risen | jeno [on hiatus]

23 | Game

ХЭСЭГЛЭЛ ХОРИН ГУРАВ:
ТОГЛООМ

❝ ЗАНГИЛААГ ТАЙЛАХ ҮЕД ХЭДИЙН БҮГД ОРОЙТСОН
БАЙХ БОЛНО ❞

──────────

Жэнугийн ард хэн нэгний ирэх хөлийн чимээ сонсогдоход тэрээр яг л ирэхийг нь хүлээж байсан юм шиг удаанаар эргэж харлаа. Жэну чимээгүй гэгч нь нэг хөмсгөө өргөн харах бол Ёрүм энд яг л эцсийг нь үзэхээр ирсэн мэт шийдэмгий харцаар харах аж.

- Тэгээд? Энд миний царайг харах гэж ирсэн юм уу?

Жэну ингэж хэлээд гараа элгэндээ авахдаа ард нь байх хаягдсан ширээг тулав.

- Хэзээ болих юм?

Ёрүмийг гэнэт асуухад Жэну гайхахдаа толгойгоо бага зэрэг гилжийлгэлээ. Тэгээд юу ч дуугаралгүй тайлбар хүлээх мэт нууцлаг харцаар ширтэж эхлэхэд Ёрүм нэг урт амьсгаа авчхаад ам нээв.

- Би яг юу хийсэн болоод надад ингэж хандаад байгааг чинь ойлгохгүй байна. Хэрвээ тэр явдлаас болсон бол.. би хэнд ч, юу ч хэлээгүй. Яагаад-

- Чи юу яриад байгаа юм?

Жэнугийн нүүрэнд жуумалзал тодрох нь тэр. Тэгээд тэр элгэндээ авсан гараа өмднийхөө халаасанд хийв.

- Би чамд юу хийсэн гэж? Намайг гэж яаж мэдэж байгаа юм? Яагаад ямар ч нотолгоогүй зүйл яриад байгаа юм?

Ёрүм түүнийг юу ч мэдэхгүй дүр эсгэж байгаад нь гайхсан ч гэлээ түүнтэй ярьж буй хүн нь И Жэну шүү дээ. Ёрүм ийм зүйл болохыг мэдэж байлаа.

Ёрүмд мэдээж түүнийг ард нь байгаа гэсэн нотолгоо байхгүй хэдий ч тэр энэ бүхний ард Жэнуг байгаа гэдэгт бат итгэлтэй зогссоор байв. Магадгүй Ёрүмд өс санасан өөр хэн нэгэн ийм зүйл хийж болох ч гэсэн Жу Чэюүнийг удирдаж чадах хүн И Жэнугаас өөр байхгүй. Чэюүн хэзээ ч хүний үгээр үйлдэл хийдэггүй төдийгүй зөвхөн өөрийнхөө зөв гэж бодсоныг л хийдэг ба харин тэр нь бусдыг дээрэлхэх биш. Тэр аав ээжийнхээ бахархал болсон, сурлага хүмүүжлээрээ нэртэй охин байсан. Тиймээс л Ёрүмийн хувьд байж болох хамгийн зөв хариулт нь зөвхөн Жэну л байсан юм.