تعذُر الشروق أيام ..

21- { نايف وفراس }

فراس دخل وباين عليه التعب : سلام عليكم
راكان استغرب : وعليك السلام شبلاه وجهك
فراس جلس : لا تسألني تعب من التمثيل عليهم
راكان: تمثيل وش !
فراس حط يدينه على وجهه : الدكاتره واختي
راكان : وشبلاهم؟ تحاكى اجلس اسحب الكلام من فمك !
فراس : قلت لك لا تسألني
راكان سكت
فراس بتساؤل : عمي
راكان ؛ لبيه
فراس : لو عندك اسرار واجد وتحب شخص وودك تقولها له عشان ما تظلمه معك وش انسب طريقه ؟
راكان فهم قصده : الطريقه على حسب نوع السر اذا كان من العيار الثقيل م انصحك تقول لاحد بس لو كان خفيف طريقته تعتمد عليك وعلى قوة مشاعر الشخص الي تحبه
فراس تمدد ع الكنبه وضحك بسخريه : انا ما العب الا ع العيار الثقيل مافيه شي بحياتي عياره خفيف حتى رأسي
راكان فز وهو يشوف ساعته ؛ تأخرت ، الله يهون عليك يعمك
فراس ضحك بتعب : فامان الله انتبه عاد
راكان : سم سم
بعد دقائق طُرق الباب
فراس : الدكتور مو هنا
سُهاد دخلت وبيدها اكل وضحكت : عارفه شفته طلع
فراس فز بألم : شجابتس انتي
سُهاد مسكت كتفه تسنده : مدري جيت مو عاجبك يعني اطلع؟
فراس : لا لا بس..
سُهاد قاطعته : جايبه لك اكل يعني تاكله غصب عنك
فراس ابتسم : سمي
سُهاد فجأة : عندك انيميا منجليه
فراس هو يأكل : عارف
سُهاد : ليه م علمتني ؟
فراس : ماهو شي مهم يعني ليش اتكلم فيه
سُهاد : بس هي بعض الاحيان تكون وراثه!
فراس : الزمن بيرجع لو قلت وراثه ؟ لا
سُهاد : فراس
فراس : لبيه
سُهاد راودها الخجل : لا عاد تخوفني كذا مره ثانيه
فراس ابتسم : كيف كيف
سُهاد استحت : ولا شي
فراس ضحك : اوعدك بس خليني اكل لي مدري كم يوم مو ماكل
سُهاد : بالعافيه عليك
فراس بسخريه : ليش مو على قلبي ؟
سُهاد ابتسمت
...
وصلت رسالة لهاتفها
مياسين : مين ذا
: وصلتي لاخوك ؟
مياسين باستغراب : انت مين؟؟
: صاحب الالغاز
مياسين : وصلت وش المطلوب ؟
: تركني جامعتك واهلك بالرياض عشان اخوك ؟
مياسين : قلتها عشان اخوي اخوي مو اي شخص !
: لهدرجه تعزينه؟
مياسين : واكثر وبعدين وش عليك ؟ ممكن اعرف مين انت؟
: الآن انا لا احد
مياسين اقفلت جوالها ودقت على امها تتطمن وتطمنها على فراس
في الجانب الاخر ..
اصيل ضحك بخفة : وش صار ! يمكن عرفت اني انا الي اخذت اخوها لسباق؟ او مجرد احساسها؟
مطلق : النساء عندهم حاسه سادسه ما تدري
اصيل فز : شقلت ؟
مطلق حط يده على كتف اصيل : اقعد يا الشقردي
اصيل استغرب التعامل : وشو؟ شصار ؟
مطلق ضحك : ابد بس من هي الي تحاكيها؟
اصيل ينكر : محد ، خويي
مطلق : ماني واقف ضدك علمني انا اخوك الكبير
اصيل ماهو واثق بنفسه : محد يخوي لو فيه احد جايك اول واحد والله
مطلق : طيب روح لسُهاد المستشفى وجيبها لها يومين فيه
اصيل ضحك : وانا اقول فاقد حس من
مطلق كمل كلامه : ثم روح لهادي و ثابت شوفهم علامهم مبطين
اصيل : سم سم
مطلق : ولا تروح سباقات و وهمك ذا خله
اصيل هز راسه بالايجاب في يأس كبير
ومشى وهو يفكر في حلمه انه يكون صاحب القاب في سباقات السيارات على الطرق السريعة لان هذا شغفه..
...
في المزرعه
فتاة تمشي بكل حذر وخوف من الظلام
هادي تعجب ونادى من وراها : مين انتي
:انا انا
هادي عرف الصوت : وجد ؟
ثابت ناظر فيه : مين ذي
هادي : وش جايبك هنا انتي شتبين
وجد وقفت قدامه : لو هذا مو هنا كان ضميتك
ثابت تنحنح ورجع لورى ونزل راسه وعينه بالارض
هادي صرخ فيها : وش جايبك انتي شلون عرفتي مكاني ؟
وجد خافت من صراخه ورجعت لورى : تبعته تبعته
هادي مسك اعصابه : تبعتي مين ؟
يزن : تبعتني
هادي التفت و مسك راسه من الصداع : لعنة الله عليكم
وجد وعيونها تغورق دموع : هادي
هادي : اذلفي
وجد : هادي تكفى
هادي ناظر لها بقرف : مع مين كنتي
وجد جثت على ركبتينها : هربت ما كنت مع احد هادي والله ما كنت مع احد
هادي رفع صوته : كنتي معهم لا تكذبين لا تكذبين
وجد بكت : والله ما .. كنت مع .. احد
يزن ببرود : اسمع بروح انا وثابت وتفاهموا
هادي : ماهي انسانه اتفاهم معها
وجد مسكت يده تترجاه : تكفى كلمتين بس
ثابت سحب يزن : يزن امش
ومشوا هالاثنين وبقوا اثنين
وجد الي بدت تشرح بدون ما تحس بنفسها : هادي ما كنت معهم انا طلعت يوصلوني هذاك اليوم والله طلعت البيت رحت اشوف ماما والله ما رحت ..
هادي مسك راسه : اسكتي
وجد جلست جنبه وعيونها تغورق : Heidi, my mother died
هادي خنقها : تحسبين انك بتسوقينها علي نفس المره الماضيه .. الحين انا مو ذاك الي تلعبين عليه بكلمتين
فراس الي كان يتمشى طبيعي وشافهم وركض اتجاههم ولما وصل تعجب
فراس باستغراب وقف ونزل عيونه : هادي ؟
هادي فز وترك قبضته : فراس وش جابك
وجد ابتسمت : هاي ..
هادي قاطعها : اسكتي يابنت الناس اسكتي ما تفهمين انتي
فراس بابتسامه غبيه : هاي؟؟؟ هادي وش تفسيرك
وجد تذكرت : اها انا اقول هاي بدال سلام لان هاي ناقصها حرف وتصير اسم هادي وهو جزء من يومي ف صرت اقولها بدال سلا..
هادي صرخ عليها : اسكتيييييييي انطمييييي انكتميييي
فراس حط يده على اذنه : صرعت اذني ، خلاص بروح بس يا ويلك مني ولا تسوي شي ببنت الناس
هادي ضحك بسخريه : بنت ناس يقولك
وجد تجمدت ملامحها بعد كلمته : اوك
ومشت
هادي ينادي عليها بكل صوته : وجد يابنت تعالي وجدددد
فراس مسك هادي : من ذي وش جابها وكيف تعرفك وليه هي هنا وليه زعلت وش علاقتها فيك ووش دراها بمكانك
هادي : اسئلتك واجد وانا مصدع
فراس تنهد : جاوبني
يزن و ثابت رجعوا وسؤالهم الوحيد هو : وين البنت ؟
هادي جلس : كنت احبها
فراس جلس جنبه : الي يحب ما يقول كنت
هادي : طلعت معهم
فراس : مع مين ؟
هادي : اكره هالسؤال ، مع المدمنيين
فراس ناظر بالعيال بصدمة  : تتعاطى؟
هادي ضحك : البنت؟ لا عالجتها وطحت انا
فراس : كيف ؟؟
هادي : السالفه انها بنت اغنياء ابوها مدير تنفيذي لشركة بناء وامها صاحبة سلسلة مطاعم تعرفت على بنات يوم كانت ب ميلانو وطاحت في هالاشياء وانا سافرت بعثه للدراسه و شفتها مره .. تعاطت وتركوها صديقاتها بالشارع .. جيت اساعدها ومن لهجتها عرفت انها عربيه او بالاصح سعوديه سألتها وين بيتك وليه انتي هنا وقالت بيرجعون ما تركتها وانتظرت معها كانت الساعه 11 بالليل وما حسيت بنفسي ونمت وصحيت وهي جنبي بالشارع زين محد قتلنا وقتها .. صحيتها وقتها ضربتني حتى على بالها اني واحد منهم و قلت لها سعودي قالت لي  so what ? All men are the same ضحكت ومشيت من كلامها
ثابت : طيب ترجم لنا ترا ما رحنا ميلانو معك
فراس ماسك ضحكته : الترجمة طيب واذا ؟ كل الرجال متشابهين
ثابت : اما ي رجال قالتها كذا بحت
فراس : يا غبي تبغاها بالفصحى؟
يزن : عطه الغبي ذا
فراس : اذا ماذا ؟ جميع الرجال متشابهين
ثابت ضحك : وش فرقت
يزن ابتسم : النبرة فرقت
هادي : بعد يومين اصحابي بميلانو قالوا بنروح حفله وما كنت احسب حفلتهم بملهى كنت احسبها زينا بالسعوديه
وهناك شفتها للمره الثانيه و ..
ثابت قاطع كلامه بالضحك
هادي : تراب ع الي يقول لكم سالفه
فراس : يا ولد اقعد ثابت وجع خله يكمل
هادي : الزبده يوم شفتها حسيت شي بقلبي وسولفت معها اول شي من شهر لشهر ثم اسابيع بعدين صارت بالايام ويوميا نسولف ونتكلم حبيتها.. ما اخفيكم وهي بعد حبتني  بس مره وبعيد الحب وكنت جايب لها هديه معي وشفتها طلعت سياره كانت كلها عيال غرت وحاولت اوقفهم وانزلها بس ما قدرت .. من بعدها عاتبتها عتاب واحد بس ورجعت السعوديه اول ما خلصت بعثه وما ادري كيف جابت مكاني
فراس تأثر : حبيتها صدق ؟ نزوجك هي ؟
يزن : وش تزوجه مهبول انت
ثابت : يزن صادق خبل انت
هادي ضحك بسخريه : كنت بتزوجها بعيد الحب لو ما شفتها بذيك السياره
ثابت : استسلم من العايلة المجنونه ذي
وجد رجعت تركض بكل سرعتها لهادي : Save me, protect me please
و طاحت بحضنه
فراس الي فز ولف للجهة الثانيه وهو يمشي ويقول بنفسه : لو شفت المشهد سُهاد بتطلع لي بكل مكان
ثابت تنحنح وهو يركل حجر
يزن يناظر للسماء : يا عيال شكله فيه كوكب جديد قريت بتويتر
هادي ابعدها عنه : شتسوين وين تحسبين نفسك انتيييي بميلانو
وجد نفسها منقطع : فيه اسد اسمعه اسمعه
ثابت راح بدون محد يلاحظه
هادي وقف : اوقفي
وجد حاولت توقف : help me ما اقدر اقوم
هادي مد يده لها وهو ما يناظر فيها
وجد بروحها الحلوه :  thanks baby
فراس وقف جنب يزن : شقالت له ؟ baby ؟ هذا كله الطول والعرض وتناديه تسذا
يزن ضحك : لا يسمعنا
هادي اول ما مسكت يده وجد عشان تقوم ترك يدها : اوقفي بنفسك ولا لا توقفين
وجد بغضب : هاديييي
يزن بهمس : اما عاد هادييييي
فراس ضحك وسحب يزن ومشوا وهم يضحكون
...
اليوم الثاني
سُهاد عند الاستقبال تودعهم : اشوفكم بكرة
ومشت
فجأة ظهر وراها فراس : وش بيصير بكرة؟
سُهاد التفت ويدها على قلبها : يمه ما تعرف تنحنح تسوي اي شي تعلمني انك وراي
فراس ابتسم وحك قفاه : ما ادري ما تعودت
سُهاد ابتسمت بسخافه : طيب شرايك تنقلع لاني بروح المزرعه
فراس تجاهلها ومشى قدامها : رايح معك
سُهاد ناظرت فيه بتعجب وقالت : انت نشبه والله
فراس ابتسم ابتسامه جانبيه : مو على اساس احنا بعلاقتنا.. حبايـ..
سُهاد حاولت توصل بطوله وتسكته : اصصص
فراس ضحك : خلاص طيب طيب ما تبين اقولها سمي
سُهاد بحياء : خلاص روح تعافيت ارجع الجامعه لا تنشب لي كذا
فراس مسك كتفه وبتصنع للالم: مو خايفه ابوك ياخذني؟ باقي مصاب
سُهاد وقفت مكانها تستوعب : وش قلت؟ ابوي بياخذك؟
فراس هز راسه بالايجاب
سُهاد : وين بيوديك؟
فراس بتفكير : اظنه قال بيت المزرعه
سُهاد بدهشه : وشووو بيت المزرعه؟؟؟
فراس هز رأسه بالايجاب: اي ليه متفاجئة كذا
سُهاد عضت على شفايفها : فيه اسد و لبوة وشبلهم وفيه نمر
فراس تجاهل حركاتها وضحك : بتخوفيني يعني
سُهاد هز رأسها بالنفي : صدق صدق ما امزح
فراس : يعني كانت صادقه !
سُهاد وهي تحسب الكلام موجهه لها : اجل ليش بكذب يعني .. دقيقه انت اتهمتني اني كذابه؟ اقطعها
فراس ضحك : لا لا مو قصدي انتي
سُهاد : وصلنا المزرعه دقيقه بس بشوف اذا فيه احد هنا
لما طلت وشافت مطلق ارتبكت
سُهاد همست بخوف : مطلق هنا تخبئ بين الاشجار وبروح عنده
فراس ارتبك اكثر : اجل بروح خلاص
سُهاد : لا خلك ابيك تعيش الارتباك ذا انا عشان ثاني مره ما تتبعني
فراس بابتسامه جانبية جلس بين الاشجار : روحي وبنتظرك
سُهاد ناظرت فيه باستحقار ومشت لاخوها
سُهاد : مطلق !
مطلق ابتسم : لبيه يا وحيدة قلبي
سُهاد : كذاب فيه ثنتين معي
مطلق استغرب : مين !
سُهاد ضحك : رشا وخلود جحدتهم؟
مطلق ضحك : لا عاد هم مكانه وانتي مكانه
سُهاد بدلع الاخت : مطلوقي
مطلق ضحك وهو عارف طلبها : لبيه
سُهاد : ابي احصد المزروع
مطلق : تم تعالي
حصدوا البرتقال ثم النعناع وعدد من الخضار وختموها بالشمندر
سُهاد ناظرت بمطلق : احنا ليش زرعنا شمندر
مطلق : وانا اخوتس مدري لقافه
سُهاد اخذت ثنتين : شكرًا اخوي العزيز استمتعت معك
وراحت
رجعت لفراس الي كان ينتظرها بين الاشجار
فراس جالس مسترخي
سُهاد شافته : ماشاءالله ناقصك مدرب يوغا
فراس فز : طولتي
سُهاد مدت له بالشمندر وهي تنتظر بالسماء : كنت احصد مع اخوي
فراس : ليه ما اخذتوني
سُهاد ناظرت فيه : ياخي انت كيف من وين جبت هالغباء
فراس ضحك : طيب ليش جايبه شمندر
سُهاد ناظرت فيه ببراءة : عندك انيميا وجبته
فراس ابتسم كعادته : بس ما احبه
سُهاد رمته عليه ومشت
فراس همس بصوته : تعالي ساعديني ابي اقوم رجليييي
سُهاد استحقرته: قوم لحالك ما بجي
...
بعد اسبوع من عودة فراس للرياض ، كانت المحاكمة الاخيرة .. المحاكمة التي يظهر فيها الفساد ويكمل فراس حياته كما كانت
هاشم بن عبدالعزيز : اسمحوا لي اقدم الدكتور النفسي المسؤول عن موكلي
القاضي: تفضل
الدكتور مجيد : تبعًا لحاله مريضي فراس الذي عانى من مرض وحيد لا غيره وهو الاضطراب الانفجاري المتقطع الذي يحدث في مدة مفاجئة ما بين 20- 30 دقيقه التي قد تحدث بشكل متكرر او تفصلها ايام وشهور و تشمل النوبات اللفظيه والعدوانية الجسدية وقد يؤذي صاحب هذا المرض نفسه بنسبه عالية ومن الاسباب الجينات الوراثية لدى مريضي
هاشم بن عبدالعزيز : والآن سيدي القاضي اجزم لك ان جميع التقارير التي جاءت من الطرف المتهم مزورة بشكل تام اتهموا موكلي بالتعاطي والادمان وانه يعاني من امراض اعتلاليه عقليه ونفسيه وبالامكان التأكد من الطبيب الذي منحتوه الحق في تأدية عمله على موكلي
الدكتور دخل : عرضوا علي رشوة سيدي القاضي
فراس التفت بصدمه
الدكتور : محامي المتهم عرض علي رشوة بتزوير التحاليل ووضع الاتهامات
فراس ابتسم ابتسامة جانبية وهمس : العب بخبثك يا ولد عبدالعزيز
هاشم بن عبدالعزيز : وقبلتها ؟
الدكتور : لا اكيد
القاضي : وكيف تم تزويرها ؟
الدكتور اخرج الاوراق من بذلته : لم يتم تزويرها الا عن طريق طبيب ثاني
هاشم بن عبدالعزيز : إذًا سيدي القاضي اطلب من المحكمة ان تنفذ الاحكام الشرعيه على المتهم المذنب انس حمد وينفذ حق وتسوية موكلي عما فعله به
حكمت المحكمة على المتهم انس بالسجن لـ 5 سنوات ثم اقامت الحد عليه لقتله عدد من الناس
لم يثبت على فراس اي تهمه ولكن شي تحرك فيه انه فعلا كان مريض بهالمرض
خرج الجميع من المحكمة فرح الا شخص ..
هاشم بن عبدالعزيز : فراس اعزمنا
فراس ابتسم وهو يفكر : تم تم
هاشم وقف : بوش تفكر ياورع
فراس : تخيلت لو نايف حضر هالجلسه وسمع بمرضي
هاشم : م قلت له؟
فراس هز رأسه بالنفي
هاشم : ليش؟
فراس : م ادري فيه شي ما يبيني اقول له
هاشم ناظر بجواله وشاف عدد المكالمات من ابو فراس
هاشم : اسمع انتظرني بالسياره بكلم شخص واجي
فراس ضحك : على اساس ما عرفت ان الشخص ابوي
...
بعد سنتين
في الديره ، الصباح الجميل المُبهر
رحبت فيه بابتسامه
سُهاد : دكتور فراس شلونك اليوم
فراس بادلها الابتسامه ومشى بجانبها : دكتور الله يا زين الكلمه منتس
سُهاد بعدت عنه شوي : لو شافونا الحين يوصل الخبر لعمك بسرعه اسرع من الحمام الزاجل
فراس ضحك : مرت ثلاث سنين واحنا نمشي جنب بعض محد درى
سُهاد فكرت : ممكن لان الجامعه بعيده عن القريه اميال بس بعد الاحتياط واجب
فراس اخذ كتابها : ما تلاحظين سوالفنا من ثلاث سنين بدون اي فايده ؟ ليش ما نسولف عن خطبتنا مثلًا
سُهاد ضحكت بسخريه : انت سووها اول ثم تكلم
فراس بكبرياء : واذا سويتها ؟
سُهاد مشت قدامه بغرور : برفضك
فراس : نشوف يا بنت بدر
سُهاد سمعته : اسمعك ترااااا
...
في الرياض
ملك تناظر بخاتمها : سدينوه
سدن : لبيه
ملك بتفكير : نايف ما يبي يشوفني ؟
سدن باستغراب : شدعوه اكيد يبي يشوفك
ملك بزعل : طيب ليش للحين ما طلب شوفه ولا حتى يشوفني لحاله
المى دخلت بعد ما سمعتهم : يا غبيه انتي تعرفين نايف كيف يستحي ويمكن حتى للحين مو مستوعب انه خطب ادميه
ملك ضحكت : وليش كل واحد منا بديرة
سدن : راح يشوف خويه الحلو .. قصدي ذا نقل لجامعتهم
المى : انا بروح اشوف امي
...
في مطعم بالديرة
اصيل مبتسم : اطلبي لي معتس
مياسين بعصبيه : واذا طلبت قلت اوف وش الذوق المخيس ذا اطلب لنفسك
اصيل ضحك بثقل وهو يتأملها : حتى وانتي معصبه احب اتأملك
مياسين تنحنحت : حبي ذا اول يوم بعد ملكتنا ابغى اكون مستحيه وما اسولف بس نرفزتك تجبرني اتراجع
اصيل سكت ورجع لقبل سنتين لاول لقاء
مياسين الي كانت تنزل شنطتها من السياره
اصيل مر : اساعدتس يالمغرورة؟
مياسين ناظرت فيه باشمئزاز : لا شكرًا
اصيل بعناد سحب الشنطة ودخلها البيت ومشى
مياسين : ملقوف
اصيل : والحين زواجنا بعد شهور ما اتخيل
مياسين تركت اكلها وناظرت بعيونه : زوجي العزيز اعتذر عن كل ما بدر مني وانا اعيش مراهقتي المتأخرة بسبب اخي العزيز واعتذر عن كل اساءة حدثت وبدرت مني وكنت اقصدها وشكرًا
اصيل ضحك بصوت جهوري
مياسين تسكته وهي تضحك : فضحتنا خلاص
اصيل مسك ضحكته : طيب كلي كلي ما عليك
...
بعد يومين وبعد الساعه 12 من اخر الليل
في ساحة السباقات
فراس ابتسم وربت على كتف نايف : انت قدها
نايف : ازهلني لو ما افوز واعزمكم واونسكم ماني نايف
فراس ضربه : قل ان شاء الله
نايف ضحك : ان شاء الله ان شاء لله
فراس : انتبه تكفى اي واحد يقرب منك ابعد على طول حتى لو بتخسر
نايف عطاه نظره : ترا الخسارة بتكون خسارتك انت مالي دخل
فراس ضحك : ازهلها بس انتبه
وبدأ السباق وبدأت المتعه
فراس يكلم نفسه : غريبه اصيل ما جا للحين
ثابت : تفكر في وش ؟
فراس ابتسم : ابد
تعدى نايف جميع السيارات حاصلًا المركز الاول
وفي لحظه .. انتهى الحلم ..
فاز ؟ بالاول ؟ طالما كان حلمه هل اخذها ؟
في لحظة وبفعل احد المتسابقين ارتطمت عجلته بعجله المتسابق حتى طارت سيارته .. معلنه توقف السباق ..
قلوب الجميع مذهوله الا قلب فراس الذي كان نبضه يتسارع اكثر فاكثر وكلما اقترب احس ان قلبه سينفجر
فراس اقترب بارتباك : لا لا لا لا نايف نايف نايف داخل داخلها داخل السياره داخلها
ثابت يهديه : اصبر اصبر الحين يطلعونه ان شاء الله سليم اصبر
فراس صرخ : لااااا لاااا ثابت ثابت محد يطلع سليم من حادث محد وينهم وينهم خلهم يطلعونه وينهم
الناس اجتمعت تساعد فراس في انه يطلع نايف قبل تحترق السياره
فراس سحب الباب بكل قوته : نايف نايف ساعدوني عاونوني
اخيرا انفتح وسحب نايف الي كان يلفظ اخر انفاسه
فراس جلس وحط راس نايف بحضنه واختلط بكاءه بصرخاته: نايف نايف اتصلوا على الاسعاف اي شي بسرعهههه
ثابت ارتبك : اتصلت اتصلت اتصلت
فراس قاس نبض نايف : نايف لا نايف
نايف ابتسم وعيونه تغورق : امي وملك امـ..
فراس يحاول يتنفس : لا تجهد نفسك اصبر ما بتروح
نايف شهق مبتسم : لا تفجعهم ولا
فراس ناظر للسماء يمسك دموعه : اصصص نايف اصصص لا لا تكفى
نايف بشهقاته المتواصلة : ولا تحزن قول لـ .. ( شهق ) لملك تعيش.. تعيش بعدي
فراس مع اختلاط بكاه بنحيبه: يالله لااا اوففف لااااا
نايف ابتسم واخذ يد فراس : مكتوبه .. لا .. تحزن
فراس يضرب راسه بيده الثانيه : الاسعاف وينهمممم وينهمممم
ثابت بكى : جاييين جايييننن
نايف عقد حواجبه تعبيرًا عن الالم : ماني .. متحسف
فراس : نايف تكفى
نايف : الا على .. تركي لك .. وحنا .. سوا ..
واغمض عينيه فور وصول الاسعاف ..
هل تعتقدون انه كان يعلم ؟ عن مدى الم فراس ؟ نعم الامر لم يكن بيده ولكن حديثه هذا مع فراس اوجع قلب صديقه ورفيقه وسعد ايامه هل تعتقدون ؟ لكم حرية التخيل في ما يحدث بداخل فراس وانهياراته .. وفي مدى الم نايف
في الاسعاف
فراس الي يناظر لنايف بصمت ويرفع يده الي تطيح كل شوي
المسعف : حاولنا يكون نبضه مستقر بس مستحيل يستقر في حالته هذي
فراس بهدوء : عطه انتر*****
المسعف : انت دكتور ؟
فراس سكت بصدمته
المسعف : هذا دواء ما يتوفر بالاسعافات بس المستشفيات
فراس صرخ عليه بعصبيه : اجل سو الي بيدك لا تخليه يروح
المسعف بلع ريقه : اهدأ اهدأ طيب
فراس حط يده على صدره وتحديدا مكان قلبه وتغيرت ملامح وجهه من الالم
المسعف لاحظ : شفيك
فراس هز رأسه بـ ولا شي
المسعف : قلبك ؟ قلبك صح ؟
والتفت المسعف لسائق سيارة الاسعاف : ورع عجل بسرعة الاثنين يحتاجون مستشفى كلم الطوارئ ارسل تجهيز ملفات الاول نايف حاتم حادث والثاني
التفت المسعف على فراس : شسمك
فراس يواجه الالم : ماهو بضروري
المسعف : شسمك
فراس استسلم للالم : فراس فراس عبدالكريم
المسعف لصاحبه : فراس عبدالكريم تشخصي اعتقد انها ذبحة صدرية