كان بعاين لي سارة الكانت ملامحها تحكي حالها حمل صعب وظلهر فيها باسها في رأسها و خلاها ترقد تنوم عدو يومين و البيت كئيب و ما ليهو طعم المسا أحمد قال لي حجة آمنة ي يمة انا ماشي اجيب منة وجاي قالت ليهو اي والله انا اشتقت ليها ولي جبنة العصر حقتها قال في نفسو حتى انا والله و طلع مشى على بيت الشيخ و استقبلو احلى استقبال الشيخ بيسالو عن حالو و احوالو و الشغل أحمد قال ليهو ح نرحل من البيت قريب و ح اشتري عربية وان شاء الله منة كل م عايزة بجيبها ليكم قال ليهو م قصرت ي ولدي بعد ساعتين قال ليهو جيت اشيل منة قال ليهو جدا دقايق دخل لي حجة منى و وراها الحاصل منة لمت هدومها و ودعت امها منة طول الطريق م فتحت خشمها بس سلمت على أحمد و احمد كان عايز يتكلم لكن م عارف يبدأ من وين لمن وصلو زول اتكلم مع اخوه مافي اول م وصلو لقو حجة آمنة موقفة أمجاد وباين التوتر في وشها منة اتخلعت وجرت و احمد قدامها و بيسأل فيها في شنو قالت ليهو سارة جاها طلق الولادة و أهديك تكورك و جارتي جات تساعدني أحمد و منة دخلو جابو سارة و طوالي على المستشفى كانت حالتها صعبة وطول الطريق منة تساعد فيها لمن وصلو أحمد ماشي وجاي و منة مع حجة آمنة يمكن اربع ساعات يطلعو ويدخلو آخر شي شالو الطفل الحضانة و سارة دخلت في غيبوبة لي تاني يوم ناس منة قاعدين لمن الدكتورة جات طمنتهم على الطفل و ولدت جابت بت وحالتها كويسة والأم كان بخير لكن م معروف تصحى متين لكن هي كويسة حجة آمنة ومنة طارو من الفرح أحمد جاب حلاوة وزعها بس فضل سارة تصحى متين منة مشت مع احمد البيت حاجات عشان تمارض سارة حجة آمنة رجعت البيت أحمد اتصل على اخوانها و جوا اطمنو و جابو اي حاجة ممكن تلزم منة في قعادها مع اختهم مع انو أحمد م نقص حاجة و حتى جابو حاجات للبيبي و كدا بقى روتينهم لمدة تلاتة أسابيع منة كانت بتنضف سارة و الطفلة و تديها لبن نيدو و تنومها و احمد يمشي الشغل ويجي يبيت في المستشفى قعدت المستشفى كانت صعبة على منة لانو ناسها كتار و منة م بتقدر تفتح وشها ليل و نهار مغطية بس الحمدلله ربنا استجاب دعاء منة انو سارة تفتح وفعلا بعد تلاتة أسابيع سارة فتحت وكان الفرح م شايل منة وأحمد بعد يومين خرجوها و رجعوها البيت منة رجعت قبلها و نضفت البيت و غرفة سارة وعملت غرفة البيبي سارة و بخرت الحتة وجهزت اي حاجة ممكن سارة تحتاجها..يتبع
