لمن اتذكر صوتها وهي بتقرا قرآن ابتسم تلقائيا و ليلى شافتو قامت ضحكت قعدو ياكلو و منة دخلت المطبخ اكلت جوا جات ليلى قالت ليها لي م قعدتي معانا منة قالت ليها م جعانة قلت ليها ايوااا منة جابت الصينية وختت الجبنة و مشت و كدا عدت الايام وليلى و منة بقو احلى م يكون ليلى كانت بتنوم مع منة و بقت تصلي معاها قيام الليل و احمد بقت عندو عادة لازم يومي يقوم عشان يسمع منة بتقرا قرآن حبة حبة أوضاع أحمد اتحسنت شديد و قرر يغير البيت و سارة دخلت السابع و منة م مقصرة منها ولا من ناس البيت أحمد فهم حتة انو بعدو عن ربنا هو سبب المشاكل فبقا قريب شديد من ربنا وعرف انو غلط في حق منة ولازم يصلح غلطو لكن متين م معروف الليلة ليلى راجعة كسلا عشان خلاص إجازته خلصت بعد زارت الاهل هنا و منة جهزت ليها شنتطة حضنو بعض وقالت ليها احلى تلاتة شهور في حياتي منة قالت ليها وفي حياتي كمان ليلى قالت ليها اصبري ي منة أحمد ح يعرف غلطو و بيصلحو براهو دا أحمد وانا عارفة طبعو م ح يظلمك بإذن الله قالت ليها و نعمة بالله انا واثقة في ربنا يلا ارح عشان م تتاخري و ودعتها مرة تانية و مشت منة حست بالفراغ لانو ليلى جات زي الأخت الصديقة ملت حياتها اليوم داك منة قررت تمشي بيتهم في الأربعة شهور دي مشت ليهم مرتين بس قالت تمشي تقعد يومين و تجي راجعة في الأيام البتغيب فيهم منة الحياة تبقى شينة لي أحمد وحجة آمنة و حتى سارة اكل منة م زي اكل حجة آمنة اهتمام منة بي كل فرد من أفراد البيت خلاهم يحسو انو هم ملوك منة مشت لي حجة آمنة و كلمتها انو عايزة تمشي لي أهلها و عايزا تكلم أحمد حجة آمنة قالت ليها طيب امشي منة مشت منة دايما بتقول لي حجة آمنة و حجة آمنة تكلم أحمد أحمد الليلة كان ناوي يعتذر من منة لانو ظلمها بس شكلو القدر عندو رأي تاني أحمد وصل البيت م لقاهو مفروش كالعادة م لقا ملابسو مختوتة وجاهزة كالعادة استغرب مشا على غرفة منة لقاها فاضية ودي اول مرة يدخلها بعد يوم عرسهم كانت نضيفة و مرتبة و ريحتها تفتح النفس و تديك احساس لطيف وقف فيها مسافة و طلع قفل الباب مشا لي حجة آمنة في غرفتها قال ليها وين منة قالت ليهو مشت أهلها عشان طولت منهم قال ليها و م كان توريني قالت مش دايما بتكلمني وانا بكلمك الجدا شنو م ردا عليها مشا الغرفة لقا سارة نايمة جا قعد جنبها و يعاين لي بطنها الشايلة طفلو الانتظرو من زمن
