سارة صحت على صوت النسوان و استغربت في شنو طلعت ماسكة بطنها عايزة تشوف الحاصل سارة وأحمد أتزوجو يمكن من سنة و نص و سارة كان عندها مشكلة في الرحم و اتعالجت وبعد صبر ربنا اداهم الطفل و عشان كان عندها مشكلة الحمل حقها طلع صعب سارة جات لقت النسوان بيتكلمو عن جبنة منة جات سلمت عليهم و النسوان يتكلمو تحت تحت سارة من النوع المعندو اهتمام في كلام ناس و عندها طولت بال يعني قدر م قلت فيها كلام تتطنشني كأني م موجودة حجة آمنة من شافتها جات قعدتها و النسوان قدامها يشكرو في جبنة منة سارة قالت لي منة عايزة كباية عصير سرعة منة ولا اعترضت قامت على المطبخ سارة كانت عايزة توري النسوان انو هي الأمر الناهي في البيت دا لكن النسوان كان رأيهم غير قالو عن منة م شاء الله م عايزة مشاكل و هدية و رضية صلاة النبي فوقها سارة اتغاظت لكن م بينت منة جابت ليها العصير من نفس الجابتو للنسوان سارة شربت منو حبة قالت ليها يععع دا عصير شنو واحدة من البنات قالت ليها والله حلاة عصير في حياتي م ضقت زيو و النسوان كلهم قالو اي اي سارة م اتكلمت وحدة حبوبة كدا اسمها حبوبة فطين قالت لي حجة آمنة ي بتي عايزين نشوف مرت ولدك ولا خايفانة نسحرا ليك حجة آمنة قالت ليها م كدا ي امي لكن...و سكتت م عرفت تقول شنو تقول ليها انا زاتي مرت ولدي م عارفها عاملة كيف النسوان كلهم بقو يقولو اي عايزين نشوفها منة قالت في نفسها ي الله دي مشكلة انت طلعني منها ي رب وبقت تفرك في يدها وحدة من النسوان قامت قالت انا بفتح ليها وشها وجات على منة و مسكت طرف النقاب منة غمضت عيونها بس فجاءة الباب انفتح بي طريقة مفزعة سارة لوت خشمها لانو كانت عارفة غرض الزواج شنو وانو احمد اكيد ح يكون متزوج بت شينة لكن قالت في نفسها لو شينة البخليها تدسا مننا وشها شنو تاني قالت احتمال شناتها مرة و رجعت تشوف سبب الجوطة دي جا ولد يمكن عمرو 13 سنة قال بي صوت عالي ماما رندا ماما رندا قامت الاسمها رندا بي سرعة قالت لي في شنو قال ليها راكبوتكم قعد تتحرق و فؤاد جوا قالت وبعلي ولدي و جرى على الشارع و النسوان لحقوها فضلت حبوبة فطين آخر وحدة لانو حركتها بطيئة سارة م اهتمت دخلت غرفتها وقفلت الباب و حجة آمنة طلعت مع الباقيين منة جات مسكت حبوبة فطين وبقت تساعدها قالت ليها م شاء الله ي بتي يدك دافية منة قالت ليها تسلمي يمة قالت ليها خليني اشوفك
