تعذُر الشروق أيام ..

9

سحبت سُهاد جسم فراس عن يد ابوه وانفجعت من شكله كان وجهه جروح وخشمه نازل منه دم وشبه مكسور
كانت سُهاد وعمها يتبادلون النظرات المفجوعه
صرخت سُهاد باستنجاد: نورههه حساممم عندنا مريض
دخلت نوره تركض وحسام بعدها
نوره : حسام ناد دكتور خالد بسرعه وجهز غرفه
حسام طلع : طيب طيب
سُهاد كانت حاطه يدها على راسه فراس : نوره العلامات  الحيويه بسرعه الادمي يحترق
نوره : ما نقدر بذي الغرفه
ابو فراس بخوف : وش فيه فراس وش فيه
سُهاد ابتسمت : مافيه شي ان شاء الله ياعمي لا تتعب نفسك احنا بنهتم فيه
نوره: خلك واثق ياعمي سُهاد ما تتركه
ابو فراس سكت من صدمته وخوفه
حسام ب النقالة
سُهاد : اعد لثلاثه ونشيله بنفس اللحظه واحد اثنين ثلاثه
نوره : يلا حسام الطورائ بسرعه العلامات الحيويه والحراره وسرعات نبضات القلب
كانت سُهاد تعطي المعلومات الاساسيه : الاسم فراس عبدالكريم العمر ٢٠ ما يعاني من اي مرض غير الحساسيه امس كان زين مافيه شي ودخل عند ابوه حرارته مرتفعه بزياده وفيه علامات ضرب وندبات
حسام التفت لسُهاد بصدمه : حرارته ٤١,٢٥
سُهاد : شلون !!! نوره جهزي خافض حراره قوي بسرعه
فراس الي بدأ جسمه يهتز ويتسارع بالاهتزاز وكان الكل ماسكه
حسام : يمر بنوبة ؟
سُهاد : لا لا لا مستحيل ما تجي كلها ورا بعض انا قاعده اشوف بوجهه اثار ضرب حسام كيف نوبة
حسام : ما ادري
نوره : جيت .. وش فيه ينتفض !
فراس هدأ بس طلع من فمه دم
حسام : مستفرغ دم !
نوره : عطيته الخافض يمكن اثر ؟
سُهاد : لا ما يأثر بس وين الدكتور ما جا للحين
راكان : ابعدي سُهاد
سُهاد بعدت
راكان اول ما شاف فراس : فراس ! وش مين مسوي فيه ذا وهو طول وقته هنا
حسام : العمر ٢٠ ما يعاني من اي مرض مزمن قبل ٢ من الدقايق مر بنوبة غريبه على اثرها استفرغ دم العلامات الحيويه مستقره كلها الا القلب الحرارة خارجيه ٤١,٢٥ والداخليه ٤٠
راكان : هاتي جهاز تنظيم دقات القلب بسرعه سُهاد انتبهي للعلامات الحيويه واذا نقص شي ولو بمقدار واحد قولي لي
سُهاد : الضغط نزل بمقدار ٤ عن المعدل الموجود
راكان الي اخذ الجهاز اول ما جابه حسام وفك ازارير ثوب فراس ليضع الجهاز كانت صدمته.. عندما نظر الى كدمات وعلامات الضرب الغريبه على جسم فراس وقرر انه يقص ثوب فراس ليثبت الجهاز على قلبه ويحاول قد ما يقدر يشخص حالته الغريبه الي كان نبضه بطيء ولكنه يتنفس بسرعه ...
راكان يتحسس راس فراس : عطيتوه خافض ؟
نوره : اي نوعه قوي شلون ما تأثر ؟
حسام : حاولت اخفضها بكل ما عندي بس غريب حتى العلاج ما اثر
راكان : زيدي الجرعه بالمغذي
نوره : بس دكتور هذا النو..
راكان : ما فيها بس اركضي زيدي الجرعه
نوره بتردد : طيب
راكان : سُهاد لا احد يدري ان فيه شي بالذات امه سمعتي ؟
سُهاد : اي اي بس نشوف شغلنا
في عقل سُهاد كانت تدور افكار كثيره: كيف يُعقل ! كيف لقد اتيت بمنتصف الليل لاراهم كانوا جميعًا بخير ماذا حدث ! كل شي غير طبيعي لما ! ماذا افعل كي لا يخسر عمي العزيز ابنه ؟ ماذا افعل حتى اجعله ينتبه ؟
...
نايف بتوتر : شباب فراس للحين ما جا شسالفه !
‏صالح بمزح: جالس عند أبوه وش تتوقع بيتركه ويجيك
نايف : بس يتصل يعني ما اتصل من امس اخر اتصال الساعه ١٢
صالح يضحك : يالطيب حبيبتك هو تبيه يتصل كل ساعتين
نايف سكت ما يبي مشاكل يكفيه ضيقته وطلع ..
صالح : شفيه ؟ قلت شي غلط ؟
ثابت : صالح اسكت وانثبر
...
مياسين : يمه هم بخير مافيهم شي قال لي فراس لا تشيلين هم
ام فراس بقلق : شلون يا يمه ما اشيل هم وقلبي ينغزني صاير شي فيهم انا ادري
جُمانه : ماما بليز ترا مافيهم شي وانا اتصلت على فراس قال انهم بخير لا تخافين
ام فراس : اتصلي مره ثانيه وعطيني اكلمه
جُمانه اخرجت جوالها واتصلت على فراس وكان يرن بلا رد
مياسين بحركات عيونها : ها رد ؟
جُمانه تحرك راسها بالنفي وعلى وجهها قلق
ام فراس: رد ؟
جُمانه : لا
ام فراس : والله قلبي حاس فيهم شي
مياسين : يا يمه يمكن يكملون اجراءات الخروج وما قدر يرد
جُمانه : اي اي يمكن
...
اصيل : غريبه تأخر انا قلت له يجي على الساعه ٩ الصبح
بندر ( الشيخ ) : يمكن انه انشغل وبعدين علامك مستعجل عليه ؟
اصيل : لاني اسوي كل ذا وابوي مهو بداري بي
بندر ( الشيخ ) : لا تخاف منه بكلمه انا ولا عليك بس اجلس
اصيل جلس : تأخره غريب هو ما يتأخر عن مواعيده
بندر ( الشيخ ) : الانسان يتغير مع السنين يا اصيل
اصيل : ما فهمتني قال لي بطلع من المستشفى واتجه للبيت البس واجيك ومرت ساعتين على كلامي معه ولا رجع اتصل قال انشغلت
اصيل يحدث نفسه: الله يستر
بندر ( الشيخ ) : هو وش قالك قبل ؟
اصيل : قال نهايتي قريبه وما فهمت مقصده
بندر ( الشيخ ) استغرق بالتفكير بالجمله في صمت
...
بالمستشفى
سُهاد الي كانت جالسه جنب فراس ومنتبه له رغم تعبها
بدأ فراس يحرك يده ..
سُهاد فزت : فراس ؟
فراس الي بدأ يشهق شهقات متقطعه
سُهاد تصرخ : دكتور راكان .. عميييي
راكان : شفيك صار شي ؟؟
سُهاد بتوتر : يشهق يشهق
راكان : وشووو!! شلون وخري وخري .. حسامم ناديه سُهاد بسرعه
حسام الي جا ركض : نعم دكتور
راكان : حسام جهز جهاز الانعاش .. سُهاد اكسجين بسرعه
فراس الي ما زال يشهق كأنه روحه بتطلع منه !
الدكتور راكان الي نظر للعلامات الحيويه وكانت جميعها بخط مستقيم واختفى صوت شهقات فراس ..
جا حسام بجهاز الانعاش وجهزه و سُهاد الي وقفت مكانها بالاكسجين
سُهاد : عمي وش صار
راكان : وقف القلب
سُهاد ركضت لفراس وهي تنعش القلب باستخدام اليد وتضغط على صدره وتقول: ما يقدر يموت وعدته انا وعدت عمي ما بيموت
حسام : سُهاد مات
سُهاد بصراخ وهي مازالت تنعش قلب فراس : لاا مستحيلل اتركه يموت انا وعدتهم وعدتها ما بتركه يموت
راكان : حسام الولد ما مات جهز الصدمات
حسام : بس بذي الحاله مرت دقيقتين تقريبًا
راكان : بدون بس نفذ
حسام : طيب
بدأ راكان بالصدمات: سُهاد ابعدي !
سُهاد ابعدت عنه
راكان : واحد اثنين ثلاثه
من اول صدمه رجع القلب بنبضات طبيعيه والعلامات الحيويه طبيعيه أيضًا!
حسام بصدمه : طبيعيه!!
سُهاد قربت تتأكد : وش صار شفيه !
راكان ابتسم بخوف : رجع
حسام والصدمه مازالت على ملامحه : شلون شلون كل شي يرجع طبيعي !
سُهاد ابتسمت وتنهدت : الحمدلله الحمدلله
...
ام فراس الي كانت نايمه وفزت من ضيقها : اعوذ بالله من الشيطان
جُمانه : بسم الله عليك ماما وش فيك ؟
مياسين: يمه شفيتس ؟
ام فراس : احس بضيق يا بنات اتصلوا على المستشفى واعرف عن ولدي وابوه
مياسين : طيب يمه بتصل على سُهاد يمكن تعرف شي
والتفتت لجُمانه : جيبي لامي مويا وعلاجها وانتبهي لها لحد ما ارجع
جُمانه : طيب طيب
...
نايف صحى واخذ الجوال : افف ما ارسل ولا اتصل
صالح : علامك تو صاحي وتتأفف قم كل ابرك لك يمكن سكرك نازل
نايف عطاه نظره غير مهتمه : اسكت عني
صالح : شقومه ذا
ريان : انا اقول يا صالح تسكت عن الولد احسن
صالح قام : جلستكم كلها نفوسٍ ثقيله
عمر : كلن شايل همه على قفاه يا صالح
...
عند ابو فراس
كان ابو فراس متوتر بشكل كبير ينتظر دخول فراس و سُهاد بس مرت ساعتين ومافيه اي احد جا !
ابو فراس : وش صار ليه مبطين علي
دخلت سُهاد بابتسامه كعادتها : السلام عليكم .. اسفه عمي نسيت وانشغلت مره
ابو فراس يضحك بتعب : اركدي اركدي
سُهاد بارتباك : اي وش تبي اجيب لك من برا المستشفى ؟ .. يعني تدري ياعمي انا ما اوافقك باكل المستشفى وضحكت
ابو فراس ضحك بكحه: فراس وش صار عليه ؟
سُهاد بتردد: بخي.. بخير بخير ان شاء الله
ابو فراس: وش صار فيه؟
سُهاد بابتسامه : الدكتور يشخصه تعرف انا طالبه باقي مالي خبره
ابو فراس : ومين الدكتور ؟
سُهاد : الطاقم الطبي كله
ابو فراس ضحك : وشو ؟
سُهاد تضحك : كنت امزح ومعناها يبون كلهم يدرسون حالته بس هو بخير والدكتورين هم دكتور خالد و راكان
ابو فراس : راكان اخوي موجود؟
سُهاد كانت تخفي الموضوع بكامل قدرتها  : اي لا تشيل هم بس انت ارتاح ياعمي
...
في المجلس عند الشياب
ابو سُهاد : علامه راكان للحين ما رجع
ابو سامي : اصبر عليه يمكن انه انشغل مع عبدالكريم وعناده
مطلق : السلام عليكم والرحمة يا قوم
الكل : وعليكم السلام
ابو سُهاد : ارحب يا مطلق
مطلق الي اتجه لابوه يسلم عليه بعد ما سلم على اعمامه
مطلق : البقى يبه اخباركم ؟وش صار عندكم ؟ اشوف الشمل تفرق
ابو لؤي : عمك عبدالكريم طاح علينا وراحوا المستشفى امس هو وولده ولا رجعوا
مطلق : سلامته عمي ما يشوف شر من معه فراس ولا عزام ؟
ابو ريان : فراس
مطلق تنهد
ابو سُهاد لاحظ : علامك يا ولد ؟
مطلق يخفي الموضوع : ابد يبه تعب شغل .. انا بروح لسُهاد عن اذنكم
ابو سُهاد : سُهاد راحت مع راكان المستشفى
مطلق فز : ليه شفيها ؟؟
ابو سُهاد : مابها شي بس اخذها راكان يختبرها مدري وش هالخرابيط
مطلق : اجل انا رايح لهم عن اذنكم
الكل : اذنك معك
ابو ريان : عطنا خبر يا مطلق
مطلق : ان شاء الله ان شاء الله
...
بالمستشفى عند سُهاد الي عاندت عمها بجلوسها بالمستشفى
سُهاد كانت جالسه يسار فراس وتراقبه وتناظر بوجهه
راكان بمزح : اشوفك تتأملينه القلب مال ؟
سُهاد ابتسمت بتعب : لا لا ابد بس قاعده اقول انه صغير ليش يصير له كل ذا وافكر وش ذنبه
راكان : ليه وش فيه هو ؟
سُهاد تنهدت وأشرت على الكدمات : هذي مو طبيعيه
راكان استغرب : ليه مب احد ضاربه ؟
سُهاد : لا ضاربينه الجن
راكان شهق : جن ؟ وش دخلهم؟
سُهاد : للاسف جن موجودين معه من ثلاث سنين وما ادري وش سوا عشان يتعاقب بذي الطريقه
راكان : شلون يعني كل الي صار وما عرفنا نشخصه كان فعل جن..
سُهاد : اي بس..
فراس الي تحرك وبدأ يئن بألم
راكان : صح النوم
سُهاد تضحك : وش صح النوم ؟ الولد مريض وانت تقوله صح النوم
فراس الي فتح عيونه على صوت ضحكة سُهاد وعيونها الواسعه الي قدر يشوفها بلحظه ورجع غمض عينه
راكان : افتح عيونك لا تخاف
سُهاد حطت يدها على ضوء الليت : النور قدامه عشان كذا ما قدر
فراس فتح عيونه وكان كل ما فتح عيونه تظهر صورة سُهاد المبتسمه اكثر
راكان : فراس تسمعني ؟
فراس بألم : رأسي يعورني
سُهاد ناظرت لعمها : يمكن المخده ما ناسبته اصبر بجيب غيرها
راكان : تمام روحي انتي وانا بشوف مواقع الالم
فراس بنص نظره وهو حاط يده على راسه : وش صار من انت
راكان بعد يد فراس عن راسه ليستشعر حرارته : انا عمك راكان الي بيني وبينك عشر سنين والمفروض تكون تعرفني
من غلاتك عندي
فراس : الساعه .. الساعه كم ؟
راكان : وين تحس الالم عندك ؟
فراس : انا قلت الساعه كم ؟
راكان الي كان يضغط على معدة فراس : هنا تحس ؟
فراس بوجه متألم وعصبيه خفيفه : وخر يدك وقل لي الساعه كم !
راكان بثبات  : الساعه ٤٠ : ٤ العصر
فراس فز : ابوي ابوي وينه
راكان الي رجعه مكانه: لو قمت من مكانك الحين بتكون خلال ٦٠ ثانيه طايح بالارض
فراس بحده : ابعد عني
سُهاد بتعب : رجعت رجعت .. بسم الله شفيكم
فراس : انتي ! انتي وش تبين ملاحقتني ؟
سُهاد بكلام سريع : طيب يا ولد عمي لا تشوف نفسك محور كون اول شي ثاني شي انا طالبه طب اشتغل هنا وطلبني الدكتور راكان ثالث شي لو قمت من مكانك ما بتثبت وانت واقف لان الادويه الي معطينك اياها نوعها قوي رابعًا المفروض تشكر عمي راكان لانه ما تركك ولا لحظه .. والحين اجلس مكانك ولا تحرك
راكان ضحك : استهدي بالله
فراس الي جمد مكانه وهو يسمعها ومركز بعينها
سُهاد بصيغه تأكيد : فهمت ؟
فراس: هاه .. اي
راكان : تمدد وانا بشوف ابوك وارجع
فراس : ابي اشوفه انا
سُهاد : بهالحاله ما تقدر .. عمي عطني مرايا
فراس ارتبك : مرايا ! ليه ؟
راكان اعطها المرايا وراح وتركهم
سُهاد وهي تعطيه المرايا : خذ شوف شكلك فيها
فراس سحب المرايا بهدوء وقربها من وجهه وناظر فيها بخوف  : خشمي ! وش صار فيه خشمي انكسر ؟ احس نفسي ما اقدر اتنفس
سُهاد بضحك : لا تبالغ ما انكسر اكيد وتقدر تتنفس فيه بس فتره ويلتئم الجرح الي فيه 
فراس تنهد وضحك ضحكة جهوريه وكانت سُهاد اول مره تسمع ضحكته من بعد سنين نسّتها
فراس وهو باقي يضحك : مدري وش جاني اسف معليش
سُهاد ابتسمت وهي تشوف ضحكته : لو مكانك ببكي ما بضحك صدقني
فراس الي سكت وهو يحس بالم براسه : اسف
سُهاد : ما عليك .. وين تحس بالم ؟
فراس : راسي ورقبتي
سُهاد : نوره تعالي شخصيه انا طالبه
نوره ضحكت : وانتي ليه تلقفين دامك طالبه اجلسي واسمعي الحاله بس
سُهاد بمزح : انتبهي لولد عمي لا تقتلينه
فراس الي طارت عيونه من الوصيه
نوره بضحك : انتي الي بتقتلينه لا عالجتيه
نوره : قلت تحس بالم بالرأس والرقبه؟
فراس تنهد : اي
نوره تضغط على يسار رقبه فراس : هنا ؟
فراس بألم : اح اي
نوره : طيب ارفع رقبتك شوي .. تحس بألم هنا؟
فراس مازال يتألم : اي اي اففف