تعذُر الشروق أيام ..

23-

فراس سكت لثواني وقال : روحي ما ابغاك
سُهاد مسكت يده وهي تبكي : فراس
فراس سحب يده وصد : روحي
...
بعد تحقيق السلطات .. رُفعت كل التهم عن فراس لسبب مجهول
الدكتور للضابط : سبب الموت طبيعي
فراس بكل هدوء رفع عينه بعين الضابط  : انا الي قتلته كيف تقول موته طبيعيه
الضابط ناظر لفراس بنظره مطوله : يا ضاري ، ارفع التهم كلها عنه
فراس كان ماسك اعصابه بصعوبه ويكاد يجن من الي قاعد ينسمع وينشاف قدامه ، كيف ؟ كيف وهو قاتله؟
ضاري : حاضر سيدي
فراس مسح شعره مسحة غضب : اوففف
الضابط رجع ناظر فيه : احمد ربك انت في نعمه
ومشى
فراس باستغراب : اي نعمه ؟
فراس رفع صوته من وراهم : اي نعمه؟؟؟؟
الضابط رفع نبرته اكثر وقال : نعمه بتدركها بيوم
ومشوا وتركوه في حيرته
خرج فراس من القسم بملابسه القديمه وشعره الي تتناثره النسايم يمين ويسار
سُهاد ابتسمت وهي تشوفه ونادت عليه بلهفة : فراس
فراس ناظرها بشوق وهو يصد عنها مقفي
سُهاد ركضت له اسرع ما عندها ومسكت ذراعه : تهرب مني ؟
فراس بنظره مالها معنى : ما اهرب ابعد
سُهاد : طيب انا اشتقت لك ثلاث ايام مو شايفتك
فراس ابعد يدها عن ذراعه : لا تشتاقين لقاتل ولا تحبينه ، سُهاد ارجعي لاهلك .. لا تتبعين وتتعلقين باحد
سُهاد اختفت ابتسامتها تدريجيًا وجلست على الرصيف : فراس انت ما تدري قد وش حاربت عشان اقدر اطلعك من كل هذا ، انا حاربت خوالي عشان اقدر انصفك قدامهم ، حاربت الكل ليه تبعد عني الحين ؟
فراس وقف مكانه وقال :
وشلون بعطيك السلامة والامان
وانا فهد وانتي غزالٍ مذير
سُهاد بدموعها :
خلك معي في رحلتي عبر الزمان
انت الذي من بينهم متخيرة
فراس جلس مقابلها :
وشلون تامنين وتاخذين مني امان ؟
وانتي تعرفين ان نابي بالدم يرتوي
سهاد مسكت يده بقوة وناظرت بعينه :
لا انت فهد ولاني غزال
انا مهرة وانت خيال
ولا تعزف المهرة الا بيد خيالها
ابتسم فراس ابتسامه مجروحه وقال : اسف
ومشى
سُهاد الي كانت جالسه على رصيف وبكت بكت لاول مره بهالضعف بكت وازدادت شهقاتها وفراس مكمل طريقه وقلبه عندها وفيها ومعها
...
بعد اسبوع
نوره : فراس سحب ملفه من الجامعه ليش؟
سُهاد تجاهلت اسمه : ما ادري
نوره : لا يكون تزاعلتم ؟
سُهاد ابتسمت لها : لا افترقنا ، اكيد انه رجع الرياض بستين داهيه
نوره بصدمه : يا بنت وش صار وليه توي ادري !!؟
سُهاد اخذت الملفات ومشت : لانه ماهو شي مهم يمكن ؟
نوره مشت وراها وهي تناديها : سُهاد بنت
...
اما عن فراس بالرياض الي كان يدير سلسلة فنادقه ويكمل جامعته و قريب من اهله
فراس دخل البيت مبتسم : يمه وينك ؟
ام فراس : تعال تعال يا هلا بالمطبخ انا
فراس ابتسم وهو يسلم براسها وايدها : وش هالطبخ الي يفتح النفس يمه
جُمانه بممازحة : تصدق ما صارت تطبخ لنا الا يوم جيت ؟
فراس ضحك
مياسين دخلت وهي تضحك : يمكن لانه ياكل الاخضر واليابس واحنا نتشرط ، يمه اصيل يبي يشوفك ويسلم عليك ينتظر عند الباب
فراس التفت لها : وليه ما دخل المجلس ؟
مياسين : مستعجل عنده شغل بس يبي يشوف امي ويروح
ام فراس تركت الي بيدها : انتبهوا للاكل لا يحترق انتي وياها
مياسين : جمانه حبيبتي انتبهي للاكل ، فراس ابيك بموضوع تعال
فراس استغرب ليش تكلمت بهالجدية  : طيب
...
مياسين : وش صار بينك وبين سُهاد ؟
فراس باستغباء : مين ذي بعد
مياسين : لا تسوي غبي ادري وش بينكم
فراس : مياسين لا تعصبيني يومي كان زي التبن واسوء لا تزيدينه
مياسين : وش قلت لها عشان تزعل هي وانت ترجع هنا ؟
فراس : ما قلت شي هي وش قالت؟
مياسين جلست : ما قالت شي بس انا حسيت انه فيه شي
فراس : خلصتي تحقيق ؟ بطلع انا ماني فاضي
مياسين : قفلت الباب اصلا ما تقدر تطلع الى ان تقول لي وش صار بينكم نقطه
فراس تمدد ع الاريكة : اي زين ننتظر وش ورانا صحيني اذا ابوي دق بالله
مياسين عصبت : فراسسسسسس يا غثيثثثثث
فراس فز ومسك اذنه من صراخها : خير شتبين
مياسين : وش صار علمني يمكن احل المشكله
فراس مستكن ومستمتع باستفزازها : كل الي صار اني ما عاد ابيها وادركت ان الحرام حرام
مياسين وقفت بوضعية الدلة : مسوي فيها انا الشيخ والمطوع شوففففف انا ما اسامحك على كل حركه سويتها في حماتي طيب؟؟؟
فراس هز راسه باستفزاز : اي زين زين روحي لحماتك ذي مدري وش تسمينها وش علي منكم
مياسين بعصبيه فتحت الباب : اوفففففف
وطلعت
فراس طلع بالامبالاة : الحين وين اروح انام ولا اطلع الاسطبل؟
عزام من وراه : وش سويت عشان تعصب مياسين هالكثر
فراس حك راسه : ما سويت شي ، اقول اسمع شرايك نطلع الاسطبل ؟
عزام : ما اقول لا والعشا على حسابك
فراس ضحك : مغتنم الفرص ، تم تم
مياسين دخلت المطبخ : يمه ولدك ذا مستفز يحب يطلع اسوء ما فيني الغثيث
ام فراس: بس يا بنت ما كبرتم انتم
فراس وقف عند الباب بابتسامه جانبيه : انتي المستفزه والملقوفه محد قالك تسألين
ام فراس : بس يا يمه انت وياها بس اعقلوا
فراس : خلاص ميسو دزي ، يمه ابي اغير لون الغرفه
جُمانه شرقت بقهوتها : انت بتغير الاسود الكئيب؟ فراس تعال قرب مني
فراس قرب منها : شفيك
جُمانه حطت يدها على جبهته  : اسمع انت متأكد حرارتك زينه تحس انك مريض شي ؟
فراس استغرب وضحك : لا شدعوه بس اللون مو عاجبني ابغى اغيرها كلها
ام فراس: زين يمه كلم ابوك وتناقش معه
...
بعد مرور شهر
في تجمع في بيت الجدة بالرياض
فراس التفت وهو يعدل شماغه : لازم اروح لذي العزيمه ؟
مياسين وبيدها مبخرة : اي لازم ليش هارب منها
فراس : لا ماني هارب لكن عندي اشغال اهم
جُمانه بمزح : وش الاشغال المهمه ذي الي تبعدك عن الحياه
فراس استسلم : ياخي كل السالفه ان خوالكم ذول يوتروني
مياسين : شدعوه فراس ترا خوالنا
فراس عقد حواجبه باستياء : حنا فيها فيها اصلا ما يمدي اهرب حتى
جُمانه : لا تبالغ ياخوي كلها ساعتين
دخل فراس مجلس الرجال خلف والده واخيه الاكبر وكانت التراحيب تنهال عليهم من كل جهة
همس واحد لصاحبه : هذا ولده الثاني مريض نفسي الله يشفيه
: هذا فراس ولد عبدالكريم كان فيه عاشقه الله يكفينا
: وغده ذا الي وراه؟ الي كان داسه من كثر مصايبه؟
: ماشاءالله هذا ولده الى كانوا يقولون مريض ؟ وين المرض
كان فراس يسمع همسهم عنه ويضحك بنفسه ويقول : يتداولون الكلام بينهم حتى لو انه مهو صحيح
عزام همس لفراس : ما عليك من احد أرفع رأسك وامش انت ولد عبدالكريم
فراس ابتسم: ابد يا خوي ولا علي منهم
بعد مرور ثلاث ساعات خرج فراس من المجلس متجه لدوره المياه
وقف فراس امام المرآة يسأل نفسه وش جابه هنا
ثم دخلت خلفه فتاة
نورسان مبتسمة : هاي فراسي
فراس انهلع وعقد حواجبه وصد : مين انتي وش جابك
نورسان : ما عليك قفلت الباب محد جاي ، المهم شلونك؟
فراس بنبرة حاده : اقولك مين انتي !!!
نورسان تأففت : انا ؟ نورسان
فراس صد بيطلع : ما تشرفنا
نورسان مسكت ذراعه : وين رايح ؟ باقي ما كلمتك حتى
فراس عصب وابعد يدها عن ذراعه
نورسان بألم : ايييي بشويش ترا قاعد تكلم بنت
فراس ضحك على عتاهتها
نورسان ابتسمت : ضحكتك حلوه بعد
فراس تجهم وجهه وكان يحاول يفتح الباب بحديده كانت بيده الى ان انفتح فعلا وطلع
نورسان برفعة حاجب : سوابقك واضحه ترا عارفه انك قتلت شخص
فراس وقف مكانه
نورسان اكملت : وشرطي عشان ما افضحك بالادله انك تتزوجني
فراس التفت عليها : معتوهه دزيها
نورسان طلعت جوالها وفتحت الفيديو : تحسب سُهاد الي تحبها ذي هي الي طلعتك من المصيبه؟
فراس بكل هدوء : وش تبين مقابل حمايتك المزوره ذي ؟
نورسان ابتسمت بحياء : تتزوجني
فراس ضحك بسخريه : مريضه ومعتوهه بعد
ومشى وتركها
نورسان : نشوف يا فراسي
...
في جانب اخر كان شخص ما يراقب رغبته المُلحه في العودة الي ميادين الصراع ، الصراع الذي كان وما زال قائم ولن ينتهي حتى يضحي شخصٌ ما منهم بنفسه ..
: عطني تقرير عن وضع فراس واهله
مهند : هذي شجرة عائلته حددت فيها كل شخص ووظيفته وموقعه والاماكن الي يروح لها ، اما عن فراس فهو الان في الرياض عايش مع اهله في بيتهم الثاني وموقعه الآن تحديدًا بيت جدته
: زين وش صار على البنت الي كانت معه ؟
مهند مد له ملف : سُهاد بنت بدر ؟
: اي ذي عطني تفاصيلها
مهند : سُهاد بنت بدر هي بنت عم فراس ابوها هو بدر عميد في القوات الخاصة ، و امها سمر بنت خال ام فراس، عندها 4 اخوان ، مطلق محامي في وكالة خاصة
متزوج وعنده تؤام   صالح تاجر معروف في الاقمشه متزوج السنه ذي ، اصيل معماري متزوج اخت فراس ، ثابت اصغر اخوانها
: من هو الي متزوج اخت فراس ؟
مهند : اصيل
: حدد موقعه
مهند : تم
...
الساعه 12 منتصف الليل من نفس اليوم
فراس جالس على مكتبه ينظر لورقه امامه مكتوب عليها اسمه ، مسح رأسه بتفكير ثم امسك الورقه
فراس : افتحها؟ مرت فتره هل انا قادر .. اشوف وصيته؟
فتحها ثم تردد في اكمال الفتح ، اغلق عينيه و تنهد ثم فتح عينيه و الورقه التي كان محتواها :
السلام عليكم ، أخيرًا قررت تواجه نفسك يا فراس ، اي نعم هذي الحقيقه انا ما عادني موجود بعد الحين ، احتضنتني الارض ، لا تحزن ولاتبكي و لا تشقى في مشقات الحياة ، مير الحياة تزول وفانية اطلب الله بس واحرص بالصلاة ولا تفكر في امور ثانيه ، لما اكتب عنك ولك تعجز كلماتي واحرفي واقلامي ان تكتب عنك يصعب علي الحين اني اكتب اخر كلماتي لك ، كآن قدرًا جميلًا ، ماشيتك فخرًا وعزًا ، جالستك خيرًا وتعلمت منك الصواب ، صادقتك صدقًا واعتزازًا فضلتك وميزتك عنهم ، واعلم اني قصرت بحقك كثيرًا حتى وان لم تخبرني بهذا فأنا اعلم ، خبئ سري وامسح زلاتي وزور قبري وتصدق عني ولا تنساني وحدث الناس كثيرًا عني حتى لا يُقطع ذكري ، وهذا تقريباً اخر قصيد مني تسمعه : 
اخذ النصيحه يا رفيقي بوصيك
وانت الذهين الي ابد ما تطوفك