حجة آمنة و احمد وصلو بعد ساعة ونص و الشيخ استقبلهم استقبال جميل طبعا عارفين ناس البلد كرم وجود يرفعو صينية الغدا تنزل حقت الجبنة و الشاي جبنة بلدية تفتح النفس أحمد قال ي شيخ ندخل في الموضوع الجينا عشانو طبعا انت عارف انا متزوج لكن انا عايز اطلب يد بتك بي سنة الله ورسوله و حجة آمنة م قصرت آيات و أحاديث الشيخ كان عايز يسمع جملة واحدة من أحمد و احمد قالها قال ليهو انا ح اسعد بتك أن شاء الله حجة منى(مرت الشيخ) عاينت للشيخ الشيخ قال لي ناس أحمد قال ليهم نسأل البت حجة منى خشت جو بعد عشرة دقايق جات همست للشيخ في اضانو الشيخ قال ليهم ابشرو البت وافقت حجة آمنة ابتسمت بانتصار كدا وقالت ليهو خير الشيخ قال ليهم جيبو العندكم بالبركة و بعد اسبوع استلمو العروس و فعلا جابو حاجاتهم بعد يومين حاجة بسيطة يوم العرس بعد العقد حجة آمنة جات قالت لي حجة منى عايزة اشوف العروس حجة منى دخلتها و طبعا منة(بت الشيخ) مغطية تماما حجة أمنة جات حضنتها و باركت ليها لمن حضنتها قالت بت ريحتها مسك م شاء الله حتى جسمها طرى لمن حضنتها ابتسمت و طلعت أحمد جا بارك من بعيد و طلع بالمسا منة ودعت امها و ابوها و مشت مع ناس أحمد عرسهم كان بسيط بين الأهل بس الشيخ بكون ولد ولد اخو جدها لي حجة امنة(😅افهموها) أحمد فصل البيت و بني غرفة واحدة لي منة اول م وصلو و دخلو الغرفة أحمد قال ليها اسمعيني انا جبتك هنا لي سبب تهتمي بي امي و سارة مرتي و م تتوقع اكون راجلك و اي حاجة عايزاها اطلبيها لكن خليك بعيدة مني تمام و طلع خلاها رفعت القطعة المغطية عيونها و قالت قدر الله وما شاء فعل و مشت اتوضت صلت ركعتين ودعت ربنا يكتب ليها الخير و نامت تاني يوم حجة آمنة قامت لي صلاة الصبح و انصدمت من الشافتو البيت كان نضيف و مرشوش و م كدا وبس الراكوبة مفروشة (البيت فيهو اوضتين و راكوبة و مطبخ و فصلوه سوو غرفة بت الشيخ أحمد و سارة بنومو في وحدة وحجة آمنة في وحدة) ياخ اتخلعت ولقت السجادة و السبحة و الابريق و المصحف جنبها و م كدا و الشاي بي زلابيتو مختوت و باين أسى ختوهو و المطبخ نضيف تماما و دا غير الحمامات نضيفة عاين لقت منة بتجيب السكر و كانت مغطية حتى عيونها م ظاهرين منة من شافت حجة آمنة ختت السكر و مشت دخلت المطبخ حجة آمنة لقتها خاتة الفطور ياخ حجة آمنة دي زيي الحلمانة تغمض و تفتح. 🖤❤️
