#السجيـن
بـ قلـم الكاتبـة : فاطمـــة مُســـلم
وين ألگاك ؟
يَ الموصوف اليه
وآنه الك موصوف
يَ الفرگاك غربة
وكلشي ما مألـوف
آنه بلياك مدري شبيه ما بيه
زلف وبلايّه ترچيـه
درب ما بيه كل جيّه
نهر فاض وتبع ميّه
رجع بس ما لگاله جروف
كـون تشـوف
روحي شخلّه بيها الخـوف
♡♡♡♡♡♡♡♡♡♡♡♡♡♡♡♡♡
- الناصـرية
* نــــور :-
جنـت كاعده انتضـر ريا ترد عليه راسلتها من الصبـح
ولهسه ما شافت الرسالـة !!!
ضل بالي يمها كلت الا اكو شي والا هي من اراسلها شويه وترد عليه او ورا ساعتين هيج بس هسه ماكـو نهار كامل مختفيه…
رجع راسلتها مره ثانيـة وانتضرها ترد وهم ما ردت كلت بـ كلبي يا ربي شبيها بس لا صايرلها شي…
سمعـت الأذان وكمت توضيت وصليت ودعيت ربي ما يصيرلها شي ويحفضـها…
ريا بـ النسبة اليه مو بس بت عم لا هي اكثر من بت عمي واعتبرها اختي الثانيـة الي ما جابتها امي…
من الطفولة واحنـا سووه كلش احبها متعودين دائماً وحده متضم شي عن الثانيـه اسرارها يمي واسراري يمها اثق بيها اكثـر من روحي واعرفها من نظـرة وحـده ما يمر يوم اذا ما اراسلها او وحده تتصل ؏ الثانيـة…
كملت صلاة ونزلت جوه ساعـدت امي بـ العشـه…
ورا العشه جنـا كاعدين كلنا مجموعيـن بـ الصالة جانـو ملتهين بـ السوالف واني بالي يم هاي الحماره الي ما كاعده ترد عليه والله قلقتني عليها شلـون…
راسلتها واتصل عليها ؏ النت وماكو شلون سالفه لعد الرصيد ؏ حضي هل مره ماكو !!!
تذكرتها من تكول احب بـ الليل اكعد بـ الحديقـة كمت طلعت برا وكعدت بـ المرجوحـة الي موجوده بـ الحديقـة وضليت اهز بيها راسلت البنات بـ الكروب وسألتهن اذا وحده من عدهن متواصله وياها كالن لا…
دخلت جوه وصعدت لغرفتي طلعت كتبي والملازم وكعدت اقره شويه طبعاً نسيـت اكللكـم اني ادرس هنـدسة تقنيات الاجهـزة الطبيـة مرحلـة ثانية ريا اكبـر مني بـ سنـة هي حالياً مرحلة ثالثة بعد شهـر ويصير عمرها 21 سنة…
ضهـري كام يوجعني هلكد ما مدنكـه فتحت التلفون هم ما لكيت رسالـة من ريا شنو سالفتها هاي البنية !!!
كمت لميت كتبي ودخلت للحمام غسلت ورجعت طفيـت الضوه وتمددت ؏ السرير ضليت افكـر بيها الى أن غفيت بدون ما احس ؏ نفسـي…
كعـدت ثاني يوم الصبح غسلت وتريكـت ورجعت بدلت وطلعت للدوام…
انتهـى الدوام بين المحاضـرات والكافتريا وسوالف البنات الى ان طلعت للبيت هلكانه من التعب دخلت للبيت صعدت لغرفتي غيرت ملابسي وغسلت وجهي وذبيت مي ؏ ركبتي تعاجزت اسبح ما بيه نزلت جوه لكيت اهلي متغدين دخلت للمطبخ صبيت الي وكعدت اكـل كلش جوعانه جنت رغم اكلت بـ الدوام بس هم اجوع…
أنت تقرأ
السجيـن " بـ اللهجـة العراقيـة "
Romansa" في أعماق الظلام، تألقت شمعة الأمل في قلبه وأشعلت النيران التي أعادته للحياة حيث كانت السجون تحبس جسده لكنه لم يستطعوا أن يحبسوا روحه المتألقة وإرادته الصلبة " قصـة جديدة واحداث جديدة ومشوقـه لنـرى معاً ماذا سيحدث في روايـة " السجيـن " بـ قلمـي...
