أحمد وقف وقال اقسم بالله تطلعو من البيت دا الا ادقكم انتن الاتنين قال الكفير قال منة رفعت عيونها قالت ليهو اول اسمو الكوافير وبعدين انت معصب مالك كلها أربعة شهور ونطلق قال ليهم انا كلامي و قلتو و عشان ازيدك من الشعر بيت السوق زاتو انسي مشيتو منة ولا عبرتو قالت لي سارة انتي لمن عرسوك وداك ياتو كوافير سارة محتارة تجاوب لانو أحمد بحدر ليها سارة قالت ليها م خلاني امشي لكن جاب لي واحدة في البيت قالت ليها طيب دي فرصتنا نمشي نروح عن نفسنا حبة أحمد وهو ضاعت على سنونو منة احسن ليك سارة م باقي الا تسيح من شدة الوضع م صعب منة قبلت على أحمد تأني قالت ليهو شنو هو منة منة منة م اسمي و لو م عاجبك طلق أحمد قال ليها هوي ها انتي دايرة ليك قرصة اضان منة عاينت ليهو من فوق لي تحت بي نظرة خلت أحمد يقرب يأكلها و أتلفت على الغرفة وقالت يلا ي سارة نتلاقى بعدين اتجهزي تمام ورزعت الباب حجة آمنة و ليلى من بعيد متابعين سارة سرعة دخلت غرفتة بعد ساعة اي زول في غرفتو أحمد مشي الشغل طوالي منة طلعت مشت لي ليلي قالت ليها عايزة اعمل حنة عشان أحمد يقول مشيت الكوافير قالت ليها بس حنة زي كيف منة قالت حنة رسم ليلي قالت انا م بعرف ارسم سارة قالت ليهم انا عندي شريط كدا عامل زي النقش بس تلصقي و تحتي الحنة بي فوقو و يبقى زي الرسمة منة قالت بس ارح هي وسارة مشو ختو الحنة وختو ماسك في وشوشهم عشان ينورو نظام مشو الكوافير وكدا ليلي قالت لي منة وسارة رايكم شنو اكوي ليكم شعركن وكدا بتمن الناقص منة عاينت لي سارة وقالت ليها مكوة الشعر دي شنو سارة قالت لي ليلي جيبيها جابتها و عملو شعرهم الاتنين قالت ليها وااااي حلو لكن سارة قالت ليها في بنات بصبغو شعرهم عشان يبقى لون حقك دا قالت ليها عليك الله قالت ليها والله اها تأتي في حاجة م عملناها تدل انو نحن مشينا الكوافير قالت ليها لا بعد دا نستني أحمد يجي طيب قوني البسي عشان نعمل نفسنا ي دوب جينا قالت ليها طيب منك تعاين للحنة شكلها حلو كيف في عرسها امها عملت ليها حنة شريط بس زي العصر كدا منة لبست عبايتها وسارة لبست توبها وجو قعدو و ختو قدامهم كبابي موية و عصير و شربو منهم حبة و سارة خايفة لانو أحمد لو عصب ي ويلهم ي سواد ليلهم و ليلى واقفة جنب باب غرفتها مراقبة أحمد فتح الباب طوالي منة مسكت شعرها وقالت لي سارة وااي ي سارة اول مرة اعرف انو الشعر لو كوهو يطلع حلو و شوفي الحنة العملتها لي تجنن ياخ سارة العرق ينقط منها و نست الكلام و بقت تقول اي اي وهي شايفة أحمد عروقو طلعت والدم فار جواهو و م باقي الا ينفجر و منة تعاين لي أحمد بي طرف عيونها و م قادرة تمسك الضحكة بس اتماسكت أحمد جا مسكهم الاتنين وقفهم قدامو وبقا ماشي وجاي وقال ليهم انا مش قلت ماف مشية منة قالت ليهو لو م عاجبك طلق وقف عاين لي منة ياخ م بطلق م بطلق م بطلق والف مرة م بطلق قالت ليهو بي استفزاز و م تحاول تتحكم فيني في النهاية انا م مرتك ولا انت راجلي احمد طير عيونو حجة آمنة وليلي واقفين بي ورا باب الغرفة حجة آمنة قالت الله يستر عاين لي سارة وقال ليها امشي الغرفة انتي حسابك معاي بعدين سارة كانو ساكيها كلب سرعة دخلت غرفتها و وقفت في الباب أحمد عاين لي منة قال ليها عيدي قلتي لي شنو انا م راجلك ولا شنو منة بلعت ريقة لأنو شكلها زودتها المرة دي وبقت تتمتم في الكلام بتقول م انا... اااا.. م انا احمد بي نهرة كدا م انتي شنو وريني مسكها من يدها واتلفت على ناس سارة وقال ليهم خشو جوا كلهم قفلو أبوابهم منة خلاص قالت جبت أجلي بي يدي وبقت تقول ي ربي انقذني أحمد جراها وهي بتحاول تتفكا منو وقال ليها بوريك انا راجلك ولا لا و دخل بيها الغرفة ورزع الباب.......
