منة قالت ليهم انا حامل..... حصلت لحظة صمت كدا و م تسمع الا صوت الهوا أحمد بدأ يستوعب و الابتسامة اترسمت على وشو بين مصدق و م مصدق و حجة منى وحجة آمنة فرحانين لانو دا غايتهم العايزنها أسامة و الشيخ مصدومين لانو غايتم الطلاق و مراد زي الكانو كبو فيهو موية باردة م قادر يستوعب قام طوالي طلع برا سارة طوالي جات حضنت منة وقالت ليها لي م وريتينا يعني سنن ح يبقى عندها اخ و احمد جا و بارك ليها و ناس حجة آمنة جو باركو ليها دا كلو و القاضي يعاين ليهم قال ليهم هدوء هدوء رجعو أماكنهم القاضي قال لي منة انتي عايزة تتطلقي منة هزت رأسها بمعنى لا قال طيب كان كدا طلاق مافي رفعت الجلسة الشيخ جا على منة قال ليها دا الانتي عايزة منة نزلت رأسها و م اتكلمت الشيخ باسها في رأسها وقال ليها عرفت اربي منك باست راسو حجة منى جات قالت ح ابقى حبوبة طلعو من المحكمة و أسامة م شاف أثر لي مراد مشو جابو حلاوة وزعو منة كانت واقفة تعاين ليهم أحمد جا جنبها وقال ليها اسف رفعت رأسها وقالت ليهو على شنو قال ليها على أي حاجة انا عملتها ليك هزت ليهو رأسها وقالت ليهو انا الاسفة لاني كنت بستفزك قال ليها صحي انتو مشيتو الكوافير على قولك اليوم داك قالت ليهو لا م مشينا و م كنا ناويين نمشي بس استفزاز ساي ابتسم وقال ليها و الاداكم الفكرة منو حقت الاستفزاز دي قالت ليهو ابدا م زول شفتها في التلفزيون هزا راسو وقال ليها ولي م وريتيني انك حامل ولي بطنك م ظاهرة و معقول م اشتهيتي حاجة الفترة دي قالت ليهو اول شي م كنت عايزة اوريكم الا في اللحظة المناسبة وشفت دي أنسب لحظة و تاني شي لسة انا في الرابع و بطني كبرت لكن م قدر دا و تالت شي اشتهيت كتير و ليلى كانت بتجيب لي اي حاجة انا عايزاه قال ليها يعني ليلي عارفة قالت ايي قال ليها اممم حسابكم بعدين يلا ارح نمشي للأهل و مشو اتلمو لمن رجعو البيت مراد كان سايق عربيتو والأفكار جايطة في راسو و بقا يقول منة لازم تكون لي بي أي شكل وفجأه..........جو الجيران عشان يشوفو منة أطلقت ولا لا و لكن عرفو لا و عرفو منة حامل جات واحدة من النسوان وقالت لي سارة الكانت بتوزيع العصير انتي أسى م محروقة عشان راجلك عرس فيك ولا أسى المرة حامل سارة وقفت و...... يتبع
