قال ليهو كان عندي احساس انو انت الشخص المناسب لكن م عارف لي شنو الاحساس دا اختفى بس خلي منة بتي تصحى و بعدين عندي معاك كلام كتير و أتلفت على حجة مني وقال ليها اها منة بقت كيف قالت ليهو لسه الحمى م نزلت لكن بدت تنزل الوضع كان مكهرب بين أحمد و الشيخ و الشيخ كان خايف انو منة تحصل ليها حاجة خصوصا انو منة من ناس المناعة الضعيفة أحمد بحث في قوقل عن الطفرة وعرف انو حاجة بتحصل من فترة لي فترة و بتغير في بعض صفات الكائن الحي فعرف الحاصل لي منة العصر حجة آمنة ج آت ختت الغدا و ناس الشيخ دخلو يدهم حبة وقامو و ناس أحمد م اتكلمو عشان اصلا الوضع صعب المغرب إذن مشو صلو و جو منة بدت تصحى أحمد كان مراقب كل حركة منها لمن فتحت هو صح اتخيل شكل عيونها لكن طلعو احلى من تخيلو كانو عدسات عيونها وسيعات و فيهم نظرة ساحرة كدا ولمعة حلوة يعني من الاخر كدا م بتوصفو حجة منى تبوس وتسأل في منة انتي كويسة ومنة تقول ليها كويسة ي يمة عاينت لقت أحمد و حجة آمنة قاعدين نزلت عيونها الشيخ جا باسها وقال ليها بقيتي كيف قالت ليهو كويسة ي ابوي قال ليها الحمدلله ابتسمت وقالت ليهو الحمدلله قال ليها انتي ي منة الحاصل معاك في البيت دا شنو قالت ليهو كلو خير ي ابوي قال ليها انا عارف اي شي عشان م تكذبي على قالت ليهو عارف شنو قال ليها انا عارف انو أحمد م معتبرك مرتو و انا اخدت قرار نهائي ح تتطلقي منو ح تتطلقي و احمد م آخر راجل في الدنيا أحمد قال ليهو وانا طلاق م بطلق الشيخ قال ليهو م على كيفك و أم منة قومي لمى للبت دي عفشها ونتخارج من هنا الشيخ كان بيتكلم بي هدؤ حاد أحمد قال ليهو مرتي خطوة برا البيت م بتطلع الشيخ قال ليهو و أسى اعتبرتها مرتك و بتي و ح اشيلها معاي تلفون الشيخ رنة رفع قال ليها شايفة اخوكي بيتصل فتح الخط كانت مكالمة فيديو بعد سلم على الشيخ قال ليهو ابوي منة كويسة قال ليهو والله حاسس انها م كويسة قال ليهو صدق احساسك تعال شوف اختك وبعدين اتصل لي عشان عندي معاك موضوع ادا التلفون لي حجة منى سلمت عليه و خلتو يشوف منة قال لي منة اختي العنيدة قالت ليهو اخوي الحلو و اتونسو و خلاها تضحك دا كلو وأحمد مراقب فجاءة منة نزلت رأسها من الكاميرا لمن اخوها قال ليها في شنو أشرت لي حجة منى عشان تعاين في التلفون وكان في زول واقف ورا اخو منة حجة منى قالت في زول وراك.
