سهام وهى تدق الباب:
ـ يا ناس ياللى هنا ياجماعه ياعالم
ـ فى اي يابنتى هو انتى بتخبطى على مخزن ولا على بيت ناس محترمين
ـ ايه يعنى
ـ بت ابعدى اكيد اللى جوا خافو منك اصلا
ـ طب ياخويا خبط انت ياعم
ـ ماشى
رامى بكل حنيه وبلطف جعل سهام تضحك بكثرة:
ـ يا هنا يا حبيبتى افتحى الباب انا اخوكى رامى
ـ ههههههههههههههه انا مش مصدقه ههههههههههههههه انا هموت من الضحك ايه دة يابنى دة انت طلعت نحنوح اووى
ـ بت اخرسى
هنا وهى تفتح الباب ببطء وخوف:
ـ رامى
رامى وهو يحمل اخته الصغيرة:
ـ نعم يا حبيبه رامى
ـ مين دى
ـ انا سهام يا قلبى تعالى ف حضنى يابت دة انا ابقى بنت عمك
رامى ينظر لسهام نظرة مرعبه وهنا ادخلت رأسها فى حضن اخيها من الخوف
ـ ايه دة هى خوافه كدة ليه هو انا شكلى بيخوف
ـ ادخلى ياسهام وانتى ساكته اصلها مش متعودة ان حد يدخل غيرى انا وباباها
ـ ومامتها
ـ لا امى ماتت من ساعة ما ولدتها
سهام بحزن:
ـ بجد
ـ اه يلا ادخلى يابنت عمى
ـ حاضر
دخلت سهام الى بيت عمها إن البيت بسيط ولكن جميل وذهبت لتجلس على الكرسى الذى يجلس عليه رامى دائما
ـ قومى ياسهام
ـ ليه
ـ ملقيتيش غير الكرسى بتاعى
ـ ليه هو مكتوب عليه اسمك
ـ لا بس انا بقعد عليه دايما
ـ روح اقعد على كرسى تانى انا استريحت هنا على الكرسى دة بالذات
رامى بضيق:
ـ ماشى ياسهام ماشى
ـ رامى
ـ نعم ياقلب رامى
ـ ياسبحان الله الواد اتقلب عالآخر
ـ اسكتى ياسهام سيبينى اكلم اختى
ـ حاضر
ـ عايزة ايه ياقلبى
ـ ينفع اروح اقعد مع سهام
سهام بفرحه:
ـ اكيييد
ـ بت انتى انا كلمتك
ـ رامى هو انت بقيت تتكلم كدة ليه
ـ معرفش والله يا هنا اصل سهام عدِتنى
ـ يعنى مروحش معاها
ـ لا اقعدى معاها شويه وبعدين ابقى تعالى ونشوف هتتعدى انتى كمان ولا لا
هنا بإبتسامه:
ـ شكرا يارامى
رامى وهو سعيد بفرحه اخته الوحيدة:
ـ يلا حبيبتى روحى انتى لسهام دلوقتى وانا هروح اجيب بابا وجاى ماشى
ـ خلاص ياخويا منك ليها ايه دة عمالين تتكلمو نص ساعه وشكلكوا كدة عامل شبه قناه سبيستون مسلسل انا واخى ياجماعه خلاص فهمت انكم بتحبو بعض خلاااص
رامى بضحكه خفيفه وهو يقف لكى يذهب لأباه:
ـ والله انتى بتضحكى بس لسانك طويل اوى
ذهب رامى وهو يقبل جبين اخته هنا
ـ يا هنا تعالى متتكسفيش
ـ اتكسف من ايه ياحيلتها انتى ياستى خليكى قاعدة لغايه لما ابويا ييجى
فى هذه اللحظه نزلت الصاعقه على سهام وهى ترى هنا وهى تتغير بهذه الطريقه
ـ العيله دى كلها بوشين والله ايه دة يابنتى احييه عليكى دة انا اللى هتأثر بيكى مش العكس دة انا بالنسبالك طفلة صغيرة
ـ ايه يا حجه انتى عماله ترغى بقالك عشر دقايق فى ايه
سهام وهى تقلد مربوحة:
ـ ياعوض ودونى الورشه
ـ ايه يا بنتى مش عارفه تقلدى كمان
ـ بت دة انا سهام شرانيه اوعى منى مفهوم دة انا الكليه كلها كانت بتترعب منى ولما ييجوا يسمعوا اسمى يطلعوا يجروا فاهمانى
هنا وهى تمثل البكاء:
ـ انتى بتعملى معايا كدة ليه.... يا رامى
ـ فى ايه ياسهام انتى بتعاملى اختى كدة ليه
ـ اختك مين يابا دة البت براويه ومحدش يقدر عليا يابنى البت حالتها خطيرة خالص
ـ انتى بتقولى ايه
ـ البت اختك طلعت اسوء منى شخصيا
ـ تانى يا هنا بتعملى كدة اخص عليكى مش قلنا تبقى محترمه وبنت ناس
ـ بس يارامى
ـ اخص عليكى انا زعلان منك
ـ فى ايه هى معملتش حاجه غلط هى بس كلمتنى وعاملتنى بطريقه تانيه غير لما بتيجى تعاملك انت عشان انت متزعلش منها وعاملتنى انا كدة عشان احنا الاتنين نفس الطريقه فحاولت هى تعاملنى بطريقتى
ـ بس بردو مينفعش تتعامل كدة مع واحدة غ...
ـ انت كنت هتقول غريبه
ـ اه
ـ انا مش غريبه على فكرة
ـ خلاص يا ولاد فى ايه وبعدين يارامى مش انا قلتلك سيب اختك بطبيعتها
ـ ماشى يبابا
ـ بابا انت جيت
راحت هنا فى حضن اباها واباها وائل يحضنها بحب ويتركها ويقول لسهام:
ـ ازيك يا سهام يا حبيبتى اخيرا جيتى
ـ اسمك ايه ياعمو
ـ ههه اسمى وائل يابنتى
ـ هو ليه اسامى العيله دى غريبه كدة خصوصا الولاد
ـ بتقولى حاجه ياسهام يابنتى
ـ انا بقول اسمك جميل ياعمو وائل
ـ اه فعلا واخويا عامل ايه وهو فين دلوقتى
ـ هو عند الملكه وبيتكلمو كلام سر تقريبا
ـ وامك معاه ولا ايه عشان لو عرفت انو مع الملكه لوحدهم هتموت
ـ لا ياعمو متقلقش معاه بس تصدق انا عرفت ليه كانت داخله كدة وخُلقها فى مناخرها
ـ هههه انتى هتقوليلى على امك دى رهيبه دة حتى كمان انتى متعرفيش هى عملت ايه زمان
سهام وهى تحاول ان توقع عمها فى الكلام ليحكى لها ما حدث:
ـ عملت ايه ياعمو
ـ شوفى هى اول لما وصلت هناك.... ااااه يابنت الايه انتى عايزة توقعينى فى الكلام يافلحوسه
سهام بإنكار:
ـ انااا لا طبعا
وائل وقد كان جادا:
ـ المهم دلوقتي انا هروح عند الملكه وانتى ورامى حاولوا تلاقو عشبه مناسبه لجاسر
ـ انت عرفت منين
ـ رامى حكالى كل حاجه
ـ ماشى ياعمو
ـ يلا سلام دلوقتى ومتنسوش تاخدو معاكم هنا
ـ ماشى
خ
رج وائل وهو معتمد على سهام ورامى
ـ يا رامى
ـ نعم ياسهام
ـ يلا بينا عالمشفى اللى عند جاسر ونراجع تانى العشبه فيها ايه
ـ ماشى يلا بس مش هناخد البت هنا
ـ لا يابا هاجى غصب عنك زي ما بابا قال
ـ بس يابت هتقعدى
ـ لا هاجى معاكم عشان عيب تبقوا لوحدكم كدة
ـ ههههههه
ـ بتضحكى على ايه
ـ البت اختك دى فظيعه هههه بقى انا هبص على الواد دة هههههه
ـ ليه إن شاء الله شايفانى مكسح
ـ لا بس انا لسه عارفاك دلوقتى اصلا
ـ انا اصلا اللى مش هبص عليكى انتى
ـ ليه يابابا دة انا جمال واخلاق وادب
رامى بتعجب:
ـ ادب! لا واخلاق كمان ينهر ازرق
ـ ياجماعه بطلو خناق انا هاجى معاكم وانا ساكته ماشى
الاثنان فى نفس واحد:
ـ ماشى
فى ارض عقلريوم:
ـ يا ماجد انا تعبت يلا نستريح شويه دة انا منمتش من امبارح
ـ معاكى حق ياسوسن بس احنا قربنا نعدى
ـ ايوة ياطنط سوسن قربنا نوصل اهو
ـ ماشى ياحبيب طنط انا هكمل
ـ انا بقول نستريح
ـ لا يارنا احنا هنكمل زي ما ياسين قال
رنا فى سرها:
ـ هو بيعملهم عمل ولا ايه
ـ بقولك ايه يا ياسين يا حبيبى
ـ نعم يا طنط
ـ ايه رأيك فى فريدة بنتى
ماجد وهو يهمس لسوسن:
ـ مش وقته يا سوسن مش عشان انتى مدلوقه عالواد كدة يبقى تديه لبنتك المفروض هو اللى يسأل عنها ويتقدم مترخصيش بنتك كدة
ـ خلاص بقى انا سألته متكسفنيش
فى نفس الوقت رنا كانت تهمس لياسين:
ـ ايوة بقى ياعم فرصتك احكى براحتك وقول شعر بس متزودهاش عشان ابوها واقف ها
ـ ياستى اسكتى بس انتى
ـ براحتك
قاطع الهمس كله كلام ياسين:
ـ انا الصراحه ياطنط هرد على سؤالك لما نرجع البيت
ـ بس قول رأيك بس يعنى
ـ هى سلعه لمؤاخذة يعنى يا طنط انا قولت هرد عليكى بعدين
ـ ماشى يابنى براحتك
رنا وهى تهمس لأخوها:
ـ ايه دة يابنى انت غبى مش كان لازم تعترف باللى جواك
ـ دة انتى اللى اغبى يا غبيه انا عملت كدة عشان اعلى فى نظر ابوها وعشان هى فعلا مش بضاعه تعجبنى او لا
ـ ايوا بقى يا ياسين بقيت تمام فى حقوق المرأه
ـ الله اكبر يابنتى
قال جملته وهو يخمس فى وجهها
ـ يا ولاد مقولتوش هتنسو ايه
ـ انا هنسى موقف غريب حصلى
ـ ايه هو
ـ اصل الصراحه ياطنط انا اتخانقت مع واحدة صحبتى ومش عايزة اكمل الموقف عشان فى حاجات تانيه حصلت يعنى انا عايزة انساها ولو قولتها وسمعنى اللى جنبى دة هيفكرنى تانى
ـ اممم طب وانت يا ياسين
ـ انا هنسى موقف كدة مع عيال كلاب اعرفهم يعنى
ـ ماشى يابنى
خرج ماجد وسوسن بكل سهوله اما رنا وياسين فظلو هناك وهم يحاولون ان يذهبو للجهه الاخرى ويسمعون صوت سوسن وهى تقول لهم ان يتذكروا الذى حدث فتذكر الاثنين ما حدث لهم وبعدها خرجو ببطء وصعوبه
ـ اخييرا عديت
ـ ااه يختى والله حاسس ان راسى وجعانى
ـ معلش يا عيال معلش
ـ الله ايه المكان الجميل دة
ـ اه يابنى بيفكرنى بالملوخيه
ـ هههههه بقى ملوكيوم بقى اسمها ملوخيه هههههه
ـ ايه ياسوسن يا حبيبتى هتموتى من الضحك بطلى
ـ تصدقى يارنا امك قالت انها زى الملوخيه بردو
ـ بجد
ـ اه يلا بينا دلوقتى
ـ يلا
꧁نهايه الفصل السابع وبدايه رحله جديدة꧂
أنت تقرأ
لعنة الحظ (ارض الشمس)
عاطفيةلمحة لطيفة عن الرواية: رواية خيالية بلمسة واقعية و كأنك تشعر أن هذا الخيال حقيقى. ملحوظة مهمة: لن تشعر بها إلا إن تغلغلت بأجزائها الأحداث ستصبح أعمق و أروع. الرواية ما زالت(قيد التعديل) لكن إن قرأتها فلا بأس تكفينى عيونك الحلوة التى ستقرأ و تن...
