ظلمات حصونه الجزء الثانى (الأنتقال من الظلمة إلى النور)

_١٠_

الفصل العاشر
_____

أنتهوا جميعا من تناول العشاء لتنعض كلا من "منال" و "ملك" لحمل الأطباق إلى المطبخ، بينما نظر "إياد" إلى "محمود" معقبا بإحترام وهدوء:

_ عمى أنا كنت عايز أتكلم معاك فى حاجه مهمه، بس ياريت لو نكون على إنفراض

بالرغم من أنه أرتاب قليلا لطلب "إياد" إلا أنه حاولا جاهدا على عدم إظهار هذا الشيء، وسريعا ما وافقه قائلا بهدوء:

_ وماله يا أبنى

نظر "محمود" نحو زوجته "منال" وهو ينهض من مقعده معقبا بإحترام:

_ أبقى هاتيلنا العصير فى أوضة المكتب يا منال

أومأن له "منال" بالموافقة على طلبه رادفة بإنصياغ:

_ حاضر يا محمود

توجه "محمود" نحو غرفته مكتبه مُصحبا "إياد" معه إلى الداخل رادفا بترحيب:

_ أتفضل يا أبنى

بالفعل دخلوا إلى المكتب وأغلق "محمود" الباب ليتجها للجلوس على تلك الأريكه لكى يتبادلوا الحديث، ليعقب "محمود" رادفا بإستفسار:

_ خير يا إياد، أنت من ساعة ما جيت وأنا شايف فى عينك كلام كتير عايز تقوله

حمحم "إياد" بقليل من الأتباك، خسية من ردة فعل "محمود" على الحديث الذى ينوى التحدث فيه، ولكن يجب عليه أن يتحدث مع أى ما سيكون رده، عليه المحاولة، ليعقب "إياد" بقليل من الحرج:

_ بصراحه يا عمى فيه موضوع كده عايز أتكلم معاك فيه بقالى فترة بس كنت خايف من رد حضرتك

_ أتكلم يا أبنى خايف من أيه!!

أخذ "إياد" نفسا عميقا مستعدا للبدا فى الحديث ومحاولا أيضا أن يكون واضح وصريح معه، لعله يتفهم ما يمر به، ليهتف "إياد" رادفا بصدق:

_ أنا هكون صريح معاك يا عمى وأتمنى تفهم قصدى لأنى لا بعرف أذوق الكلام ولا بعرف ألف وأدور

أبتسم له "محمود" بود كبير مُقدرا كل كلمة يقولها "إياد" ويقدر أيضا صراحته معه منذ البداية رادفا بإمتنان:

_ ودى أحلى حاجه فيك يا إياد، وده اللى مخليانى مطمن على بنتى وهى معاك، لانك مش بتعرف تكدب وبيبان عليك

كانت جملته تلك لها تأثير قوى على "إياد" شاعرا بالذنب والخزى من نفسه على ما فعله فى شقته وما كاد أن يرتكبه فى حق "ملك" وفى حق نفسه وفى حق والدها الذى يثق به إلى هذه الدرجة، ليتنهد "إياد" بضيق معقبا بصدق:

_ عمى أنت عارف إن أنا اهلى متوفين ومليش حد خالص، وأنا شاب وعايش لوحدى وأنت عارف الشيطان وحش والنفس ضعيفه، خصوصا لو المجال مفتوح قدامك، وأنا بصراحة محتاج ملك أوى فى حياتى، محتاجها تشاركنى حياتى كلها وتفاصيل يومى بالكامل وتكون جمبى وتقتل الوحدة اللى أنا فيها، عايز كمان أعصم نفسى من الغلط حتى معاها وأفضل قد ثقتك فيا كده، أتمنى إنك تكون فهمت قصدى