خصلة شعر ﴿الأصلية﴾

﴾part20"بارت٢٠﴿

-بقلمي : مريم الـثامر
خصلة شعر
قراءه ممتعه 🖤🦅.
____________________________
مـکـسورة لـدرجـة اريـد اخـبـي نـفـسي عـن الـكـل وماريـد  احـد يشوفني ولا يوهـمني بكلامه
اذا الخيبة اجت من الي ربتني من الجنت متوقعة منها تفديني بروحها كسرتلي گلبي
گعدت عالگاع ولميت رجلي وافكر شنو الي راح يصير اسوء من هيجي ماكو وصلت لـمرحلة تأذيت بيها هواي وصلتني رسالة من صميم
-صميم : لقد شقشق الشوق شوقي فشقاق شوقي لك هل شقشق الشوق شوقك كشوقي فشوقي  اشق شوقاً من شوقك
-روسلين : يبس حلگي واني اقرة دكتبت مشتاگلج وفضها
-صميم : ياشيخة گلبي شونج
-روسلين : الحمدلله وانت
-صميم : مو كلش
-روسلين : ليش حبيبي
-صميم : مشتاگلج وگلبي متلهف عليج
-روسلين : بعد باجر نجيكم
-صميم : ياهلا وغلا بحبيبة روحي
-روسلين : ياهلا بالمهلي حبيبي ممكن سؤال
-صميم : مبين على سؤالج بايخ بس سئلي
-روسلين : هسة شبيك
-صميم : مابيا شي
-روسلين : حبيبي شلابس
-صميم : ملابس
-روسلين : لا لا جوى الملابس
-صميم : والله لسانج صاير هالطولة
-روسلين : هسة مگتلي
-صميم : ترة اني يحقلي اسئلج هذا السؤال مو انتي
-روسلين : مو اني وانت واحد ماكو فرق
-صميم : ام لسان
-روسلين : ابو نسوان
-صميم : لج انجبي روسلين
-روسلين : واذا ماانجبيت
-صميم : حسابج بعدين بس خل الزمج
-روسلين : اوي اوي يمة خفت
-صميم : احترگو اهلج على الـ اوي
-روسلين : لتجيب طاري اهلي
-صميم : مو حرگتيني حرگ
-روسلين : يلا دروح اني عندي شغل
-صميم : ولي يولي
-روسلين : شنو شنو شگلت
-صميم : اقصد روحي يروحي وبوسة بعد مححح
-روسلين : بيباي
-صميم : محح
-روسلين خليت السماعات بأذني ورحت غسلت المواعين والملابس وخليت الموبايل عالشحن وطلعت فوگ السطح حتى اشر الملابس بالشمس واني منمجة ودغني وصورة صميم متفارگ بالي فززني صوت
-امير : هلاوووو
-روسلين : وجععع عمة بعينك فززتني
-امير : اسف بس عندي موضوع وياج
-روسلين : خير شكو احجي بساع عندي شغل اريد انزل
-امير : باعي روسلين كلنا معرضين للرفض يعني
اكو من رفضته عائلتة
اكو من رفضه حلمة
واكو من رفضه حبه الوحيد
واكو من رفضه صديقة المقرب
كل واحد بالدنيا تعرض لمرارة الرفض
واني اتمنى ماترفضيني وتوافقين
-روسلين: باوعتلة وبعيوني الف حجاية اريد افهمة اني گلبي مو يمي گلبي عند صميم بس ماعرفت شحجي شگول قاطع تفكيري
-امير : اني معجب بيج روسلين
-روسلين : تذكرت كلام صميم عن الحب والإعجاب وگتلة بس امير الإعجاب ينتهي مع الأيام
-امير : يعني شون ينتهي
-روسلين : ماكو انسان معندة عيوب وانت من تشوف عيوبي يقل الإعجاب وراح تنعجب بغيري
-امير : مو شرط ايجوز يتحول حب
-روسلين : باوعتلة وصوت صميم براسي وگتلة الله كريم ونزلت جوى وركضت لزمت الفون وكتبت صميم احبك اني لاتنسى گلبي بين ايديك
ماشافها رحت اتوضيت وصليت وسجدت عالسجادة وادعي يارب ياسميع ياعليم انت اعلم بكل شيء يارب خلصني من هاي الدوامة وصرت ابجي واشكي عالسجادة واتوسلن برب العالمين
-سيلين : روسلين تعاي تعشي
-روسلين : تمام بس اريد افهم شغلة ليش بالشتا عدنا نهار هيج بـلمحة خلص النهار واجا الليل
-سيلين : هسة دكافي تحجين تعاي اتعشي
-روسلين : اجيت
رحت وگعدت دتعشى بعدني مامخلية لگمة بحلگي
-نرجس : روسلين لاتكثرين بالأكل لايصير بيج اعصاب المعدة
-روسلين : لا أصلاً مو جوعانه اجيت اشرب مي واعزل المطبخ
-عمر : ليش بنتي مو جوعانه
-روسلين : باوعتلة ومدري شگول وبگلبي دحجي واگول مرتك ياب مرتك الغدرتني وگتلة العصر اكلت
-نرجس : باوعتلي وخزرتني ايمتى العصر شو مدري عنج
-عمر : باوعلها صك سنونه وخزرها وشمر المعلقة بقوة وگال الأكل الي تشترونه من فلوسي اني اشتغل واتعب واجيب والي ياكل خل ياكل ماريد أحد يدخل بأكل الثاني مفهووم
-نرجس : عود هاي عبن گلت لـبنتك شكلتي
-عمر : بنتي بنتج وخرزها
-نرجس : باوعتلي وضحكت تك خد
باوعتلها وشربت مي ورحت للمطبخ طلعت قوطية ببسي وشربته وعزلت المطبخ وطلعت جبت منام وفرشت بالهول
-نرجس : خير شو فارشة بالهول
-روسلين : هيج اتفقنه اليوم اني واخواتي وسندي
-نرجس : وانتي شون بدون ماتستأذنين وفرشتي
-روسلين : اليوم اريد انام كلنا سوى على الأقل مااحلم بكوابيس
-نرجس : دباعي لشكولاتج والج عين تحجين
-روسلين : حسبالج متأذية من ردت اجيج وانهزم من الأذى اذيتيني
-نرجس : اني اكرهج
-روسلين : شوفتج جانبي المظلم وانتي طفيتي الجانبين
-نرجس : انجبي لا اوگع هاي السنون الي بحلگج
عفتها ورحت اجيب بطانية من غرفتي وشفت رسالة من صميم
-صميم : اكتبلج بس مو كلشي بالگلب ينگال بعض الكلمات تتعسر خجلاً بخروجها
وبعضها تغيب عن وقتها وتجي متأخرة
وبعض الكلمات تترجمها العيون ويرفضها اللسان
ابتسمت من قريت الرسالة واحس گلبي طار
اخذت البطانية ورحت لـفراشي واجو خواتي وسند واتمددو
-سند : روسلين احجيلنه قصة
-روسلين : من عيوني
كان يا ما كان في قديم الزمان وحجيتلهم قصة ونامو نيڤين بجهة على أيدي وسند بجهة على أيدي الثانية شفتهم نامو وسحبت ايديا وخليتهم جوى راسي وابتمست وصرت افكر بـصميم ليمة غلبني النعاس ونمت گعدت الصبح ورحت غسلت وجهي ورحت للمطبخ حضرت ريوگ وخدرت الچاي واغني مع فيروز وکعدت عالكرسي تذكرت من جنا صغار نگعد على ريحة الخبز وصوت قرآن بصوت عبد الباسط عبد الصمد رحت گعدت الكل وگعدنا عالريوگ اشرتلي بعيونها نرجس رحت للأستقبال حتى اعرف شتريد مني النوب
-نرجس : شنو هذا السواد الجوى عيونج
-روسلين : توج انتبهتي
-نرجس : اكلي خرة واحجي شني هاي مرض لو تعب وچمالة ملامحج بهتانة
-روسلين : السواد الجوى عيوني مو مرض ولا قلة راحة والبهاتة البوجهي لاتخافين مو كره الج ترة اني هم اتعصب من اشوف نفسي بالمراية هذا كله من ورى الضغط والزعل والكآبة هذا تراكم احزان حاولت اتخطى بس مگدرت اني مو قاسية بس تأذيت وصرت احب اكون وحدي عبن ماعندي طاقة اتعامل مع اي شخص نهائياً
-نرجس : اني ماجايا علمود شي بس علمود الخطابة لايشوفوج بهيج حالة ويشردون اني اريد اخلص منج
-روسلين : ليش يمة ليش هيج تغيرتي عليا
-نرجس : واني اريد اكلج شعجب زيناتي ماسون علامات من جنتي تتمرضين اتمرضلج أضعاف وادعيلج واغنيلج سلامات اهتميت بيج بشنو قصرت وياج حتى تگلبين ضدي
-روسلين : بس اني ماگلبت ضدج اني بس ردت اسود وجهة جعفر بس اني التسود وجهي
-نرجس : يعني مو انتي الي گلتيلة تعال اخذ ابنك منا
-روسلين : والله اخلي روحي تروح ولا سند يروح
-نرجس : يعني مو انتي الوعدتي جعفر تخليني اندم وتنتقمين مني عبن خنت ابوج
-روسلين : انتي تعرفيني ماحب المشاكل ووين اكو بنيه هيج تسوي بأمها
-نرجس وعيونها فاضو دموع : اسفة روسلين بس جعفر رجع لعب بعقلي وحرضني عليج
-روسلين : يلا عادي مصار شي
-نرجس : كل السويته بيج وتكولين مصار شي
-روسلين : اريد اعرف شغلة
-نرجس : شنو هيا
-روسلين : انتي امي الحقيقة
-نرجس : لا مو اني الشلتج ببطني ٩ شهور وتعذبت ليمة جبتج بس اني امج الربتج وتعبت عليج اني امج روسلين عفية لاتزعلين عليا وحضنتي وصرنا نبجي احنه الأثنين
-سارلين : هلاو هلاو واني بعد اريد حضنه
اجت وحضنتنه
وتصالحنه اني وماما وكلشي رجع طبيعي ومجبت سيرة امير ابد
-عمر : ها يابنات ايمتى اوديجن للسوگ
-نرجس : روسلين گومي هسة حضرو نفسكم اكو فستان البارحة شفته نروح اشتريلج ياه حيل عجبني
-روسلين : اذا على ذوقج اكيد حلو
-نرجس : يلا بسرعة
بدلنا وطلعنه للسوگ واشتريت الفستان الي گالت عليه ماما
فستان طبقات وكلش حلو ونسقت وياها ايشار وجنطة واكسسوارات وخواتي اشترن وتونسنا كلش
-سيلين : ولجن بنات باعن لـهذا الولد يموت
-سارلين : اي والله عيونه مصكصكة
-روسلين : ولجن عيب اثگلن
-سارلين : لا ولو اني الثگل لعبتي بس هذا شفط كل ثگلي
-سيلين : ولج لاتحجين على حبيبي
-روسلين : هههههه شبساع صار حبيبج
-سيلين : هاي هيا هسة اشتري خاتم واروحلة اجبره يلبسني ياه
-سارلين : حبابة سئلي اذا عندة اخ حليوو مثلة
-روسلين : شنو رائيجن نخطفة
-نيڤين : شدتحجون
-سارلين : مايخص الاطفال
-نيڤين : اني اعلمج
يمة ولج يوووم
-نرجس : ها ها فضحتينة بالسوگ صوتج جنج هايشة جوعانة
-نيڤين : اجيت اشكيلج على سارلين انتي زودتيها عليا
-سارلين : معليج بيها ماما خلنطب لـهذا المحل
-نرجس : شتردين تشترين من هذا المحل
-سيلين : يوم اني اريد اشتري سبحه
-نرجس : عدنا سبحه عليشلج
-سارلين : يمة لاتبخلين عليها
-روسلين : ولج انجبي يمة هذني عجبهن صاحب المحل ولايردن سبحه ولاهم يحزنون
-نرجس : ياملاعين الشوف هسة إذا رجعتجن عالبيت ومااطلعجن للسوگ بعد
-روسلين : ماما اني عيني ما زايغة بس اني طلعيني للسوگ خيولن هذني
-نرجس : من هسة يابنات باجر ماريد ولا وحدة بيجن ترگص خوش
-سيلين : لا والله احنه اتفقنة نرگص شرقي
-نرجس : نزول عليج هم تعرفين الرگص الشرقي
-سارلين : ماما جانت فكرتي
-نرجس : خلنرجع للبيت واني الجن
وبعد ماخلصنة رحنه تغدينا بمطعم واليوم كله گضينا برى مارجعنه لي المغرب وطلبنه دليفري وتعشينا وجنا تعبانين كلش لدرجة عيوني بزور افتحهن رحت عالفراشي ووگعت ونمت لا اردياً
______________________________
لـلحكاية بقية 🖤
لا تنسون الـتـصـ★ـويت + متابعة للحساب
احبكم ❤️
ياترى شنو راح يصير مع روسلين ؟
تتوافق على امير لو لا ؟
انتضرو البارت القادم عن قريب إن شاء الله ❤️