أحمد الدم فار جو عروقو و وشو بقا احمر وقف على حيلو وقال لي مراد كيف يعني مراد رفع عيونو العسلية و بكل بساطة و برود قال ليهو عايز اكمل نص ديني و شايف انو منة وقبل يتم كلامو أحمد مسكو من ياقتو و وقفو و هو بنفخ في وشو نفس حار زي التور و من ورا سنونو قال ليهو منة مرتي انا مرت أحمد يعني حقت أحمد فاهم ولا افهمك بي طريقتي أسامة حاول يزح أحمد من مراد وقال ليهو انتو كدا كدا كنتو ح تطلقو يعني لو جات قسمته انت م تقيف ليها عارض مراد الكلام دا ليهو زي القشة البيتعلق بيها العريق صلح ملابسو وقال ليهو م دام الكلام بقا كدا ف انا ي عمي كلامي لسه قائم و رجع قعد أحمد قال ليهم وانا طلاق م بطلق و منة قسمتي انا و مرتي انا و لو تجيبو الدنيا كلها في وشي م بطلقها و عاين لي مراد وقال ليهو وانت شيل منة من راسك دا مراد قال ليهو ابدا انا لو حاجة دخلت راسي م بتطلع أحمد حدر ليهم و طلع الشيخ اخد نفس وقال لي مراد ي ولدي انت عارف أسى منة في زمة راجل مراد قاطعو وقال ليهو ح يطلقو الشيخ قال ليهو بس لسه م اطلقو مراد قال ح انتظرهم المهم في النهاية منة تكون مو نصيبي الشيخ قال ليهو بس بعدين القرار م بيرجع لي انا لو منة وافقت نتكلم اما لو رفضت ف دا قرارها وانا م بتدخل فيهو مراد قال ليهو ح توافق أن شاء الله الشيخ هزا راسو و م علق أسامة كان سارح في تفكيرو المشكلة دي تتحلا كيف و م نكر انو البت الشافها جبيل شالت حيز من تفكيرو وهو بحاول يزحها لكن هي معلقة في راسو أحمد طلع و شياطين الجن بينتطو قدامو بس عايز يعفص مراد بي عربيتو و كلمة عايز يد بتك بترن جوا اضانو قال انا طلاق م بطلق النسوان سمعو الجوطة لكن م عارفين الحاصل شنو حجة آمنة خافت أحمد يقول حاجة تروح تعبهم دا كلو منة وسارة وليلي مندمجين في الونسة و يشوفو في فساتين على التلفون المغرب جا ناس سارة اتجهزو للمشي لكن أحمد م جاهم و بقو قاعدين لمن العشا إذن حتن أحمد جا و كان باين م رايق قال ليهم امشو و ودع ناس حجة منى و طلعو و كان سايق بي سرعة الا حجة آمنة قالت ليهو هدي حتن ساق براحة حجة آمنة قالت شكلو حصلت حاجة كبيرة بينك و بين الشيخ اول م نصل تحكي لي أحمد م علق بس فاضل ساكت وصاري وشو لازم يلقى طريقة يتخلص من الاسمو مراد دا..... يتبع
