- أنت ليه صممت نيجي على البيت هنا ورفضت إقتراح مامتك!
أجابها وهو يُحاول الإعتماد على نفسه والأتكاء على الحائط بجانبه مُردفًا بتوضيح:
- حبيت نرجع بيتنا عشان منبقاش مُضطرين نمثل قدام حد، وعشان وجودي فى البيت ممكن يفكرني الحاجات اللي أنتي مش عايزة تقوليهالي.
توترت للغاية من إصراره على معرفة حقيقة ما حدث بينهم، ولكن أنقذها عدم توازنه فى الوقف، لذلك غيرت مجرى الحديث مُردفة بإكتراث:
- طب تعالى أدخلك الاوضة ترتاح شوية.
ساعدته فى السير إلى غرفتها التي كانت تمكث هي بها مُتعمدة عدم الذهاب إلى الغرفة الاخرى، بينما بمجرد أن دخلوا الغرفة تعجب هو من مجيئهم إلى هنا، ليضيق ما بين حاجبيه وعقب بإستنكار:
- هو أحنا بنام فى الأوضة دي!
كافحت لكي تبدو صادقة وغير مُتوترة وأجابت بإقتضاب:
- أيوه.
هو فقد جزء من ذاكرته وليست ذاكرته بالكامل! هو يتذكر منزله ويتذكر أن هذه الغرفة الصغيرة وليست الغرفة الرئسية الكبيرة، بالإضافة إلى ذلك هو لا يتذكر إنه كان يمكث بهذه الغرفة؟ يبدو أن هناك خطأ ما! ليضيف بمزيد من الاستنكار:
- طب وسايبين الأوضة الكبيرة ليه؟
تنويه
جماعة لو سمحتوا ليا طلب عندكوا، دلوقتي كلنا عارفين إن الرواية بتنزل على مدونة رواية وحكاية وبعد ٤٨ ساعة بتنزل هنا على الواتباد، طيب انا بعمل كده عشان دي حاجة انا بستفيد منها، ولكن لاحظت ان فيه ناس مش بتفتح لينك المدونة اصلا وبتستنى الفصل على الواتباد، تمام لو ده مريحكوا اشطا.
بس لو سمحتوا حبة تقدير ليا أنا ولو هتعبكوا معلش، ياريت حتى اللي بيتابع الرواية هنا واتباد يبقى يدخل على المدونة يعملي مشاهدة بس ويخرج، هي مجانا يا جماعة يعني مش بكلف حد، معلش ارجوا التقدير ولو بحاجة بسيطه زي دي.
الفصل الخامس والعشرون نزل على المدونة واللينك موجود فى المحادثات عندي.
أنا أسفة فى اللي هقوله بس لو مشاهدات المدونة متعدلتش انا بعتذر جدا هوقف نشر الوتباد لحين الانتهاء من الرواية، أرجوا تفهم الأمر.
دُمتم بخير♥️♥️
أنت تقرأ
ظلمات حصونه الجزء الثانى (الأنتقال من الظلمة إلى النور)
Romanceلطالما كانت المحبة والكراهية عدوان لا يلتقيان أبدًا فى قلب واحد، فمن تملكت الكراهية قلبه لا يمكن أن يحب بصدق والعكس أيضًا، من عرف المعنى الحقيقي للحب وشعر به لا يستطيع أن يُجرب شعور الكراهية، ولكن ماذا عن قلب ظن إنه عاشق ولكن فى الحقيقة كان هو أكبر...
