الدكتور جا وقف قدام الراجل وقال ليهو البت خشت في غيبوبة و جسمها مكسر و مجبص لكن الحمد لله مؤشراتها كلها كويسة الراحل شكر الدكتور بعد شويتين الشرطة حلت عشان الحادث و كدا مراد مشي اتوضي وصلى وبقا يدعي ربنا و يحمدو و يشكرو على انو حذروا قبل م يعمل حاجة غلط بعد مرور أربعة شهور منة وسارة كانو قاعدين جنب بعض وقاعدين جنبهم تلاتة بنات لابسات فساتين زفاف و كلهم منقبات منة ماسكة بطنها و سارة شايلة سنن حتى سارة اتتقبت بعد شوية جوا حجة آمنة وحجة منى داخلين و جو باركو للعروسات تاني جو تلاتة بنات باركو كمان تاني جو بتين و الاوضة اتملت بعد شوية الباب دقا و جاهم صوت الشيخ قال ليهم العرسان جو كلهم غطو وشوشهم عرفتو ديل منو ايوا ديل نفسهم الانتو بتفكرو فيهم حاليا التلاتة عروسات ليلى مرت أسامة و أمنية مرت مراد (تتذكرو البت الكانت في النيل ايوا دي هي زاتها) وبعد كدا اكيد بتكونو عرفتو العروس التالتة اماني اختها لي أمنية البت العملت الحادث اتزوجت فؤاد ولد الراجل الضربها بالعربية التلاتة بنات كانو اخوات ليلي المتزوجات و البنين اخوات مراد أحمد جا وقف فوق راس سارة و منة وقال يلا ي حريم بعد دا نرجع البيت بعد خمسة سنين حجة آمنة وحجة مني اي واحدة خاتة يدها في خدها وقاعدة تعاين حجة منى قالت لي حجة آمنة والله اللمة حلو لكن وجع الراس البحلنا منو شنو حجة آمنة ضحكت وقالت ليهو كناينا و ضحكو و رجعو يعاينو للشفع سنن و انفال(بنات سارة) و محمد و عدي(اولاد منة) و رجاء و ربى (بنات أسامة) و أدم (ولد مراد) و غيداء أمجد (اولاد فؤاد) الرجال قاعدين مع الشيخ و النسوان بيتونسوا مع بعض وخالين الشفع لي حجة آمنة وحجة مني حجة آمنة قالت غيتو الحمدلله فجاءة سمعو صوت ضحكة حجة آمنة وحجة منى سرعة دخلو جوا الغرفة القاعدين فيها البنات و قالو ي بنات عيب صوتكم يطلع في شنو سارة مالة قعد تلدي سارة قالت ليهم انا هدى قاعدة و بعدين انا لسه في الخامس لكن في ليكم خبر حلو و حلو شديد قالت ليها مطلعين الشفع محل نرتاح من غلبتهم سارة قالت ليهم لا لا احلى من كدا حجة آمنة قالت ليهم في احلى من تشيلو الجوطة دي من راسنا منة قالت ليها ح يجيكم بيبي حجة آمنة قالت ليها بيبي دا شنو سارة ضحكت وقالت ليها ببو ي يمة ببو حجة آمنة قالت ليها جد منة قالت ليها و الله حجة منى جات باركت قالت ليهم نمشي نبشر ابوهم ليلي قالت ليها و بشرى ولدك كمان قالت ليها في شنو ليلي قالت ليها انا كمان عملت الفحص و طلعت حامل حجة منى قالت الحمدلله على نعمة زي الحمدلله قومو كلكن نصلي ركعتين شكر قومو لغايت نبشر الرجال وطلعت.......النهاية
#بقلمي_نسمة_امل
رايكم مهم جدا جدا نقدا كان أو مدحا
عارفة شحتفت روحكم الليلة بس اعزروني انا عيانة و كاتبة الجزو ب خراج الروح عشان كدا يلا عايزة تعليقات حلوة تديني بوزيتف انرجي يلا يلا❤️❤️
محبتكم نسمة امل 🖤❤️🖤❤️🖤
