تعذُر الشروق أيام ..

7

الساعه ٦ كالعاده
الرجال ينتظرون الفطور ويسولفون
عند فراس ومياسين بالحوش الخلفي
مياسين : شعندك جاي من الصبح
فراس بضحك : توقعت تقولين اشتقت للقعده معك بس خيبتي ظني
مياسين بنبره حزن : الدنيا قافله علي
فراس استغرب: افا علامتس !
مياسين : ولا شي وش تبي الحين علمني ؟
فراس يرفع راسه : هذا جايبني
مياسين : ياخي رقبه من بيشوفها ؟؟
فراس : اختي العزيزه غالبًا الكل عرف الي فيني
مياسين شهقت : وش عرفوا !
فراس تنهد : كل شي بس محد مصارحني الا اصيل
مياسين بفضول : مين اصيل ؟
فراس : ولد عمي بدر
مياسين ؛ ايييي!!! كمل وش قالوا لك ؟
فراس : امس الصبح سألوني اذا اذكر شي من الي صار وانا مدري وش صار اصلا بس كنت عارف انه هجمه كالعاده واصيل بالليل جلست انا وهو و قالي انه يدري وقافطني
مياسين وهي تغطي الكدمات : وش بيصير الحين ؟
فراس تنهد : مدري بس يحاول يساعدني وانا بعطيه الفرصه
مياسين : متأكد!
فراس : اي لاني تعبت ومانيب لعبة وسيط عند الجن و اتباعهم
مياسين : ما بيصير شي يهدد احد ؟
فراس بمواساة: ما تثقين بربك وقدرته؟
مياسين تنهدت : اثق ونعم بالله بس ..
فراس وهو ماسك راسه من الم غريب : مافيها بس بحاول
مياسين باعتياد : لانك ذكرت ربك راسك يعورك
فراس يقوم : ما بسمح لهم والحين بروح اكلم اصيل
مياسين : ودعتك
فراس يبتسم ويروح
...
عند الرجال
ابو فراس : فراس وينه يا نايف ؟
نايف ارتبك : راح يشحن جواله ويرجع
ابو ريان : علامك يا عبدالكريم على الولد ؟ قالك مهو مسوي شي
ابو لؤي : مهب معقول تصدق الناس وتكذب ولدك
ابو فراس : ...
ابو سامي : الله يهديك بس
ابو سُهاد: صادقين يا ابو فراس لا تنبذ وتكره ولدك عشان واحدٍ جا وقال كلام وبكل ما فيك صدقته
نايف كان على وشك يفضح كل شي بس مسكه ثابت
ثابت : القاعده واحد في الديره لا تدخل بحوار شيبان
نايف بقهر : ولعنه بقولهم الصدق وان فراس ماله دخل في شي كله من السوسه انس الله يلعنه
ثابت يربت على كتفه : ما عليه ما عليه هو بيعرف بنفسه
سيف : الا صدق فراس وينه ؟
نايف : مدري بس كذبت المره مدري كم عشانه
هادي الي سمع حوارهم : فراس مع اصيل مدري وين غدوا
ريان يضحك ويناظر لنايف : صاروا اخوياء اكثر منك انت وثابت
نايف يضحك : ماعليه جاز لي هالثابت
...
عند البنات
سُهاد : بنات تحسون بملل؟
ندى : اهخ تكفيننن انتي شلون عايشه هنا طفش مو طبيعي
سُهاد تضحك : ترا ما كانت حياتي كذا بس عشان عيال عمي جو انحبست
ندى بتعجب : يعني كنتي تطلعين بكيفك صح ؟
سُهاد: اي
مياسين تدخل : اتصل على فراس ما يرد شسوي اتصل على ابوي ؟
جُمانه: شتبين فيه ؟
مياسين : بكلمه بموضوع
جُمانه: طيب اسمعي عزام جاي قولي لابوي انا رايحه مع البنات
ندى : خذوني معكم جُمانه تكفين طفش
جُمانه تضحك : sorry هذي طلعتنا احنا
مياسين : وين رايحه ؟ استئذنتو من مين !
جُمانه : شفيك يالسايكو ترا محد خاطفنا بذي المقطعه
مياسين : انا سايكو عشان اخاف عليكم ؟ اوك روحوا
لارا : جُمانه بسرعه قبل العيال يطلعون اعجلي
جُمانه تطلع وهي تضحك : جايه جايه باي يالسايكو
سُهاد تطلع المطبخ كالعاده يمكن تقابل واحد من اخوانها
وكانت تغني وهي تسوي قهوه :
كنت احسب الدنياا معي تو زانت .. واثري معاك ازرع شقايا بديه .. كنت احسب الدنييياااا معي تو زانت
ما الوم الا نفسي وكيف لانت مع واحدٍ مثلك وكانت عصيه
مياسين متكيه على الباب : صوتك حلو ماشاءالله
سُهاد التفتت وهي تضحك : ما توقعت فيه احد يسمعني
مياسين بابتسامه : على هالصوت الحلو بسمعك دايم 
سُهاد تمد الكوب : ?coffee
مياسين بضحكه : !Of course
سُهاد: الاكسنت يهبللل
مياسين مبتسمه : ما اتحداك طبعًا
واخذتهم السوالف وهم يشربون قهوه وفجأة سُهاد تذكرت موضوع
سُهاد: ميسو
مياسين : ها
سُهاد: بسألك
مياسين : ايش
سُهاد: اخوك وش فيه بالضبط ؟
مياسين بارتباك : مدري وش فيه هو كذا من اخر ثلاث سنين
سُهاد : ثلاث سنين !!
مياسين بتوتر : اي تعرفين وش فيه ؟
سُهاد : ماني متأكده
مياسين : يعني عندك شك ؟
سُهاد : تقريبًا شوي
...
اصيل : فراس
فراس : وشو
اصيل : ما عندك غير نايف
فراس : كان عندي شلة من ٩ اصحاب ونزل راسه وضحك بسخريه وقال : منهم انس
اصيل : الخبيث قصدك
فراس ابتسم : اشوفكم قلبتوها من ترحيباتكم لكراهيه
اصيل يضحك : حنا نتبلى على بعض عادي بس من خارجنا نجتمع عليه
فراس يضحك اكثر : عرفت هالطبع من وين ابوي اخذه
اصيل يجاريه ويضحك : كلهم اخذوه من ابوهم الله يرحمه
فراس : ...
اصيل : اي! حكني عن الثمانيه الباقين ؟
فراس يكمل : منهم نايف تعرفه واولهم واكثرهم معزة وفهد توفى رحمه الله عليه وخالد يكمل جامعته بعثه
سعود وياسر مدري وش صار عليهم وماجد..
اصيل : الله يرحم من مات بس ابوك متصل يسأل قم
فراس ضحك : اقوم ؟ وين اروح وهو مضيق دنياي فوق ضيقها
اصيل ابتسم : مهما كان ابوك يا فراس
فراس يضحك اكثر : ابوي !!
اصيل استغرب وضحك معه : قم قم ينتظرونا بيروحون العزبه
فراس : اي عزبه؟
اصيل : عزبه جدك خالد جعله الجنه
فراس : ما اذكر كان عنده عزبه
فراس مشى قدام اصيل
اصيل استغرب ومسك يده يوقفه: شلون ما تذكر !؟ انت كنت اكثر واحد تروح لها مع جدي !! كيف ما تذكرها
فراس يسحب يده وقال بحده : ما اذكر قلت
اصيل يرجع يمسك يده وكأنه يتأكد من شي : قلت ما تذكر؟
فراس يسحب يده بقوه اكثر من الي قبلها : ما اذكر لا تلمسني
اصيل تأكد من الي فيه وضحك : ما دريت انك تتحسس
فراس بنظره غريبه : ما احب احد يلمسني
اصيل الي كان مركز بعيون فراس بثبات : متأكد انت ولا هي ؟
فراس الي رجع طبيعي : هي من ؟
اصيل تنهد : امش بالطريق تقول لي وش مسوي قبل سنين
فراس بصدمه: وش سويت !!
اصيل ابتسم بسخريه : ما تمشيها علي يا فراس انا ادرى منك بالجن
فراس ارتبك: وش تعرف
اصيل : منهم عاشقه لك
فراس : اكتشفتها ماشاءالله
ومسك فراس راسه من الالم كالعاده لذكره اسم الله
اصيل ابتسم لصدق توقعه : وهذا الدليل .. امش بس امش
فراس : بقولك خلاص مافيها مفر
اصيل : بالطريق
...
سُهاد : اي كملي وش يصير بعد؟
مياسين : يتكلم باخر الليل مع شي ما نشوفه وبعد يوقف قدام المرايا كثير يعني كيف اوصف لك يطول وهو واقف قدامها
سُهاد : اي؟؟ وبعد؟
مياسين : اهم شي تجيه هجمات نفس الي صارت قبل يومين واسوء بعض الاحيان
سُهاد : انا ماني بشيخ بس عارفه هالحالات من خالي الشيخ
مياسين : يعني وش فيه عرفتي ؟
سُهاد : ايي للاسف
مياسين : للاسف وشو خطير الموضوع !!
سُهاد : مدري يعتمد عليه بس اخوك فيه جن عاشق ويحاولون كلهم يوصلون له بالهجمات الي تصير له
مياسين : يعني افهم انه الجن يعرفونه!
سُهاد : للاسف
مياسين : طيب كيف نعالجه راحت حياته وهو يعاني والله يحز بخاطري شوفته بهالحاله ولاني قادره اسوي شي
سُهاد : اسمعي لو انتي تقنعين امك وابوك على موضوع الشيخ وانه شيخ زين مو مثل الي يكذبون واذا اقنعتينهم بكلم خالي يجي هنا ويشوفه
مياسين ويدينها مشبوكه في بعض : بحاول اهم شي حياه اخوي
سُهاد تبتسم: اصيل بيساعده ما عليك لا تخافين حتى لو ما اقتنع عمي ابوي يقنعه وخالتي امي تقنعها
مياسين : خير ان شاء الله خير
...
عند اصيل وفراس
فراس : كيف ابدأ
اصيل : من البدايه
فراس : البدايه .. فضول كان عندي فضول استكشف اماكنهم اشوف حياتهم كنت اقرأ كتب عنهم واتعمق بعالمهم الى ما جينا الديره هنا المكان الي سمح لفضولي يمتلي قبل ٥ سنين يمكن سنه ٢٠١٨ رحت انا ونايف وسعود وياسر بشجاعه منا بعكس اخوياي الباقين كان المكان جبل يوم تطل عليه تقول جبل عادي مافيه شي بس اذا قربت منه يبان فيه كهوف دخلنا حنا الاربعه وحنا متحمسين وماخذين وضع الكشافه بدون ما نفكر بعواقب الامور هذي
اصيل : وين الجبل الي رحتوه ؟
فراس يأشر على الجبل :هناك
اصيل تنهد : كمل كمل
فراس : دخلنا الجبل وكان مظلم كل واحد شغل كشافه وحاول ينور فيه بس الظلام دامس وتعمقنا اكثر بالكهف وقفنا لما شفنا الانفاق الاربعه واتفقنا نفترق وكل واحد يدخل نفق ‏ ‏بعدنا عن بعض بعدها بثواني سمعنا صوت كان صوت ياسر في لحظة اختفي الصوت ورجع بعدها بدقائق ‏كانت اصوات استنجاد ‏بس ما حد فينا تجرأ انه يروح ويرجع لنفس المكان كل واحد كان في نفق تخيل مدى الرعب أن كل واحد من اصحابك في نفق تسمع صوت استنجد فيكم كلكم وما حد تحرك من مكانه ‏ولا حتى تجرأ انه يركض لصاحبه ‏جلسنا نسمع نفس الصوت لمدة 10 دقائق توقف الصوت ساعة ساعتين ونص ولا أي صوت كل شخص يسمع أنفاسه أو يمكن نبضات قلبه بعد ساعة ونص سمعنا صوت استنجاد مره ثانيه ‏كان هالمرة صوت سعود ‏قررت بعد ما سمعت صوت سعود إني أطلع على أمل إني ألقاهم في نفس المكان اللي اتفقنا نلتقي فيه بس ما كان موجود غير نايف حاول نايف يدخل الانفاق الباقيه بس كانت تطلع علينا الرياح قوية وحارة ما يتحملها إنسان طبيعي من شدتها تحس إنك مو بالليل تحس إنك بالنهار مع إنك في ديره باردة  ‏في الليل كنت رافض فكرة إني أطلع واترك أخوياي ورأي بس لما سمعت ذاك الصوت قال لي لو تبي حياتك يا ادمي أطلع واترك ضحاياكم نايف كان يحاول يرد على الصوت بس للصمت عنوان في المواقف الصعبة أنا تكلمت قلت ماني طالع الا واخوياي معي رد علي نفس الصوت لو عاندت زياده ‏تطلع معك منا اثنين يعذبونك طول حياتك لأنك دخلت ممتلكات جان ‏و استحوذت على عقل شخص منهم
اصيل : ‏وانت وش سويت؟ ‏
فراس : ‏ ‏أنا؟ عاندت ‏بقيت ساعات انتظر واحد منهم يطلع بس ما حد طلع ‏رجع نفس الصوت قال أنت الآدمي اللي تطلع معك فرد منا ‏رديت على الصوت وش ابي بالفرد اللي منكم ‏أنا أبي اخوياي يطلعون ‏رد الصوت علي وهل المرة بحده اقوى قال اليوم عاندت عليك نفسك وعاندت نفسك عليك ‏ما فهمت مقصده بس اليوم فهمت
اصيل : مقصده نفسك عليك وعليك بنفسك وانت عاندت وجبت لها العذاب
فراس : ‏مرت خمس سنين وسعود وياسر مالهم حس او مالهم وجود
‏اصيل : ‏اللي ما فهمته من الشخصين اللي طلعوا معك
فراس : ‏وحده ما بتشوفها والثاني أنت طردته
اصيل : ‏اللي قريت عليه قران!
فراس : ‏للأسف ... ‏بس ما يقدر عليكم ‏لانه مكلف بي أنا
اصيل : ‏طيب الحين أنت ما قلت لي قصتك الا عشان أساعدك فأنا مثل ما وعدتك بساعدك ، أنا عندي خال شيخ يقرأ ويخرج المس والجن العاشق والسحر يعني امور شيوخ ‏بتصل عليه وبأقول له اللي شفته فيك وبيجي
فراس : ‏ما حد بيتأذى؟
‏أصيل: لا ما حد متأذي ‏وبالذات إذا فيه شيخ
فراس : متأكد
‏أصيل: لا تشيل هم متأكد إن شاء الله ما حد صاير له شي ولا أنت بس أنت ما أوعدك لأن شغلك صعب صراحة
فراس يضحك : اهااااااا قول من اول
...
وصل فراس بيتهم الي نظفوه البنات
جلس وحده يناظر الجدران ويتذكر كل الي صار له بهالبيت قطع تذكاره صوت القطوه السوداء
القطوه السوداء : بدري انفرادك
فراس : لحول شتبين انتي !!!
القطوه السوداء : قلت باكر وتأخرت ليالي
فراس تنهد : ما تطفشين ما تحسين كرامتك ضايعه؟
القطوه السوداء : الحب ما ينمل منه
فراس بانفعال : الحب !!! اي حب ترطنين به ! ورفع كمه بوجهه القطوه السوداء ليظهر الكدمات وقال : هذا حبك! هذا حب ؟
القطوه السوداء : هذا هو حبنا وانت لو ما عاندت وقتها ما كان اخذتك الحين فراس انا..
فراس مقاطع لها بانفعال : لا تنطقين اسمي ولا اسمعه منك
القطوه السوداء : تغيرت حبيبي .. الادميه غيرتك!
فراس بانفعال : اي ادميه واي تغير انا طفشت منك ومن سخافتك وحلمك بحبك المغلوط
القطوه السوداء : انت غيرتك نظرتك للادميه الي شفتها وتعمقت بنظرتك لها !
فراس ماسك راسه : ياحياه الشقى عن وش تكلمين انتي
فراس يكلم نفسه : كالعاده سخافتها الغريبه وانا غصب متحمل انفاسي
القطوه السوداء : ناسي اني من الجن وقرينك يوصل لي الي بداخلك ؟
فراس : انصرفي عني
القطوه السوداء نفذت الي قاله فراس لها بلحظه كأنها مربوطه عنده
فراس يضحك بسخريه : كان يمديني اذكر اسم الله بس بتصرخ وتبلشني
ام فراس : هلا هلا بولدي هلا يا امي انت
فراس بفرح بحكم انه ما شاف امه ٣ ايام : هلا بحلوة اللبن هلا باللي تغليني وهلا بطوايفي كلهم
ام فراس: علامك جالس لحالك تسولف
فراس : بيني وبينك زوجك نابذني ف بجلس وحدي احسن
ام فراس : ما يصير اجلس مع عيال عمك افضل
فراس : يمه ما ودي والله
ام فراس بحكم انها تعرف ولدها وش يصير معه اذا جلس وحده اصرت عليه يجلس مع عيال عمه وخويه
فراس : احس تعبت من الكلام بروح انام
ام فراس : بس ما..

انتهى البارت اتمنى يكون عجبكم 🫶🏻.