تعذُر الشروق أيام ..

4

فراس ينزل وتطيح منه قلادته الي كانت بجيبه ويروح دورات المياه وابوه للبقالة
ابو فراس بصوت عالي : فراس ياولد
فراس : سم ابوي
ابو فراس استغرب الاسلوب : بعد ما ترجع نتقابل بالبقالة
فراس : ابشر
بعد دقايق رجع فراس من دورات المياه واتجه للبقالة مثل ما قال له ابوه
ابو فراس : زين انك جيت تساعدني
فراس يضحك : يبه الله يهديك وش اساعدك فيه كيسين ؟
ابو فراس يضحك : هالكيسين ثقيله على واحدٍ عمره ٥٢
فراس يمد يده : عطني عنك
ابو فراس يبتسم ويمازح ولده : تذكر مكان السياره ولا ؟ الظاهر اني نسيت
فراس : هههههههههههههههههههههههه بدري عليك يالوالد
ابو فراس انبسط ان ولده تغير شوي وتوقع ان رجعتهم للديره ممكن خففت الي كان فيه بس بالحقيقه فراس كان يحاول يتأقلم مع الي صار وبيصير ...
رجعوا للسياره وكانوا يضحكون
ابو فراس بإبتسامه: لطيفه ما شفتي كيف ولدك تغير ؟
ام فراس : شفت شفت يبو فراس واضح فادته السفره
مياسين تلتفت لفراس : وش صار ؟
فراس يرفع حواجبه بمعنى ما ادري ويضحك
جُمانه: يبه شرايك نعيش هناك بما ان فراس عجبه
فراس بصدمه : لا.. قصدي برجع الرياض اكمل دراستي
الكل التفت له : تكمل دراستك !
مياسين تشاور لجُمانه بضحك : لو عزام هنا انبسط
فراس بتصنع عصبيه: اسمعكم
مرت اربع ساعات والكل نايم الا ابو فراس مركز بالطريق
فراس يصحى ويلاحظ ابوه يسوق ٤ ساعات: يبه
ابو فراس : هلا يابوي
فراس : اكمل عنك ؟
ابو فراس :شوي بس اعدي النقطه هذي
فراس : طيب
تعدى النقطه ووقف على جنب وتبادلوا الاماكن
فراس :يبه نام انت انا عارف الطريق
ابو فراس : متأكد ؟
فراس بتوتر : اي حافظه اكثر من اسمي
ابو فراس : ما جينا الديره من ٥ سنين كيف حافظه
فراس يمازح ابوه : من حبي للديره وترابها
ابو فراس يضحك: انتبه بس
مرت ٦ ساعات وكل شي صامت الا عقل فراس
مرت الساعه الاخيره على خير ووصلوا الديره وكانت مفاجأة ان كل اعمامه موجودين وسياراتهم برا
فراس : يبه
ابو فراس بنوم : ها
فراس : يبه شوف اعمامي كلهم هنا ونايف ورانا
ابو فراس: كيف اعمامك هنا؟
فراس : اي شوفهم اصبر بوقف
ابو فراس : انتبه الطرق هنا وعِره
...
في بيت ابو سُهاد
يرحبون ببعضهم و سُهاد مستانسه ببنات عمها والكل شمل متقاربين
ام سُهاد: ياهلا ياهلا اسفرت وانورت بكن
ام فراس مبتسمه: منوره باهلها يا سمر والله يا لكم وحشه
ام سامي : اي والله صادزه لكم وحشة
ام لؤي : من زمان عنكم والله اشغلتنا الدنيا
ام ريان : صدق من قال الارض اغلى من العرض
الكل : هههههههههههههههههههههههههههههههههههههههههههههههههه
ام سُهاد تضحك : حياكن خذن راحتكن هالبيت بيتنا كلنا
...
عند الشباب
كان فراس ينزل شناط السفر وحس بشخص وراه
ثابت : عنك عنك
فراس : لا عادي بشيلها
ثابت : يارجال عنك انتم ضيوفنا
فراس يضحك: الله يالدنيا صرنا ضيوف يا ... صح ناسي وش اسمك ؟
ثابت يعرف عن نفسه : ثابت بن بدر
فراس بنفسه : خلني اعرف مين انت عشان اعرف بدر
فراس بتعريف : فراس
ثابت يضحك : اعرفك اعرفك
اصيل : ياولد نزلوا الاغراض وتعالوا خل عنكم الحتسي
صالح : ثابت ابوي يحتريك يبيك ترحب بالضيوف
ثابت : جايكم جايكم 
...
في مجلس ابو سُهاد
الكل كان فرحان ويرحبون ببعضهم بحب ولا كأن السنين باعدت بينهم
ابو فراس : عسى ما ثقلنا عليكم يابو سُهاد
ابو سُهاد يضحك: والله يابو فراس مشكلتك تشوف الناس بنظرتك
ابو لؤي يضحك : افا بدايتها غلط 😂
ابو فراس بضحك : عاده يخبرني ورع ما درى اني ٥٢
ابو سامي : والله يا عبدالكريم كلنا نخبرك ورع شلون كبرت 😂
ابو فراس : اعطيكم العلم هذاني كبرت وعندي بنتين وولدين
ابو ريان بضحك: ما ينمزح معه شف
والكل كان يضحك ومستانسين بالاجواء وجمعتهم الي م اجتمعوها من ٥سنين
...
عند فراس الي كان ينزل الاغراض لحاله ويسأل نفسه وش بيصير الليله لمح بنت ملامحها جميله وما انتبه لنفسه الا وهو يناظر لها
فراس ادرك وقال بنفسه : ولد وشفيك حتى غض البصر محيته ما يكفيك انك ما تصلي مع المسلمين !
فراس بصوت مسموع وهو يكمل ينزل الاغراض  : اعوذ بالله من الشيطان الرجيم
مياسين طلعت بوجهه : بالضبط هذا المطلوب منك تستعيذ بالله من الشيطان
فراس بخوف : خلعتي قلبي طلعي صوت وش ذا صمتك مرعب
مياسين : كنت اسمعك من البدايه بس ما لاحظتني
فراس يضحك : شسوي لتس قصيره يبي امصغتس
مياسين : دقيقه وش معنى امصغتس؟
فراس يضحك : يعني امطك او اطولك
مياسين : شرح يبي له شرح
فراس : اتركي عنتس
مياسين تغمز له : تغيرت اللهجه فيه احد ولا ؟
فراس : ياشينتس ترانا جايين ديارنا شلون تبين احتسي؟
مياسين تضحك : اهااااا تبي اعمامي يقولون ما نسى ديرته
فراس : تبين الصدق عاجبتني اللهجه
مياسين وهي تغمز له : عقبال ما تعجبك وحده من اهل اللهجه
فراس بضحك : اذلفي مو وقتس
جُمانه بحماس : شعندكم مجتمعين بدوني
مياسين : ولا شي امشي نرجع للحريم امي بتقلق
فراس : اي عودو
جُمانه باستغراب للهجه اخوها : شعندك تأقلمت بسرعه هههههههههههههههههههه
فراس يضحك : روحي بس
...
اجتمعوا سُهاد واخوانها عند الحلال ( الماعز )
سُهاد بحماس : يامرحبا باخواني حبايبي
اصيل : يا مرحب باميرتنا
ثابت : عاد تدرين يا سُهاد اشتقت لطبختس
صالح : انت ما همك الا كرشك ذا تراني مكروف من صبح ربي ابوي م خلى بي ديره الا ورحناها ونشدنا عن المزنه وقابلت ابو سعيد الغثيث وعطى ابوي الحتسي وراح وانت همك كرشك ارحموني شوي ساعدوني
سُهاد تطقطق : اهلها ساعدوها شوي طلعوها من الهم الي اهي فيه
الكل : ههههههههههههههههههههههههههههههههههههههههههههههههههه
صالح : تشوفونه يضحك ؟ والله عيب عليكم
اصيل : يارجال ترانا مثلك مكروفين قبل شوي وحنا مقهوين الرجال ونركض من مجلس لمجلس
ثابت : اول مره اشوف ناس يتقهون الساعه ٢ الظهر وقهوه سعوديه
صالح لمح مطلق : مطلق جاي شف لو ما اخذك من قدامي جلست فوقك
مطلق بترحيب: يالله حي اخواني واختي وحيدتي 
صالح : مطلق شف اخوك ذا لو ما تاخذه من قدامي نحرته
مطلق : اي واحد قدامي اثنين
اصيل يأشر على ثابت : هذا قصده
ثابت : والله لو اني عدوكم ما سويتوها بي
مطلق بجديه : اتركوا عنكم المصاخه وقولو لي وين ابوي
صالح : ابوي مقيّل مع ضيوفه لا تصحيه بيكرفني
ثابت يشاور لسُهاد : شرأيتس نرجع البيت وتزينين لي ذيك المفروكه الي اكل اصابعي وراها
اصيل : لنا يومين ما نذوق طبختس اشتقنا
سُهاد بضحك : امشو بسوي لكم خليتوني اجوع
ثابت يضمها : اطلق اخت ما تجي مكانها عشر خوات
سُهاد: وش ابي فيهن العشر يكفوني الاربع اخوان
صالح : يعجبوني القنوعين
اصيل : مو قلت بتروح مع مطلق ؟
ثابت يضحك : تراجع خاف ان ابوي يخليه يدور المزنه مره رابعه
صالح : بسوي فيه جريمه اليوم لو ما طس عني
...
في بيت قديم يبان من اميال انه مهجور من سنين قريبه كان نايف ينتظر فراس على الساعه ٣٠ : ٤ العصر
نايف يهز رجله : شكله مطول مهو بجاي
فراس كان واضح عليه انه يركض : جيت
نايف بخوف : بسم الله الناس تقول سلام عليكم وتفتح الباب بشويش وش فيك وش الي كان يلحقك
فراس : ما كان يلحقني شي بس اختلعت من كلب شكله غريب
نايف يضحك : يا خواف
فراس : لا بالله ومن الي اختلع قبل شوي ؟
نايف : لا تخلينا نخربها هد اجلس
فراس : لا ماني جالس بذا البيت الغريب ليش ناديتني له ؟
نايف : لان البدايه كانت منه
فراس بتعجب : كيف !
نايف يأشر على صورة شيخ : هذا
فراس بعدم فهم : ما فهمت عليك ياخي وش تبي تقول هذا شيخ وش مسوي ؟
نايف : لا مهو شيخ هذا الي دلني على فضولي
فراس : قصدك فضولنا
نايف : اي
فراس : وش نسوي ليه جايين هنا ؟
نايف يمسك راسه : ندوره
فراس بخوف : نايف شفيك!
نايف وهو مازال ماسك راسه : مافيني شي بس لا تطلع
فراس بقلق : وش ما اطلع ليش !؟
فجأه فراس يحس بيد قابضه على حنكه وخانقته ونايف جنبه
فراس بصوت مخنوق : نا .. نايف انتبه
نايف يقرأ سورة الاخلاص والفلق بكل صوته والمكان كانه فيه صراع يصير فيه
فراس يحاول يقرأ آية الكرسي بس مو قادر من القبضه القويه: نا.. نايف.. الكرسي .. آية
ما ان اكمل جملته حتى هدي المكان بصمت مرعب اصبحوا يسمعون نبضات قلوبهم والقبضة القويه الي كانت ماسكه حنك فراس اختفت وبقى اثرها
نايف بخوف : فراس فراس
فراس الي كان يحاول يلتقط انفاسه بسرعه : نايف وش صار وش ذا الي صار
نايف يحط يده على فم فراس : اصصص اسكت شوي
فراس كان صامت بشده وهالمره كانت اول مره يخاف فيها من الي صار ما كان خايف على نفسه بس خايف على نايف الي ممكن يتأذى بسببه مثل ياسر وسعود
نايف تنهد : الحين تقدر تتكلم
فراس : وش سويت انت وش مسوي ليه صار كل هذا !!
نايف : مردة ساحر اعتقد
فراس بصوت عالي : ساحر !! و مردة!!!
نايف : وش توقعت الي بيصير سهل ؟ لا ما عليك الا انك تصبر وتسكت والحين كيف نغطي قبضته هالملعون ؟
فراس يمسك رقبته : مدري ما تتغطى يانايف الحين ابوي بيسأل!! ليه سمعتك انا !!
نايف بهدوء : بتسكت ولا الطمك؟
فراس يتأفف : بسكت
نايف : حلو الحين تروح لاختك وتطلب منها اشياء تقدر تغطي فيها الكدمه
فراس بقلق بسيط : اختي بتحقق معي
نايف : طيب من البدايه سمعت لها وفكيتنا
فراس : شدخلك باختي الحين انا بروح اجيبها وشهي ؟
نايف : ما اعرفها عشان كذا بتروح تجيبها من اختك
فراس : اوففف طيب يلا نرجع بسرعه قبل يصحون او احد يشوفنا بذا البيت
نايف يرفعه : امش تقدر تقوم ؟
فراس : اي اقدر ما تكسرت
نايف يضحك : توقعت قبضته تقتلك صراحه
فراس بجديه : ما يضحك كنت بموت
بطريقهم قابلوا ابو سعيد ولاحظه فراس وغطى رقبته وشعره بكاب البلوفر
ابو سعيد : انتم وش جابكم هنا
نايف : ابد نتمشى ياعم
ابو سعيد : وخويك علامه متحجب ؟
نايف يضحك
فراس بعصبيه مخفيه : اذني تبرد بسرعه عشان كذا مغطيها
ابو سعيد بشك: انت ولد منهو !
فراس : ولد عبدالكريم
ابو سعيد : اخو بدر ؟
فراس وهو يلتفت : اي
نايف يصرفه : ممكن نمشي لانه صدز برد
ابو سعيد : الله معاكم
فراس يتنهد : الحمدلله فكنا ما عرفته ذا ؟
نايف : لا شنهو
فراس : ابو سعيد الدلخ
نايف بجديه : استح على وجهك شايب كبير تقوله دلخ
فراس : ابشر بس امش نلحق قبل يصحون وبعدين فيه شايب صغير ؟
نايف منغث : اسكت
...
في بيت في مدينه الرياض شخص يحضر قهوته ويغني بابيات مكسورة
ما غفى فيني سواني ... وما سوى موجي خذاني ... انتي يا نفسي معاي؟ ولا مع ضدي علي ؟ الوله فيني ضناني
راكان ياخذ رشفه من القهوه : ثالث اشين قهوه اسويها الله يعين
...
عند مياسين الي كانت مندمجه بسوالف بنات عمها وكانوا ياخذون ويعطون على بعض
رن جوالها ..
مياسين ترد : هلا فراس
فراس : وطي صوتس وتعالي من الباب الخلفي عندي مشكله كبيره
مياسين بتوتر : ووشووو !!
فراس : وطي صوتس قلت واسمعيني
مياسين : طيب .. اسمعك
فراس حكى لها كل الي صار وبسرعه ركضت لغرفتها واخذت مصحح العيوب والكونسيلر والفونديشن احتياط
مياسين بهمس : الو فراس وينك؟ خويك معك ؟
فراس : بالحوش الخلفي ليه تسألين ؟
مياسين : عشان اطلع متستره ليه مثلًا
فراس : وانا بخليك تطلعين وهو فيه ؟
مياسين تضحك: وش الغيرة الهاديه ذي
فراس يتأفف : مافيه وقت للغيرة لو صحى ابوي وشاف رقبتي كذا بيكمل عليها تعالي بسرعه
مياسين قفلت وطلعت للحوش الخلفي : جيت جيت
فراس: ياهلا باللي عندها نجاتي
مياسين : ارفع راسك اشوف اححح!!! انت وش مسوي
فراس : خليها على الله بس غطيها
بدأت مياسين تغطي الكدمات وكانت تألم فراس بس كل شي كان عادي عند خوفه من ابوه
مياسين تضحك بانتصار : خلصت شوف .. تمد له المراية
فراس يضمها : كفو اقوى اخت مدري كيف بوفيك حقك ميسو 😔
مياسين بتدمع : خل عنك هالحتسي قم ارجعوا لبيت الشعر الرجال كلهم نايمين فيه
فراس : كدتُ انسى يا اختاه
مياسين تضحك وفراس يروح ركض هو ونايف لبيت الشعر وينامون بعد التعب وبعد الي صار
...
الساعه ٥٠ : ٨
الرجال مجتمعين بالمجلس والسوالف ما تنمل ويعطون اخبارهم لبعض بالسنين الي راحت
ابو سامي : الا يابو سُهاد ما امدانا نروح العزبه ونشوف خير ابونا باقي ولا بعته
ابو فراس يضحك : بلعه لحاله 😂
ابو سُهاد: افا ما هقيتها منك والله
صوت شي طاح ..
الكل برعب : وش صار ياولد
صالح : قم ثابت قم
فزوا كلهم للسيب وارتاعوا من الي شافوه واول مره ..