اول م حجة آمنة طلعت قالت منة وين أحمد قال ليها لسه م طلعت تكون تعبانة قالت اي والله خلي م نزعجها انا الليلة بعمل الشاي مشت سوتو وكان ناقص نكهة منة المميزة بعد شربو الشاي أحمد قال لي حجة آمنة الليلة انا م ماشي قالت لي في شنو قال ليها اخدت اجازة قالت ليهو كم يوم قال ليها يومين قالت ليهو احسن ترتاح حبة قامت شالت الشاي لي سارة الساعة بقت عشرة ومنة م طلعت وأحمد راسو شطب وقال احتمال مشت عشان خلاص سارة و ولدت واموري بقت ظابطة ويمكن كمان قالت عملت الحاجة الجبتها عشان تعملها لا ويمكن تطلب الطلاق أحمد بقا يقول مع نفسو لا مستحيل أطلق ابدا حجة آمنة ختت الاكل لي سارة وأحمد و منة برضو م طلعت بعد الفطور تلفون أحمد رنة الشيخ كان بيتصل عليه عشان يبارك ليهو البيت بعد السلام وكدا قال ليهو وين منة عايز اسلم عليها قال ليهو والله شكلها تعبانة من جرجرة الرحول وكدا م طلعت من غرفتها نهائي الليلة الشيخ قال ليهو كيف الكلام دا طيب صلت قيام الليل أحمد قال ليهو لا م صلت الشيخ بخوفة سرعة لو عندكم كركدي في البيت امشي اعملو مع جنزبيل تقيل و اعمل ليها مكمدات أحمد قال ليهو في شنو الشيخ قال ليهو منة م بتفوت الصلاة ابدا الا لمن تمرض و مرضها صعب لا بتحرك يد لا رجل و بتجيها حمى تقيلة قال ليهو طيب بوديها المستشفى الشيخ قال اوعك كيف توديها أحمد قال ولي في شنو الشيخ بي صدمة كيف يعني لي شنو انت م عارف منة شنو يعني عايز زول يشوفها اعمل القلتو ليك و ح تبقى كويسة وانا و امها جايين عليكم أحمد قال ليهو طيب و قفلو الخط حكى الحاصل بي اختصار لي حجة آمنة حجة آمنة قالت طيب أجرى جيب كركدي لانو م عندنا في البيت قال ليها بس منة قافلة غرفتها من جوا قالت ليهو وين مفتاح البيت قال ليها دقيقة مشى جابو شالتو وقالت لي سرعة جيب الحاجات يمكن فعلا مريضة مشت شالت مكمدات وعلى غرفة منة اول م فتحت الباب وشافت منة الصحن وقع و حجة آمنة ختت يدها على صدرها وتمتمت بي كلمتين وسدت الباب و اتكت عليه وقالت معقول الأنا شفتو وفضلت كدا مسافة حتن اتذكرت منك عيانة مشت جابت موية تاني وجات فتحت الباب وهي م مصدقة الشايفة بي عيونا قفلت الباب وراها جات هبشت رأس منة لقت مولع نار قعدت تخت في المكمدات أحمد جا دخل البيت و بقا ينادي ي امي جبت الحاجات حجة آمنة طلعت منة الغرفة أحمد كان عايز يخش حجة آمنة جرت الباب.. (شحتفة جد![]()
![]()
)5.4KYou and 5.4K others5.2K comments11 sharesLikeCommentShare
