الانستا (n_bil9i) انزل بوستات تخص الاحداث واحيانا ستوري بمشاركتكم حياكم 3>
الكل كان يناظر لفراس بعد ما تغير اسلوبه مع ابوه
وكيف صارت لهجته وتعامله ...
فراس طالع لغرفته ..
ابو فراس : هالولد فيه علّه اكبر من الي نشوفها
مياسين بتوتر : لا ما فيه بس يتغلى ههههههههه
جُمانه : هههههههههههههههههه غلاه يخليه ينفر مني
ام فراس : يلا قومن تجهزن من الحين ما ابي اسمع وحده تقول نسيت شي لي
كملت ام فراس كلامها مع ابو فراس بعد ما راحوا عيالها
...
الساعه ٤٥ : ١٢
من بعد صلاه الظهر والكل مجتمع بالصالة وعزام معهم
عزام : شلونك فراس ؟
فراس عقله شارد ..
ابو فراس : فراس !
فراس : اي هلا ؟
ام فراس : أخوك يسأل عنك
فراس : وش قال ؟
عزام : قلت شلونك
فراس : بخير بخير
جُمانه تهمس لعزام : واضح انه بخير ولا ههههههههه
مياسين بحده : جُمانه اتركي حركاتك البايخه
جُمانه بوقفه عسكريه : حاضر سيدي الرقيب
الكل : هههههههههههههههههههههههههههههههههههههههههههههههههه
ابو فراس : عزام انت راجع معنا الديره ؟
عزام : والله بشوف يبه ميثا عندها شغل ولا لا اذا تفضى نجيكم ان شاء الله انتم متى تمشون؟
ابو فراس : اذا خلصوا اختبارات نمشي
عزام : بس فراس ما يداوم !
مياسين : انت كل ما جلسنا فتحت الموضوع هذا ؟
ام فراس : مياسين انتي معك شر اليوم
مياسين : يمه ما تلاحظون ضغطكم عليه!!
ابو فراس : لا ترفعين صوتك
مياسين : معليش بس جالسين تضغطون عليه و...
فراس يقاطعها : انا طالع مع نايف
ام فراس وابو فراس : فمان الله انتبه لنفسك
مياسين تطلع غرفتها وتقفل الباب بقوه .. وتجلس وهي ماسكه رأسها وتكلم نفسها : انا قلت له هذاك اليوم لا يروح ما سمعني ما سمعني ...
بالطرف الثاني كانت جُمانه تكلم صحبتها عن اخوها وكيف هو غريب وما يتكلم الا ويعصب وكانت صديقتها متفاجئه بما انه شي جديد على الكل ، واخذتهم السوالف ...
الساعه ٣٠ : ٣ العصر
نايف : يا ولد لمتى بتجلس كذا ؟؟
فراس : انت تدري اكثر مني لمتى بجلس كذا ، احنا لو ما رحنا...
نايف يقاطعه: اسكت تكفى لا تذكرني فيه بالقوه نسيت
فراس : ما كان رحت ضحيته
نايف : قلت انكم بترجعون الديره صح ؟
فراس : ايه مع ان ما ودي اروح لكن عارف طبع ابوي بيغصبني على الروحه معهم
نايف : يمكن تلاقي علاجك هناك!
فراس : قاعد تلمح لشي بس ما وصل لي
نايف : هذاك الجـ... قصدي المكان المشؤوم لو تروحه يمكن تخلص
فراس : مانيب طابه لو تنطبق ارض على سماء اسكت ما عاد ابي اسمع عنه
نايف : تكفى ياخي والله اني ازعل لا شفتك بسببنا..
فراس يقاطعه : انت غبي ؟ اقولك ما ابي اسمع عنه تسولف فيه؟
نايف يضحك : وش السواه طيب ؟
فراس : ماهي شي ابيك تجي معي الديره يمكن نلاقي
ياسر وسعود
نايف يوقف : انت صاحي بعقلك يوم تقولها!!
فراس : ايه وين الغريب ؟ حنا سحبناهم لهناك وحنا ورطناهم معنا بكل ذا
نايف : انا بجي معك بس مب عشان ندورهم عشاني عارف مالك غيري
فراس يقوم وينفض التراب الي على ملابسه : وش هالثقه امش بس
أنت تقرأ
تعذُر الشروق أيام ..
Actionما بين العشق الكاذب والنفور ، محاولة شاب للنجاة من عذاب عشق الجَان ومساعدة شقيقته وابن عمه وصاحبه له .. يُلاقي حتفه تارة .. وتارة اخرى ناجي ، كيف ؟ ومتى ؟ ولما ؟
