أسامة قال للشيخ خلاص انا نازل السودان قريب اخلص ألفي يدي و انزل الشيخ قال ليهو طيب مع السلامه ودعو بعض وقفلو على كدا مراد كان سامع كل الحديث بين أسامة و الشيخ و قرر هو كمان ينزل السودان مع أسامة (أسامة يتيم م عندو لا ام ولا اب لكن عندو اختين عايشات في السودان و بنزل كل كم شهر و يرجع).. الشيخ مشا لي حجة منى الكانت مساهرة مع منة وسالها عن منة قالت ليهو كويسة و الحمى نزلت و نامو على كدا تاني يوم من الصباح أحمد ركب و مشا على ناس منة اول م دقا البيت و الشيخ فتح ليهو يسلم عليه و دخلو طبعا كرم الضيافة دي حاجة م فيها مجاملة عند ناس الشيخ عشان كدا ختو ليهو الشاي أحمد نضف حلقو وقال للشيخ انا ابو اسامة بحكي ليك الحاصل كلو من البداية وبدأ يحكي عن كل العملو من أتزوج منة وانو ندمان و كان عايز يصالحها بس م قدر الشيخ قال ليهو انا خلاص كلمتي واحدة م بعيدها انا بتي م بترجع مع واحد زيك ابدا و الطلاق انا قلتو وانت ح تنفذو أحمد قال ليهو وانا طلاق م بطلق الشيخ قال ليهو انا م بتفاهَم معاك لمن أسامة ولدي يجي يتفاهم معاك كزول في سنك و قام خلا أحمد قاعد قبل م يطلع قال ليهو طيب انا عايز اتكلم مع منة الشيخ أتلفت وقال ليهو لا منة عيانة و أسى نايمة م عايزة تزعجها أحمد هزا راسو و طلع خايب و يدو فاضية ول م رجع حجة آمنة قالت ليهو اها قالو شنو قال ليها رفض قالت ليهو انا و سارة بعدين ماشين ليهم يمكن يوافقو قال ليهم طيب حاولو بعد العصر حجة آمنة لبست توبها و مشت قدر م حاولت مع حجة منى ابدا م وافقت حجة منى قالت لي حجة آمنة انتو فقدتو الخدمة حقت بتي صح لكن أسى شوفو زول يخدمكم حجة آمنة رجعت زي م رجع أحمد بعد تلاتة أسابيع أسامة كان راجع الليلة و و حجة آمنة و احمد خلال التلاتة أسابيع دي يومي يحاولو لكن كان الرفض واقف ليهم في طريقهم الليلة أحمد وسارة وحجة آمنة قررو يسجلو زيارة لي بيت الشيخ بعد العصر كدا.. منة كانت مبسوطة انو أسامة راجع لانو طول من سافر حتى العرس م جا فقامت من الصباح نضافة و طبيخ حتى حجة منى قالت ليها م تتعبي نفسك ح تمرضي لكن م سمعتها منة لانو م عندها أصحاب أسامة كان ليها الأخ و الصاحب و أقرب زول ليها طبخت من الاكل اي حاجة بحبها أسامة وعملت ليهو عصير جوافة ظابط كدا و جهزت عدة الجبنة وقاعدة مستنيه جيتو بي هناك أحمد لبس الجلابية البتقول ي ليل و سارة لبست توب و لبست سنن و حجة آمنة وليلي جات معاهم بعد سمعت بالحصل قالت تجي هي تحاول مع منة جهزو و طلعو على بت منة وفي نفس اللحظة أسامة و مراد طلعو من المطار على ناس منة (مراد اتحجج انو اشتاق للسودان و اخواتو عشان كدا نزل مع أسامة) اول م وصل أسامة عارف منة بتكون قاعدة في الغرفة م سلم على زول قال لي مراد يستاهو خمسة دقايق في العربية و دخل منك كانت قاعدة مستنية امها تناديها وتقول ليها أسامة جا بس فجاءة الباب انفتح رفعت عيونها شافت أسامة واقف و بيلعب بي حواجبو من شافها قال ليها
