تعذُر الشروق أيام ..

5

صوت شي طاح ..
الكل برعب : وش صار ياولد
صالح : قم ثابت قم
فزوا كلهم للسيب وارتاعوا من الي شافوه واول مره ..
كان نايف طايح على الارض ويمر بنوبة كانت غريبه عليهم وجنبه كانت ترمس القهوه 
فراس يركض له ويحط راسه بحضنه : نايف نايف
ابو فراس : شقومه ياولد شقومه
فراس بقلق واضح : نوبة نوبة نوبة صرع
ثابت بتوتر : وش نسوي !!
فراس وهو يعدله على جنبه : مفتاحه بسيارته بتلاقي علاج صرع
ثابت ياخذه ويركض للسياره
ابو سامي بتعجب : هي تجيه فجأة ؟
فراس بصراخ : احد يجي يمسك رجلينه !!!
صالح بتوهق من نظره ابوه  : طيب طيب أهدأ
فراس وكانه ما يسمع : نايف اسمعني ادري انك تسمعني اترك لي يدك وتنفس
ابو لؤي : شلون يسمعك وهو بذي الحاله !
ابو ريان : حنا وش نسوي ليه ما ناخذه مستشفى؟
فراس بعدم اهتمام : نايف تذكر يوم ركضت وراي بثعبان ولدغك؟ تذكرها؟؟ هذاك اليوم دعيت يلدغك ماهقيت تصير
ابو فراس بخوف : وش تهذري به يا فراس وقته
فراس ما زال ما يهتم وماسك يد نايف بالقوه : اسمعني تنفس بس نايف تذكر لما رميتني بحجر وجا براسي وانفقش ؟ هههههههههههههههه خوفك ضحكني اكثر من مما بكيت
ابو سامي باستغراب من فعل فراس : فراس وش صابك !
ثابت يرجع وهو يلهث : مالقيته مو موجود
نايف الي بدأ يهدأ ويترك نفسه
فراس بعصبيه : شلون ما لقيته انت حمار حمار دور زين !!!
ثابت وهو غصب شايل انفاسه بعصبيه : مالقيته يعني مالقيته وش اسوي اعصر السياره؟
فراس بقلق وعدم اهتمام لثابت : ماء جيبوا ماء بسرعه
اصيل وهو جايبها : خذ
فراس ياخذها ويرشها على وجه نايف : نايف ادري تسمعني انا موجود لا تخاف
ابو لؤي الي استغرب خوفه: وش تقول انت ؟
فراس وهو يرفع نايف : عاونوني ندخله للتكيف
اصيل وصالح ساعدوه بشيل نايف الي جلس فراس عند راسه طول الوقت وهو يسولف عليه ويحسسه انه ما صار شي ويضحكه
ابو فراس بابتسامه : هذا نايف رفيق دربه واخوه وذراعه الوحيد
ابو سُهاد باستغراب : شلون اخوه ؟
ابو فراس بضحك : والله اني داري انك فاقد ذاكرتك يالكهل
ابو سُهاد يضحك : توي انتبه لحتسيك يا رجال بس ماشاءالله واضحه خوتهم الله لا يغيرهم
ابو سامي : ايولله يا ماشاءالله
ابو لؤي  : تبون نروح العزبه باقي ولا اخلفتم ؟
ابو ريان ويدينه ببعض : الله يهداك يابو لؤي وقته هالحين

...
عند مياسين والبنات الساعه ٣٠ : ٩ الليل
سُهاد: مياسين
مياسين: لبيه
سُهاد : لبى قلبتس بس بغيت اسألتس
مياسين بابتسامه   : وش عندتس متوتره قولي
سُهاد: اتصل على اخواني ما يردون اخاف صار شي عند الرجال عادي يعني ... هذا تتصلين انتي
مياسين : ايولله يابنت جالسه اتصل على فراس ما يرد هو بعد لا يكون صار شي بابوي ولا باحد
سُهاد: الله يكفينا فالتس يابنت ارجعي اتصلي وانا بروح اشوف
مياسين مسكتها : يابنت وين تروحين هناك مهو بس عيال عمس فيه ضيوف الله يهديتس اقعدي
سُهاد بتوتر : صادزه بس بشوف اخواني مو عادتهم ما يردون
بتول دخلت عندهم : اجلسي انا اتصلت على ريان قال انه نايف خوي فراس جاته نوبة صرع
مياسين نطت : احلفي !!
سُهاد تغمز لها : شكله الي بقلب ؟
روان تدق مياسين : لا والله شكله الحبيب الي استحل العقل
نوران تضحك عليهم : بس يابنات احرجتوها
مياسين وهي تخزهم: ترا مهو قصدي الي تفكرون فيه بس اخاف على اخوي لانه يتأثر بالنوبة اكثر من صاحبه
بتول بضحك : اي اي صدقناس
ديم : بنات يلا تعالوا العشا جهز
سُهاد : ارسلتي عشا الرجال ؟
ديم : اي ارسلته خالتي تعالوا بسرعه
مياسين تضحك معهم : الله يهديكن بس جايين ياديم شقومتس مستعجله
سُهاد تدقها وهم طالعين : متأكده ماله بالقلب ولا العقل
مياسين تضحك وتجاريها : يابنت ماعرفه حتى شدعوه ..
...
بعد العشا عند الرجال
فراس يسولف مع نايف : امش نطلع لمكان فاضي بديت اضيق
نايف : شلون وابوك قاعد قدامي يناظرني والله اني خفت منه
فراس بتغير اسلوب : ما عليك منه امش نطلع
نايف عرف ليه يبي يطلع : قم طيب
وهم طالعين وقفهم ابو فراس بحده : وين رايحين ؟
نايف بمزح : بنروح نتمشى شوي نحرق دهون
فراس يكلم ابوه : مالك دخ..
نايف سحبه وطلعوا : شبلاك انت ابوك تقوله مالك دخل !
فراس : ياخي صدز ماله دخل بكل شي يتدخل ذبحني بس باقي يدخل بحلمي ويحاسبني ليه حلمته
نايف يحط يده على جبهة فراس : شكله فيك حمى ياولد اشوف
فراس يبعد يده بقوه : لا مافيني امش
نايف الي كان يعرف وش سبب تغير لهجته : طيب وين نروح ما نعرف شي عن الديره هذي
فراس : الا اعرف سهل كنت اروح له دايم
نايف: اجل يلا
...
عند باقي العيال
اصيل يكلم ثابت : شفت كيف صار اسلوبه ولا بس انا !
ثابت : شفت شفت انا لو قلتها لابوي حط وجهي بالدله ذي
صالح بابتسامه : لا تتهامسون شوفوا ابوي يناظر لكم
ثابت : شنسوي هذا الي اسمه فراس صدمنا
صالح : خلك من ذا غريبه ابوي ما قال ناموا
اصيل يضحك : انشغل مع اخوانه الله يبقيهم
مطلق الي دخل فجأة: السلام عليكم والرحمة
الكل : وعليكم السلام
ابو سامي : ياهلا ياهلا بصغار العيله
ابو سُهاد يعرف باحفاده : هذا خالد البطل وهذي خلود الاميره
خلود بزعل : بس عمو اصيل دائمًا يقول مافي غير اميره وحده وهي عمة سُهاد
ابو فراس يضحك : انتي الثانيه ياحبيبتي ولا تزعلين
ابو سُهاد بجديه : يا اصيل تعال
اصيل : سم يبه
ابو سُهاد : مين الاميره الاولى ؟
اصيل الي اخذ خلود ورفعها فوق : خلود اكيد مافي غيرها
خلود الي فرحت : جدو الحين ابغى عمو صالح يجيب لي حلاو بس ما بياخذني
ابو فراس: افا ياصالح تزعل الاميره
خالد ببراءه : انا بعد انا
ابو سُهاد يضحك : صالح خذهم البقالة ياخذون الي يبونه وارجعوا
صالح يشيلهم الاثنين : ابشر ابشر
...