وهو الشيخ عندو بت قالت ليهو اي عندو لكن هو داسيها من ولدوها غير القابلة زول شاف الطفلة دي مافي لمن كبرت ربقا عمرها 17 قال ليها لا لي شنو دساها من الناس قالت ليهو م بعرف زمان سمعت واحدة من حلتنا قالت هي شافت البت وقالت شينة شنة مرة عشان كدا قال ليها و أسى عايزاني أتزوج واحدة شينة قالت ليهو انا عايز مرة ولا خدامة قال ليها خدامة قالت ليهو بس تعرسها عشان تخدم سارة و نحن برضو عايزين خدامة لكن ظروفنا م بتسمح وانت عارف سارة مرتك دي وحمها تقيل وصعب قال ليها اي صح كلامك لكن ابوها بيقبل يزوجها لي راجل متزوج قالت ليهو انت البس جلابية وانا بمش معاك و لازم نص كلامك يكون الله سبحانو قال و الرسول عليه الصلاة والسلام قال وهو طوالي بيوافق قال ليها وهو م عندو بت غيرها قالت ليهو اي ولد واحد مغترب و البت مغطية من راسها لي رجليها حتى عيونها م بيظهرو اظني شينة شديد قال ليها طيب نمشي متين قالت ليهو بعد الضهر قال ليها طيب انا أمشي الشغل بعد دا و م تخلي سارة تشتغل قالت ليهو من عيوني و ودعها وطلع..... دا كان الكلام بين حجة آمنة و احمد ولده.. حجة آمنة مرة أرملة عندها ولد واحد اللي هو أحمد دا أحمد متزوج سارة مرة في منتهى الجمال لكن وضعهم المادي اتدهور شديد بعد عرس أحمد بي تلاتة شهور واحد صحبو نصب عليه وشال الوراهو و القدامو و احمد م فضل عندو شي غير نمرة بنا بيتو وبقا عايش مع امو و أسى شغال لكن شغلو م مستقر و وضعهم كعب شوية قبل شهر عرفو انو سارة حامل لكن طلع عندها وحم صعب لي درجة انو م تقدر تقوم من السرير و سارة بت وسط تلاتة اولاد و امها متوفية يعني م في زول يهتم بيها و ناس أحمد وضعهم م بيسمح يجيبو خدامة يدفعو ليها راتب شهري و احمد و حجة آمنة قررو يتزوج واحدة تانية عشان تخدم سارة يعني خدامة دائمة بدون راتب و اتفقو على بت الشيخ لانو ح يكون عرس بدون حفلات و عفش كتير و فوق دا بت الشيخ شينة يعني كدا موضوعهم استحمى وقررو الليلة يمشو للشيخ سارة م اعترضت لمن عرفت جايبين ليها خدامة اصلا هي زمان اتزوجت أحمد لي قروشو لكن فلس و احمد عارفها واحدة مادية و م استغرب لمن رفضت لكن أحمد كان بحبها رغم عيوبها الكتيرة مرة كسلانة كسل شديد لدرجة هدوم أحمد امو بتغسلها ليهو أحمد جا قبل ساعة من أذان الضهر و ساق حجة آمنة و طلعو على البلد عشان يتقدمو لي بت الشيخ.. 🖤❤️🖤
