وصلو بيت ناس منة و منة لمت ملابسها وودعت امها و ابوها و أسامة و طلعت و مراد كان مراقب من بعيد لي بعيد وهو مركز معاها لمن ركبت العربية مع ناس أحمد و العربية اتحركت أسامة قال ليهو لي م كلمتني انك عايز اختي قال ليهو لا ابدا الموضوع كلو حصل صدفة و فجاءة أسامة ختا يدو في كتف مراد وقال ليهو أن شاء الله الطلاق يحصل و تكون من نصيبك مراد هزا راسو ناس أحمد وصلو وطول الطريق يعاين لي منة بالمراية لمن وصلو اول م دخل البيت كان جاي على منة بس حصل الشي اللي م اتوقعو ابدا يحصل منة رفعت يدها يعني تقيف مكانك أحمد وقف و سارة وحجة آمنة و ليلى متابعين منك قالت لي أحمد إياك تحاول تقرب مني أحمد عايز يتكلم قاطعتو وقالت ليهو و م تقاطعني كلها أربعة شهور و نطلق أحمد الصدمة شالتو واصلت كلامها و من أسى انا عايزة شغالة تشتغل في البيت دا و حاول تجيبها في أسرع وقت لانو انا جعانة و كانت بتقول كلامها بي هدوء مستفز لي أعصاب أحمد قالت ليهو و حاجة تانية م تحاول تدخل غرفتي ابدا و جرت شنطتها و رزعت بابا الغرفة أحمد من الصدمة عينو م بترمش فتحت الباب و قالت ليهو و حاجة نسيت اقولها ليك لو م عاجبك كلامي ارمي اليمين و ريح راسك و رزعت الباب ليلي شافت الوضع براحة قالت ليهم انا ماشة اشوف الحاصل و مشت سرعة لي غرفة منة أحمد عاين لي حجة آمنة وكان نفسو يصرخ حجة آمنة قالت ليهو من حقها والله أحمد سكت و دخل الغرفة وقال معقول دي منة الهدية الرضية اصلو م معقول ليلي دخلت لي منة الغرفة وكانت بترتب في الدولاب قعدت قالت ليها انتي حصل ليك شنو منة خلت الترتيب و جات قعدت قدام ليلي وقالت ليها انتي أسى كان جا واحد أتزوجك وقال ليك تبقي خدامة ح ترضى قالت ليها ابدا والله قالت ليها بس انا نفس الشي ليلي بي شهقة يعني ح تتطلقي منة رفعت النقاب وقالت ليها ابدا بس عايز اشيل حقي ليلي قالت ليها والله قايلاك بريئة منة ابتسمت وقالت ليها انا ايوا بريئة لكن م بسكت عن حقي ابدا ليلى قالت وطلعتي م هينة تعالى احكي طيب ناوية على شنو منة بي ابتسامة ناوية على خير بس تاني يوم منة كالعادة قامت بدري و احمد كمان بس ابدا م طلعت جا وقت الشاي منة جات طالعة و احمد مراقب البيحصل سارة عملت الشاي و منة شربت وقالت لي أحمد عندي ملابس عايزة غسيل ي ريت تشوف الموضوع حقنا تبع أمس سرعة أحمد قال ليها اي أوامر تانية رفعت النقاب و ابتسمت عايزة تلفون و بكرة نازلة السوق عايزة حاجات كتيرة قال ليها اكتبي الشي العايزة في ورقة لكن نزلة للسوق مافي ابتسمت وقالت ليهو دي حاجة احددها انا م انت ولو م عاجبك طلق بس احمد بالقوة كان ماسك نفسو ابتسم غصبا عنو وقال ليها اي خدمة تانية ضحكت وقالت ليهو افكر لو في و اتلفتت على سارة وقالت ليها حابة امشي الكوافير تمشي معاي أحمد وقف بي سرعة و قال ليهم..... يتبع
