قال ليها اختي العنيدة جات حضنتو وقالت لي اخوي الحلو لي يعني م بتسأل مني قال ليها طول الوقت في راسي زحت وقالت ليهو اي اي باين و تاني حضنتو قالت ليهو مشتاقين والله قال ليها م بتفوتيني وفضلو كدا يمكن خمسة دقايق قالت ليهو عندي كلام كتير احكي لكن اول ترتاح قال ليها طيب اول اشوف ناس امي قالت ليهو م شفتهم قال ليها و افوت شوفت القمر بتاعي ضحكت وقالت ليهو ارح طيب قال ليها اول البسي نقابك عشان م جاي براي وخايف يلمحك ساي ابتسمت وقالت ليهو طيب مشت لبستو وطلعو حجة منى م صدقت شافت أسامة الدموع تتسابق و أسامة يحاول يهدي فيها وهي بس بتبكي قال ليها وآلله ي يمة كان عارف تبكي كان م جيت قالت ليهو والله م بيدي الغربة حارة علينا وعليك قال ليها طيب انا جيت و ح اقعد في وشكم لمن تقولو لي امشي قالت ليهو شفت لو تقعد قدامنا العمر كلو م بنمل منك حضنها وقال ليها ربنا يخليكم لي قالت ليهو و يخليك لينا ي رب سلم على الشيخ في راسو قال ليهو يابا اخبارك و صحتك قال ليهو بي عافية ي ولدي قال ليهو الحمدلله لكن مالك بقيت زول م رياضي عان قام ليك كرش الشيخ ضحك من قلبو قال ليهو والله امك ومنة ديل اكلهم سمح و م بتفوت انا م بقدر افرط فيهو ضحكو وقال لي منة على سيرة الاكل انا جعااان لي اكل السودان منة قالت ليهو من عيوني أسى بخت ليك قال ليها يديك العافية تكوني م قصرتي الشيخ قال ليهو كيف كانت الرحلة أسامة قال الحمدلله انا و مراد.. حتن اتذكر مراد وقف وقال الله انا م نسيت مراد دقيقة امشي اناديه الشيخ قال ليهو مراد منو أسامة قال ليهو زميلي نزلنا سوا وهو بيتو عشان في منطقة ابعد ح يبيت الليلة هنا قال ليهو طيب سرعة ناديهو الديوان وانتي ي ام أسامة جهزي الموية و العصير منة قالت هاك جهزتهم انتي اقعدي ي امي شالهم و مشا أسامة اعتذر لي مراد مراد قال ليهو م مشكلة و دخلو جوا الشيخ سلم عليه وضيف هم العصير مراد قال والله م شاء الله زمن م ضقت عصير زي دا أسامة قال ليهو دا من يد منة اختي دا العصير بس انت م ضقت الاكل بتاعها والله يمسخ ليك باقي اكل الدنيا مراد قال ليهو شوقتني قال ليهو ثواني امشي اجيبو و اجي اول م طلع من الديوان الباب ضرب مشا فتحو لقا راجل و مرة كبيرة و مرة صغيرة وبت و ركز مع البت بس طوالي نزل عيونو وقال يابا في ناس في الباب الشيخ جا وقال ام احمد حبابكم اتفضلو قالت ليهو يتفضل ليكم الخير قال ليهم اتفضلو خشو على الحريم وانت ي أحمد اتفضل الديوان أحمد دخل و ناس حجة آمنة دخلو جوا منة شافتهم فرحت مشت سلمت عليهم بي حرارة بالذات ليلي و ضيفتهم وناس حجة آمنة حمدلو ليها السلامة حجة آمنة قالت لي حجة منى دا منو الولدالفتح لينا الباب دا اول مرة اشوفو حجة منى قالت ليها دا أسامة ولدي الكبير قالت ليها المغترب متين رجع حمدلله على السلامه قالت ليها والله الليلة رجع الله يسلمك... أحمد دخل الديوان ولقا مراد سلم عليهو الشيخ و أسامة جو داخلين الشيخ قال لي أسامة دا أحمد و ي أحمد دا أسامة ولدي أحمد قال ليهو حمدلله على السلامه أسامة قال ليهو الله يسلمك وسلم عليهو سلام رجال طبعا شايفين انو رغم كل الحاصل ناس الشيخ معاملتهم الحلوة مع ناس أحمد لانو دي تربية أصيلة خلتهم يخلو مشاكلهم جنبة و الرد يكون بينهم و م من اول مشكلة نتفرق العشرة م هينة عندهم قعدو ضيفو أحمد كمان و بعد شويتين الشيخ مشي نادى حجة منى جابت ليهو الاكل أحمد من اول لقمة ردت ليهو الروح اكل يفتح النفس و أسامة سأل مراد قال ليهو اها رايك أسامة قال ليهو حاجة عجيبة والله م شاء الله قال ليهو م قلت ليك بعد تمشي تاكل زيو من وين مراد بي عفوية قال ليهو في بيتي أحمد قال ليهو امل منة زول بيعمل زيو ماف الشيخ وقت شاف النقاش ماشي لي حتة ضيقة قال ليهم م تتكلمو في صينية الأمل سكتو وبقو ياكلو و احمد بفكر مراد دا قاصد شنو و مراد بفكر أحمد بيعرف منة من وين... عند ناس منة منة فتحت وشها وسارة بس لسانها بردد م شاء الله تبارك الرحمن اصلو م حسدتها في الحتة دي لانو إيمانها بي ربنا بقا قوي وعارفة انو دي نعمة من ربها زي م ربنا أداها من النعم زي م ادا منة بالعكس اتمنت ليها الخير سنن بقت تبكي منة قالت لي سارة مالها قالت ليها من مشيتي تبكي زي دا ارضعها تنوم تاني تقوم هادية تاني تبكي قالت ليها كدي جيبيها اول م شالتها طوالي نامت منك ضحكت وقالت النومة دي م لحقت العب معاها زي الناس نامت ختتها في السرير وجابت الغدا وبقو يتونسو و يضحكو و الدنيا رايقة بعدها عملت الجبنة حجة آمنة قالت ليها والله ي بتي جبنتك دي شدة م اشتقت ليها منة قالت ليها متى م عايزة تعالى بعملها ليك حجة آمنة قالت ليها و م ناوية ترجعي ولا شنو ي بتي والله أحمد ندمان عايزة تتكلم الشيخ صفق وقال ليهن بسلمو عليكم قامو صلحو قعدتهم وقالو عليكم السلام أحمد جا و معاهو مراد و أسامة واقفين بعيد و مراد بحاول يلمح منة ولو مو بعيد لكن م شافها أحمد نفس الشي سلمو عليهم من بعيد ورجعو منة سوت الجبنة و الشيخ جا شالها أثناء م بيشربو الجبنة مراد خلاص اخد قرارو نضفزحلقو وقال لي الشيخ ي عمي انا عايز بتك منة دي بي سنة الله ورسوله ودي كانت صدمة لي أحمد لانو اتخيل يطلبو مرتك و انت قاعد الكلام دا نزل زي الصاقعة على رأس أحمد وقف على حيلو وقال لي كيف يعني مراد استغرب مر ردة فعل أحمد قال ليهو يعني عايز اتزوجها و أسامة و الشيخ مصدومين و ح تكون ردة فعل أحمد شنو بعد م طلبو مرتو قدامو...........
