انو ينقرض 
-مروة : واكو أشخاص يعرفون قيمتهم بگلوبنه يصيرون يحاجوك بمزاجهم وحسب فضواتهم ومن تتصل عليهم يتأخرون بالرد او مرات ميردون ويتعمدون ينرفزوك لإنه واثق بمكانته بگلبك ترة الشي لاطال الرجا بيه ينعاف
قاطعنه صوت عمي وهو يصيحنه تعالن يابنات رحنه باوعلنا هيج وگال شعجب من البارحة لي هسة ممبدلين هههههههه انتن اعرفجن كل ساع بـلبس
-روسلين : والله ياعمي كبرنا وصرنا نلبس نفس الملابس يومين عادي وصرت اخاف على اهلي بدال مااخاف منهم وبطلت اجادل اي شخص حتى لو اني الصح صرت اعوف كلشي للأيام تثبت وجهة نضرنا لدرجة صرت مااحجي لأحد شنو ديصير وياي وشنو اليوجعني صرت ازعل واني ساكته وافرح واني ساكته
-والله ياعمي على كلامج هذا هم انتي كبرانه وهمين اني كبران عبن لو انتي تكبرين اني أعجز هههههههه
-لاعمي انت بعدك شاب وحليو اسم الله عليك
-فدوة لـكلامج هذا روحي گولي لـسيدرة هههه
-لا مرت عمي تعرف هذا الشي بس معليك هيا تغار عليك عود هيج تحجي هههههههه
-عمر : روسلين والله اني صرت اغار من عمج ههههههه
قضينا احلى اسبوعين سوى نگعد الصبح احنه البنات ووحدة تختار للثانية ملابسها ومرات نروح نتريگ برى ونتمشى ونخلصها ضحك اليوم كله اكل وونسة وصور  ونروح لأحلى الاماكن ونرجع للبيت هلكانين تعب بس منگدر ننام ونظل نسهر ونضحك ونسولف وندرس لي نص الليل وبعدها ننام واحنه فرحانين
وصلنا لـمرحلة حتى الُمر حلة
من راحو حضنتهم كل قوتي واحد واحد ووصيت عمي يجون مرة ثانية وگلي مبقى شي وتحرر الموصل نلتقي هناك خوش
عيوني ملينه دموع وودعناهم وراحو واخذو قطعة من گلبي وياهم
-سيلين : ماريد واحد ينسى عيد ميلادي ترة انتحر
-روسلين : محضرتلج مفاجأة
-شنو هيا
-انجبي مو دگلج مفاجأة عود تعرفين
-تحمست وانتو يااهلي الحلوين من ناسي
-سارلين : دولي انتي وعيد ميلادج هو انتي مال عيد ميلاد
-روسلين : ولج خطية ليش هيج دتحاجيها
-سيلين : عوفيها حتموت من عرفت محضرتلي مفاجأة ههههههههههه
بعد كم يوم ...
گعدت الصبح وخليت الموبايل بعلبة وغلفتها طلعت تخبل وبدلت وتعطرت ونزلت جوى شفت جايبين كيكة ونفخت نفاخات وصحت سيلين
-سيلين : اللهههه ياجمال الكيكة وجمالكم
-الكل : سنة حلوة ياسيلين سنة حلوة ياسيلين Happy birthday to you
طفت الشموع وقطعت الكيك وانطيناها الهداية
-روسلين : سيلين هاج فتحي المفاجأة
-جيبي تحمست
فتحتها
-سيلين : اللهه اللههه شكراً اختي الجبيرة العاقلة الحلوة احبج احبججججج هوااااياااا أكثر من كلهم مو هذا الي شفنا بالسوگ
-اي هو وهسة عرفتي ليش ماصرفت فلوسي موو
-سيلين : اسفة اختي اعتذر منج معرفت
-روسلين : مايهم المهم تعلمتي درس ؟
-سيلين : اي تعلمت مااحكم على شخص اذا ماعرف سببه
-روسلين : اي عفية حبيبي وانسي ام السالفة
-سيلين : تمام والج قطعة كيك ثانية على هاي الهدية الحلوة
ندگ الباب
-سارلين : اني مابيا حيل اروح افتح الباب منو ماجان خيولي
-روسلين : هههههههه اني حروح
فتحت الباب شفت باقة ورد بعدها صميم
-صميم : سلام عليكم شونج غاليتي
-روسلين : هلا والله وشنو هاي الورد
-صميم : مو عيد ميلاد سيلين
-روسلين : مبلي تعال عايدها هسة تفرح
-صميم : سيلين العمر كله يارب
-سيلين : ياهلااااااا صميمممم
حضنتو واخذت الورد منه وانطته قطعة الكيك وگعد يحاجيها ويضحكها واني اضحك وياهم
-صميم : روسلين هسة انتي عليش دتضحكين
-روسلين : فزعه ههههههههه
گضيناها كلها ضحك ونغني
ومرت الأيام بسلام وأمان ...
____________________________
لـلحكاية بقية 💖🌸
بقلمي : مريم الـثامر
لاتنسون التصويت 💖🌸