تامر وهو يذهب مع جاسر امام غرفه سارة و بعد ما اذنت له سارة بالدخول دخل هو وجاسر و قال تامر:
ـ ازيك يا سارة وحشتينى عامله ايه
ـ الحمدلله ياتامر انا كويسه انت عامل ايه
ـ جماعه انا بقول تطمنوا على بعض بعدين اصل انا ورنا هنخرج سوا
رنا باستغراب:
ـ هنخرج فين
ـ هتعرفى
ذهبت رنا مع جاسر بينما تامر كان مع عائلته وهو سعيد بابنته لارا الصغيرة ولكن بعدما خرجت رنا وجاسر قالت له فجأة:
ـ هو فى ايه
ـ مفيش بس احنا لازماً نتقابل عشان نعرف هننفذ الخطه ازاى وانتى قاعدة مع الملكه من الصبح
قالت رنا بتوتر:
ـ انااا...
ـ انتى ايه يخربيتك
ـ انا قولت..
ـ قولتى ايه
ـ قولت لل..
ـ بت انجزى انتى بترعبينى هو انتى قولتى للملكه حاجه صح انا عارفك رغايه الله يسامحك
ـ انا قولت للملكه كل حاجه
ـ يالهووووووى
ـ ايه
ـ تلاقيها هتقول لجوزها دلوقتى و هنتفضح و بعد ما كان بيثق فيا هيقتلنى و اكيد هيقتلنى بحاجه حديثه هيخترعهالى مخصوص
ـ لا متقلقش هى مش هتقول حاجه
ـ انتى بتقوليلها ليه
ـ هى اللى كانت..
ـ متكمليش.. كل اعذارك مرفوضه انتى رغايه وبتحبى تفضحى
الناس وخلاص.... بجد انتى فظيعه
ـ انت بتكلمنى كدة ليه
ـ انا كنت متعصب
قالت له رنا وهى تمشى بعيدا عنه:
ـ خليك متعصب على نفسك يخويا
ـ انتى رايحه فين
لم يتركها جاسر تبتعد عنه فركض خلفها بخطوات سريعه وامسك يدها ليوقفها فى مكان بعيد وقال لها:
ـ مش وقته تزعلى دلوقتى احنا دلوقتى فى مهمه
ـ ابعد عنى
ـ يا رنا مكانش قصدى انتى اللى عصبتينى
لم تستطع رنا ان تتكلم بسبب ضوء الاتصال فقال عمرو بنصر:
ـ انا قفشتك وانت بتمسك ايد بنتى
ترك جاسر يد رنا بسرعه وقال له:
ـ عمى هو حضرتك اتصلت ليه
قاطعتهم دولت وهى تقول:
ـ مش هتتخانقوا نص ساعه على ايد البت خلاص منك ليه احنا اتصلنا بيكم عشان هنلغى المهمه
ـ اييه
ـ سهام بنتى قالت مهمه تانيه بعد اما عرفت المستجدات اللى احنا هنحكيلكم عليها وهنقول بعديها هتعملوا ايه
حكت دولت لرنا وجاسر ما حكاه عمرو لسهام ورامى وبعدما حكت لهم كل شيء قالت رنا:
ـ الوليه دى متستحقش عيالها يرجعولها و خصوصاً زين و المفروض نقتلها
ـ الله ينور عليكى بس احنا مش هنعمل كدة و هنحاول قد ما نقدر ان الموضوع ميبقاش فيه قتل ودم وقرف
ـ طب و ايه هى الخطه ياست الكل
ـ الخطه هى ان انتوا هتحكوا للملك عن كل حاجه ودة هيحصل فى كله
ما عدا زين عشان جنى بس هى اللى هتقوله و بعد يومين لسه.. اما بقى شهد وفريدة هيروحوا القلعه المهجورة و انتوا هتخططوا مع تامر ازاى تدخلوا قلعه ملوكيوم عشان القلعه دى مينفعش تبقى مع الملكه اللى معدلتش فى ارضها هى بتعدل بين الناس بس مش عادله مع نفسها
و المفروض تموت اصلاً بس احنا هناخد منها القلعه بس و لو عيالها عايزينها ياخدوها ويسامحوها لكن هى مش الملكه من بعد اليوم مفهوم
ـ مفهوم
ـ وسهام ورامى هيحاولوا يتقربوا من زين بأي شكل او عالأقل يخططوا مع جنى ازاى زين يثق فيها اكتر عشان رامى بيقول إنه بيعاملها كويس و كدة و احنا طبعاً هنراقبكم ونجبلكم اخبار بس لازما دلوقتى تقولوا للملك عشان لو مكتشفش الحقيقه منكم هتبقوا نزلتوا فى نظره اوى
ـ سلام دلوقتى و ان شاء الله الخطه تكمل
ـ سلام يا ابنى
ـ سلام
بعدها اغلقت دولت الاتصال وقالت رنا لجاسر:
ـ انا مش هتجوزك و زعلانه منك و انا بقولك دلوقتى عشان تبقى
عارف يعنى... زائد بقى كمان انى هكلمك و اقبل ابص فى وشك لغايه لما نخلص مهمتنا الهباب دى
ـ و يرضيكى تزعلى جسورة
ـ اه يرضينى ويريحنى اووى
ـ بقى كدة
ـ اه هو كدة
ـ ماشى يا رنا
ـ ماشى يا جاسر
ذهب الإثنان إلى غرفه الملك وعندما دخلا قال جاسر:
ـ.......
أنت تقرأ
لعنة الحظ (ارض الشمس)
Romanceلمحة لطيفة عن الرواية: رواية خيالية بلمسة واقعية و كأنك تشعر أن هذا الخيال حقيقى. ملحوظة مهمة: لن تشعر بها إلا إن تغلغلت بأجزائها الأحداث ستصبح أعمق و أروع. الرواية ما زالت(قيد التعديل) لكن إن قرأتها فلا بأس تكفينى عيونك الحلوة التى ستقرأ و تن...
