قالت ليها م تخليني اشوفك طيب حست بي منة اتوترت قالت ليها ي بتي اعتبريني زي امك منة قالت ليها الله يشهد بعتبرك زي امي قالت ليها م شاء الله صوتك زاتو دافي منة قالت ليها تسلمي الله يخليك حبوبة فطين قالت ليها خلاص وريني عيونك منة اول اترددت بعدين رفعت عن عيونها حبوبة فطين تمتمت بي كلمتين وقالت ليها لا كان كدا حقو تغطي و مشو على النسوان و الحمدلله الولد طلع سليم و م في حاجة حجة آمنة و منة رجعو و منة شالت العدة المطبخ وبقت تغسلها بعد شوية سمعت صوت الباب و صوت سلام حار تمت العدة ولبست قفازاتها و شالت جك و كباية موية و طلعت لقت بت في نفس عمرها حلاتة و ملامحها بريئة منة سلمت عليها و أدتها موية البت قالت لي حجة آمنة صحي ي يمة أحمد اخوي عرس و لي م وريتوني حجة آمنة قالت ليها اي عرس و العرس كان بي سرعة عشان كدا و اهدي مرت اخوك جات مدت يدها وقالت لي منة انا ليلى بت خالتو و اختو لي أحمد منة سلمت عليها ليلى بت طيبانة و تنحب و خمسة دقايق تخش القلب و بما انو من نفس عمر منة طوالي اندمجو في الونسة حجة آمنة قالت هوي ي بناتي انا ونسة البنات دي م لي فيها اخير لي انوم منة و ليلى ضحكو و دخلو غرفة منة و حجة آمنة دخلت نامت ليلى قالت لي منة افتحي وشك نحن في البيت منة قالت ليها متعودة كدا ليلى قالت ليها م بتكتمي نفس و من متين متنقبة منة قالت ليها بالعكس انا بحس نفسي مرتاحة نفسيا و جسديا و من فتحت في الدنيا دي وانا منقبة قالت ليها احلفي قالت ليها والله قالت ليها طيب اعتبريني اختك و وريني وشك منة اول اترددت تاني اتوكلت و رفعت النقاب ليلى تمتمت بي كلمتين زي حبوبة فطين و جرت النقاب وقالت ليها افضلي كدا احسن انا م بقدر اقعد معاك و وشك فاتح و قعدو يتونسو و صلو وقامو نضفو أحمد جا م صدق ليلى رجعت (ليلى بت يتيمة لا أم لا اب عندها تلات اخوات متزوجات زمان ام ليلى رضعت أحمد عشان كدا تعتبر اختو سافرت كسلا قبل كم شهر عشان نزلت جامعة هناك واسي رجعت) أحمد بقا يسأل ليلي أسئلة كتيرة مشيتي وين عملتي شنو ليلى قالت ليهو انا ملحوقة لكن الكلام فيك انت قال ليها انا مالي قالت ليهو تعرس و م تعزمني سارة جات قعدت قالت ليها عرس على ورق ليلى م اهتمت وكانت عايزة تسأل أحمد اكتر لكن منة جابت الاكل أحمد عاين لي منة و اتذكر صوتها وهي بتقرا القرآن تلقائيا كدا ابتسم
