طبعا حجة آمنة خشمها م قدرت تفتحو من الصدمة في صدمتها ديك منة نزلت الفطور و ختت الغدا و طلعت حجة آمنة دي ترمش ساي مشت صحت أحمد و سارة و نفس الشي لكن قدام الغرفة م جواها السجادة و الابريق قامو صلو و شربو الشاي و احمد طلع الشغل و سارة رجعت نامت حجة آمنة دخلت غرفتها لكن النوم ابا ليها بقت تفكر معقول لكن أسى تكون قامت و نضفت متين لا و كمان عاملة زلابية كدي اقوم اشوف الغدا عملت شنو مشت لقتها عاملة بامية مطبوخة و الريحة تلخم ولا الفطور عاملة خدر فرك و م شاء الله فرك نضيف قالت سبحان الله مشت رقدت شالتها نومة صحت لمن حست بي يد بتصحيها قامت لقت منة طالعة ختت ليها الفطور بي مويتو حجة آمنة الكلام غلبا منة مشت ختت الفطور لي سارة و كانت صاحية بتبظ في تلفونه اول م منة جات داخلة سارة شالها احساس الملكة و خدامتة قالت لي منة شيلي الهدوم ديك عايزة غسيل و تعالى نضفي الاوضة دي و كمان سوى لي عصير منة أشرت على الصينية سارة عاينت لقت فعلا فيها عصير لوت خشمها وسكتت قامت اكلت و طبعا عجبها الأكل بعد خلصت قالت ليها اكلك دا حسني ملحو و تاني زيدي السكر في كبايتي و شربت موية و غسلت يدينا و رقدت منة جات شالت الملابس و جات نضفت الغرفة لمن قالت ي ليل و مشت شالت الصينية من حجة آمنة حجة آمنة دي بس بتعاين زي الضهر كدا منة خلصت غسيل و قعدت تعمل الجبنة لي حجة آمنة و حجة آمنة تراقب فيها ياخ بعد خلصت جبنة سمحة لمن تكيفك جبنة قرنفل ظابطة وشالت عصير لي سارة وقعدت مكوة العصر طلعت السراير الحوش و فرشتم أحمد جا و طبعا اول مرة يلاقي البيت كدا و ريحة البخور تلخم وطبعا دا البخور حق منة منة شافتو مشت من الهدوم الغسلتها ختت ليهو عراقي مريح كدا و ملت الجردل أحمد زاتو شايلاهو صدمة اول مرة يعاملو معاملة زي دي بعد طلع جابت الموية و الغدا و خشت المطبخ اكل ختت الجبنة و مشت غرفتها وقفلت الباب حجة آمنة قالت لي أحمد والله ي أحمد خايفة نكون ظلمنا بت الناس بالله م شاء الله مرة زي المرة ترفع دا تخت دا ياخ حتى الابريق ملتو لي قال ليها م ظلمناها ولا شي ي امي يمكن دي حركات منها عشان تحسسنا بالذنب و سكت حتى هو م مقتنع بي كلامو حجة آمنة قالت ليهو يمكن وسكتت بالليل بعد نامو منة فتحت بابها زي الساعة اتنين ونص عشان عايزة تصلي قيام الليل وفي نفس اللحظة أحمد قام للحمام
