طب يا جماعة مناقشة صغيرة عن الفصل التاسع عشر.
نبدأ ب "ديانة": أيوه ديانة بتحب جواد والحمدلله اعترف بده قدام نفسها، واحنا دلوقتي انتظار اخر مواجهة بين جواد وديانة اللي هتحدد هل فيه فرصة تانيه ولا خلاص كده مش هتقدر تأمنه، وخصوصا إن زي ما وضحت فى الفصل إن ديانة خايفة من جواد، خايفة من التجربة للمرة التانية خصوصا إن دلوقتي هي بتحبه، خايف المرة دي يكسر قلبها كمان.
"جواد": جواد كان بيحاول يعمل أقسى ما عنده عشان ديانة تديله فرصة تاتية، جرب الصعبنيات والاعتذار ومجبش نتيجة، جرب جو التحرش والغزل مجابش نتيجة، هيحاول محاولة اخيره وخصوصا ان ديانة وافقت على المناقشة، وجواد اخد قرار مع نفسه ان لو ديانة رفضت تديله فرصة مش هيضعط عليها وهينفذلها اللي هي عايزاه لان مفيش راجل سوي يقبل على نفسه يجبر اللي بيحبها على العيشه معاه غصب عنها، انما لو وافقت بقى يبقى ساعتها اللعب على الكيف.
"مالك": غلط وندم وحاول يصلح غلطه بكل الطرق، بس فى الاخر يأس ومقدرش يستحمل، الحادثة اللي عملها مالك صعبة جدا بجد للي ركز فى السرد، مش محدده لحد دلوقتي مصيره هيبقى إيه بجد يعني هو ونصيبه معايا.
"زينة": ومعلش بس عشان فيه شوية تعليقات ضيقتني، شتيمه فى زينة وهجوم عليها، لتاني مرة هقرر كلامي لو اي واحده فينا لاقدر الله اتعرضت للاغتصاب بالطريقة البشعة اللي اتعرضت ليها زينة دي حتى لو من الراجل اللي بتحبه مش هتقدر تنساها او تسامحه بسهوله، ده لو سامحته اصلا، بتقولوا ان زينة كمان غلطانه عشان راحتله اليوم ده الشقة لوحدها، تمام هي فعلا غلطانه، بس هي كانت واثقة فيه لدرجة انها مخافتش منه وكانت مداياه امان بس هو خذلها، هتقولولي كان سكران هقولكوا مش مبرر كافي يخليها تاخده بالحضن وتقوله انا مسمحاك عادي وقدر محصلش، نقول للمره المليون مش كلنا عندنا نفس درجة التسامح، وبردو معظمنا فيه حاجات مبيبقاش شايفه او مقدر قيمتها غير لما تروح منه، وده اللي هيحصل فعلا، محدش يلوم على زينة، زينة ضحية رغم غلطها، ومالك مُذنب رغم انعدام وعيه وقتها.
"اياد": اياد مش وحش يا جدعان ولا يتخاف منه، ده اياد ده بسكوته الرواية، انا بحب شخصيته جدا، اياد بيحب ملك بجد ومش عايز يأذيها بالعكس عايز يعيش معاها كل حاحة حلوه، هو بس قليل الادب شويتين.
"ملك": ملك بتحب اياد بس شخصية جادية شوية فى العلاقة بين الولد والبنت، مش هوائية ومش بيتضحك عليها بكلمتين، بتلتزم بالحدود ومش بتحب تتخطاها، بتقدر العلاقات وبتخلي كل حاجة لوقتها، مش عايزة تندم على حاجة متهورة تحصل فى لحظة طيش، علاقتها هي وإياد لسه فضلها اختبار وده اللي هيحدد هيكملوا ولا لا؟
"هاشم ولبني":مش هتكلم يا جماعة عشان كل حاجة واضحة، انا بحب علاقتهم جدا وفعلا العمر ده مجرد رقم اهم حاجة نختار الشخص اللي هنكمل معاه العمر ده
كفاية كده عشان سيدرا هرتني قرص وضرب والله وعياط وزن بلا هدف وجالي صداع بجد، عايزه أشوف ارائكم إيه فى الكومنات.
اللي مقرأش الفصل يروح يقرأه هو نزل امبارح على مدونة رواية وحكاية.
دُمتم بخير♥️♥️
أنت تقرأ
ظلمات حصونه الجزء الثانى (الأنتقال من الظلمة إلى النور)
Storie d'amoreلطالما كانت المحبة والكراهية عدوان لا يلتقيان أبدًا فى قلب واحد، فمن تملكت الكراهية قلبه لا يمكن أن يحب بصدق والعكس أيضًا، من عرف المعنى الحقيقي للحب وشعر به لا يستطيع أن يُجرب شعور الكراهية، ولكن ماذا عن قلب ظن إنه عاشق ولكن فى الحقيقة كان هو أكبر...
