لعنة الحظ (ارض الشمس)

♡الفصل 10♡

بعد الاجتماع والعائله متجمعه فى مكان واحد:
ـ اه يامنيله كان زماننا دلوقتى كلنا برة
ـ اعمل ايه يعنى يماما كنت اسيب جاسر يموت
ـ لا بس كنا نروح احسن عقلريوم واكيوچ احسن بكتير من اللى هنعملوا دلوقتى
ـ ماما انا من غير حاجه كنت هرجع العيال لامهم
ـ طب وهنعمل ايه يافلحوسه
ـ انا جاتلى فكرة بس كلكم ركزوا معايا
ياسين بسخريه:
ـ اكيد هتقولى فكرة من ايام الفراعنه
قالت رنا:
ـ ايام فراعنه ايه بس يا اهبل
ـ فى ايه يارنا بتشتمينى ليه
ـ اسكت خلينا نسمع الاستاذة
قالت سهام بابتسامه:
ـ ربنا يخليكى يارنا
ـ دى ممكن تقول فكرة من ايام الجاهليه
ـ بت انتى اخرسى منك ليه ايه دة الواحد مش هيعرف يقول حاجه كدة
ياسين ورنا:
ـ خلاص كملى
ـ استغفر الله  المهم ياجماعه الفكرة هى ان احنا هنصالح العيال مع بعض الاول وبعدين هنصالحهم مع امهم
ـ ازاى
ـ شوف يجاسر احنا مثلا هنجيب رسايل مكتوب فيها رسايل صلح وحب بين الاخوة وكدة يعنى
ـ ومين هيعمل كدة
ـ انتى يادلوعه يا رنا
ـ حاضر
ـ المهم الرسايل دى هنبعتها ليهم كلهم
ـ وبعدين
ـ وبعدين هم هيفتكروا ان مثلاً اخوهم الكبير عايز يصالحهم وبعدين هتلاقيهم راحوا لاخوهم وعشان هو بيحبهم هيصالحهم
عمرو بفخر من اجل تفكير ابنته:
ـ تمام يابنتى بس ينفع دلوقتى توزعى المهام
ـ ماشى بس الاول الملكه كانت عايزة تدينا شويه ادوات هتنفعنا فى الرحله
رنا بفرح:
ـ هنبقى زي الجواسيس
ـ يخربيتك هتكبرى امتى
ـ بكرة ان شاء الله
جاسر:
ـ او لما تتجوز
ـ دة فى احلامك
ـ ايه
ـ فى ايه يابنى
ـ احمدك يارب البت مبقتش تتخبل اول لما تشوفنى
ـ طب يلا ياخويا نشوف الملكه عايزة ايه
ـ نعم يافندم
قالها وهو يقلد العسكرى
الملكه بصوت فرح ولأول مرة:
ـ اولا انا عايزة اشكركم كلكوا عشان هتخدمونى الخدمه الجليله دى ثانيا انا قررت اديكوا شويه ادوات مهمه جدا ومش بيستخدمها غير الجواسيس بس و اللى هيعرفكم على الادوات دى هو
سهام فى سرها:
ـ دراعى اليمين رامى
وبالفعل قالت الملكه:
ـ دراعى اليمين رامى
وسهام تضحك فى نفسها ورامى ينظر لها باستغراب على ضحكاتها الخافته تلك
ـ احم احم انا هوريكم شوية ادوات مهمين لدخول قلعه دريميول وهما
1- اهمهم هو القناع اللى بيحجز الريحه وفنفس الوقت مش بيبين انك لابس حاجه عشان بيلزق على الوش وشفاف اكيد

2- شوفو دى ممكن تستخدموها هناك مثلا  بس هى اصلا هتفضل معاكم هديه من الملكه وهى الخنجر دة  والخنجر دة مصنوع خصوصى عشان عمو عمرو  المهم الخنجر دة بيعمل اللى انت عايزة بس لازما تحركه بحركات معينه
ـ ازاى يبنى
ـ اعملو علامه الزائد بس
ـ تمام
ـ دة كدة الادوات بتاعه دريميول ادوات اكيوچ بقى هى
1- المصاصه دى عبارة عن سلاح سرى يعنى هى مش بتطلع ليزر مثلا لا دى بتخلى اللى يشمها او ياكلها يغمى عليه وممكن تستخدموها هناك

2- ودة بقى هديتين من الملكه لرنا وياسين
رنا بفرحه تشبه فرحه الاطفال:
ـ بجد طب متنساش تتوصى بيا وتدينى الاحلى
ـ الملكه هى اللى اختارت لكل واحد فيكم هياخد ايه
ـ خلاص اي حاجه من الملكه العسل هقبلها
ـ المهم الهديه بتاعت رنا هتبقى السلسله دى
ـ ودى بتهبب ايه يعنى ايه دة بقى انا زعلانه بقى تدى الحج ابويا خنجر بأمانى وانا تدينى سلسله معفنه من ام خمسه جنيه اللى عند خميس البقال
ـ انا هكمل ومش هرد عليكى دة انتى متعرفيش يا خايبه فايدتها ايه
ـ فايدتها ايه يخويا
ـ دى بتشفى اي حد بيلبسها
ـ وانتو شايفينى مكسحه مثلاً علفكرة انا صحتى فُله
ـ اومال كنتى عايزة ايه
ـ انا كنت عايزة مثلا حاجه تخلينى اروح فى المكان اللى انا عايزاه انا عايزة حاجات سحريه
ـ اومال دى ايه مهلبيه
ـ خلاص بقى انا هقبلها وامرى لله  بس كان المفروض تعملوا مجهود اكبر يعنى
ـ ابعدوا البت دى يإما هديها بالشبشب
ـ امشى يا بت  ها قولى انا بقى هديتى ايه
ـ انت هتاخد الكورة دى
ـ انت عايزنى ابقى لعيب كورة ولا ايه البت رنا معاها حق انتوا محتاجين تعملوا مجهود فى الهدايا.. ايه دة
ـ هو انتوا ليه مش بتخلونى اكمل ام كلامى انا زهقت والله لخلى سهام تيجى تقف مكانى
ـ لا خلاص مش هقاطعك تانى
سهام بإستغراب:
ـ ايه يا ابنى هو انا بعبع ولا ايه
ـ انا متكلمتش والله
ـ بس يواد انت اسكت
ـ فى ايه ياسهام
ـ مفيش
ـ اومال مالك كدة يعنى ساكته
ـ مستنيه هديتى
ـ هتاخديها قريب اوى
ـ قصدك ايه
دولت بتدخل:
ـ ايه ياولاد كدة استهدو بالله وكمل يا رامى والبت سهام هتقعد تسمع انت بتقول ايه
ـ ماشى.... المهم ان الكورة دى لما ياسين بيمسكها وطبعا عشان فى ايده هو بس القوة بتاعت الكورة بتظهر
ـ هبقى محمد صلاح يعنى
ـ مش للدرجة دى بس انت لما تمسكها بإيدك او تلمسها عموما يعنى تقدر تحولها لأي حاجه انت عايزها
ـ زي ايه
ـ ممكن تخليها سائل، شخص،  اى حاجه تخطر فى بالك
ـ كمل
ـ وكمان ممكن تخليها مسمومه بحيث لو لمست اي حد غيرك يموت
ـ وبعدين
ـ بس كدة ومبروك عليك ياسيدى الكورة دى كانت ملك قائد عقلريوم حاليا
ـ واااو كويس
ـ طب انا هسيبك فى دهشتك دى وهقول ادوات عقلريوم وهى:
1- القلم السحرى دة ومعاه الكتاب دة وممكن يكتب بيه فى أي كتاب عادى
ـ ودة هنكتب فيه مذكراتنا اليوميه مثلا
ـ لا ياظريفه هتكتبوا فى اي حاجه عايزينها تبقى موجودة قدامكم
ـ  اه فهمت كمل كمل
ـ تانى اداه هى ملك  الهانم الاستاذة سهام اللى معرفش ليه الملكه اختارتلها القوة دى
ـ دة انت منفسن اوى انا عمرى شوفت كدة
ـ بت والله هسرقها واغور فى ستين داهيه
ـ خلاص قولها طيب وانا هسكت اهو
ـ الحاجه اللى انا منفسن عليها زي ما سهام بتقول هى الخاتم دة
ـ كل دة عشان خاتم دة انا اجبلك احسن خاتم رجالى من عند عمو خميس البقال بردو
ـ انا اتأكدت ان انتوا اخوات فعلاً
ـ كمل عشان عايزة اعرف خاتمى ماله
ـ خاتمك ياستى بيخليكى تتحكمى فى العناصر الاربعه
ـ اللى هما
ـ لا كدة كتير ازاى متعرفيهمش 
ـ عادى
ـ خلاص امرى لله وهقولك العناصر دى اللى هى الارض والميه والهوا والنار
ـ امممممم هبقى اڤاتار يعنى
ـ حاجه زي كدة بس مينفعش تستخدميه غير لما تثبتى للخاتم انك تستحقيه
ـ هو انا رايحه اخطبه لمؤاخذة ولا عشان خاتم يعنى
ـ هى اسطورته كدة
ـ تمام هحاول قد اما اقدر
ـ طيب ربنا معاكم دلوقتى وصحيح مش سهام قالت انها هتوزعكم
ـ اه صح و كمان عايزة اقولكم ان الكبار مش هييجو معانا الشباب بس هما اللى هيروحوا
عمرو بتذمر:
ـ بس احنا نعرف اكتر منكم
ـ معلش يبابا بس انا خايفه عليكم كلكم بس متقلقوش وانا بقابل الملكه هى ادتنى البلورة دى والبلورة دى بتعمل حاجتين وهما انها بتتجسس على اي حد وتانى حاجه هى انها  ممكن تتصل على اي حد وتخلى الواحد يظهر كله قدام اللى عايزه
رنا:
ـ زي بتوع الفضاء كدة
ـ اه ممكن تقولى كدة ودلوقتى انتوا هتقعدوا هنا وتتجسسوا على القلاع وتدولنا معلومات
ـ ماشى يابنتى
ـ احم احم بالنسبه بقى للمهام ف رنا وجاسر هيروحوا اكيوچ
عمرو باعتراض:
ـ لا مينفعش يا سهام
ـ بابا انا بقول كدة عشان اول حاجه جاسر لسه تأثير السم مراحش وكمان رنا عندها سلسله الشفا صح ولا غلط
ـ صح بس هما حتى متخطبوش
ـ انا واثقه فى جاسر
ـ خلاص بس انا كدة كدة اصلاً هتجسس عليهم
جاسر بقلق:
ـ جرا ايه ياعمى بتبصلى كدة ليه والله ما هكلمها فى السكه اصلاً
ـ لا كلمها عادى بس انا اصلاً هتجسس عليكم فاهم
ـ فاهم فاهم وبعدين اشمعنا انا وعيلتى مخدناش هدايا
رامى بتذكر:
ـ اه صحيح شوف الهديه بتاعتكم هتاخدوها لما ترجعوا
جاسر بشك:
ـ بجد
سهام بعصبيه:
ـ هو انا مش بعرف اقول كلمتين على بعض.. ايه دة!!! خلونى اكمل وبعدين اسبهالكوا واغور ايه دة
ـ خلاص يا ست الكل كملى
ـ ست الكل ايه شايفنى عجوزة
ـ خلاص بقى
ـ طيب شوفوا  ياسين وواحد من مساعدين الملكه المخلصين واسمو هو حازم هيروحو قلعه عقلريوم
حازم وهو يدخل وقع لأنه تأخر:
ـ اااه ياضهرى اااه
ياسين وهو يمسك يده:
ـ ايه يباشا خلى بالك من نفسك
ـ احم احم انا اسمى الجندى حازم
الكل يضحك عليه لأنه كان يبدو عليه الغباء ويشبه ياسين قليلا:
ـ الله اكبر انا اختيارى ناجح الحمدلله الاتنين زي بعض والاتنين هبل ورايحين قلعة الذكاء
ـ هههههه اه والله ياسهام معاكى حق
ـ بت اسكتى دلوقتى عايزة اكمل احسن حته هقولها اصلا
رنا وهى تهمس لها:
ـ ايه هتاخديه معاكى ولا ايه
ـ بس يابت اسمعى وانتى ساكته
وبصوت عالى:
ـ اكيد القلعه اللى هتتبقى هى دريميول وانا هروحها لوحدى ودة قرار نهائى عشان انا المسؤوله عن اللى بيحصل دلوقتى يبقى انا استحق اروح اخطر قلعه ولوحدى كمان
دولت بصراخ:
ـ يالهوى البت بتنتحر يالهوى
ـ فى ايه يماما دة بدل ما تدعمينى
ـ ادعمك ايه ياروح امك ادعمك ايه .... ادعمك على الانتحار ياكلبه
ـ ايه امهات اليومين دول  ... خلاص ياستى مين اللى انتى ترضى عليه انه يروح معايا ينتحر برضو
ـ رامى
ـ ليه ان شاء الله انا مش مستغنى عن حياتى
سهام وكأنها تذله:
ـ لا هتروح  عشان ماما اختارت
ـ ماشى والله لربيكى اهدى بس كدة ببتحامى فامك
ـ مالها امها يعنى
ـ زي الفل ياست الكل
ـ ايوة كدة يلا حبايبى ربنا معاكو ... وهات ياعمرو البلورة اللى فى ايدك دى عشان همسكها انا
عمرو وهو يجرى منها:
ـ لاااا انا اللى هاخدها عشان اتجسس على جاسر
ـ لا ياحبيبى انا اللى هاخدها عشان اشوف سهام
ياسين بحزن:
ـ ومحدش عايز ياخدها عشان يشوفنى
ـ بس يواد دول اكتر ناس هنعوز نشوفهم اصلا
ـ ماشى يماما
ـ لا يحبيب ماما هبقى اشوفك من وقت للتانى
ـ ماشى يا حبيبتى 
ـ سلام ياقلبى هروح بس اجرى ورا ابوك عشان اخدها
ـ سلام
رنا باستهزاء:
ـ عصافير كنارى الله اكبر
ـ بس يابت
ـ يلا بقى يجماعه الملكه حضرت اللازم عشاننا يلا دلوقتى

هكذا بدأت رحله تم تخطيطها لمدة يومين كاملين وسنرى ما سيفعلوه ابطالنا العظماء

꧁نهايه الفصل العاشر꧂